الله يسلمكم نورتم وهذي التكمله لعيونكم..

___________________________

بعد صلاة العشاء الكل كان صاحي ما عاد مرام , نوع نومها من الثقيل ..
روضة : مرام يا مرام قومي راح نخرج ومحد راح يقعد معاكي هيا قومي .
مرام : بليز طنت سيبوني أنام والله مو طايقة نفسي , ولدك ما خلاني أنام .
روضة : ولدي مين أوه شكلكِ نايمة ولؤي أزعجك , يا أفنان ريهام يا بنات جيبوا سطل موية باردة عشان نكبوه على مرام .
مرام : ((تعمل نفسها تبكي )) طيب ..طيب أوف لا في البيت أعرف أنام ولا اليوم كمان .
روضة : يلا بلا دلع بنات , كل البنات الي في الجناح تحت في اللوبي ما عاد انتِ لوحدك مع أفنان و ريهام وندى .
مرام : طيب فين رايحين ؟
روضة : نتمشى نشوف الطائف ونطلع الهدى والشفا ونروح الأسواق .
مرام : الله يخليكي اليوم نروح الأسواق ونتعشى في المطعم , صراحة ما فيا أطلع الهدى ولا الشفا .
روضة : براحتك نخلي يوم تاني أحسن , يلا قومي .

((راحت مرام على الحمام سوت شاور مرة تانية " تموت في النظافة " وبعدين جللت شعرها وحطت ميك آب خفيف وحلو ولبست عباية مطرزة بالأزرق , والله يكرمكم جزمة باليه زرقاء وشنطة و نزلت معاهم ))

ندى : بالله عليكي بتروحي بهذا المنظر .
مرام : كيف يعني ؟
ندى : منتي شايفتنا خالعين الطرح وفاتحين العبايات .
مرام : بس , عشان كده ليه لاء أفسخ الطرحة وأفتح العباية كلها .
ندى : برافوا عليكي , بس شعرك جيبي من هنا , ايوا صرتي بيرفكت برايت .
مرام : والله .
روضة : كل واحد على السيارة يلا .
ريهام : مرام تعالي نركب مع أحمد وعبد الله .
مرام : يلا جاية .
((وهيا راكبة السيارة طالعها عبد الله من فوق لتحت ))
مرام : يا الله أمل أبعدي شوية فين حاشرة نفسك .
أمل : عاش من شاف شوف مين يتكلم والله .
مرام : أبعدي وحطي يدك في حنكك .
ريهام : خير ليش صاحية منكدة ؟
مرام : أنا مو متعودة أول ما أصحى أخرج .
ريهام : أقول ما انتِ مع بابا ولا ماما عشان تقولي ما ني متعودة .
عبد الله : خير ليش محاربين البنت , يعني أحمدي ربك وافقت تجي .
مرام : الله يسلمك يا عبد الله طول عمرك ولد ذوق .
عبد الله :وانتِ كمان ذوق معايا من أول ما عرفتكِ .
أمل : بس ما صارت دفاع عن النفس .
ريهام : بل بل بل بل خير ليش معصبة ما قالوا شيء .
أمل : يوووووه زودوها أنا ما أحب أحد يعمل هذه الحركات قدامي .
((أمل كانت من هيا في المتوسطة كانت حاطة عينها على عبد الله بس ما أحد كان يدري , حتى ريهام اكتشفت يوم ما غارت من مرام ))
وطول الطريق كانوا حاطين راشد الماجد ورقص و وناسة مخلينها ومعلينها للآخر ..

وصلوا السوق ...كان شبيه بشارع التحلية لكن الي في جدة أحلى من الطائف .

مرام: يلا على الوناسة .
البنات : ووووووووووووووووو .
ريهام : على قول راشد خلوها وعلوها .
البنات : ووووووووووووووووووووووو.
روضة : بس فضحتونا شوفوا كيف الشباب يطالعوكم .
ندى : تعالوا ندخل نشوف كيف حريم الطائف يطالعونا .
مشاعل : هما عندهم البنات الصيع لمن تبين عيونها كيف احنا كل شيء .
مرام : ايش هذا تعقيد صراحة .

((ودخلوا البنات ....وأول ما دخلوا الشباب يطالعوهم ومتجنين على جمالهم , لمن دخلوا كانوا كأنهم نجمات هوليود يمروا من جمب المعجبين والحريم يحشوا وينموا فيهم ))

روضة : والله يا تهاني أول مرة أشوف ناس مفجوعين .
تهاني : من شان بناتنا يامو واخواتي فيهم جمال رباني يامو .
روضة : معاكي حق .
أماني : ريهام مرام أفنان مشاعل تعالوا نروح على مانجو .
ريهام : يلا كمان أشوف ايش طلعوا فساتين جديدة .
مرام : طيب انتوا روحوا هناك وأنا رايحة زارا .
ريهام : خذي معاكي أحد لا تروحي لوحدك .
مرام : مين مافي ولد .
ريهام : يا عبد الله .
عبد الله : آمري خير .
ريهام : روح مع مرام على زارا .
مرام : أنا ما قلت لكِ عبد الله .
ريهام: روحوا .
عبد الله : ((ابتسامة عريضة ))

((وراحوا على زارا ومرام ماهي عارفة تتفرج على الملابس عشان السيد عبد الله وراها في كل مكان ))
عبد الله : ما عجبك شيء ؟
مرام: ما آدري أدور .
عبد الله : طيب شوفي هذا الفستان راح يطلع عليكي مرة روعة .
مرام : مرة حلو , تعرف تختار .
عبد الله : ولو حرمتي .
مرام : زودتها , ((وتكلم الموظف )) بليز أعطيني مقاس ميديم .
الموظف : عاوزة اللون الأبيض والأسود ولا البني والبيج .
عبد الله : الي معاكي حلو .
مرام : أوكي هات اللون الأبيض والأسود .
الموظف : طيب لحظة أطلع لك المقاس .
عبد الله : مرام شوفي كم سعره ؟
مرام : 150 ريال طيب مرة طيب .
عبد الله : طيب الفستان بسيط وقصير ليش سعره كده .
مرام : البنطلون الي تشتريه من ديزل كم سعره ؟
عبد الله : يعني أيام التخفيضات على 130 أو 140 ريال لكن في الأيام العادية على 200 أو حسب نوع البنطلون .
مرام : حتى إحنا كمان الشيء البسيط غالي .
عبد الله : بالله شوفي الحيوانة ريهام كيف تطالع من الزجاج حق المحل .
مرام : مو هيا خلتك تجي عاد روح لأختك وأتصرف معاها .
عبد الله : أوف منها من بنت , هيا جاب لك الفستان يلا على الكاشير .
مرام : طيب لحظة أنا أبى أدفع .
عبد الله : مافي أنا أدفع .
مرام : لا تذكرني بفارس ترى الي فيا كافيني والله أنا أدفع .
عبد الله : طيب لا تزعلي بس .
((وتدخل ريهام ))
ريهام : وقاعدين تضحكوا وتتكلموا وأخذين راحتكم خير .
عبد الله : شر في وجهك انت شر ايش تبغي .
مرام : حتى في السوق تتضاربوا .
عبد الله : أشتريتي هيا على برى .
ريهام : ايش عملتي في دمه .
مرام : ما عملت شيء بس جيتي خربتي الدنيا .
ريهام : طيب في ستار بكس هنا .
عبد الله : عمية ما نتي شايفة أمك وأبوك قاعدين فيه .
ريهام : ليش معصب .
عبد الله : عشانكِ جيتي .
مرام : لحظة أبى أروح نعومي .
ريهام : ليش ؟
مرام: عجبني هذا القميص .
عبد الله : هههههههههههههههه .
مرام : خير تضحك ؟
عبد الله : مو في سنك القميص
مرام : أنا عاجبني .
ريهام : بالله عليكي تلبسي هذا في البيت ما تستحي من أخوانك .
مرام : لا عادي بس عزوز يعلق كتير .
عبد الله : معاه حق هذا القميص ما يتلبس الا في بيت زوجك وبس .
ريهام : ووووووووو .
مرام : ((منحرجة من كلامه ))
عبد الله : مو قصدي بس تبغيه نروح نشتريه .
مرام : لا ما أبغى معاك حق .
ريهام : ايوا اسمعي كلام زوجك فاهمة .
مرام : ريهام .
ريهام : مرام .
مرام : عبد الله .
عبد الله : يا عيون عبد الله .
مرام : شوف أختك .
عبد الله : حلو اسمي على لسانك الحلو , ريهام سيبها زودتيها .
مرام : حتى انت زودتها أسكت .
ريهام : من حفر حفرة لأخيه وقع فيها هههههههههههههههه .
عبد الله : يلا نروح على فين ؟
ريهام : ليش ما نروح نتعشى في مطعم صيني والله فلة .
عبد الله : كلموا العجوز والعجوزة .
مرام : احد يقول لأمه وأبوه كده .
عبد الله : آسف مو قصدي أقول لهم كده لزقت لسان بس .
مرام : أغلى شيء عندنا في الدنيا هما .
عبد الله : يعني مو أنا .
مرام : أنا غلطانة أني قلت لك يا ريهام طيب جاية الطائف لازم توتروني .
ريهام : فين رايحة ؟
مرام : غصبن عن أنفك راح أشتري القميص .
عبد الله : هو في أحد قال لها لا تشتري القميص .
ريها م: لا .
عبد الله : الله يشفي مرضانا ومرضى المسلمين

((وراحت مرام على نعومي أشترت القميص الحلو , وراحوا على المطعم الصيني أتعشوا وخلصوا وراحوا على الفندق ))
ندى : يا بنات تعالوا نجلس في الأرض .
أفنان : ليش ؟
ندى : نلعب حكم .
مرام : أنا أكره هذه اللعبة .
ندى : يا هو ايش القميص الخالع هذا .
ريهام : ههههههههههههههههههههههههههههه .
أمل : مو حلو عليكي .
مرام : ما أحد طلب رأيك .((والأتنين شمقوا على بعض ))
مشاعل : مرة يجنن بس هذا تلبسيه في بيت زوجك مو معانا .
ريهام : قلت لكِ ما ينفع لك , حتى عبد الله قال لها بس ما تسمع .
أفنان : هو حلو عليها بس ما ينفع الا لمناسبة وحدة .
ندى : يا فيلسوف أفنان ايش هيا ؟
أفنان : بطلوا إستهبال ؟
مشاعل : مافي قولي يا عروسة .
ريهام : أفنان باقي شهر وتتزوجي وتعرفي طعم المناسبة .
أفنان : قليلين أدب .
مرام : هيا أنا راح أجلس يلا نلعب .
ندى : من دحين أقول لكم اللعبة منجد , وكل حكم يتنفذ الا الي خيال وما أظنكم راح تلعبوا في الخيال .
لؤي : وأنا ؟
أماني : روح عند الشباب لمن نخلص نجي نزهمك .

((بدأو اللعبة ))
ندى : أفنان تحكم على مشاعل .
أفنان : قومي أستحمي .
مشاعل : دوبني أستحميت .
ندى : تنفذي ولا مطرودة .
مشاعل : أوريكي يا أفنان .
ندى : ريهام تحكم على مرام .
مرام : حني عليا .
ريهام : أبشري .
ندى : يلا ايش حكمك يا ريهام .
ريهام : تروحي تدقي الباب على الشباب وترجعي .
مرام : أخاف .
ريهام : روحي .
مرام : طيب قوموا معايا مو لوحدي .
البنات : يلا .
((جناح الأولاد كان قدام جناح البنات بالتمام وجناح الحريم كان بعيد شوية ))
مرام : هيا تعالوا ..
((ودقت مرام الباب بسرعة وجات تبى تدخل سكوا البنات الباب عليها , وقعدت تخبط ومو راضين يفتحولها , وقعدت تطالع يمين وشمال ما في أحد بس الورطة الي هيا لا بسها , كانت لا بسة قميص نوم مرة شفاف وعريان ولونه وردي وأبيض وشعرها كانت فاردا ولابسة أساور عشان السهرة و ميك آب خفيف ,
ومن حظها الي فتح لها عبد الله ))
عبد الله : مرام ايش تعملي هنا .
مرام : البنات حبسوني .
عبد الله : ((مو عارف يكلمها عشان القميص حقها ))
راضي : مين يا عبد الله .
عبد الله : واحد غلطان , قولي لي ايش أعمل دحين الكل صاحي .
مرام : كنا نلعب ....
رامي : مرام , ايش جابك هنا .((معصب
مرام : وربي البنات حبسوني برى .
رامي : لحظة ثواني وجاي .
عبد الله : هذا القميص الي أشتريتيه اليوم .
مرام : ايوا ((خجلانة من نفسها مووت ))
رامي : خذي أستري نفسك ودحين أتصل عليهم يفتحوا ليك الباب .((جاب لها غطاء السرير ))
عبد الله : مرام هذا شرشفي مو تنجسيه .
مرام : احترم حالك .
رامي : الو أفنان ليش جايبين مرام عندنا .
أفنان : هيا دخلت عندكم .
رامي : وفتحنا كبرياهات كمان .
أفنان : كنا نلعب حكم وقولنا لها تدق الباب عليكم وتجي , بس إحنا كملناها وحبسناها برى .
رامي : إذا تبغوها تجي , تجي مستورة .
أفنان : ههههههههههههههههههههههههههههه طيب دحين نفتح لها الباب .
رامي : هيا روحي ولا تجي بهذا المنظر تاني .
مرام : آسفة ((وراحت وعلامات الحزن عليها ))
عبد الله : مرام عجبتكِ .((قصدوه على الرسالة ))
مرام : ((ابتسمت ))

