السلام عليكم

قصيدة أعجبتني واحب ان انقلها لكم واتمنى ان تنال إعجابكم


اشتقت لك والقلب تـوه مودعـك
لحظة غيابك أشعلـت فينـي الشـوق

بلحظة وداعك كنت تخفي مدامعـك
عني ودمعك تفضحـه لمعـة المـوق

وتقول بكيّتك وأنـا كنـت أدلعـك
أيام تمضـي والهنـا معـك ملحـوق

يا غايتي والدمع ينزل وأنـا معـك
بساعة صفا ما كدر الصفـو مخلـوق

لا من تذكرت السفر قمت أطالعـك
ودمعي يسيل ويرسم بخـدي حـروق

كيف يتحمـل خافـق دوم يتبعـك
لا غبت كنه خارج الصـدر مسـروق

لو كنت أقدر كان بيدينـي أمنعـك
وآخذ عليك العهـد ثابـت وموثـوق

عشت الهوى والحب باجمل مرابعك
حب زرعتـه أثمـر نخيلـه عـذوق

وأسقيتني حبك من أعذب منابعـك
يا خير من يمشي على الأرض معشوق

تسمو بأخلاق الرجولـة وترفعـك
عن الدنيـا روعـة الخلـق والـذوق

يأسر كلامك لب عقلي وأنا اسمعك
والحكي عندك لـه مفاهيـم وحقـوق

آخر لقا كانت همومـك تصارعـك
ذاك المسـا والجـو أمطـار وبـروق

تضحك ولكن زفرة الهـم تمنعـك
وتصد عني وجهـك تناظـر شـروق

يوم السفر هلت دموعي وأنا معـك
دمعة عيـون خلفـت فينـي حـروق

قلب حرقه الشوق لحظة موادعـك
واشعل غيابك داخله لاهـب الشـوق

آخر لقا كانت همومـك تصارعـك
ذاك المسـا والجـو أمطـار وبـروق

تضحك ولكن زفرة الهـم تمنعـك
وتصد عني وجهـك تناظـر شـروق


اكثر القصائد تأثيرا بي

هي تلك التي ..تتحدث عن الفراق

خاصه في السفر


سعودي

لاهنت عالنقل الرائع

وصح لسان القايل

أسعدني مرورك وردك الجميل عزيزتي

دمتي بدوام الصحة والعافيه

موفق في اختيار قصائدك
وبوركت على النقل الرائع

اشكرك على تشريفك الصفحه

صح لسانك واختيارك الجزل للقصيدة

صح لسانك ..,,

نقل روعة من "انسان اروع" ..,,

تسلم يالغالي ..,,

قلب حرقه الشوق لحظة موادعـك
واشعل غيابك داخله لاهـب الشـوق

عشـت هالقصيدهـ واللـه ..

صـح السآنـك ياسعودىىآ ..
ويعطيك العافيـه ماقصرتـ ..
تحيآتىىآ

الله عليك يا سعسع
تعجز الحروف على انها تعبر عن مدى اعجابي بابداعك ..
روعه خيوو ..
بس ..








































أنت أروع ..

تقبل مروري ..
غلاوي