أحلى روآآيه من •šĦŏĐă• لكم

بنوته جنآن · 12-01-2008, 04:33 PM

فهد : عادي أقعد معاكي ؟
مرام : الي يقول البيت بيتي أتفضل .
فهد : شكراً .
مرام : و سكيت التلفزيون وهذا جلسة أفتح الموضوع .
فهد : طالعة لأمك تعرفي الواحد من شكله أنو يبغاكي .
مرام : أدخل في الموضوع !
فهد : أضن اني بعد كم سنة راح أدرس برى .
مرام : والمهم .
فهد : مو تضحكي وتعلقي !
مرام : أتكلم .
فهد : أبى أتزوج .
مرام : منجدك انت رابع جامعة وتبى تتزوج .
فهد : ايش فيها أتزوج حرام .
مرام : لا والله حلال , بس حاط وحدة في بالك ولا تبغاني أخطب لك وحدة من صاحباتي .
فهد : صاحباتكِ أغبياء مووت , أنا في بالي وحدة منجد تحسيها يا عني زوجة تحب زوجها .
مرام : انت تحبها من أول .
فهد : لمن سافرنا أول أنا وبابا لوحدنا كندا أتعرفت عليها .
مرام : يا عني مدة الحب 4 سنين , والله يا فهد طلعت تحب وحدة ومخبي علينا .
فهد : مرام البنت مو تجنن , حلوة وطيبة وأهلها أطيب وكل شي فيها حلو ما تبغيني أتزوجها ليش .
مرام : حتى أهلها تعرفهم .
فهد : لمن كنت أزورها كانوا أهلها يسلموا عليا .
مرام : تزورها !!!!!!!!!
فهد : لا يروح عقلك بعيد , كنت بس أقعد مع أهلها ونقعد شوية مع بعض وبعدين نروح نتمشى شوية على البحر أو أوريها الجامعة أو نأكل ايس كريم بالجو الحلو .
مرام : بس مافي يوم أتعرضت لها ؟؟؟؟؟؟
فهد : مجنونة انتِ البنت بنت ناس مرة بنت ناس .
مرام : تلاقيها مشيت ولفت على أكثر من 1000 واحد وانت من الضحايا .
فهد : في بنات تحسيهم يكلموا شباب , مرام أقول لكِ شايفة اللؤلؤة الي تخرج من الحبار صافية من غير وسخ الحبار , هذه سماهر زيها بالتمام صافية وحلوة ومحافظة على دينها وكل شي فيها يا مرام حلو , مهما أوصف فيها ما توصف , البنت معجزة نزلت ليا مرام أفهميني .(( يتكلم بحماس ))
مرام : أسمها سماهر , والله حلو طيب أوصف لي شكلها .
فهد : شعرها لونه بني فاتح وطويل وناعم , وعيونها بلون شعرها ولونها حنطي و وجسمها مو متينة بس وسط يعني أمتن منك يا مرام بس مرة حلو جسمها وملامح وجهها حلوة وكمان طويلة يعني أقصر مني بشرطة .
مرام : والله مواصفتها حلوة بس أخلاقها ؟
فهد : أقولك حبيتها من أول نظرة لمن كنت في ثالث ثانوي حبيتها والين رابع جامعة حفضت شكلها وكل أسرارها وكمان أول يوم شفتها فيه في الكوفي كان من أحلى أيامي .
مرام : حكيني أول يوم عرفتها فيه ؟
فهد : ذكرياتي معاها أحلى شي في هذه الدنيا وأغلى ما أملك في الدنيا سماهر , المهم والله دخلت مرة كوفي في كندا وجلست وطلبت كروسان وكوفي وقامت دخلت مع أمها وأخواتها , وعلى طول طالعت فيا وابتسمت مرام إبتسامتها تذوب الواحد عارفة كيف تذوب الواحد , والله يا مرام زي ابتسامتك لمن تذوبني , هذه كده , المهم جلسوا في الطاولة الي قدامي وجاه النادل أعطاهم المنيو , وطالعت في الي طلبته وطلبت زي وابتسمت .
مرام : ايش كانت لابسة ؟
فهد : بس أنتوا البنات همكم في هذه الأشياء , أصلاً ما أقدر أنسى لبسها وشكلها في هذاك اليوم , كانت لابسة تنورة سودة فوق الركبة بشوية وبلوزة بيضة طويلة وشعرها فاردا وحاطة ماكياج زي الي تحطيه بس كان شكلها مرة روعة وبالذات عيونها تحسيها تجذب .
مرام : والله متحمسة أشوفها كمل .
فهد : وبس قامت أختها همست في أذن سماهر وطالعوا عليه وقعدوا مكسوفين وخجلانين مني .
مرام : أكيد عيونك ما فارقت عيونها .
فهد : كنت أنا صراحة مسرح فيها وهيا تطالع فيا وتضحك .. يا الله .. والله أيام حلوة .
مرام : كمل .
فهد : وبس قامت وراحت على الحمام و وقفت هناك وتأشر على أختها , وبس بعدين أنا عملت نفسي رايح حمام الرجال وجات كلمتني .
مرام : يا عني هيا الي بدئت هذا العلاقة .
فهد : بالضبط , ((ويكمل ))
سماهر : انت من فين
فهد : من السعودية وانتِ ؟
سماهر : زيك بالتمام .
فهد : سياحة ولا علم .
سماهر : لا داه ولا داه .
فهد : ههههههه أجل ايش .
سماهر : أحنا عايشين هنا 6 سنين وهذه السنة يمكن نرجع على بلدنا .
فهد : أنا والله هنا جيت مع أبويا عشان عنده شغل وطفش جيت أتونس .
سماهر : عندك جوال ؟
فهد : أكيد .
سماهر : معليش رقمك .
فهد : صراحة أول مرة أكلم بنت غريبة .
سماهر : يعني انت ما تكلم بنات طيب سوري .
فهد : لا عادي أديكي رقمي ,وأديني رقمك كمان عشان نتقابل مرة تانية .
سماهر : صراحة أنا اليوم مرة فرحانة .
فهد : ههههههه ليش.
سماهر : أول شي بابا صار كويس بعد العملية , وأني لقيت ولد سعودي من بلدي .
فهد : فرصة سعيدة معليش بس اسمك ما أعرفه .
سماهر : أخذنا الكلام اسمي سماهر .
فهد : عاشت الأسامي وأنا فهد .
سماهر : فرصة سعيدة .
فهد : وأنا أسعد راح أتصل عليكي الليل ونتفق على مكان نتقابل فيه مو أحسن .
سماهر : أحسن بكتير .
فهد : باي .
سماهر : باي .