((وأول ما دخلت على جناح البنات قعدوا يتريقوا عليها وهيا تصرخ ومعصبة وضحكوا لمن لقوها حاطة شرشف السرير على رأسها كأنها لابسة عباية فوق الرأس ))


الساعة 30: 4
دق جوال ريهام وكان المتصل حبيبها أحمد وقال لها توقف عند الباب عشان يبغى يكلمها وزهمت مرام .
ريهام : أهلين أدخل .
احمد : بس سطرين .
ريهام : نعم .
((مرام قاعدة تراقبهم من المطبخ ))
احمد : راح أغني لكِ الليل يا ليلاه .
ريهام : تسلم .
((وغنى لها , وكان صوتوا مرة يجنن كان صوت الطرب منجد , و مرام أتذكرت فارس لمن كان يغني لها ويكتب لها أشعار وخواطر عنها , فالمسكينة طاحت على الأرض وقعدت تبكي ))

ريهام : يلا باي .
احمد : باي .
ريهام : مرام , هه مرام ايش فيكي ؟
مرام : جيبوا لي فارس مو ذنبي .
ريهام : مرام لا تعصبي قومي مرام .
مرام : ...............
ريهام : أصحي فارس مات ما تفهمي .
مرام : بس أحبه .
ريهام : حبيه بدعواتك مش ببكائك .
مرام : ما آقدر وربي يشبه عبد الله لمن أشوفوا عبد الله أشوف فارس نفس ضحكته وابتسامته ونحفوه وطولوا ويأخذ من ملامحه وكل شيء في له زي فارس .
ريهام : تعالي لا تبكي , نامي أحسن اليوم تعبنا
مرام : ايوا أحسن لي

وراحت هيا وريهام على غرفتهم ونامت ريهام , لكن مرام ما قدرت تنام مع التفكير بفارس فحطت الوكمان حقها وقاعدة تسمع لأغنية Whitney Huston –TrY It on MY one
" يا قراء أسمعوها مرة روعة تجنن ومرة رومانسية " وقعدت تبكي عشان هذه الأغنية كان فارس يموت فيها بالمرة وكان دايماً يغني لها هذه الأغنية والمسكينة ما نامت الا الساعة 7:30الصبح ...


الجزء الثلاثون " ما قبل الأخير "


صحيت مرام الساعة 12 الليل ولقت الجناح ما فيله ولا أحد مرة كان فاضي ...فراحت أستحمت ولبست برمودا جينز وبلوزة زهري عريان و فتحة صدر و فيله وردات من الأطراف ولبست آساور وحطت ميك آب مرة حلو وجللت شعرها ورفعته من النص ولبست الله يكرمكم جزمة باليه لونها بيج وراحت على جناح الحريم ..


ودقت الجرس ...
وفتحت لها ريهام ..
ريهام : صح النوم .
مرام : مين في ؟
ريهام : الكل .
مرام : خذي عبايتي .
ريهام : هاتيها .
((وأول ما دخلت الكل كان ساكت ويطالع الجمال هذا والعيون الملونة الملفتة للأنظار ))
عبد الله : نعيماً .
مرام : الله ينعم عليك .
روضة : تعالي يا مرام ما تبي تتعشي .
مرام : ميتة جوع .
روضة : طيب بعدي لها يا أفنان .
أفنان : تعالي جمبي .
مرام : خير ليش ما صحيتوني .
أفنان : جينا نصحيكي لقينا الدموع في عيونك والوكمان على آذنك خير .
رامي : بالله أحد ينام والوكمان عليه .
مرام : .........................
ريهام : لا ما فيها شيء .
روضة : والله يا مرام العروسة يوم ليلتها ما تنام نومتك ما شاء الله , أجل لو أتزوجتي متى راح تصحي , عاد أول ليلة طويلة .
راضي : هذا كلام يتقال قدام البنت شوفي كيف شكلها صار وكمان في عندنا صغار كتير .
روضة : طيب يا زوجي .
عبد الله : مرام تبغي فتوش ولا سلطة خضراء .
رامي : هيا لو تبغى كان قامت جابت من المطبخ .
عبد الله : هيا ترى قمت ايش تبغي .
مرام : أقوم معاك .
عبد الله : ((انتصرنا والناصر الله ايوا انتصرنا والناصر الله ايوا ))

في المطبخ ...
مرام : شكلي راح أخذ من الفتوش .
عبد الله : مرام ليش اليوم كنتي تبكي ؟
مرام : لمن أنام أحب أطلع مشاعري .
عبد الله : طيب ما زعلتي يوم ما طردك رامي .
مرام : لا , لأني أنا الغلطانة وصدقني لو كان غلطان كان زعلت منه .
عبد الله : اليوم مرة شكلك حلو .
مرام : خلاص عاد دوبي استحميت شوف بعد شوية كيف أصير .
عبد الله : لو تقعدي بنجاستك تفضلي حلوة في نظري .
مرام : أنا طول عمري حلوة وأفتخر .
عبد الله : ((يغني لها )) يعني يعني ما وديت تجينا يعني متكبر علينا يعني متكبر علينا .
((ويدخل راضي أبو عبد الله ))
راضي : ما صارت سلطة يا أولاد صارت هرجة خير طولتوا .
مرام : مو عارفة أخذ سلطة خضراء ولا تبولة ولا فتوش .
راضي : والله انك خايبة روحي خذي الصحون كلها وكوليها .
مرام : لا ما آقدر كلها لا مرة لا .
راضي : ليش ؟؟
مرام : عشان أحافظ على توازن وزني وكمان أبى أخسس شوية .
عبد الله : والله جسمك مرة حلو لا تخسسي ولا شيء تصيري زي أمل صعلوكة مو حلو شوفي ريهام وأماني أجسامهم زي جسمك ليش ما خسسوا .
راضي : انقلع من المطبخ .
عبد الله : خير ؟
راضي : زودتها بالمسخرة .
مرام : ((وهيا ماشية تغني )) في الأيام ليالينا والفرحة الي في عيننا لما بنكون لوحدينا ودايبين في غرام .
راضي : أصلكم ما تستحوا كمان قدامي .
عبد الله : بابا والله قصدها عليك ((تكذب ...قول قصدها عليا ))

((وشبعوا وأكلوا والكل جلس في الصالة ))
روضة : مرام متى شهادتك ؟؟
مرام : يوم الثلاثاء .
روضة : يعني بعد يومين .
مرام : ايوا .
أم ندى : يا بنتي تعرفي تطبخي .
مرام : ((مترددة )) يعني مو مرة .
روضة : أمانة ايش تعملي ؟
مرام : حلويات وسلطات واي شيء خفيف .
أم ندى : يعني جاهزة يا مرام .
مرام : جاهزة لي ايش ؟
روضة : للزواج .
الشباب والبنات : ههههههههههههههههههههههههههههه .
مرام : ايش زواج يا طنت صراحة أنا مو مستعدة .
روضة : مو ناقصك شيء جمال ودلال وبنت حلال وتعرف تطبخ ايش نبغى كمان ((وجهها صار إشارات المرور , وعبد الله يطالع مرام عشان هذا الخبر يهموا ))
مرام : الله يسعدك يا طنت روضة قفلي الموضوع .
روضة : والله دحين عندنا أفنان باقي لها شهر وتتزوج وريهام قبل ما تسافر راح يخطبها احمد ومشاعل مخطوبة باقي انتِ يا حظي ولا في بالك احد .
ريهام : أعترفي مرام .؟؟؟
البنات : ههههههههههههههههههههههههههههه .
أفنان : مرام إذا اتزوجت راح تتزوج الي حاط عينو عليها وهو عارف نفسه .
راضي : قصدك على عبد الله .
رامي : عبودي يا هووووووو مبروك مقدماً .
لؤي : الف مبروك يا مرام .
روضة : ((تزغرط مع الحريم ))
تهاني : أي والله والله يا مرام ما بدي لخيا عبودي غيرك انتِ وانا بحبك من قلبي عنجد .
أمل : مين قال انهم يليقوا لبعض .
أم أمل : اسكتي يا حيوانة انتِ لساتك صغيرة بكرة تكبري وتصيري في الجامعة تتزوجي .
مرام : انتوا مين قال لكم عبد الله في بالي
((الكل مصدوووووووووووووووم ))
عبد الله : يعني حاطة في بالك واحد .
مرام : ايوا , في بالي فارس وبس ومن غيره ما أعيش .
((وراحت على جناح البنات وقعدت تبكي ))
روضة : مين هذا فارس ؟
ريهام : ماما هذا الولد الي كان يحبوها بس مات قبل كم شهر .
روضة : يا قلبي متأثرة البنت .
أماني : لازم تفتحي يا ماما هذه المواضيع , إذا تبغيها أخطوبيها لعبد الله من أهلها مو منها .

((عبد الله أول ما راحت مرام جري وراها وأخذ الكرت حق الباب من ريهام وقعد معاها ))

لقاها تبكي في الكنبة ..
عبد الله : مرام قومي مرام .
مرام : سيبني فكوني أنا مو طايقة نفسي يا ربي أبى أموت أبى أموت أروح مع فارس أحسن والله مو طايقة .
((وتروح مرام على المطبخ يعني تبي تقتل نفسها ))
عبد الله : انتِ مجنونة ((كف ...خلاها تطيح ))
عبد الله : تبي تموتي كافرة مجنونة انتِ هبلة ((يصرخ )) أنا كم مرة قلت لكِ فارس مات ولمن تبكي تعذبيه في قبره , ترى بكائك هو الي يخليه يتعذب وتزيد ذنوبه , مرام قومي .
مرام : بليز سيبني .
عبد الله :طالعيني مرام .. والله أحلف لك على القرآن .أنو أنا أحبك وكلمت أهلي عنك قلت لماما أبى أتزوجك , مرام أنا أحبك ومنجد أبغاكي زوجتي وحبيبتي وحياتي وكل شيء في هذه الدنيا وصدقيني راح أعوض عن كل شيء راح وراح تعيشي معايا سعيدة للأبد .
مرام : أنا كمان أحبك ((وقرب منها وحضنها بقلبه ))
عبد الله : أنا أتنفس هواكِ وأعيش في هواكِ وراح أفضل أموت على هواكِ .
مرام : ((تبكي ))
عبد الله : ((بعْد عنها )) مرام أنا أحبك وأول ما ننزل من الطائف بعدها فرح أفنان راح أتزوجك وراح نعيش أحلى أتنين صدقيني .
مرام : أخاف تكون تحبني شفقة عليا بس .
عبد الله : أنا من قبل ما آدري عن فارس وربي حبيتكِ مووت , صحيح أنو أنا عندي الصرع بس مو عارف راح تقبلي نعيش من غير عيال ولا ما راح توافقي عليا .
مرام : ((حطت يدها على فمه )) لا تقول كده أنا ما يهمني العيال يهمني انت وبس فاهمني .
عبد الله : طيب قومي عن الأرض طولنا في الجلسة .
مرام : ههههههههههههه
((أول ما قاموا عبد الله ما أتحمل جاذبية مرام فقام حضنها مرة تانية , ويقاطعهم الجو ))
أفنان : يا ويلي يا سواد ليلي هييي .
عبد الله : ..............
مرام : .............
أفنان : لا تعملوها تاني ها .
عبد الله : باي .
مرام : باي .
أفنان : عمى في إبليسك ليش يعني حضنك .
مرام : ............
أفنان : يا ويلي على الحب منجد صراحة لو الحق ما يتحمل ((وقامت حضنتها بقوة ))



الكل راح عند مرام وأستسمحوا منها لكن قالت انها كمان تبغى عبد الله وفرحة أهل عبد الله ما تنتهي ولكن باقي فرحة أهل مرام أو على الأقل ردة فعلهم ...

