سر ياقلم واكتـب بـذوق ولباقـه
ورحب وهل وخل للحبـر دوراق
رحب بخـط مبرزيـن الصداقـه
ماهي صداقة قوم ملحـق ولحـاق
لـون مالـك بالمشاكـل عـلاقـه
عيب ٍ لياهاش الخوي رفعت الساق
والبيت نفس البيت ستـرة رواقـه
ودك يصير البيت مستور بـرواق
وانا بلشت بيت صعـب الغماقـه
عجزت لاكشف مدخله بأي الاشناق
ياليت حامـد حـط للبيـت طاقـه
ان كان ريح عيد من عشرة اطياق
لالا ماظنـه يعتـرف بالعشـاقـه
لأن المحبـة كلهـا هـم واقـلاق
درت بكـرا سريـعـن فـواقـه
دقيقتيـن وماتعـداهـن افــواق
الصبر جيش عداك يعـدم سباقـه
وبعد الظلام الشمس تبدا بالأشراق
يمكن عقيـد القـوم يلـغ اتفاقـه
ويرفع حضر منع التجول بالاسواق
يقوله اللي صبرت الوقـت ذاقـه
تطعم الحلتيت فـي مـر الأريـاق
تعلمـو فيـه اصدقـاه الحـلاقـة
مغرور غافل وانتبه عقـب مافـاق
اغتر في بعـض العلـوم الرقاقـه
لين راسه صنفره مـوس حـلاق
اللي صفقني كيف ابنسـا طراقـه
الله يلعن نوب تحسيـن الاخـلاق
ابعـد ليـا اوذاك الرفيـق بنفاقـه
وشلون لو ماالله خلق بعد وفـراق ]

ابعـد ليـا اوذاك الرفيـق بنفاقـه
وشلون لو ماالله خلق بعد وفـراق




الله عليك يا فهود صح لسانك وانا اخوك




تحياتي

مشكور علي الموضوع