فهد : والين هنا أتقابلنا في حديقة يقول عنها أنو الي يحبوا بعض يتقابل فيها بس يعني والله صدفة حصل أنو نتقابل هنا .
مرام : عليك حركات أحياناً .
فهد : وبس أتكلمنا عن كل شي عن أخوانها و مرض أبوها الي خلاهم يعيشوا في كندا وعن كل شي , بس ودحين أنا صراحة دايماً أروح لهم عشان أبوهم مات ومافي أحد يساعدهم غيري , وأنا كم مرة كلمت أمها اني راح أخطبها منها وهيا وافقت وأعمامها كمان وافقوا .
مرام : قصة حب تجنن .
فهد : بس دحين جاى الوقت الي أكلم فيه ماما عنها وتوافق هيا وبابا ونروح ونخطبها وأتزوجها ونعيش في بيت واحد .
مرام : بس مو وقته دحين تخطبها .
فهد : ليش ؟
مرام : عشان أفنان ما يصير نفرح وهيا نايمة على السرير .
فهد : طيب بس نخطبها على الأقل أخاف تروح مني .
مرام : كم عمرها دحين ؟
فهد : 21 سنة .
مرام : وانت ؟
فهد : 24 سنة مافي فرق بس 3 سنين .
مرام : والله أحس إنها عجبتني وانت تحكيني عنها .
فهد : بكرة راح أفتح مع ماما الموضوع .
مرام : يا رب تتوفق في حياتك انت و سماهر (( ونزلت راسها ))
فهد : مرام بكرة فارس راح يجي يخطبك لا تستعجلي مرام أصبري .
مرام : تصبح على خير .
فهد : وانتِ من أهله .
وراحت على غرفتها وتكتب في دفترها :

أحتاج إليك الآن يا حبيبي ...
أرجوك خذ بيدي
قف الى جانبي في هذه الساعة ..
وخذ وقتاَ كي تتفهم كوني أحبك .

خذ بيدي يا عزيزي ..
وقدني بعيداً عن هذا المكان
أطرد عني ش@@@@ ومخاوفي ,
وأمسح الدموع عن وجهي

يا حبيبي أنا لا أستطيع أنا أبقى بعيدة عنك .
أريد يدك لأمسك بها ..
وأحتاج الى لمستك الحانية
لتدفئ عالمي الذي أصبح بارداً ..

أرجوك لا تبعد عن قلبي ابقى دائماً بجانبي
وتمسك بي على مر الأيام ..
لأنه بفضل إتحاد يدك بيدي أعرف أننا
سنجد طريق حياتنا ...

سكت الدفتر و قفلت اللايت وفتحت الأباجورا الي جمبها ونامت .

اليوم التاني كلم فهد أمه بموضوع سماهر و وافقت على طول وكمان أبوه وافق
وراحت أم مرام وجدة خيرية ومنال عشان يخطبوا سماهر بعدها بأسبوع ..

نعرفكم على عائلة سماهر عشان تعرفوا باقي الرواية

أم سماهر : طيبة وحنونة أكتر شي تحبه في حياتها أولادها ومسكين زوجها مات بالمرض البطال .

سماهر : تقدم وصفها في صفحة 160 ... عمرها 21 وتدرس علم النفس , وطموحها تكون زوجة فهد .

ريفان : تشبهه سماهر بس شعرها وعيونها لونهم أسود وعمرها 19 سنة

فداء : عمره 17 سنة وطيب و فيله شبه من سماهر .
هناء : عمرها 16 سنة وطيبة مووت بس شوية متكبرة وشايفة نفسها .

...............................................

المهم نروح ليوم خطبة سماهر على فهد
(( سماهر لبست فستان بني شوية قصير و لبست إكسسوارات ذهبية وصندل ذهبي و ميك أب ذهبي حلو , وفهد قص شعره ولبس ثوب فخم لونه سكري وغطرة سكري وكان شكله مرة حلو ))

وصلوا على بيت سماهر ودخلوه الرجال عند الرجال والحريم مع الحريم
أم مرام : والله إحنا يشرفنا يا أم سماهر نتقدم لبنتك سماهر ونخطبها لولدنا فهد .
أم سماهر : والله فهد كان بمثابة أكثر من أخ لنا وعزيز على قلبنا بكتير ونحنا صراحة يشرفنا يكون زوجها .
جدة خيرية : بس معليش نشوف البنت .
أم سماهر : البنت حلالكم .
(( وشافوا سماهر ومرة عجبتهم وبالذات خيرية اتهبلت عليها ))