صباح الأثنين ...
الكل لبس وراح وجهز عشان يروحوا حديقة الحيوانات ..
روضة : فين مرام ؟؟؟
أفنان : ما تبغى تروح .
روضة : ليش تعبانة .
أفنان : من الليل تفرفر من بطنها .
روضة : يا حياتي طيب مين يتبرع من البنات أو الأولاد يقعد مع مرام حرام جالسة لوحدها مع الخدامة .
البنات : ...............
الشباب : ............
عبد الله : أنا يا ماما .
روضة : طيب خلاص أقعد معاها وإذا احتجتوا شيء تحتكم السوق ولا تخرج الا إذا اتصلت عليا فاهم إحنا كلها كم ساعة ونرجع أوكي , وخذ هذه 500 ريال لو احتجت شيء .
عبد الله : 100 ريال تكفي .
روضة : لو زاد عليكم شيء هاتها .
عبد الله : طيب .
((وراحوا الشلة على حديقة الحيوانات وطلع عبد الله عند مرام ))
وتفتح له الخدامة الباب .
عبد الله : فين مرام ؟
الخدامة : مرام مسكين جوه غرفة يبكي .
عبد الله : ليش ؟؟؟؟؟؟
الخدامة : بطن هذا مرام كتير يعور .
عبد الله : طيب خذي أنزلي الكوفي تحت أطلبي واحد هوت تشكوليت .
الخدامة :طيب ليش مافي انت يتصل هما في جيب .
عبد الله : خذي فلوس وروحي بسرعة .
الخدامة : هذا ولد مو كويس تقعد مع بنت ما يسير بابا عبد الله .
عبد الله : يالله روحي اشتري هوت تشكوليت

((ودخل على غرفة مرام لقاها قاعدة في السرير ومغطية وجهها بالبطانية وتبكي ))
عبد الله : مرام .
مرام : أه ايش جابك ؟
عبد الله : حزنت عليكي قلت قاعدة لوحدها أجي أقعد معاكي أونسك .
مرام : تسلم ما قصرت .
عبد الله : خير ايش فيها بطنك .
مرام : دايماً تألمني .
عبد الله : طيب ليش ما تروحي المستشفى .
مرام : لا عادي بس ...
عبد الله : أا فهمت عليكي آسف .
مرام : لا عادي
عبد الله : طيب أنا قاعد في الصالة لو أحتجتي شيء أزهميني .
مرام : أقعد شوية .
عبد الله : مرام ما يصير لو دخل احد فجأة لقانا في الغرفة والله يعملوا لنا حفلة .
مرام : على راحتك .
عبد الله : نومتي اليوم ؟
مرام : ما قدرت من ألم بطني .
عبد الله : طيب أجيب لك دواء شيء بنادول كله تحت أجيبوه .
مرام : عبد الله .
عبد الله : آمري .
مرام : لمن أحتاج منك شيء راح أزهمك أو أجي عندك .
عبد الله : طيب .

(( وبعد خمسة دقائق جات نورنتان الشغالة وجابت الهوت تشكوليت ))
عبد الله : اتفضلي .
مرام : ليش عذبت حالك .
عبد الله : هذا كويس لبطنك خذي .
مرام : مرة شكراً تسلم الله يخليك .
عبد الله : وهذه مجلة لها تقرأيها مع الهوت تشكوليت وأدلعي يا مرام
مرام : والله ما عمري أحد غريب دلعني زيما دلعتني اليوم .
عبد الله : دحين أنا غريب , أنا أقرب من أمك وأبوك وكل الدنيا هذه أنا زوجك ما تفهمي .
مرام : أي يا بطني يا ماما أيييي
عبد الله : توجعك طيب أجيب لك عصير شيء ((متوتر خلقة ))
مرام : لا , بس ما أبغى شيء أطلع .
عبد الله : طيب إذا أحتجتي شيء أنا برى أوكي .
مرام : طيب , أوكي .

اليوم كله مرام في غرفتها نايمة وعبد الله على التلفزيون الين جات الساعة 11الليل وصلوا الشلة ..
ريهام : فين مرام ؟؟؟؟؟
عبد الله : نايمة .
ريهام : من أول نايمة من أول ما خرجنا العصر .
عبد الله : ايوا .
ريهام : يا غبي مرام ...((تجري ))
((وتدخل على مرام تلاقيها نايمة ))
ريهام : مرام ..مرام نايمة .
عبد الله : ايش فيها ؟
ريهام : يا ربي ما ترد ,,,مرام يا أفنان أفنان أفناااااااان
أفنان : نعم ليش تصرخي .
ريهام : أفنان مرام ما ترد .
أفنان : هيا نومها ثقيل مرة .
ريهام: طيب جربي صحيها .
أفنان : مرام ..مرام ..مرام .
مرام : سيبوني أنام .
ريهام : عمى أحسب فيها شيء يا سمح الله .
عبد الله : أنا من أول قاعد هنا ما سمعتها تناديني ولا شيء .
أفنان : المهم تبغي شيء ؟
ريهام : على فين ؟
أفنان : أبى أروح عند رامي .
عبد الله : اليوم كله معاكي .
أفنان : أنا ما أشبع ايش أسوي المهم باي .
ريهام : ليش أخذتي بيجامتك .
أفنان : عشان لو فيا نوم ألبسها وأنام .
عبد الله : مو تنامي وتنسي إنك مو متزوجة .
أفنان : وفر نصايحك لنفسك .
ريهام : يلا رايحين ننام تبي شيء .
أفنان : ترى بكرة أنا ومرام ورامي راح ننزل جدة عشان نستلم شهادتها ونرجع في الليل .
عبد الله : أروح معاكم .
أفنان : أقعد هنا أحسن .
ريهام : طيب مو تتأخروا والله لو طولتوا راح أزعل أوكي .

((والكل راح لطريقه عبد الله راح مع أفنان و ريهام راحت تنام والبنات كلهم عشان يروحوا المقهى يشوفوا نتائجهم ))

الصباح ...
أفنان : رامي يالله قوم ورانا نزلة لجدة يالله .
رامي : طيب روحي دحين عند جناح البنات وبأتصل عليكي
أفنان : طيب رايحة .
رامي : أنتبهي لا أحد يشوفك ِ
أفنان : لا تخاف .

((وراحت للجناح ))
مرام : فين كنتي ليا سنة قعدت أستناكي وتصل على جوالكِ ؟
أفنان : أه كنت في اللوبي ايوا كنت في اللوبي مع رامي .
مرام : طيب أنا نازلة .
أفنان : لا لا لا لا لالالالالا خلاص شوية هو يدق علينا .
مرام : ايش فيكي اليوم .
أفنان : مافيا شي أنا فيا شيء لا مافيا شيء .
مرام : المهم ألبسي ملابسك .
أفنان : طيب شوية وننزل أوكي .
مرام : أوكي .

((وجهزوا وكل شيء وراحوا على السيارة وبعد ساعتين من التعب وصلت مرام للمدرسة واستلمت الشهادة والحمد لله مرام ناجحة وجابت نسبة 89. جيد جداً , وبعدين راحت على البيت عشان تسلم على أهلها ويرتاحوا شوية ويرجعوا الطائف تاني ))
عزوز : يا كلبة يا حيوانة يا زفتة يا مرام وحشتيني عمى في روحك كيف لو أتزوجتي والله أذبحك ((وطول الشتم والسب هذا وهو حاضنها ))
مرام : طيب والله راح أموت فكني .
أم مرام : كذه تسيبي أمك المسكينة قلقانة عليكي .
مرام : ما تباركوا لي نجحت .
الكل : ووووووووووووووووووووووو مبروك
أم مرام : تقديرك جيد جداً طيب يا مرام .
فهد : عقبال الجامعة احنا بكرة النتيجة .
عزوز: أوه نسينا أفنان كيفك .
أفنان : كويسة كيفكم أنتوا وحشتونا .
أم مرام : بشري ايش نتيجتك يا أفنان .
أفنان : أنا تركت المدرسة يا خالة هدى .
أم مرام : أعذريني والله نسيت .
مرام : أبى أروح أنام .
أفنان : وأنا كمان ما نمت زي الناس .
مرام : كيف نمتي وانتِ طول الوقت ما جيتي الغرفة .
أفنان : قصدي أخذت غفوة في السيارة .
مرام : أهلين كيفك معتز ؟
معتز : ولي عليكي تروحي الطائف من غير حس ولا خبر طيب يا مرام .
فهد : ترى الملكة والزواج راح نعملوا في نفس اليوم .
مرام : ليش خليه على الأقل بين كل مناسبة أٍسبوع .
عزوز: مستعجل على الزواج .
أم مرام : خلاص مرام روحي فصخي العباية وبعدين تعالي .

((وراحت أفنان ومرام ناموا وبعدين في العصر جاه رامي وأخذهم وراحوا على الطائف مرة تانية ))


وصلوا الهوتيل ...

ريهام : يا هلا مبروك النجاح ؟
مرام : الله يبارك فيكي .
ريهام : كم النسبة ؟
مرام : 89 جيد جداً .
ريهام : والله أنو أنا السبب صح .
مرام : لا عادي أنا كمان كنت متوترة وهذه الأيام وعشان فارس راح عني ما عرفت كيف أركز في دراستي .
عبد الله : مبروك يا مرام .
مرام : الله يبارك فيك , وانت نقول مبروك .
عبد الله : أصبري لسع بكرة نعرف .

والكل راح أجتمع في جناح الحريم ....وأتعشوا ورقصوا البنات بفرحة النجاح ..


اليوم التاني في الصباح مرة بدري ..
الكل جهز ولبس عشان يطلعوا الشفا والهدى .

في السيارة ...

مرام : الله يقرفهم شباب الطائف بدو , شوفي كيف كاتبين على الجدار .
ريهام : علي الزهراني ومحمد الغامدي وأسير الحب ايش أسامي البدو هذه ما يشوفوا الكول الي عندنا .
مرام : احنا شباب جدة كتاباتهم يكتبوها بفن زي X5 و G6 و Wolf وK&K و Cs و VIP و K5 و Z5 و كتير مرة ما يتعدوا ((الي ما ذكرت أسمائهم سامحوني عشان ما بقرأ الجدران بسرعة ))
ريهام : والله مافي زي X5 ما سابوا جدار في جدة ما كتبوا فيه صراحة يعني يكتبوا بفن .
((أوجه لهم تحية حارة عشان ما سابوا جدار في جد ة ما كتبوا فيه ))
مرام : حتى في جدار فلتنا كاتبين فيه .
عبد الله : زودتها ترى تقولوا الكلمات من دون ما تعرفوا معانيها .
ريهام : أيوا نسيت انو لها معاني بس يالله سامحونا يالي في السيارة .

و وصلوا الهدى ...
((فرشوا فرشة في الأرض والبنات والحريم قعدوا مع بعض والرجال مع الشباب قعدوا كمان ))
مرام : الجو بارد مع أنو صباح .
أفنان : ايوا صح مرة برد .
ريهام : يلا نبى نغني ونرقص جمب الشلة الي جمبنا
أفنان : قصدك على أحمد ها نعرف حركاتك حافظينها حفظ .
(( مرام طول الوقت مركزة نظرها على عبد الله لكن بعد شوية لقتوا قام ويتكلم بالتلفون ))
ريهام : أحلى حاجة فيك ايه بتحلي أي شيء عينيك تجي فيه ((تغني بإهداء للمذكر ))
أحمد : ((يرد عليها )) أحلى حاجة فيكي ايه بتحلي أي شيء عينيكي تجي فيه .
مرام : ريهام ريهام .
ريهام : نعم .
مرام : عبد الله , عبد الله ((وبدأت تبكي ))
ريهام : مرام ايش فيله ؟
مرام : ((تأشر عليه ))
ريهام : لاااااااااااااااااااااااااااااا
رامي : عبد الله
مرام : لاااااااااااا عبد الله بالله عبد الله عبد الله ((تبكي ))
((عبد الله طاح عليهم وجاتوا أزمة الصرع الي خلت الكل خايف ومتوتر من الي حصله , راح رامي وعصام زوج ندى وراضي وأحمد وكل الشباب وشالوه وحطو على فمه شماغ حق راضي والمسكين جات له الحالة ومرام زي المجنونة من حالته ))

وعلى أقرب مستشفى ودوه مستشفى الملك عبد العزيز ...
البنات راحوا على الفندق هما والحريم مع زوج تهاني وكل الرجال والشباب وأم عبد الله وأخواته الكبار راحوا معاه ...

في الفندق ...
مرام : ((تبكي )) ايش الي خلاه كده .
ريهام : أه يا عبد الله ايش المكالمة الي عورت لك قلبك .
((وتجي أفنان ))
أفنان : مرام ...مراااااااام ((وتطيح على حافة الباب ))
مرام و ريهام : أفنااااااااااااااااااااااااان

((اتصلوا على رامي والمسكين جاه أخذها ))
رامي : أفنان حبيبتي قومي أفنان فنونا حبي حياتي قومي ((ويحضنها ويكلمها لكن من دون جدوى ))
مرام : هيا بسرعة على المستشفى .

((وصارت أفنان وعبد الله في نفس المستشفى ))

مرام : رامي خلاص لا تعور قلبك
رامي : ايش فيها أفنان والله أمس كانت طيبة وعسل ومافي منها .
ويخرج الدكتور حق عبد الله ..
الدكتور : فين الوالد .
راضي : أنا خير ايش فيه ولدي ؟
الدكتور : هو زعل عصب حصل له موقف شيء .
راضي : والله كان يتكلم بالتلفون وطاح علينا .
الدكتور : المهم هو دحين كويس بس لازم تنتبهوا عليه .
راضي : يعني اليوم راح يطلع .
الدكتور : في الليل بإذن الله .

