في تاريخ 15/1/2006

فقدت الامه العربيه شخص عزيز على قلوبنا ولن ننساه ابدا

في الساعة 4 فجرا كنت قاعده اطالع التلفزيوون بروحي وكل اهلي نايمين ماحسيت الا امي نازله تركض من الدرج ومنصدمه تقولي حطي عل القناة الاولى وانا مادري شالسالفه قعدت اصارخ شنو في وامي تقولي رفيجتي طرشتلي مسج تقول الشيخ جابر توفى
انا هني نصدمت عبالي مقلب وعلى ماقلبت القناة ولا المذيع يذيع خبر وفاه ابوي جابر انا هني قعدت ابجي وامي تبجي وابوي ماكان موجود كان مسافر لندن ورحت قعدت اختي الكبيره وصليت ركعتين دعيتله بالرحمه .والمدارس عطلت ونكست الاعلام وكل القنوات قفلت تبث ايات من القران وكل الناس طلعو بره بيوتهم يبون يشاركون بدفن الغالي

اندفن الشيخ جابر في مقبره الصليبخات ورفض انه يميز قبره باي شكل من الاشكال حتى بعد موتك متواضع يا يبى

انا اقووول لبوي جابر يايبى ترى والله مانسينااك وانت بقلوبنا يا امير القلوب وكل شعبك يدعيلك لي اليوم

وابشرك يا يبى ترى الخاين اعدموه واخذنا حقنا منه الحين الحين تقدر تنام بسلام وترتاح عيون الارامل والثكالى من البجي على ازواجهم وعيالهم >>>على فكره ابوي كان اسير والحمدالله ردلنا بسلامه

ياسبحاااااااان الله يموت المجرم صدام حسين قبل 16 يوم من ذكرى وفاة الشيخ جابر

ان القلب ليحزن وان العين لتدمع وان على فراقك ياجابر لمحزونون




>>اقدملكم هذا التصميم :تفضلوو

http://web.1asphost.com/safa3eed/jaber.htm

الله يرحمه ويسكنه فسيح جناته


مشكوره نور الدنيا ............

العفو يا غشام ........

اميـــــــــن يارب ..

ويسلمووووووووووووو عل مرووووور ,,,,,

الله يرحمه ويسكنه فسيح جناته

كان يوم محزن للجميع

مشكوره اختي نور

الله يرحمنا برحمته ويرحم الشيخ جابر ويسكنه فسيح جناته

وكل نفسٍ ذائقة الموت هم السابقون ونحن اللاحقون

الله يرحمه الشيخ جابر ويسكنه فسيح جناته

يعطيكِ العافيه أختي

مشكوووووووووورين على مرور ويعطيكم العافيه ....

ولا شكر على واجب,,,,,,


الله يرحم موتانا وموتى المسلمين.....

رحم الله ابو مبارك رحمه واسعه

واسكنه فسيح جناته ..

لقد فقدت الامه قائد لا تغيب الابتسامه عن محياهـ

ولقد افتقده شعبه خصوصا واهل الخليج عموما ..


ورحم الله موتنا وموتى المسلمين ..،،


الف شكر على هذه المشاركه الجميه يا اخت نور الدنيا ..،،

الله يرحمه ويسكنه فسيح جناته ويرحم جميع اموات المسلمين ....

الله يرحمك يا أبو مبارك فعلاً نعم الرجل