نروح للرجال
(( فهد جاى مع أخوه وأبوه وخاله رحاب وكان أعمام سماهر موجودين ))
أبو مرام : والله يشرفنا يا عم سماهر نتقدم حق بنتكم سماهر .
عم سماهر : هذه الساعة المباركة و والله أنو فهد ولد أخلاقه عالية وأكيد يشرفنا يكون زوج لسماهر .
عزوز: (( يدقه ويهمس )) والله عليها أسم ما شاء الله عرفت تختار .
فهد : خالو رحاب .
رحاب : نعم .
فهد : أعطيني كلينكس صراحة مو قادر أستحمل (( العرق من راسه لأصباعه ))
رحاب : اتفضل يا عريس
((وتدق الباب أم سماهر على عمها عشان يسيب فهد لوحدوا عشان يشوفوا بعض ))
عم سماهر : تعالي يا بنتي شوفي فهد .
سماهر : السلام عليكم .
فهد ((وقف )): وعليكم السلام ورحمة الله وبركاته .((فاتح فمه على جمالها ))
عم سماهر: نسيبكم 5 دقائق ونرجع .
فهد : كيفك سماهر ؟
سماهر : حمد الله كيفك انت .
فهد : أنا اليوم يا سماهر مو قادر امسك نفسي شكلي راح أبكي .
سماهر : ليش يا فهد ؟
فهد : مو مصدق اني اليوم جيت أخطبك وشوفتك وراح ألبسك الدبلة منجد مو مصدق .
سماهر : صدق يا فهد بكرة راح نكون في بيت واحد ونجيب عيال .
فهد : أنا متحمس لنجيب عيال .
(( ويدخل عم سماهر ))
عم سماهر : ما شاء الله أتكلمته عن العيال كمان .
فهد : والله يا عمي بنتكم مستعدة تجيب عيال وأنا مستعد .
عم سماهر : روحي يا بنتي عند الحريم , كأنو يا فهد أتزوجتوا وتتفقوا على الولد ؟
فهد : معليش بس مستعجل على الزواج .
عم سماهر : يا ما كنا زيكم ههههههههه .
عزوز: فهد كيف حلوة ولا أعوذ بالله .
فهد : اللولو جمبها ولا شي .
رحاب : الله ايش الجمال هذا كله فيها , طيب أعطيني هيا .
فهد : الله يخليكم أبى أقعد شوية ساكت .
عزوز : والله لا أوريك ايش يعني سماهر .
أبو مرام : ها فهد عجبتك ؟
فهد : مو اليوم راح نلبسها الدبلة .
أبو مرام : يلا روح على صالون الحريم عشان تلبسها الدبلة .

(( وراح فهد وماسك قلبه بقوة , وزغاريط الحريم ما تنتهي , ولبسها الدبلة وفرحوا فيهم, ورجعوا على البيت وفهد بس يحكي مرام عنها وعن حتى مشيتها وكل شيء وعبد العزيز يقعد يستفز في فهد وحالة فهد منجد حالة ))

عزوز: هيا يا فهد نبى بيبي يدخل في بيتنا .
فهد : يا رب .
عزوز: كلمت سماهر .
فهد : وانت مالك كلمتها ولا ما كلمتها حر أنا يوه .
عزوز: أعصابك خلاص قمت .
(( وتجي أم مرام ))
فهد : ماما ما يصير أروح اليوم لسماهر ؟
أم مرام : يالله ما كملتوا يومين تبى تروح لها ما يصير .
فهد : والله وحشتني .
أم مرام : كمان الكلمة ديه قدامي هههههههههههههههه .
فهد : ماما طيب يصير أتصل عليها .
أم مرام : اتصل .
فهد : شكراً .
أم مرام : الله يسعد عيالي كلهم آمين .

....

فهد في غرفته ...

فهد : مساء الخير .
سماهر : مساء النور .
فهد : كيفك ؟
سماهر : حمد الله انت كيفك .
فهد : تعبان من دونك .
سماهر :هههههههههههههههه
فهد : يسعد صاحبة الضحكة .
سماهر : فهد .
فهد : يا روح فهد .
سماهر : وحشتني .
فهد : وانتِ أكثر حياتي .
سماهر : ليش ما تجي بكرة عندنا ؟
فهد : دوبني كلمت ماما قالت بعد أسبوع .
سماهر : طيب متى أتفقتوا على الملكة .
فهد : سمورة حبيبتي لا تستعجلي .
سماهر : طيب ليش مو نسويها الأسبوع الجاي .
فهد : عشان بنت خالي مرة تعبانة ولو دري خالي راح يزعل اني أتزوجت وهم في ذي الحالة
سماهر : ليش ايش فيها تعبانة ؟
فهد : والله قصتها تكسر ظهر الواحد , مسكينة أتزوجت واحد بالحرام ولمن اكتشفوا أهلها إنها حامل و دوها المحكمة وجلدوها وقبل كم شهر ولدت وجابت ولد وجات أم زوجها وأخذت ولدها وطلقها زوجها مع انهم الاثنين يبغوا بعض .
سماهر : يا الله لازم توقف معاهم .
فهد : كفاية أختي كل يوم عندهم .
سماهر : نفسي أشوف مرام شكلها حلوة وطيبة .
فهد : هيا مرة طيب وعسل راح تحبيها وتحبك لو شفتوا بعض .
سماهر : أوه .
فهد : ايش فيكِ حياتي .
سماهر : طاح البرفان على رجلي .
فهد : يا ريته فيا ولا فيكي .
سماهر : لا تدعي على نفسك حبيبي .
فهد : يا حياتي ويا عمري ويا قلبي ويا روحي سماهر .
سماهر : نعم يا عمري .
فهد : جاتني النعوسة حبيبتي تصبحي على خير .
سماهر : وانت من أهله حبيبي باي .
فهد : لحظة سمورة .
سماهر : ها حبيبي .
فهد : يا ريتك لو تنامي معايا في نفس السرير .
سماهر : أمووت فيك باي .
فهد : حياتي انتِ باي .

فهد : والله مافي شي أحلى من الزواج و الزوجة والاستقرار في بيت لحالك وتعيش لوحدك بين أحضان زوجتك وبس...أه يا سماهر ....مين يصدق بعد قصة حب طويلة راح نصير أقرب ناس لبعض ....خليني أنام وأحلم بي سمورة .