ونروح لأفنان .....
الدكتورة : مين زوجها ؟
رامي : أنا ايش فيها ؟
الدكتورة : شيء عادي أي وحدة يحصل لها بسبب الحمل .
رامي : الحمل .
مرام : أفنان حامل متأكدة .
الدكتورة : أه هي قالت لي إنها متزوجة واحد اسمه رامي راضي .
روضة : سوتها تاني .
رامي : كيف ...لا مستحيل .
ريهام : وأنا قلت لها لا تنامي عنده ما تسمع
روضة : مستعجلين على العيال ليش ..ليش يا حيوان ليش تنزل اسمي تاني مرة .
رامي : مو ذنبي أنا ولا تعصبي عليا .
روضة : مسكين هذا السليم كأنه ما عنده لا أم ولا أب قاعد مع المربية وحتى أفنان لمن شافتوا ولا كأنوه ولدها , ليش تعمل كده أخذنا وحدة تتزوجها وتحمل منها ولا تخطبها وتحمل منها فين التربية يا حقير انت وياها ايش تبغاني أعمل لك والله عندي حق لمن كنت أقولك هذه وحدة حقت فلوس وعز وبس لكن مو حقت بيت و زواج وعيال .
رامي : ((يبكي )) يعني هذا الشيء بيدي والله مو بيدي , بس وربي يا ماما قبل كم يوم بس لكن ايش هذه السرعة الي عندها .
روضة : دحين لو دخلت عليها شكلي راح أموتها بلساني .
مرام : خلاص بالله خلاص يا طنت روضة وربي أفنان هرموناتها سريعة على أي شيء بسيط ممكن تحمل أنا أعرف أفنان .
روضة : تعرفيها يعني كم مرة جابت عيال من كم رجال .
مرام : لا تشكي فيها يا خالة لا تشكي ((تبكي ))

وراح رامي لزوجته ...
أفنان : والله مو ذنبي أنا كذا ربي خلقني ((تبكي ))
رامي : ما تبكي الدكتورة قالت لي .
أفنان : لا تظلمني والله لسع قبل يومين كيف حملت كيف ((تبكي ))
رامي : ما تعصبي .
((وتدخل روضة ))
روضة : حمد الله على سلامتك .
((تقوم أفنان وتبكي وتبوس رجل طنت روضة ))
أفنان : الله يخليكي يا خالة وربي مو ذنبي جسمي كذا سامحيني , والله ما عملنا شيء أسألي رامي .
روضة : خلاص لا تبوسي وأنا عارفة الموضوع كلو .
أفنان : مسامحتني .
روضة : الفرح الأسبوع الجاي .
رامي : يا عمري على قلبك يا أمي طول عمرك حنونة ((وباس رجولها وقعد يبكي ))

والي دري بخبر أفنان ستر عليها , وفي الليل خرجت من المستشفى هيا وعبد الله وأتحمدوه عليهم بالسلامة ..

وفي جناح الرجال عملوا حفلة كبيرة مناسبة خروج عبد الله وأفنان ..
مرام : الله يبعد عنك الشر ويجيب لك الخير .
عبد الله : تسلمي .
مرام : يلا عن إذنك .
عبد الله : على فين ؟
مرام : رايحة على غرفتي .
عبد الله : تعالي اجلسي شوية .
مرام : عشان خروجك بالسلامة بس .
عبد الله : مرام أقولك شيء بس تستري عني أمانة .
مرام : أنا من أول ما قابلتك وعرفتك ما أقول لأحد عن كل هذه الي بينا .
عبد الله : مرام السبب الي خلاني أروح للمستشفى هو النتيجة .
مرام : لا تقولها .
عبد الله : أنا رسبت .
مرام : ((من غير شعور نزلت دمعة من عينها ))
عبد الله : ليش تدمعي أنا الي رسبت مو أنتِ
مرام : أنا انت كلنا واحد .
عبد الله : يا عيني على قلبك والله إنك رقيقة وطيبة وما في أحد ربي خلقه زيك .
مرام : رايحة للجناح حقنا .
عبد الله : مرام لحظة ليش أفنان دخلت المستشفى .
مرام : ما تدري .
عبد الله : لا .
مرام : أفنان حامل .
عبد الله : كنت عارف إنها حامل .
مرام : كيف عرفت .
عبد الله : يوم ما طردنا رامي وخلاني أنام في الصالة عرفت أنها راح تكون حامل .
مرام : ..........((خدودها حمرررررررة ))
عبد الله : لمن تخجلي خدودكِ تصير حمرة .
مرام : يلا رايحة أرتب الشنطة ,عشان الجمعة نازلين .
عبد الله : والله ما تهنيت .
مرام : الله يعوضك بمرات أكتر .
ريهام : قاعدين في الركن وتتكلموا بصوت واطي ليش .
عبد الله : لقافة .
ريهام : غزل ما .
عبد الله : ولو قلت لها كلام غزل ايش راح يصير .
ريهام : وقعت بينكما الفاحشة وهي الخلوة المحرمة بين رجل وامرأة .
عبد الله : عاملة لي السديس ولا القحطاني هو الي باقي تتفلسفي في الدين طبقي الأول بعدين أنصحي الناس .

((والكل بعدين راح على جناحه وضبطوا شنطهم عشان ينزلوا على جدة ))
مرام : رامي لحظة لا تحرك ثواني وجاية .
رامي : فين رايحة مافي وقت نبى نوصل قبل الصباح .
مرام : لحظة ...
رامي : يا ندى بالله شوفيها فين راحت .
ندى : طيب لحظة .
((راحت مرام على السوبر ماركت أشترت شوية تموين للرحلة ))
ندى : وووو .
مرام : أه , ندى كده تفجعيني .
ندى : ايش تعملي ؟
مرام : بأشتري حرام .
ندى : حلال , بس رامي واصلة حده أمشي .


.


وراحوا ركبوا السيارة بنفس التقسيم حق يوم الطلعة لكن ريهام راحت مع ولد خالها أحمد
وصار الي في سيارة رامي , رامي وجمبه عصام و ورى مرام وجمبها لؤي وعبد الله
و ورى أفنان وندى ..
لؤي : رامي حط شيء كلاسيكي نبى نسترخي في العالم الآخر .
مرام : مين الي راح تسترخي معاها في العالم الآخر .
لؤي : لا تعليق , رامي حط هذا الشريط .
رامي : من عيوني يا دبة .
لؤي : أحترم ذاتك ومعنوياتك بسماع الكلاسيكي .
مرام : ايش غيرك يا حلو .
عبد الله : ما أسمح لكِ مرام مافي غيري حلو .
عصام : كل الناس موجودين .
لؤي : بليز أسكتوا .
((وبعد صمت طال نصف ساعة بدأت مواهب عبد الله في الغناء ))
عبد الله : يا رب ندوم أيامنا سوى ونعيش على طول جامعنا الهوى يا رب ندوم يا ندوم يا رب نعيش في هالليلة سوى , صح الأغنية قاعد أخرف كلام .
مرام : ((سرحت ومهي دارية عن روحها إنها بتغني )) حبيتك أنا , حبيتك أنا ظل أتذكر هل الكلمات حبيتك أنا .
أفنان : من هو الي حبيتيه .
مرام : ظل أتذكر هل الكلمات حبيتك أنا لأني أنا مافـ.........
أفنان : أوف منك ما تأخذي راحتك الا إذا سرحتي .
مرام : آسفين
((كان الجو مرة ليل و رومنسي وكان الهدوء مغيم على الكل ما عاد مرام مسرحة وتغني طول الوقت ))

مرام : لمستك نسيت الحياة وانت الي بحلم أعيش يوم معاه , والليلة هيا البداية وخليك معايا بعمري الي لادي ابتدى , لمستك نسيت الحياة وانت الي بحلم أعيش يوم معاه , والليلة هيا البداية وخليك معايا بعمري الي لادي ابتدى , ولازم نعيش يلا هالله أقرب كمان تعال حبيبي لأبعد مكان ننسى الضاع من ايدينا نعيش بس ليلية خلاص الي جوانا بان , سرحت بعيونك لفين أيوا انت جمبي وها أعيش لك سنين وحياتي أقرب عليا يا عمري وعنيا نعيش الحياة ولو يومين .((تغني بصوت شبه مسموع ))
عبد الله : صوتك حلو سمعينا هو ((لمس ركبتها قدام الي عامل مسترخي لؤي ))
مرام : أحب أحتفظ فيه لنفسي .
عبد الله : صوتك مووت جنان سمعيني هو .
ندى : قالت لك خصوصيات خلاص مالك شغل فيها .
عبد الله : ((يغني )) سنة سنتين عشرة ما فيش فائدة قريب ولا بعيد نار أيده حتبعد أكتر من غيرك أشطر أشواقي ما ش تقل زايدة , يانا يانا يا انت والله راح تشوف .
مرام : في أول الحكايات حكايتي معاك بقالي زمان وخذني هواك وفي جوه في قلبي ليك أيام ما بتتنسيش وأخر الحاكايت حكايتي معاك خلاص حبيت وأنا تحبيت وعايشة معاك كأن أول مرة أعيش



لؤي : الله ....الله ايش الصوت هذا الحلو وأنا أقول ورى النعومة والرقة والهدوء وراها صوت حلو .
مرام : تسلم حبيبي لؤي .
لؤي : أخيراً سمعت هذه الكلمة .
عبد الله : هاي أنا موجود .
مرام : I,no Abode
رامي : عبد الله تعال سوق بدالي أنا نعسان .
عصام : لا أنا أسوق وأخلي ندى قدام وانت ورى مع أفنان .
رامي : أوكي خلاص والثلاثي المرح زيما هما في النص .
عبد الله : بس لؤي يجي مكاني وأنا أجي مكانه .
مرام : لا ما أبغاك أبى لؤي .
عبد الله : أنا زعلان .
مرام : لؤي روح مكان عبد الله .
((وأتبادلوا الأمكنة ))
عبد الله : وحشتيني ((مسك يدها ))
مرام : دوبنا كنا بنغني ونضارب بالأغاني .
عبد الله : مرام حطي راسك على راسي .
مرام : طيب .
عبد الله : غني لي أغنية على ذوقك .
ندى : أحم ...أحم موجودين .
عبد الله : لا تطالعيها خلينا في روحنا , طيب غنيلي .
مرام : ايش تبغى .
عبد الله : ما يحرمنيش منك حافظها .
مرام : ايوا (( ويغنوا بصوت شبه مسموع))
, حبيبي وأنا جنبك ............ تعرف بحسي بأيه
وأنا في حضن قلبك ................ ببقى عايز أقولك ايه
يا محلى الدنيا وأنا جنبك ............ يا كل منايا محتاجلك
حبيبي يا عمري ما تسبنيش............ وحياة أغلى حاجة عندك
وما يحرمنيش منك ...................وما يبعدنيش عنك
حبيبي النهار داه لازم تعرف .................حبك عملي جنان
أنا بحبك بحبك ............. حب ما حبوش إنسان ...........أه يا حبيبي
وما يحرمنيش منك ..................... وما يبعدينيش عنك
يا محلى الدنيا وأنا جنبك .................. يا كل منايا محتاجلك
حبيبي يا عمري ما تسبنيش .............. وحياة أغلى حاجة عندك .
عبد الله : أموت على صوتك .
مرام : من ذوقك .
عبد الله : مرام أتخيلي نتزوج ؟ ((بصوت مرة واطي حتى النملة ما تسمعه ))
مرام : يا ريت .
عبد الله : والله إني أتمنى أتزوجكِ وأجيب عيال يشبهوا لنا .
مرام : كلها أحلام وفي النهاية تتبخر .
عبد الله : ((رفع رأسه )) ليش تتشاءمي أنا معاكِ وصدقيني كل كلمة قلتها لك طالعة من قلبي , وعمري يا مرام ما خونتك ولا راح أخونك .
مرام : ((تطالع عيونه ))
عبد الله : عيونك ما شاء الله لونها روعة هيا أكتر شيء يجذبني ليكي .
مرام : وبس .
عبد الله : والله كل شيء فيكِ حلو وكل مالك بتصيري أحلى .
لؤي : عارف ليش عشان انت ما بتطالع مرام بعيونك بتطالعها بقلبك وهذا يدل على انك تموت في هواها .
عبد الله : تعال أعطيني بوسة .
لؤي : ترى مرام تطالعك بحقد .
عبد الله : كمان هيا (-_-) مووووه
((ومن ورى عبد الله رامي يشد شعره ))
رامي : انت ما تبطل مسخرة .
عبد الله : أيييييييييييييييي شعري سيبني الله يعافيك أهههههه
مرام : ((ضربت يد رامي )) خلاص أتركوه .
رامي : بس أسكت أفنان نايمة وندى نايمة هدوء .
عبد الله : يحب يدخل ((وحط يده على كتفها وضمها قدام رامي ))
رامي : شوف ترى الي تعمل أكتر من حرام فاهم يعتبر شيء كبير .
عبد الله : والعملة حقتك ايش تسميها , لا والست كمان حامل مرة تانية مبروك .
رامي : واصلة معايا ترى .
عبد الله : الين تنفجر .
عصام : مو عارف أسوق ممكن هدوء .
الكل : طيب


((وحتى وصلوا لجدة و وصلوا كل واحد على بيته ))

مرام أستقبلوها أخوانها وفرحوا بجيتها ..
ومر أسبوع على الرحلة الصيفية



طلبت أم أفنان من روضة إنها تعمل غمرة لأفنان بعد أسبوع وعزموا الكل

يوم الغمرة الهندية ...

