مرثيه في فقيد الوطن صاحب السمو الملكي الأمير عبد المجيد بن عبد العزيز آل سعود رحمه الله

للشاعـر عبـدالله القثامـي .


عزي لمـن سـود الليالـي دهنـه
أمسى فرح وأصبح على فقد غالـي

أمسى بعز وطيـب عيـش ومغنـه
ليـل مـن اعـز ألليـال الخوالـي

وأصبح وقلبه يقرع أقـراع شنـه
من فقد أبو فيصل كريـم السبالـي

عبد المجيد أصـل ألوفـا والمحنـه
يا لله يا والـي علـى كـل والـي

ترحم حليـف ألمرجلـه والمضنـه
اللي مشى فـي منهجـه بالعدالـي

ومشاعري عقـب البطـا مستكنـه
ومن عقب أبو فيصل حميد ألخصالي

أجـاذب العبـرات واجـر ونــه
كثيـر مـن يبكيـه مانـي لحالـي

يبكيه مـن سـود الليالـي حدنـه
على شراب المـر عقـب ألزلالـي

ويبكيه من يعطيه مـن غيـر منـه
يعطي كثير وفي العطـا مـا يبالـي

يمنـاه للمحتـاج فـردوس جـنـه
كم شال عن شعبـه حمـول ثقالـي

المجـد والمعـروف الطيـب فنـه
مرحوم أبو فيصـل بعيـد المدالـي

وفي ضل عرشك ضل وجهه ودنـه
يا رب ياللي في السمـاوات عالـي

والموت يا فيصل على الناس سنـه
وأنت العوض وأنت الصديق الموالي

الله الله ..

من جد أكثـــر من رائعه ..

ساعات الشعــر والخواطــر تطلع الي بقلبب الشخص من مشــاعر وأحــاسيس تكون صادقه ..

صح لســان ناقلهــا وكاتبها..

دمت بود ولاهنت ..

مشكوريـن علـى مروركـم الأجمـل .

نااااااايس تسلم اخوي ع القصيده .... الله يعطيك العافيه ....

صح السانك وقصيدة جميلة وانا اجزلها

وفالك المليون

سلمت يمينك وصح لسان شاعرها