مرام في غرفتها بتتكلم مع مروج ....
مرام : أقولك أفنان صارت نفسيتها زفت .
مروج : طيب ولا أحد يقول لي طيب .
مرام : انتِ لو مكاني كان جلستي ما تكلمت مع أحد .
مروج : على الأقل أديني رنة
مرام : طيب خلاص مروج لا تزعلي مني .
مروج : جاتني فكرة جهنمية .
مرام : قولي الي عندك .
مروج : ايش رأيك نأخذ أفنان وفارس وإبراهيم ورائد وأنا وانتِ نروح نتمشى على المول .
مرام : والله من زمان على ميجا مول .
مروج : شفتيه خلينا نروحه كمان أصحابي وحشوني .
مرام : والله إنك فاضية وحياة ربك فاضية انتِ بأصحاب .
مروج : والله يا مرام أقول لك شي نفسي نروح مرسى الأحلام نتعشى هناك مع عيلتي وعيلتكم .
مرام : خلاص منها كمان نقول لخطيبة فهد عشان تتعرفوا عليها .
مروج : والله نفسي أشوفها , بالله كان يحبها 4 سنين .
مرام : ايش قصة حب يا مروج ايش قصة حب ولا في الخيال بتحصل .
مروج : خلاص يصير بكرة نروح المول ويوم الثلاثاء نروح نتمشى كلنا مع بعض على البحر ويوم الخميس نروح مرسى الأحلام ايش رأيك .
مرام : رأي من رأيك .
مروج : خلاص أنا اتصل على الكل ونقول لهم على بكرة .
مرام : يا حبيبي في مشكلة نسيت أحط لها ايجابيات .
مروج : قولي ؟
مرام : مرسى الأحلام أكله غالي مين راح يدفع .
مروج : يتفقوا !
مرام : يعني مو أحنا أصحاب الفكرة !
مروج : لا طبعاَ احنا معانا فلوس عشان ندفع , كمان انت يا مرام جيوب أهلنا مليانة بنوك واحنا البنات الي جات علينا الليلة على سفينة في مرسى الأحلام ندفع فوق ثلاثة ألاف عشان نستأجر سفينة وكمان الأكل وتكاليف الرحلة لا يا مرام .
مرام : والله جاتني فكرة خطيرة .
مروج : شكلها زي فكرتي .
مرام : نتصل على مرسى الأحلام ونستأجر السفينة ونطلب الأكل وعدد الطاولات وبعدين نحط أهلنا قدام الأمر الواقع ويدفعوه .
مروج : برافوا عليكي والله نفس فكرتي .
مرام : يا الله تبي شي .
مروج : لا تصبحي على خير .
مرام : وانت من أهله نستناكم بكرة طيب .
مروج : أوكي باي مرام .
مرام : باي .

و نروح لفارس ...

فارس قاعد في غرفته بيفكر في مين ؟؟؟؟؟؟؟حزر توها يا قراء أكيد عارفين مين ؟ المهم
مسدوح على سريره وبيغني Whitney Houston- I well Always Love you ((أسمعوها يا قراء ترى مرة الأغنية تجنن وحلو نغمها على صوت فارس ))
ويعيش فارس أحلى الأحلام مع نور الأباجورا الخفيف وهدوء مخيم على الغرفة , فما تسمع الا نغمات الريح ودقات القلوب المحبة , وجمال الطبيعة الفتان وسحر العيون الموجود .

((وتدق مروج على الكل وتعزمهم على ميجا مول ))

ونجي لليوم .

الكل جاهز ومنتظرين أفنان في بيت مرام ...
فارس : ما كأنها أتأخرت أفنان .
مرام : قالت بعد شوية تجي .
إبراهيم : روتانا ما راح تجي !
مروج : يا هو تعالي يا روتانا اسمعي ايش يقول لإبراهيم عنك .
إبراهيم : يعني حرام أسأل .
مرام : لا حلال .
رائد : طيب أنا قاعد في السيارة ما يمديني أنتظر كتير .
فارس : المهم جبت الإسكيت معاك .
رائد : كل أسبوع تلاقيها في شنطتي .
إبراهيم : اليوم لازم نظهر المواهب على الناس كلل أسبوع نعمل موهبة نخلي اليوم المواهب تطلع .
فارس : وأنا راح أعلمكم حركة .. خطيرة مرة .
مرام : وأنا إيش دوري ؟
فارس : تتمشوا في المول عبال ما نظهر مواهبنا .
مروج : أحنا كل أسبوع نطلع موضة في المول صح ولا مو صح يا شباب .
الكل : صح .
مروج : اليوم موضتي راح تكون هيا كالتالي : كلنا نمشي صف واحد البنات في النص ومعانا عصيرات ميرندا حمضيات ايش رأيكم مو عصير غريب ولذيذ بس ما أحد مدي له اهتمام .
مرام : والله فكرة حلوة .
فارس : أفنان جات قوموا فكوا الباب .
الكل أنقض على بوابة الشارع عشان يستقبلوها .
مرام : أفنان كيفك ؟
أفنان : الكل موجود كيفكم ايش أخباركم .
إبراهيم : بوجودكِ صرنا كويسين .
مرام : خلاص إبراهيم مو وقته تعالي أفنان أجلسي .
مروج : أجيب لك عصير ؟
فارس : أجب لك جاتوه ؟
إبراهيم : أكبس رجلك .
أفنان : هههههههههههههههه ايش فيكم اليوم مهبولين شوية .
مرام : ما حنا مصدقين أنو أفنان رجعت .
أفنان : يلا ترى مليت من الجلسة نبغى نروح نتمشى في المول والله من زمان على ميجا مول
فارس : إحنا نستنى ايه يلا يا بنات
مروج : كده الفلة ولا بلاش .
مرام : لحظة شوية بس أحط كحل .
فارس : مرام مو لازم تحطي شكلكِ أحلى كده .
مرام : أنا ما تعودت أطلع من دون شي في عيوني أو في وجهي .
أفنان : طيب نستنى السانيوريتا مرام لمن تخلص .
(( الكل يطالع في مرام ))
مرام : خير يا طير بطالعه في ايه .
إبراهيم : الله يعين الشباب هناك أرحمي عمرك يا مرام كفاية .
فارس : مرام حطي القلم و أتفضلي على السيارة أنتوا والبنات
مرام : هذا كله عشان شوية كحل .
أفنان : هذا شوية الأزرق كله طالع من عيونك وواضح .
رائد : راح تركبوا السيارات ولا لا .
الكل : جايين .

وانقسموا لقسمين :-
القسم الي في سيارة فارس <>مرام وأفنان وإبراهيم
القسم الثاني في سيارة رائد <> رائد ومروج بس .

وصلوا المول ...
البنات جالسين في السيارة
والشباب بيلبسوا الإسكيت عشان يعرضوا المهارات قدام الناس .

مروج : مين تتوقعه يعمل حركات حلوة .
مرام : أكيد فارس .
مروج : والله خالي رائد عليه حركات منجد .
أفنان : ايش دراكم يمكن إبراهيم كمان يعمل حركات حلوة .
مروج : في كده ولا كده بينك وبينه .
أفنان : وحدة ما صار لها مطلقة أسبوعين تبغيني أحب واحد بسرعة , أنا يا دوبك خرجت من نكبتي تقولي ليا تحبي إبراهيم , لا طبعاً أحبه كولد عمي بس زيك يا مرام و زيك يا مروج .
مرام : يلا على المول .
مروج : يلا نسوي مسخرة
البنات : هوووووووووووووووووووووو .