((مرام لبست لبس هندي مرة يجنن لونه سماوي ومطرز بالذهبي ولبست إكسسوارات هندية وحطوا لها ميك آب هندي روعة , وكان شكلها مرة هندية وحلوة ))

وصلوا الهوتيل .
مرام : هاي ريهام زي لبسي
ريهام : بس أنا أورنجي ههههههه .
مرام : تعالي نرقص .
ريهام : يلا
((الكل اتجنن على رقص مرام بالهندي , وعلى قولهم خطفت الأضواء من كل الحفلة ))

حنان : يا سلام يا مرام والله كبرنا وحلينا .
مرام : طيب بس أنزل من الإستيج ونتكلم . ((وقعدت ترقص هندي وخليجي ومصري وغربي وكل شيء ))

وجاه وقت الزفة ..
((كانت الزفة روعة في البداية مرام و ريهام جلسوا على الإستيج بعدين جاه عبد الله وأحمد باللبس الهندي , عشان يرقصوا مع البنات , وكان شكل لؤي وعبد الله مرة يضحك عشان هما يرجعوا من بعيد هنود فشكلهم قريب من الهنود ..و بعدين جات أفنان و رامي و كان لبسها روعة كانت لابسة فستان العرايس الهنود وحطت ميك آب هندي وكل شيء عملوه زي عادات الهنود ورامي كان لابس لبس العريس الهندي , حتى الأكل الي في البوفيه كله كان هندي وكل القاعة كان ديكورها هندي ))

عند باب الفندق ..
عبد الله : مرام اليوم انتِ هندية جنان .
مرام : ولا انت هندي ولا أروع
عبد الله : تعالي شوية على جنب .
مرام : والله أخاف أحد من أهلي يشوفنا .
عبد الله : هيا شيء واحد بس .
مرام : ايش ؟؟؟؟؟؟
عبد الله : مرام تتزوجيني ((ركع وطلع لها خاتم الماس فخم ))
مرام : أه أه أه أه أه مو قادرة أصدق عيني أه أه مرة أههههههههه
عبد الله : مرام تتزوجيني .
((وتجي أم مرام على أخر حركة ))
أم مرام : عبد الله ايش تعمل ؟
عبد الله : يا خالة هدى تعالي الإستيج وراح تشوفي كلي شيء .

((راحوا على الإستيج ما بقي الا أفنان ورامي في الكوشة وعبد الله و روضة ومرام وأم مرام واقفين , الكل مستغرب من هذه الحركة الغريبة ))
عبد الله : يا خالة هدى ((ركع )) يشرفني أخطب بنتك مرام .
أم مرام : أه أه متأكد بنتي ما غيرها .
روضة : والله نبى مرام لعبد الله .
أم مرام : موافقة ليش ما أوافق (( تبكي من الصدمة ))
عبد الله : مرام تتزوجيني (( ركع لها تاني ))
مرام : ((تبكي ))
عبد الله : تتزوجيني مرام ؟
مرام : ايوا ..ايوا ايوا ....ايوا راح أتزوجك ((ورح قام لها وحضنها بقلبه والكل صفق لهم وأتأثر بالموقف الروحي وقعدوا الأثنين يبكوا بكاء عشان حلم ولا في الأحلام يتحقق لكن في الحقيقة أتحقق ))
والحريم الي في الدي جي حطوا أغاني عن الحب عشان حركة عبد الله وخالات مرام يبكوا عشان خلاص مرام راح تتزوج وأم مرام تبكي من كثر هيا متفاجئة .
أم مرام : طيب كيف دحين وافقنا قدام الكل لو يا سمح الله أبوها ما وافق .
عبد الله : يا خالة أنا روحت لأبوها وكلمتوا هو وافق لكن كان الباقي عليا في خاتم الخطوبة وعلى فكرة المأذون قاعد مستنينا .
مرام : أحبك ..أحبك ((وحضنته وتبكي ))
عبد الله : وأنا أموت فيكي وأحبك , دحين ما أحد يتكلم انتِ حلالي وراح تكوني حلالي في الأحضان .
روضة : اتفضلي يا أم مرام على الصالة التانية المأذون ينتظرنا .
أم مرام : طيب متى كلمتوا أبوها .
روضة : جبنا خالها رحاب عشان يكون الشاهد لها وإبراهيم ولد اخت مرة خالها وأبوها .
أم مرام : والله منجد أنا خليتوني أفرح على أفنان وبنتي مرام ((تبكي ))
روضة : يالله خلي عبد الله ومرام يجوا .
أم مرام : هما ما شبعوا أحضان .
روضة : والله من الفرحة البنت مهي مصدقة .

((و زهموهم وملك عليهم المأذون والكل فرح لهم بالذات مروج المسكينة ))
مروج : منه المال ومنك العيال .
مرام : يا حياتي تسلمي .
أفنان : أنا اليوم غمرتي انتِ اليوم خطبتك والله فرحانة لكِ يا مرام ((تبكي ))
مرام : يا عمري أنا كمان ((تبكي ))
أفنان : وريني الخاتم " عبد الله " يا سلام مرام وعبد الله عبد الله ومرام يليقوا لبعض .

مرام : تسلمي ((تبكي )) والله ما تخيلت أنو راح يتزوجني مو متخيلة يا ربي بس .
أفنان : يالله عن إذنك مرام .
مرام : روحي لزوجك .
أفنان : روحي لخطيبكِ .
((وراحت مرام جلست عند الباب حق الفندق وقعدت تبكي ))
عبد الله : ((جاه من وراها وسلم عليها )) ليش زعلانة يا عمري .
مرام : مو مصدقة ؟
عبد الله : طالعي الخاتم وصدقي .
مرام : عبد الله .
عبد الله : عمري .
مرام : تحبني .
عبد الله : أموت فيكِ .
مرام : أثبت لي .
عبد الله : ورقة الخطوبة تدل على حبي ليكي .
مرام : طيب قولها عشان أتأكد .
عبد الله : أخليكي تحسي فيها كمان ((وحضنها وقال لها كلمة أحبك حوالي 100 مرة لكن مهي مستوعبة القصة ))

بعد ليل طويل بالمفاجآت الحلوة ...
عبد الله راح مع مرام لبيتها عشان يتعرف على أخوانها .
مرام : هذا بيتنا .
عبد الله : حلو مرة لطيف .
مرام : ...........
عزوز: مرام مين هذا ؟
أم مرام : يا ولدي هذا خطيبها .
عزوز : من متى ؟؟؟؟
روضة : من اليوم يا ولدي .
عزوز: لا مو مستوعب لحظة أنا في حلم ولا في علم .
أم مرام : صدق يا ولدي عبد الله زوج مرام .
فهد : لا مستحيل من متى متى صار ليش ما قلتوا لنا
عبد الله : صدقوا أنا زوج مرام .
معتز : واضح من مسكة يدك لها .
عبد الله : يالله ماما ورانا بكرة أشغال .
روضة : عن إذنكم مع السلامة .
مرام : خليك شوية .
عبد الله : الجيات أكتر والعيشة أطول بكرة راح أجيكي .
مرام : أحبك .
عبد الله : أرحموني منها أحبها وأموت فيها
مرام : يلا باي ((سلم على خدها ))
معتز : هي ليش تسلم عليها .
عبد الله : زوجتي أنا حر .
معتز : مرام خلي زوجك لا يرفع صوتوا عليا .
مرام : هو سيد البيت من أول ورايح .
عزوز: المهم أهلين بالنسيب .
فهد : ايوا مرحبا بك يا النسيب .
عبد الله : ما قصرتوا .

((راح عبد الله وأمه وراحت مرام نامت بملابسها من كثر هيا فرحانة من روحها ))



بعد كم أسبوع سوى فرح أفنان وملكة مرام في نفس اليوم ونفس القاعة قاعة ليلتي وكان يومهم مرة روعة ..

((مرام كان لون فستانها أزرق مموج وفيله تطريز ومفتوح من الكتف وفتحات من الظهر كان الفستان مرة فخم فصلته عند المصمم أحمد بدوي وعملت تسريحة غجري مرة روعة والميك آب حقها كان ولا في أروع منها حتى من كتر جمالها ما شاء الله خطفت الأضواء من أفنان ))

في غرفة العروسة لسع مرام ما جاى دور زفتها وكانت قاعدة مع ريهام .

ريهام : عيونك يا مرام تفو تفو تفو تفو تفو عين الحسود فيها عود ما شاء الله لونها اليوم مرة حلو .
مرام : مين ذوقك تسلمي .
ريهام : ترى اليوم أنا أتخطبت .
مرام : مبروك ..الف مبروك أكيد على ولد خالك .
ريهام : شوفي الخاتم .
مرام : عاد الأسبوع الجاي ملكتك يا ريهام وفرحي في نفس اليوم .
ريهام : لا عشان لا أخطف الأضواء منك .
مرام : يا الله منجد قلبك أبيض .
((وتجي المصورة عشان تصور مرام وعبد الله ))
عبد الله : يا حياتي
مرام : .........((مستحية ))
المصورة : بليز مستر أمسك وسطها وبوس خدها .
عبد الله : أبوسها ليش ما أبوسها
مرام : ............((مكسوفة على الآخر ))
المصورة : أحضنها على صدرك .
عبد الله : يلا تعالي في حضني

((ريهام تضحك والمصورة منهبلة على جمال مرام وعلى عبد الله وكل شوية تخليهم يعملوا حركات شوية جريئة ))

زفة مرام .
((كانت أغنية لمغني والله نسيت من هو بس أول شيء حطوا أغنية يا رب لكارول سماحة ومروان خوري وبعدها حطوا أغنية غريبة ..
والكل كان متجنن على جمال مرام وعلى رقتها وأنوثتها وبياضها و لون عيونها وكل شيء فيها كان مرة روعة ...لكن لمن جاه عبد الله اتزف عمل حركة لمرام الكل عجبتوا لكن برضوه
ما يصير يعملها , قرب منها وسلم على حلقها وكان أصعب شيء عملوا إنسان في حياة مرام ))

وبعد ما أتزفوا العروسين دخلوهم على غرفة خاصة لهم

وجاه دور أفنان ورامي .

((كان فستان أفنان مرة روعة كان مفتوح من الكتف ولونه أكيد أبيض بس مطرز مرة خفيف بالأبيض بين الأطراف وذيل مرة طويل وشعرها عاملها تسريحة حلوة والميك آب برضوه كان مرة حلو))

زفة أفنان ..
حطوا لها أغنية للزفة بإسمها وإسم زوجها

وكانت زفة بسيطة بس أخذت مرام الأضواء كلها من أفنان .

بعدين طلعوا مرام وعبد الله عشان يسلموا على العرسان وطلعوا أخوان مرام وأبوها
وأمها وخالاتها وعماتها بس يبكوا , وعبد الله مو مصدق حاله أنو أتزوج مرام وصورة جماعية للكل كانت صورة ولا أحلى في الدنيا ..أفنان ورامي ومرام وعبد الله في النص وأخوان مرام وأخوات أفنان وأخوان عبد الله ورامي واقفين والأمهات ,منجد كان يوم حلو ..


الكل راح على بيته ما عاد أهل العروسة والعريس كانوا جالسين ما راحوا من القاعة ..
مرام قاعدة مع مروج تتكلم ..
مروج : ما شاء الله يا مرام كم مهرك ؟
مرام : 200,000الف ريال .
مروج : ليش مو زي أفنان .
مرام : أنا قلت لهم ما أبغى مهر كبير .
مروج : يالله يا مرام والله مو مصدقة إنك راح تتزوجي وتتركيني .
مرام : يا حياتي وربي ما راح أقطعك .
مروج : طيب كيف جسمي مو نحفت .
مرام : الا مرة كتير نحفتي .
((ويجي عبد العزيز ))
عزوز: مرام
مرام : نعم حبيبي .
عزوز: شايفة يا مروج صرت حبيب مرام .
مروج : مافي حبيب لمرام غير عبد الله .
عزوز: هههههههههههههههه المهم بابا وعم راضي يبغوكي .
مرام : خير ايش فيه .
عزوز: تسأليني .
مروج : بشويش قومي الفستان .
مرام : طيب شيلي معايا .((على فكرة فهد ملك على سماهر قبل ملكة مرام وعملوا الملكة في بيتهم لكن ما قلنا لكم عشان نخلص الرواية بسرعة الله يعينا على الجزء الأخير ))
وراحت مرام عند أبوها ولقت عبد الله وأبوه واقفين ..
أبو مرام : مبروك يا بنتي عقبال الزواج .
مرام : الله يخليك ليا يا بابا ((عبد الله ما يبغى يشيل عينه عن مرام ))
أبو مرام : يا عبد الله يا ولدي مرام هذه جوهرة ثمينة الله يسعدك تحطها في عيونك , وهيا بنتي الوحيدة أنا ما أزوجها بأي أحد الا إذا كان قد بنتي مرام مو في سنها قصدي يكون قد أنو يتحمل مسؤوليتها .
عبد الله : يا عمي أنا حلفت قدام المأذون راح أحطها في عيوني وأقفل عليها ((مرام مكسوفة ))
راضي : وانتِ يا بنتي يا مرام وربي إني أول ما شفتك كان نفسي أخطبك لولدي حتى أم عبد الله والله كانت تقول لي يا ريت مرام لعبد الله , والحمد الله يا بنتي زوجناكم ببعض , لكن انتِ عارفة أنو الي عنده مرض الصرع ما يجيب عيال .
مرام (نزلت دمعة خفية منها ))
راضي : وانت قلتي لعبد الله أنا ما أبغى عيال أبغاك انت , و والله يا بنتي مرام مافي غيرك يرضى بهذه النعمة , ولا تتشاءموا يمكن مع العلاج بإذن الله في أمل تجيبوا عيال .
أبو مرام : المهم يا بنتي هذا عبد الله مافي غيره من أخلاق عبد الله الي جمبك حطي في عيونك هو دحين زوجكِ لازم تنفذي كلامه وتخلي تاج رأسك فاهمتني .
مرام : ايوا يا بابا ومن عيوني يا عمي .
راضي : يالله يا أبو فهد نسيبهم لوحدهم .
أبو مرام : والله ذكروني بيوم ملكتي .
راضي وأبو مرام : ههههههههههههههههههههههههههههه

وصاروا لوحدهم ...
عبد الله : مرام ليش واقفة أجلسي .
مرام :..............((جلست وبدأت عيونها تتملى دموع ))
عبد الله : خير حبيبتي ليش الدموع يا عمري ((يمسح دموعها ))
مرام : لا بس أتذكرت فارس .
عبد الله : يا حياتي مو أتفقنا أن فارس مات ولازم تنسيه مرام أنا زوجك دحين مو فارس .
مرام : من عيوني حبيبي .
عبد الله : أنا زوجك دحين يعني ما نقدر نخلو مع بعض .
مرام : ههههههههههههههههههههههههههههه .
عبد الله : ايوا أضحكي نبى نشوف الضحكة .
مرام : يلا .
عبد الله : يلا .

