صارحيني في البدايه واكشفي عنك اللثام **** لاتقولي لي احبّك وانت شكلك تكذبيـن

المحبه يابنيّه ماهـي دعـوى بالكـلام **** المحبه شي ثاني ! يمكن إنك تجهليـن

افهميني يابنيّه وادرسي هرجـي تمـام **** المحبه قلب ينبض في صدور العاشقين

المحبه شي أشبه بالغرام وبالهيـام **** المحبه دم يمشي في عـروق الهايميـن

المحبه نور شمسً مايغطيها الظـلام **** المحبه همس ناطق في عيون المغرمين

المحبه ماهي لحظه المحبه الـف عـام **** المحبه شي ثابت ما تزحزحـه السنيـن

المحبـه تضحيـات مايقيدهـا النظـام **** المحبه ماهـي لعبـه لانويتـي تلعبيـن

المحبه شي طاهر مثـل هتّـان الغمـام***** المحبه نبع صافـي يابنيّـه تفهميـن ؟

آآآآآه منك يابنيـه لاتغشّينـي حـراااام **** إنا يكفي ماجرالي من عذابي والحنيـن

طالبك لاتجرحيني ..أتركيني في سـلام **** لاتقولي لي أحبك وأنت شكلك تكذبيـن

صح لسانك يا ندى الورد


صراحه قصيده أعجبتني كثير .. لا عدمناك


تحياتي

صح بدنك





وييسللموووووو ع االمرور