الجزء الثامن عشر :-

(( ودخلوا على ميجا مول , وقعدوا يتمشوا ))
مرام : ايش هذا مليان شباب .
أفنان : إحنا جينا في وقت متأخر .
مروج : الساعة 10 متأخر .
مرام : مو هو ذا الوقت يتملوه فيه .
أفنان : لحظة أسكتوا شوية لا تتكلموا ؟
مروج : ليش ؟؟؟؟؟؟
أفنان : شوفوا مين قدامكم .
مرام : واي أصحابنا في الدرة .
مروج : مين ؟؟؟
مرام : هذوله الثلاثة الي جايين علينا .
مروج : أحلفوا .
أفنان : يا ويلي يا سواد ليلي
(( جو الأولاد قدامهم ))

الشاب :أنتوا البنات الي دايماَ نشوفكم في الدرة .
مرام : ايوا .
الشاب 2 : انتي مرام والتانية أفنان صح , بس ممكن نتعرف عليها ما نعرفها .
مروج : اسمي مروج ؟
الشاب3: فرصة سعيدة مروج .
الشاب : مرام ما خطبك فارس ؟
مرام : بعد كم شهر راح ننخطب .
الشاب2 : عاد أحنا أول المعزومين مرام ولا لا شباب هههههههههههههههه
مرام : إنشاء الله .
الشاب3 : ايوا أفنان الكل بيتكلم عن قصتك في درة العروس والله يا أفنان قلوبنا معاكي وإذا نسيناكي ننسى روحنا الأول .
أفنان : ما قصرتوا بس مين قال لكم عني .
الشاب : كل مصيبة تحصل , سببها درة العروس أكيد أول الناس عارفينها احنا .
مرام : عن إذنكم أتأخرنا .
مروج : باي
الشباب : نشوفكم في الدرة عند كل مكان نجلس فيه أوكي مرام .
مرام : طيب .
مروج : ترى أول واحد شكله معجب فيكي يا مرام .
مرام : ينقلع غبي .
مروج : حتى سالفة خطبتكم انت وفارس انتشرت .
أفنان : وحشني ..
مرام : أفنان تكلميني ؟
أفنان : رامي وولدي وحشني .
مروج : تعالوا قدامنا ستار بكس نجلس فيه .
مرام : ايش في أفنان حصل شي كمان ؟
أفنان : لا ولا شي بس أول ما جبتوا كلمة درة العروس الفيديو كليب قاعد يدور في راسي .
مروج : أطلب لكِ عصير فريش .
أفنان : لا ما نفسي أكل .
مرام : ما يصير ما تتكلمي ولا تأكلي .
أفنان : أبى أرجع السيارة حاسة نفسي مخنوقة .
مروج : يلا على السيارة مرام .
.
(( ورجعوا السيارة ))
فارس : ليش رجعتوا بدري ؟
مرام : أفنان شوية تعبانة .
إبراهيم : مروج أبعدي عن طريقي ااااااااااااااااااااااااااااااااا (( وصدم في مروج ))
مروج : أعمى ما تشوف .
إبراهيم :ما قدرت أتحكم في الإسكيت
مروج : فين رائد ؟
فارس : قاعد قدام الدانوب يستعرض مهارات والبنات ما صدقوا يشوفوا واحد حلو يأخذه رقمه .
مرام : خلونا نرجع على البيت أفنان تعبانة .
إبراهيم : فارس أزهم رائد يلا كل واحد يشيل أشيائه , المفروض نقعد ل11 نستعرض مهارتنا والحركات الخطيرة بس الست أفنان تعبانة يلا كل واحد يركب في السيارة الله يعوض علينا .
أفنان : إذا كنت أنا عار عليكم لا تخذوني معاكم .
فارس : مو قصة عار ولا مو عار يا أفنان ما دخل العار في موضوعنا , بس ما دامك تعبانة نرجع ما قولنا لا يلا رايح أزهم رائد .
(( وراح فارس و زهم رائد و أتيسر كل واحد على بيته بس أفنان ومروج كملوا السهرة عند مرام وأكيد ولد ملقوف دخل معاهم ))
مروج : نفسي يوم يا فارس تبعد عن مرام دقيقة وحدة .
فارس : أحموني من روحي وأنا أبطل أجي عندها .
أفنان : كيف خطيبة فهد حلوة ولا مو حلوة .
مرام : يوم الخميس راح تشوفيها .
فارس : فين فهد أبى أروح أعاند في شوية .
مروج : نروح كلنا هيا ايش أسمها مرام ؟
مرام : سماهر .
مروج : من عيلة لهم حسب ولا لا .
مرام : ماما قالت أنو بيتهم على قدهم يعني حالهم وسط .
مروج : وراحت عند واحد ما شاء الله غني , الى كم مهرها .
مرام : فهد يقول يبغاه 70 ألف .
فارس : قليلة .
مروج : قليلة في عينك لساعه الولد ما لقى شغل يبغى مهره 70ألف وشقة ملك كمان ايش تبغى البنت أكتر من كده , والمهر أبوه الي دفعها ولا فهد دفعها .
مرام : والله أخوي يقول أنو حاط حساب في البنك مرة كبير من هو صغير يحوش الين ما وصل الحساب فوق 500 ألف وشي كده , وراح يحط نصه للشقة ونصه للمهر ونصه لنفسه ونصه لتكاليف الزواج والفندق والسفر وأشياء كتيرة .
مروج : والله واحد في سنه يعتبر مرة غني , ويا سيد فارس مو كل واحد أبوه غني يعني أبوه يدفع , مرام أخوكِ منجد كفو خلينا نروح نعانده .

(( وراحوا على غرفة فهد لقوه فاتح الأباجورا ويتكلم مع خطيبته ))
فارس : لحظة أفتحوا الباب بشويش .
أفنان : ههههههه .
مرام : أسكتي .