((وراحوا على غرفتهم وجلسوا مع بعض ))
ونروح لأفنان :..
رامي : خلاص بكرة راح نروح ايطاليا .
أفنان : طيب بدري خلينا نقعد كم يوم ونروح .
رامي : ما آقدر لازم أروح أسجل في الكلية الي هناك .
أفنان :طيب ما راح أودع أهلي .
رامي : الا يا أفنان ليش زعلانة اليوم فرحنا المفروض تضحكي وتكوني مبسوطة .
أفنان : والله مو سهل عليا أترك أهلي وأعيش برى .
رامي : كلها أربع سنين ونرجع ما تخافي .
أفنان : وسليم راح أربيه أخيراً راح يعرف أمه .
رامي : ولسع كمان في بيبي هنا .
أفنان : أسمع أول ما يمر شهر نعلن على طول .
رامي : لسع انتِ في اليوم حامل .
أفنان : لا أنا في أسبوعين .
رامي : طيب حبيبتي ما راح نروح بيتنا عشان ننام بكرة العشاء ورانا سفر .
أفنان : أنا أصلاً بأنعس .
رامي : ترى ماما قالت سليم موجود هناك مع المربية حقتوا .
أفنان : ايوا والله مرة وحشني .
رامي : يلا على السيارة .
أفنان : يلا .


الجزء الأخير :-

بعد يوم طويل ومتعب وحلو في نفس الوقت ..الكل راح على بيته عشان يناموا .
ومرام قاعدة على الجوال بتكلم عبد الله .
عبد الله : احبك ..احبك ..احبك ..احبك ..احبك ..احبك ..احبك مليون مرة .
مرام : وأنا كمان أحبك بليون مرة .
عبد الله : انتِ حياتي وعمري وقلبي ونفسي وهواي وأحلى سنيني يا مرام قلبي .
مرام : احبك ..احبك ..احبك ..احبك وأمووت فيك .
عبد الله : قاعد أطالع في الخاتم وأبوسوا .
مرام : .............
عبد الله : طيب يا مرام والله لمن نتزوج راح أعلمك كيف ما تستحي وتصيري جريئة .
مرام : تسلم على الشبكة مرة ذوقك حلو .
عبد الله : شايفة كيف الألماس ما يتلبس الا للحلو .
مرام : والله ما ني عارفة ايش أجيب لك هدية .
عبد الله : أنا أبغى هدية وحدة .
مرام : ايش هيا ؟
عبد الله : أبغاكي تنامي جمبي وبس .
مرام : ..............((مستحية ))
عبد الله : متى تنامي .
مرام : لمن تقولي لي باي .
عبد الله : هيا ولا في الأحلام راح تسمعيها .
مرام : هيا عبودي .
عبد الله : طيب مرام تتذكري لمن في الطائف دخلتي علينا بقميص .
مرام : ...ايوا ....((مستحية ))
عبد الله : هذا تلبسيه في أول ليلة لينا مع بعض .
مرام : زودتها .
عبد الله : أول ما كنت زوجك دحين أنا زوجك يعني ما تتكلمي .
مرام : طيب انتِ دحين طالع تاني جامعة ولا ثالث جامعة .
عبد الله : هذا واحد كلب قال لي أنو أنا رسبت في ثلاث مواد بس رحت الجامعة وتأكدت طلع واحد تاني أسمه عبد الله , حتى أتفاجئت يعني قلت أنا حال كويس في الاختبارات .
مرام : طيب انت تبغاني أكمل دراستي ولا لاء .
عبد الله : انتِ حرة .
مرام : طيب ليش ما نتسجل في نفس الجامعة وندرس مع بعض .
عبد الله : جبتيها , طيب في أي بلد ندرس .
مرام : الي تبغاه .
عبد الله : نروح سويسرا .
مرام : بعيدة وغالية .
عبد الله : مافي شيء يغلى عليكي .
مرام : طيب ليش ما نروح مع رامي وأفنان ايطاليا .
عبد الله : صراحة نبى نكون لوحدنا مافي ولا أحد .
مرام : يعني لو مثلاً حملت وجبت بيبي فين أحطه .
عبد الله : نجيب بيبي ستر .
مرام : تبغى ولدي مع وحدة غريبة لا حبيبي ولدي يا مع أهلي يا معاي .
عبد الله : ايطاليا ...ايطاليا من بكرة أروح أخذ ملفك من المدرسة وملفي وأروح أسجل في جامعة من جامعات ايطاليا .
مرام : طيب انت ايش تخصصك ؟
عبد الله : طب الأعصاب وانتِ ايش تبغي تخصص ايش ؟
مرام : قلب .
عبد الله : يعني نعيش 10 سنين والله كتير طيب ليش هذا التخصص بالذات .
مرام : عشان أشوف مقدار حبي لك في كم نبضة .
عبد الله : يا قلبي أنا .
مرام: طيب شوف لمن تسجل أقبلني في نفس التخصص حقك .
عبد الله : خلاص كويس .
مرام : يلا عمري تصبح على خير .
عبد الله : دحين صباح أقولك تمسي على خير حبيبتي .
مرام : باي .
عبد الله : أحبك باي .

((مرام راحت على غرفة عبد العزيز عشان تكلم أمه عشان هما هناك موجودين ))
أم مرام : يا هلا بالعروسة يا هلا .
عزوز: والله هنيالك بزوجك ما شاء الله عليه ما في منه .
مرام : .............
معتز : كل كلمة تتكلموها واصلة لعندنا .
مرام : أصلك قليل أدب .
عزوز: ماما سمعتيها لمن قالت له أحبك بليون مرة
الكل ماعاد مرام : ههههههههههههههههههههههههههههه
مرام : أنا غلطانة أجي أتكلم مع أخوان هم .
أم مرام : تعالي ايش تبغي بنمزح .
مرام : عبد الله قال انو احنا راح نعيش في ايطاليا .
أم مرام : ليش يا حبيبتي تسيبيني لوحدي مافي غيرك يونسني .
مرام : ماما هو يبغى , وقال انو شهر العسل هناك في روما وفينيسيا .
عزوز: مدن الحب والرومانسية ياهو يا مرام زوجك رومنسي .
مرام : المهم , ماما راح يسجلني معاه في الجامعة وندرس مع بعض .
أم مرام : ايوا إذا تدرسوا مع بعض مافي مشكلة .
فهد : بعد أسبوعين زواج مرام وانا ما زوجتوني ليا حوالي قريب السنة .
أم مرام : انت قلت ما أتزوج الا إذا خلصت الجامعة لقيت شغل .
فهد : طيب لقيت شغل .
أم مرام : أحمد ربك الملكة سوناها .
فهد : لا تتكلمي يا ماما كل شيء كان على حسابي ولا طلبت من أحد يدفع لي .
مرام : اليوم جات سماهر في الملكة .


فهد : ايوا أنا عزمتها , طيب كيف كان شكلها .
مرام : والله 1000 وحدة سلمت عليا كيف تبغاني أتذكر شكلها .
عزوز : ماما فين بابا .
أم مرام : مع أبو زوج العروسة .
مرام : مع عم راضي .
أم مرام : ايوا .
مرام : ايش يعملوا ؟
أم مرام : بيتفقوا على الفرح والأشياء حقتوا .
عزوز: والله ماما أنا متحمس أبى أتزوج فهد وعبد الله ورامي شهوني على الزواج أبى أتزوج .
أم مرام : أعقل وأتزوج .
معتز : وانا إنشاء الله
أم مرام : لمن يصير عمرك 30 سنة أزوجك .
معتز : دايماً الولد الي في النص حظه زي وجهي .
مرام : تصبحوا على خير .
عزوز: راحت يا ماما مرام عشان تحلم بالأحلام الحلوة والرومانسية واللحظات الي بينها وبين عبودي .
فهد : بس يا كلب أستحي ((يقرص فخذه ))
عزوز: عشان شايفني لابس شورت لازم تقرص غبي .


مرام نامت وهيا ما تدري عن نفسها

الساعة 3 بالليل مرام صحيت من النوم .
مرام : أوف ما في أحد في البيت .
((راحت نزلت دورت البيت كله ما لقت أحد ))
الخدامة : صح النوم مرام مبروك ملكة انتِ .
مرام : شكراً , طيب جينا فين ماما وأخواني مافي أحد .
الخدامة : أنا.....مافي أعرف والله ......
مرام : يالله حتى ماهر مو فيه .

((راحت مرام سوت شاور , وبما أنها عروسة لازم تلبس ملابس فخمة في البيت , فلبست فستان أبيض عريان مرة بسيط وحلو وحطت ماكياج وسشورت شعرها وفردته ولبست الله يكرمكم شبشب زهري فيله تطريز خفيف وطلع شكلها مرة جنان ))
وهيا نازلة الدرج تسمع صوت أحد بيجري .
مرام : مين ...مين عبد العزيز طيب فهد ماهر معتز ماما طيب فينك يا بابا .
جينا : مدام مرام في انت ينادي .
مرام : ايوا , أنا أسمع صوت أحد يجري مين هذا الي يجري .
جينا : أنا مافي أعرف .
مرام : طيب روحي أفتح لمبة الصالون .
جينا :لا أنا خوف .
مرام : يالله طيب مين هذا أكيد أحد يخوفني .
((وراحت بشويش على الصالون ))
مرام : أأأأأأأااااااااااااااااااااااااااااااااااااااااااا ااه ((في أحد مسكها من وسطها ))
((فتحوا اللمبات ))
الكل : سنة حلوة يا مرام سنة حلوة يا مرام سنة حلوة يا مرام سنة حلوة يا مرام
Happe bertday to you Happe bertday to you maram Happe bertday to you >
أم مرام : كل سنة وانت طيبة يا مرام كملتي 18 سنة
مرام : مين الي مسكني من وسطي .
فهد : طالعي وراكي
مرام : أهههههههههههههه عبودي ((وحضنها وقاعد يدورها ))
أبو مرام : ((شبه يبكي )) الله يسعدهم .
أم مرام : بالله بنتنا راح تروح مننا والله مو قادرة أستحمل ((تبكي ))
عزوز: خلاص يا عبد الله مو قدامنا .
عبد الله : سوري .
مرام : كيفك ؟
عبد الله : كويس كل سنة وانت طيبة . ((أعطاها علبة فيها هدايا ))
مرام : ليش كلفت على نفسك ((جاب لها عطر من كوكو شانيل وعلبة ماكياج و طقم الماس بسيط وحلو ومن أهلها طقم ذهب مرة فخم من كل أخونها واحد طقم ومن أمها وأبوها طقم الماس , و ريهام جابت لها علبة مليانة أحجار كريمة ملونة وباقة ورد مررررررة كبيرة من أفنان وزوجها وبطاقة منهم " عقبال 100 سنة يا أحلى عروسة " ))
مرام : لازم تكلفوا عليا والله حتى أنا مرة نسيت أنو اليوم أكمل 18 سنة .
عبد الله : لو أنا ما ذكرتهم كان ما تذكروكِ ((عبد الله كان شكله حلو مررة في عيد ميلاد مرام , كان لابس بنطلون جينز وبلوزه بني مخططة بالأبيض والبيج وساعة عريضة من Guss ولابس الله يكرمكم جزمة أول ستار بيج وشعره كان شوية طويل ومنزله على جبينه كم خصلة ))