فهد : لا والله مين قال أنا ما أحبك أنا أحب روحك وكل شي فيكِ ايش كمان تبغى سمورتي
فارس : يا عيني كيف سمورة يا فهد .
فهد : سماهر بعدين أكلمك أوكي يلا باي .
الكل :ههههههههههههههههههههههههههههه
فهد : أهلين مروج وأفنان وخطيب أختي ثقيل الدم فارس .
الكل : أهلين .
مرام : كيف سماهر ؟
فهد : طيبة وكويسة وكل شي ايش تبغوا كمان .
فارس : أشوف ... إسمها على الدبلة يا هو حتى الدبلة فخمة ألف مبروك وعقبال شهر العسل .
مرام : على فكرة الدبلة حقت سماهر فيها ألماسة كبيرة وفخمة .
مروج : ما شاء الله منك المال ومنها العيال .
الكل : ههههههههههههههههههههههههههههه .
فهد : ممكن يا مرام تأخذي المجانين دوله برى لأنو لو واحد منهم أتكلم كلمة تانية راح أنفجر من غضبي .
فارس : يا ولد عمتي خليك Funny خذ الحياة ببساطة ولا لا يا مرام .
مرام : أصلاً لازم .
فهد : عقبال لكِ يا مرام أشوف دبلة في يدك وفي يد فارس .
((الأتنين عيونهم في بعض ومجرد ابتسامة ))
مروج : وأنا يعني ما تدعي لي أنا وأفنان .
فهد : أفنان كيفكِ دحين ايش أخبار ولدك .
أفنان : خليها على ربك يا فهد المهم سلم لي على سماهر .
مرام : عزمتها على مرسى الأحلام .
فهد : طبعاً , لو سمحتوا أطلعوا برى لأني أبغى أتكلم بالتليفون برررى .
(( وطردهم ))
مروج : والله أخوكي مرة فلة .
فارس : بعد ما قص شعره شكله أتغير .
مرام : واحد خطب وحدة تبغاه يروح بالكدش حقه منجد غباء .
أفنان : أتخيل تروح تخطب مرام من أبوها أول شي راح يطالعوه في هيئتك وشكلك ترى في ناس تحسب أنو الشعر الطويل دلالة على الصياعة والقلة الأدب ولا تروح تلبس لي بنطلون وبوكستر وبلوزة كات تحسب راح يوافقوا عليك لا , أنا يوم ما جاني رامي يخطبني ,
حلق شعره ولبس توب وكان شكله يا سلام .
فارس : والله يا بنات عندكم خبرة أكتر مني .
مرام : يلا اليوم يجي numb3rs خلينا نروح نتفرج عليه .
أفنان : ايوا أنا مرة أموت فيه يلا ننزل .
مروج : ليش واقف عند باب غرفة عبد العزيز .
فارس : موجود عبد العزيز يا مرام .
مرام : ايوا , تبى تروح له عادي روح له .
فارس : طيب لا أحد يدخل أبى أكلمه .
مرام : يلا بنات روحو على تحت .
مروج : نروح نتجسس عليهم .
مرام : أنا نفسي ما أحب أدخل في ما لا يعنيني .
أفنان : يلا يا وليام شكسبير على تحت تلاقيه فاتنا المسلسل وأنتوا بتتضاربوا .
(( ونزلوا البنات يتفرجوا على المسلسل وفارس قاعد مع عبد العزيز ))
فارس : ممكن أدخل .
عزوز: تعال أتفضل البيت بيتك .
فارس : تسلم .
عزوز: ايش حالك ...
فارس : حالي من حالك ايش تعمل ؟
عزوز: على اللاب توب على الماسنجر من بنت لولد لولد لبنت .
فارس : كويس تفضي وقتك بالكلام .
عزوز: نعم يا فارس ليش زعلان .
فارس : مو زعلان غيران .
عزوز: ههههههه من مين ؟
فارس : من فهد .
عزوز: عشان خطب صح
فارس : تقدر تقول كده .
عزوز: خلاص كلها كم شهر وتهون .
فارس : كم شهر كأنه كم سنة وأنا مافي أستنى .
عزوز: مرة مو قادر تصبر .
فارس : على الأخر .
عزوز: خلاص عندي الحل !
فارس : قول بسرعة ؟؟؟؟؟
عزوز: اتصل على فوزية الدريع الي تجي في سيرة الحب وأطرح عليها مشكلتك وتساعدك .
فارس : منجد اتصل .
عزوز: وانت غبي تتصل والله كل الناس راح تعرف إنك فارس والي مو قادر تصبر عنها مرام , العيلة كلها تدري أنو انت ومرام قد ايش تحبوا بعض وتبغوا بعض ولا أنا غلطان .
فارس : معاك حق .
عزوز: عاد فكها فارس .
فارس : طيب .
عزوز: في شي تاني يا عريس أختي .
فارس :ههههههه والله بس نفسي أقعد معاها لأنو البنتين الي تحت أخذوها مني حتى اليوم لمن خرجنا ما قدرت أتكلم معاها .
عزوز : طيب أنا أنزل أطردهم , ونفتك من الموضوع وتقعدوا مع بعض .
فارس : لا تزعل منك ومني .
عزوز: طيب اتيسر على بيتك .
فارس : هو أحسن طريقة أروح لبيتي .
عزوز: والله ما تروح لمن تتعشى .
فارس : لا والله كفاية عذبتكم معايا .
عزوز: طيب اليوم الجو بارد نطلع نتعشى في السطوح أنا والكل وبالذات حبيبتك مرام .
فارس : إذا فيها مرام من عيوني .
عزوز: عقبال نفرح فيكم وتجيبوا لنا بيبي صغير يشبهك ويشبه مرام هههههههههههههههه
فارس : تراك خجلتني بليز الين هنا و وقف .
عزوز: طيب أسجل خروج لأنو البنت الي بأكلمها ترفع الضغط , تصدق قاعد أوهمها أني أحبها وأمووت فيها و رسلتلها صورتي ما شوفتها ايش كتبت لي .
فارس : كل البنات كده بس ما رسلتلك صورتها ؟
عزوز: تعال شوفها بس ياخي مو قذرة .
فارس : أوف ايش الصورة هذه .
عزوز: بالله هذا جسم ولا النمش الي في وجهها .
فارس : طيب هذه نحيفة ليش مو عاجبتك ؟
عزوز : شايف كيف جسم مرام ملفوف كده أنا نفسي في جسم زوجتي والله حلو قوام مرام ولا لا .
فارس : ...........(( مستحي ))
عزوز: أقول قوم عاملي الواد المستحي دحين قوم طلع البنات السطوح قوم .
فارس : خلاص سيب بلوزتي راح تشقها .
عزوز: قوم ههههههه
في الصالة البنات الجالسين ...
مروج : ياهو أرحمونا بس يا واد الي اسمكِ مرام حني و ردي علينا مرااااااااااااااااام.
مرام : نعم ...نعم هو في أحد ناداني .
أفنان : الي يأخذ عقلكِ يتهنى بيه .
مرام : انتو ايش تقولوا بالضبط .
مروج : نبى نسألك مسرحة في مين ؟
(( وينزل عبد العزيز وفارس ))
عزوز: مسرحة في مين يا مرام ؟؟
مرام : الله وأكبر هذا كله حاسة سمع .
عزوز: عمى في عيونكِ حسودية .
فارس : لا تدعي عليها ..
مروج : أنا أحبهم ذوله الأتنين أمووت في غلاظة دمكم .
مرام : نعم تبغى شي ؟
عزوز: أديني مفتاح السطوح .
مرام : مو عندي ..
عزوز: كذابة في عيونكِ انتِ أمس أخر وحدة طلعتي السطوح في الليل وجبتي معاي المسجل وأشرطة وما أدري كمان .
مرام : متى شفتني ؟
عزوز: شوفتكِ وانتهى الموضوع هاتي المفتاح .
مرام : أسأل الخدامة يمكن عندها .
عزوز: مرام جيبي المفتاح لأني عارفكِ عاملة مصيبة في السطوح .
مرام : أقولك مو عندي خلاص طالعة أنام (( 220 فولت من درجة العصبية ))
مروج : بس تعور لها قلبها ليش ؟
عزوز: أقولك المفتاح معاها صدقي أو لا تصدقي معاها بس عاملة شي في السطوح عشان كده ما تبغى تديني هو .
فارس : خلاص كل المضاربة عشاننا خلاص مو لازم نتعشى ولا لا يا بنات .
أفنان +مروج : صح كلام فارس .
عزوز: ما همني فيكم أبغى أشوف ايش عاملة فوق , بس ما يعرفلها الا فهد عشان تحبه وتحترمه .
فارس : الله يعينكِ يا مرام عندكِ أخوان الله وأعلم فيهم .

ويروح عزوز عند فهد ..
فهد : يا حبيبتي انتِ أكثر وحدة أحبها في دي الدنيا ولو أموت ما أرتاح من كلامك الحلو .
(( وينفجر الباب بقوة ))
عزوز((يصرخ )): يا عيني عليكِ قوم شوف أختك عاملة مصيبة وانت قاعد مع سماهر قوم بسرعة .
فهد : والله أستنى عليا راح تندم , سمورة حبيبتي في مشكلة أتصل عليكي بكرة أوكي حبيبتي يلا باي .
عزوز: (( يصرخ)) ما صار حب هذا أقولك أمشي معايا على غرفتها .
فهد : خير نعم ايش تبغى ؟
عزوز: أختك مرام عاملة مصيبة في السطوح وما تبغى تورينا مصيبتها .
فهد : يا عبد العزيز هذه أختنا الوحيدة لا تعصب عليها ترى مسكينة الي فيها كافيها .
عزوز: طيب روح لغرفتها وكلمها تجيب المفتاح .
فهد : أمري لله رايح

(( وراح لها غرفتها وبكلمتين حلوة من فهد أعطت له المفتاح وطلعوا كلهم السطوح باستثناء مرام ))
عزوز: أحلى لحظة نشوف المشكلة بحماس يلا معايا 1 ..2 ...3 وفتحنا البـ......
فهد : يا الله يا مرام ..
فارس : ......................
مروج : يا حياتي .
أفنان : أنا مو قادرة (( تبكي ))
((كان السطوح مليان رسومات وألوان رسمتها مرام على الجدران مكتوب عليه كلام يقطع القلب , وعبارات محزنة واسم فارس في كل مكان ))
فارس : وتقول لي يا عبد العزيز أصبر كيف أصبر وهيا مسكينة تتألم (( وقرأ عبارة على الجدار )) " لا وجود للحياة اذا لم يوجد فارس في حياتي "
أفنان : " كأن الجدران تأن معي بسبب حبي لهذا الفارس "
مروج : "أرى الغروب ويراني لكن من دون فارس الأحلام لا وجود للغروب في حياتي "
عبد العزيز : " كأن ما يؤلمني لهفتي لوجوده معي "
فهد :" وما بيني وبين السماء الا بضع أمتار فتعال وأوصلني الى مكان روحي إذا لا تحبني "من قال يا مرام أنو فارس ما يحبك .

أفنان : مرام كانت تعاني واحنا مو حاسين بيها , وهيا تحس فينا وتساعد واحنا ما باليد حيلة
.(( تبكي ))
مروج : أنا منجد عرفت ليش هذه البنت تحب الخير لينا وتحب الشر لنفسها يا الله .
فارس : شوفوا كيف نص السطوح مليان بأسمي وكل تاريخ رسمت في هذه اللوحات مكتوب
عبد العزيز :أقرؤا هذه والله تعور القلب ..
(( دفن جسمي وبقيت روحي تبحث عن أغلا شخص في حياتي "فارس "))
فارس : أنا من بكرة راح أتقدم لها من أبوها .
أفنان : كذاب .
فارس : وربي بكرة راح أروح لي أبوها .
مروج : يا رب يوافق .
فهد : هو أبويا العائق بينكم بس يا رب يوافق .
فارس : يا رب .
(( ونزلوا لغرفتها , وأول واحد جلس جمبها فارس , وبعدين جاى عبد العزيز حضن أخته وطلب منها الأسف ))
أفنان : يا مرام انتِ قلبك كبير وأنا عارفة عواطفك ومشاعرك أكبر .
فهد : مرام على فكرة كل لوحة عملتيها تجنن تقدري تعملي لي وحدة لسماهر .
مرام : ههههههه أكيد خطيبة الحبيب كيف ما نعمل لها .
فهد : أوه مرام قلبك أبيض من جسمك (( وحضنها ))
عزوز: ترى أنا ما أستحمل مشاهدة هذه المناظر تخليني أدمع (( ويبكي ))
مروج : ما تعودنا عليك يا عزوز تبكي .
عزوز: أنا عاطفي و شاعري مرة كتير بس أدفنها عشان ما ....((يبكي ))
فهد : هو أتقلب فيلم هندي , يلا على السطوح نتعشى ونتفرج على رسم مرام .
الكل : يا الله