فهد : حتى خطيبتي جابت لكِ هدية بس عشان حضرتك ما قمتي الا الليل جات وأدتنا الهدية وراحت .
مرام : يا ربي والله هذه البنت مرة ذوق ((جابت لها طقم الماس مرة حلو ))
أبو مرام : عقبال ما نعمل عيد ميلاد لعيالك .
أم مرام : عاد مو ذنبي لو جبتوا ولد تسموه حمد .
مرام : هو الي باقي أسمي أسماء بدو لمن يجي الولد أفكر ايش أسميه .
عزوز : ها يا نسيب أشوفك تطالع مرام وتعمل لها حركات .
عبد الله : هيا فاهمتني .
عزوز: قصدوه خلي أهلك يطلعوا عشان نقعد لوحدنا .
ريهام : أنا أتأخرت ولازم أروح .
مرام : خليكي .
ريهام : الله يسعدك بكرة وراية أسواق والله مو فاضية
مرام : عشان الملكة .
ريهام : ايوا , وانتِ أول الحاضرين .
مرام : والله سامحيني ما آقدر أروح لا أفراح ولا عزايم .
ريهام : ايوا صح عشان الفرح باقي له أسبوعين , يالله أوريكي الصور لمن تطلع , على العموم الف مبروك .
مرام : الله يبارك فيكي ((وحضنوا بعض وراحت ريهام ))
ماهر : ماما انا متى تعملي لي ملكة وفرح .
أم مرام : شوف عيالك يا حاتم يبغوا يتزوجوا بسرعة والله من الصغير للكبير .
أبو مرام : الله يسعدهم .
فهد : عن إذنكم طالع على غرفتي .
عزوز: تعال أبى أروح معاك .
فهد : فين رايح معايا أبى أكلم خطيبتي .
عزوز : يعني أتحبس في غرفتي يالله , معتز ماهر يلا على فوق .
أم مرام : لحظة أول شي خلي مرام تقطع الجاتوه بعدين خذوه وأطلعوا .
فهد : هيا مرام أقطعيه .
مرام : ((تطالع عبد الله ))
عزوز : قال لك أقطعيه مو تطالعي عبد الله .
مرام : لا أبى يقطعها معايا .
الكل : ووووووووو ووووووووو
((وقام جاى عبد الله ومسك السكينة معاها وقطعوا الجاتوه والكل اتجنن عليهم ))
عزوز : ((معاه صحن الجاتوه )) منك المال ومنها العيال ((ويغمز لهم ))
فهد : أمشي يا وسخ تحب التعليقات الفاضية .
أم مرام : واحنا ايش قاعدين نعمل هنا يلا حاتم ومعتز وماهر على غرفكم يلا نسيبهم لوحدهم .
عبد الله : وحشتيني ((حضنها ))
مرام : انت أكثر .
عبد الله : تصدقي من الساعة 9 العشاء وأنا هنا .
مرام : والله لو أدري كان صحيت من أول .
عبد الله : وقعدنا نستنى الين الليل .
مرام : ايش رأيك تطلع تشوف غرفتي .
عبد الله : يلا .
((قامت وقفت وقام وهو قام سحبها من يدها وحطها في حضنه لكم دقيقة وبعدها طلعوا لفوق ))
وهما طالعين الدرج ...عزوز كان واقف عندهم عشان يفجعهم ..
عبد الله : حياتي هذه غرفتك .((ماسكين يد بعض ))
مرام : ايوا ما شاء الله كيف عرفتها .
عبد الله : إسمك مكتوب " ميمو "
((ويطلع عبد العزيز من ورى الجدار ))
مرام : أه ((طاحت على عبد الله ))
عزوز: ههههههههههههههههههههههههههههه .
عبد الله : ليش تعمل كده ؟
عزوز: عجبتني الطيحة .
مرام : روح على غرفتك أحسن لكِ , غبي .
عزوز : أحسن , أخيراً أبى أشوف منظر جريء بينكم .
مرام : ..............((مسكت يد عبد الله وراح على غرفتها ))
عزوز : طيب خلوه الباب مفتوح عشان نتفرج على الفيلم الرومنسي .
((قامت مرام سكت الباب في وجهه بالمفتاح ))
عبد الله : أخوانك مرة طيبين .
مرام : طيبين بس بالذات عزوز يرفع الضغط .
عبد الله : غرفتك رومنسية مووت حتى الأحمر واللمبات الخافتة في كل مكان لا والمسجل جمب السرير كمان .
مرام : عشان إذا كانت نفسيتي حلوة أحط أغاني رومانسية .
عبد الله : ايش عندك أغاني يا حياتي .
مرام : بس تامر حسني ومحمد حماقي ورامي عياش والباقي أغاني كلاسيكية وسلو غربي .
عبد الله : طيب معليش نحط كلاسيكي رومانسي .
مرام : حبيبي غرفتي ملك لك .
((وحطوا أغنية مرة رومانسية وزهم مرام على سريرها ونامت على حضنه وقعد يحسس عليها ))
عبد الله : أحلى ملاك في الدنيا انتِ .
مرام : (( مو قادرة تغازله يا دوبك جالسه فوقوا ))
عبد الله : بعد كم يوم زواجنا راح نسافر لشهر العسل وننبسط في أول ليلة يا حياتي .
مرام : حبيبي ..أحبك .
عبد الله : أحبك بالسعودي وأحبج بالإماراتي وأمووت فيكي باللبناني و I love you بالإنجليزي وبحبك بالمصري وmoi j,aime بالفرنسي ونحبك برشا بالتونسي وبحبك بكل لغات العالم الخليجي .
مرام : أحبك بكل اللغات .

((ويقاطع جوهم دق الباب ))
مرام : مين ؟؟؟؟؟
أبو مرام : فكوا الباب .
مرام : طيب .
أبو مرام : ليش قافلين الباب .
مرام : بابا عشان عزوز كل شويا يدخل ما أعرف أقعد .
أبو مرام : طيب خلاص خلي الباب مردود وهو ما يجي .
مرام : طيب
((ورجعت مكانها ))
عبد الله : يعني أنا زوجك ليش يشك فيكي .
مرام : عادي أتعودت .
عبد الله : الساعة 5 الفجر يا حبيبتي عن إذنك رايح .
مرام : والله ما تروح الا لمن تفطر معانا .
عبد الله : لا معانا هذه أسحبيها , نفطر مع بعض لوحدنا وبس ما أحد يخبص الجو .
مرام : طيب حبيبي الي تبغاه .
عبد الله : على فين ؟
مرام : أعبي الفطور .
عبد الله : لا حبيبتي ما شبعت منك اجلسي , وكمان جينا تجيب الأكل .
مرام : طيب براحتك ..
((وقعدوا طول الوقت مع بعض الين ما جابوا الفطور وفطر وراح بيته ))

أم مرام : ايش عملتوا في غرفتك ؟
فهد : يا ماما هذا سؤال تسأليه أختي والله عيب وحتى في صغير معانا , يعني مفهوم الشغلة مو لازم تسأليها .
أبو مرام : وانت يا عزيز ليش تدخل كل شوي عندهم .((معصب ))
عزوز: والله بس كده .
أبو مرام :لا مافي بس كده وحدة تقعد مع خطيبها تدخل عليها كل شوي ليش .
عزوز: آسف .
مرام : طالعة أنام .
أبو مرام : طيب زعلت أختك طيب يا عبد العزيز والله زعلان منك .
عزوز: لا بالله كله ولا زعلك .
أبو مرام : قوم أمشي أعتذر منها هو الي باقي تزعلوها , أنا أقولها قدامكم والله الي يزعل مرام راح أحرمه من شيء غالي عليه .
أم مرام : حتى أنا .
أبو مرام : حتى انتِ .
((قام عبد العزيز طلع عن أخته عشان يعتذر منها ))
ويدق الباب ..
مرام : ((تبكي )) مين ؟؟؟
عزوز: أنا ..
مرام : ..........
عزوز: ((جاه عندها )) مرام والله سامحيني .
مرام : أتخيل تكون مكاني وما تعرف تقعد مع خطيبتك كيف شعورك وكل شوي تعلق وتعلق والله خجلتني وخجلت عبد الله حتى وأحنا قاعدين في الغرفة أشوف عيونك من تحت تطالع لكن قلت ما همني يطالع ما يطالع ينقلع .
عزوز: والله آ سف أبوس يدك الحلوة والله آسف .
مرام : تتذكر لمن جاه فارس عندنا الله يرحمه تتذكر لمن سلمت عليه قدامك , انت حلفت ما تعلق من قبل سنة لكن رجعت لعادتك .
عزوز: ((حضنها )) آسف يا عمري .
مرام : مسامحتك .
عزوز: طيب رايح أقول لبابا انك سامحتيني .

((وراح عبد العزيز لأبوه , ومرام راحت على السرير مع أنها دوبها صحيت لكن الي قريب يتزوجوا يحتاجوا ساعات من النوم المتواصل أو المقطع ))

بعد كم يوم عملوا ملكة ريهام وأحمد ..
ومرام وعبد الله باقي لهم كم يوم ويتزوجوا .

يتكلموا بالتلفون ...
عبد الله : يا حياتي باقي كم يوم ونتزوج .
مرام : ياي مرة متحمسة وخايفة .
عبد الله : ليش خايفة مدامك معايا لا تخافي .
مرام : لا من السفر .
عبد الله : ليش أول مرة تسافري .
مرام : لا كتير سافرت , بس هذه المرة عشان معاك .
عبد الله : قلتيها معاك , يعني ما بتخافي مع حبيبك وزوجك .
مرام : طيب كيف أهلك .
عبد الله : والله متحمسين يشوفوكي في الفرح .
مرام : عبد الله .
عبد الله : يا قلب عبد الله آمري .
مرام : تعال لي اليوم .
عبد الله : ليش في شيء .
مرام : بس أبى أقولك كلمتين .
عبد الله : والله خوفتيني , خلاص نص ساعة وجاي .

((مرام طلعت على غرفتها لبست الفستان الي اشترته من زارا في الطائف الي عبد الله أختاروا لها وجللت شعرها ولمت الغرة من النص ولبست كعب أسود مرة حلو و طقم الماس من الي جاب لها هو أبوها و أمها وحطت ميك آب تقيل شوية وجهزت ونزلت ))
مرام : آهلين حبيبي اتفضل .
عبد الله : هلا ايش الجمال هذا كله (( وسلم عليها ودخلوا الصالون ))
مرام : ايش تبغى عصير ؟
عبد الله : أبى عصير مرام .
مرام : لا منجدي .
عبد الله : فراولة .
مرام : ثواني وجاية
((وجابت له العصير ))
عبد الله : تسلمي حبيبتي .
مرام : الله يسلمك حبيبي , شكلك اليوم مرة حلو .
عبد الله : بس مو أحلى منكِ .
((كان عبد الله لابس بنطلون أبيض وبلوزة لونها أسود ومجلل شعره وحاط سماعات البلوتوث على إذنه وشكله صاير مرة حلو ))
عبد الله : ليش جالسة بعيد تعالي جمبي .
مرام : جيت جمبك .
عبد الله : ايش هو الموضوع المهم الي تبغي تكلميني فيه .
مرام : اسمعني كويس وركز وما تعصب .
عبد الله : لكل أذاناَ صاغية سامعك .
مرام: قلت لريهام تقول لك بس ما آدري شكلها ما قالت لك .
عبد الله : لا تكملي يوم ما كنتي صغير أغتصبك فارس .
مرام : ((تبكي ))
عبد الله : لا تخافي والله مو زعلان ولا شايل هم بس أنو قالت لي انك عملتي تحاليل قبل سنة بس ما فيكي شيء وهذا المهم وفارس يعني مات الله يرحمه , مافي شيء أقدر أعمل له هو .((جاه قرب منها وحضنها ))
مرام : وقالت لك مع رائد كمان .
عبد الله : ايوا بس قولتي ما عندك شيء بس خلاص أنا مسامحك حتى لو أتوقعتك راح تخبي عليا لكن أنا منجد فخور إنك قولتي لي .
مرام : طيب كمل عصيرك .
عبد الله : كملت نصه انتِ تكملي الباقي .
مرام : لا .
عبد الله :وأنا أشربك كمان .
مرام : طيب انتبيه لا ينكب على ملابسي وملابسك .
عبد الله : أو توافق بيننا نفس الألوان .
مرام : وانت ما عندك ماضي عشان مرة وحدة ما أنصدم .
عبد الله : زيما قلت لكِ أول كنت أغازل بنات لكن أتعرض عليهم يا رب أقطع رقبتي لو أتعرضت عليهم .
مرام : انت أكتر واحد في هذا الدنيا أتعرضت لي في الطائف .
عبد الله : عملت كده عشان عارف أنو راح نتزوج .
مرام : ((قالوا لك مستحية قلت والله راح أشيل منها الحياء ))
عبد الله : أجلسي فوقي ؟
مرام : كمان .
عبد الله : مو أنا سيد رأسك وتاج رأسك .
مرام : لازم يعني تحرجني .
عبد الله : شطورة , يلا هاتي خدك .
مرام : والله أخاف أحدي يجي .
عبد الله : يلا .
مرام : خلاص هواي ملك لك .
عبد الله : ايوا ((وباسها ))
وعلى حظهم شافهم معتز .
معتز : أستغفر الله لا اله الا الله أكبر .
عبد الله : ليش هيئة قدامي ولا كيف .
مرام : ............
عبد الله : لا ما تقومي خليكي جالسة .
معتز : ياهو احنا موجودين ما يصير حرام وربي حرام أشوفكم كده .
عبد الله : يلا أطلع على غرفتك يلا .
معتز : مرام البسة أكلت لسانك .
عبد الله : برى برى .
معتز : أستني عليا أخلي فهد يشوفكم .
عبد الله : لو انا مو زوجها أقولك ايوا الهيئة معاها حق لكن أنا زوجها .
مرام : ههههههههههههههههههههههههههههه .
عبد الله : يسعد ضحكتك ((وباسها ))
معتز : لا أنا مو قادر أستحمل المناظر الإباحية .
مرام : ليش يعني فين شوفتوه باسني على خدي .
معتز : ها ...طيب خذوه راحتكم باي ((وطلع الدرج بسرعة وزهم فهد ))
عبد الله : أخوانك مشتركين في الهيئة .
مرام : ههههههههههههههههههههههههههههه .
فهد : خير إنشاء الله يلا كل واحد على مكانه ((قامت مرام بسرعة ))
عبد الله : خير زوجتي وحياتي وقلبي وعمري و روحي ونفسي ليش تقومها من مكان زوجها .
فهد : تروح تعمل هذه الحركات في بيت زوجها , عندنا أولاد ما يصير يشوفوكم كده .
مرام : يعني لسع باقي يومين على الزواج .
فهد : مرام انتِ يومين كيف أنا شهرين وصابر على نار .
مرام : طيب .
عبد الله : يلا باي عمري .
مرام : بدري .
عبد الله : بدري من عمرك .
مرام : هيا بس شوية .
عبد الله : معليش مرة تانية , لا تنسي تجي القاعة الساعة 6 المغرب عشان نجهز بدري .
مرام : من عيوني ((ولازم يبوسها و يروح ))

فهد : الله يعينك يا مرام عبد الله مرة مستعجل على الزواج .
مرام : خلاص كلها يومين .
فهد : طيب أنتوا ما شاء الله قبل شهر الخطوبة وبعدها بأسبوع الملكة ودحين بعد أسبوعين الفرح يعني بكرة .
مرام : والله خايفة مووت .
فهد : طبعاً , أنا يوم الملكة خفت أكتر من سماهر .
مرام : هههههههههههههههه المفروض العكس .
فهد : شوفتيني قعدت أصبصب عرق ومرة موتر .
مرام : ترى ريماس ورائد بعد بكرة زواجهم .
فهد : حتروحي ؟
مرام : لا ما يمديني .
فهد : انتِ فرحك في هيلتون صح .
مرام : ايوا , بس يا ريت الملكة كانت في هيلتون والفرح في ليلتي .
فهد : طبعاً انتِ ما تبغي غير الفخم والغالي .
مرام : يلا أنا رايحة أنام .

ومر اليومين كأنهم ساعتين بالنسبة لمرام


((يوم فرح مرام ))

((مرام كان فستانها مرة روعة كان لونه أبيض ومفتوح من الصدر ومعاه ذيل طويل مرة طويل يجي شيء 7 متر , ولبست الماس هدية من أم عبد الله وصبغت شعرها آشقر طلع عليها روعة عشان هيا بيضة وعيونها ملونة وعملوا لها تسريحة شوية كبيرة , والميك آب حقها كان مرة جنان المهم كانت مرة طالعة جنان ))

في غرفة العروسة ...
أم مرام : هيا بنتي جاهزة .
مرام : ماما الله يسعدك مرة خايفة .
روضة : يا بنتي ما تخافي أمسكي روحك وأمشي .
مرام : مو قادرة أوقف حاسة رجولي جمدت .
ريهام : خذي موية يا مرام يمكن تهدي .
مرام : شكراً ..
روضة : هيا يا بنتي مافي وقت الساعة صارت 2 هيا .
مرام : فين عبد الله ؟
روضة : مستنيكي برى .
مرام : لا مافي يتزف معايا والله أخاف أطيح .
روضة : أماني أزهمي عبد الله .
أماني : أهو جاه .
أم مرام : تعال يا ولدي لمرام .
((الأتنين صاروا يطالعوا لبعض ))
روضة : 2 وربع هيا يلا حطوا الأغنية هيا .

(( وحطوا في البداية أغنية رومانسية عشان يعلنوا عن الزفة , بعدين عملوا عرض بالداتا شو وجابوا صورة مرام وهيا صغيرة وصورة عبد الله وهو صغير بعدين صورتهم وهما مخطوبين ولابسين الهندي وبعدين أحلى صورة في النهاية هيا مرام وعبد الله في الملكة وحاضنين بعض , كانت أحلى صورة بينهم وأخر صورة في العرض وأغنية حاطينها مرة حلوة وهيا Shayne Ward- Someone to love رووووووعة , و وصلوا على الدرج والناس تصفق وترقص وعزوز قاعد على الكوشة هما وأخوانه وأخوان وأخوات العريس كلهم , بعدين لمن وصلوا للكوشة الكل صفر لهم وحياهم وحطوا لهم أغنية رومانسية مووت
لـShayne Ward-a Better man أسمعوها يا قراء مررررررررة روعة ورقصوا سلو عليها وكان شكلهم روعة ويجنن موووووووووت الله يسعدهم .
وجلسوا في الكوشة ..
عبد الله : صدقيني أحبك .
مرام : مو وقته بعدين .
أم مرام : ((تزغرط هيا وأخواتها وتبكي ))
ريهام : مبروك يا كلبة ((وترقص ))
((بعدين حطوا أغنية أنا مش بتاعت الكلام داه لشيرين ورقصت هيا وعبد الله وفي النص والبنات والحريم عاملين لهم دائرة ))

اليوم كله حلو يجنن روعة مرة روعة كونوا مكانها وربي فرحة ما تنتهي .

الكل راح لبيته وعبد الله أخذ زوجته مرام للبيتهم أو بالعربي مملكتهم .

عبد الله : مبروك يا عروسة .
مرام : الله يبارك فيك ((مستحية موووووووووووووووووت ))
عبد الله : هذا بيتك اتفضلي .
مرام : أنا مو قلت لك لا تجيب لي فيلا .
عبد الله : أمي غصبت عليا .
مرام : لا عادي بس مرة حلوة .
عبد الله : مرام .
مرام : آمر حبيبي .
عبد الله : ممكن نطلع ننام .
مرام : طالعة .
عبد الله : طالع وراكي .

((وراحت أخذت شاور ولبست القميص الي قال لها عليه عبد الله تلبسه حق يوم الطائف ))
عبد الله : يا حياتي أحسبك راح تنسي .
مرام : أنا ما أنسى كل لحظة معاك .
عبد الله : مرام .
مرام : آمر عمري .
عبد الله : ايش رمز حبنا الي قلتي عليه .
مرام : إني رسمتلكْ أحلى ابتسامة .((ابتسمت ))

((خلاص الباقي مالكم شغل فيه , ليلتهم خليهم يتهنوا الله يسعدهم ))


وخلصت الإجازة الصيفية لعام 2007 وانتهينا الرواية بس لازم نقول لكم ايش حصل :

مرام وعبد الله : بعد أسبوع سافروا على ايطاليا شهر عسلهم وعيشتهم راح تكون في ايطاليا كمان, وبعد شهر حدثت معجزة حمل مرام الكل أتفاجئ , لأنو عبد الله عندوا الصرع والي عندهم هذا المرض ما يجيبوا عيال" اللهم كافينا " لكن حب ربنا لهم خلاهم ينجحوا في أول خطوة .

فهد وسماهر : أتزوجوا نهاية الإجازة وسافروا على ماليزيا وعاشوا حياة مرة حلوة .

عزوز أو عبد العزيز : ما أتغير لكن بيطمح بالزواج لكن أمه وعدته أنه تزوجوا السنة الجاية

معتز : بيكمل دراسته وراح يدرس في كندا عشان يرجع الدكتور معتز .

ماهر : مر بأول خطوة وهيا صار أول متوسط وإنشاء الله ينجح في حياته .

أم مرام وأبو مرام : من أول ما أتزوجت مرام ما فارقتهم الدموع , وفهد كمان , وكل شويا يدخلوا على غرفة مرام وفهد ويبكوا .

جيهان : صحيح انها كانت تتمنى فارس لمرام لكن الحياة قسمة ونصيب ونسيت الماضي وكملت حياتها .

مروج : ما زالت مروج البنت , لكن مارست حياتها بكل فخر إنها بنت , وسجلت في مدرسة عشان تكمل السنين الي راحت .

أفنان ورامي : عاشوا حياة سعيدة مع ابنهم سليم , وزيما تعرفوا هيا حامل دحين في الشهر الثالث .

رحاب : كمل حياته وأتزوج وحدة تقربلو من بعيد , وكانت هذه العروسة هيا أول زواج ناجح في حياته , الله يسعدهم ويكملوا حياتهم من دون مشاكل .

حنان وعيالها :- الحمد الله أتحسنت حياتهم عن أول و لدها الكبير أشتغل وأحمد ما زال صايع ضايع و رهف كل مالها ما شاء الله بتكبر وتفهم .

منال : ربي يحبها , خطبها أخو صاحبتها لكن وعدها راح يتزوجها بعد شهر ونص .

هديل : حدثت المعجزة الثانية , هديل حامل من زوجها بعد سنتين من زواجهم والكل فرح لها واتمنى أنو الي في بطنها يتربى في عزهم .


إبراهيم : صحيح أنو أنصدم لمن أبو مرام طلب منه أنو يكون الشاهد على زواج مرام , وما نفذ وصية فارس " الله يرحمه " أنو يتزوج مرام , لكن بعد كم شهر أكتشف أنو روتانا كانت كاتبة الخاطرة حقتها عنه , وهوا كان يخفي مشاعر لروتانا لكن كتم في قلبه وجاه الوقت انو راح أتقدم لها وخطبها , و وعدها لمن يتخرج من الجامعة أو في ثالث جامعة راح يتزوجها .

رائد وريماس : زيما قلنا أتزوجو , لكن مافي أخبار عن حمل ريماس , نستنى سنة وإنشاء الله تحمل من رائد .

ريهام واحمد : أتزوجوا وعملوا لهم فرح ما حصل , وراحوا على أمريكا لشهر عسلهم .

لؤي : ما أتغير من المولات للكباين للبيت وعلى هذا الحال " الله يهديه " .

ندى و عصام : "أخيراً"على قول زوجها حامل في الشهر الثالث ..يعني في نفس موعد حمل أفنان .


والحمد الله انتهيت من أول رواية ليا وأتمنى انو ما أكون طولت عليكم

ملاحظة:

الحب صفاء من قلب عطاء من رب وعلامة للحبايب ..يا قراء يا أعزاء مو لازم تكون الحياة فيها شخص نحبه , الحياة قسمة ونصيب إذا كان موجود الحب راح يتولد مع الأيام ...مرام المسكينة صحيح أتعذبت مع فارس لكن ربي عوضها بعبد الله الي مافي منه , و ربي كمان عوضهم بحمل مرام الي ما كان جاي على بال أحد , الحمد الله على هذه المعجزة , وأفنان مو كل مرة تسلم الجرة هي صحيح غلطت مرتين لكن كويس من طنت روضة إنها سامحتها وفهمت الكلام من الدكتورة , صدقوني أنو روحة الكبائن والتعرف على الشباب شيء مرة أهبل وغبي خلاص أستني نصيبك مو لازم تخلي الرجال الي يخطبك يأخذ فكرة عنكِ , يعني زي مروج كان ماضيها مرة شنيع ولمن اعترفت لزوجها طلقها وسبب لها حالات نفسية
, والغيرة بين البنات أصعب شيء , زي أمل كانت تغار من مرام عشان هيا أتزوجت عبد الله حتى فرحها وملكتها ما راحتها , يا بنات الغيرة مو كويسة تولد الحقد بين الناس ,
وكمان غلط إبراهيم لمن خبى عن مرام مشاعره اتجاها , ولمن كلموا أبو مرام يكون الشاهد على زواجها أنصدم صدمة حياته لكن ربي عوضه بروتانا , وفهد الي عاش أحلى قصة حب في كندا مع سماهر , قدم لهم يد المساعدة بعونهم على احتياجاتهم وأكبر عون لهم زواج فهد من سماهر , وعبد العزيز من كثر ما مرت عليه أفراح بدء يغار من أخته وأخوه وقال يبغى يتزوج , لكن الغيرة مش وسيلة للزواج وأخر شيء ممكن تستغربوا ليش أحط لكم الأغاني الحلوة وأقول لكم أسمعوها أو نزلوها من النت , عشان أبغاكم تعيشوا الموقف, وأخر كلمة يا رب كل حبيب يحب حبيبته منجد يتزوجها عشان الزواج رمز للحب لكن في روايتنا رمز الحب لمرام وعبد الله "رسمتلكْ أحلى ابتسامة".

أنتظورونا في الفصل الثاني من الرواية....
رواية رسمتلكْ أحلى ابتسامة

للكاتبة :So0o0o0oS 8al8
رواية واقعية حدثت في عام 2005 حتى 2007 >>الي يقول حدث تاريخي كاااااااااااااااااي



منجد مو مستوعبة انو الرواية انتهت وكملتها


والله منجد اتمنى تكونو عجبتكم الرواية

واشوفكم في الفصل التاني افكر اكمل الفصل التاني

كااااااااااااااااااااي

مشكوره شهد عالروايه

العفوو منووره خييتو..

مشكورررررره اختي//شهوده

على الموضوع الجميل والجهد الكبير..

في هـآإذا المووضوع الرآئع..

والحمـدلله عـلى الـسـلآإمه..

لك اجمل التقدير مني..




تحيـآإتي

وااااااااااااااااااي شهودتي رواية رووووووووووووووووووووووعة تهبل لاعدمناكي يالغالية ابدا كمليها كمليها بلييييييييييييييييييييييييييييييييييييييييز