وطلعوا السطوح وفتحوا اللمبات الصفراء وكان شكل اللوحات مرة حلو واتعشوا وراحت أفنان ومروج ونزل عزوز وفهد وبقيوا الأتنين في أجواء عاطفية

فارس : مرام .
مرام : نعم .
فارس : ليش تبكي ؟
مرام : ما آدري , حاسة نفسي خنت مشاعري لأنو الكل شاف أسراري وأنا ما أحب أحد يشوف أسراري بالذات هيا غالية كتير على قلبي , وانكشفت عواطفي ومشاعري تبغاني أضحك , أنا لو شفت دفتر خواطرك مو راح تزعل مني , أنا نفس الشي السطوح وصندوق أسراري ودفتري غالي عليا وكل لكم عرفتوا عواطفي قدامك تبغاني أضحك , الكل عرف انو نفسيتي ما تعبت الا من حبي ليك , وحبي لك ما آقدر أطلعه في قلبي الا بهذه الصور ((تبكي ))
فارس : مرام , نقطة ضعفي أشوفكِ تبكي خلاص يا الله مرام ما أحب كده .
مرام : دحين أنا ما راح أمسح دموعي الا ......
فارس : الا إذا خطبتك بكرة من أبوكي .
مرام : ايش بليز عيد الكلمة .
فارس : بكرة رايح عند أبوكي أخطبك منو وإذا وافق أجيب أهلي ونخطبك رسمي وتصيري حلالي .
مرام : بس أخاف بابا ما يوافق .
فارس : مرام زي ما ضحيتي بقلبك ليا , أنا راح أضحي عشان نتزوج ايش تبغي أكثر من كده .
مرام :أبغاك انت .
فارس :هههههههههههههههه
مرام : يلا ننزل .
فارس : بعد شي صغير .
مرام : نعم .....أه (( باسها في خدها ))
فارس : أحبك .
مرام : أحبك .
فارس : يلا يا حلالي انتِ .
مرام :هههههههههههههههه .

(( ونزلوا من السطوح ويستقبلهم فهد وعبد العزيز ))
عزوز: ترى سمعنا أخر كلمة يا فارس .
فارس +مرام : هههههههههههههههه
فهد : بكرة إذا وافق بابا تصير مرام حلالك .
فارس : يلا الوقت أتأخر رايح البيت .
عزوز: قول تبغى تشرد من التحقيق .
فارس : الساعة 2 الليل تبغاني أشرد , والله ماما وبابا راح يشكوا فيا يلا باي .
الكل : باي .

فهد : مرام ايش سويتوا فوق ؟
مرام : كيف يعني ؟
فهد : تستهبلي عليا ؟
مرام : والله ما عملنا شي .
عزوز: كذابة .. شفته يسلم على خدكِ .
مرام :تصبحوا على خير رايحة أنام .
عزوز : والله عليكم حركاتك المراهقين .
مرام : تنسى نفسك انت وفهد واحد مع البنات وواحد مع خطيبته .
فهد : تصبحوا على خير .
عزوز: وأنتوا من أهله .
مرام : دحين مين الي يشرد والله منجد أخوان هم وبس .

(( وراح الكل نام ما عاد مرام ما جاها نوم من كلام فارس " بالعربي من كل الي حصل "

صحي فارس من النوم لبس الثوب والعقال والغطرة وراح على مكتب أبوه مرام ..
فارس : بليز ممكن أدخل عند أبو فهد .
السكرتاري : مين أقوله .
فارس : ولد أخوه مرته .
السكرتاري : طيب أنتظر هنا .

السكرتاري : يا أبو فهد في واحد يقول انو هو يصير ولد أخو مرتك أدخلوه .
أبو مرام : دخلوه .
السكرتاري : أتفضل .
فارس : مرة شكراً .
(( فارس متوتر ويعرق من كل مكان ))
أبو مرام : فارس ايش جابك عندي الشركة ؟؟؟؟؟؟؟؟؟
فارس : كيفك يا عمي ايش أخبارك .
أبو مرام : يعني شايفني قاعد في سرير الموت أهو أنا طيب وكويس .
فارس : عن إذنك شكلك مو فاضي نتكلم .
أبو مرام : تعال أجلس بمزح معاك .
فارس : والله يا عمي ليا 3 سنين وأنا أفكر أنو.........
أبو مرام : لا تتكلم في المقدمات أدخل في الموضوع طوالي .
فارس : والله يا عمي طالبك طلب توافق عليه الله يخليك .
أبو مرام : تبغى تشتغل عندي ما ههههههه طبعاً الي له شهرة في الأسواق لازم......
فارس : مو هذا الموضوع يا عمي الي أبغى أكلمك فيه .
أبو مرام : يا فارس خوفتني أدخل في الموضوع .
فارس : والله يا عمي أبغى أطلب يد بنتك مرام تكون زوجة ليا .
أبو مرام : نعم ما سمعت عيد الكلام .
فارس : أنا أبغى بنتك وهيا تبغاني .
أبو مرام : الموضوع هذا يتكرر في 3 سنين ما تمل انت .
فارس : الله يخليك يا عمي والله راح أحط بنتك في عيوني الله يخليك يا عمي أبوس رجلك توافق يا عمي وافق بس يا عمي .
أبو مرام : والله انت ولد ماشي حالك بس طايش وأخاف ما تسعد بنتي .
فارس : يا عمي والله أني أحب بنتك وأبغاها ليا الله يخليك بس وافق .
أبو مرام : وقراري حق كل مرة لا .
فارس : يا عمي لو أدفع لها فلوس الدنيا ديه كلها ما تفرق معايا عمي أنا كل مرة أجي عندك كلامك يجرحني الله يوفقك في حياتك زوجني بنتك (( يبكي ))
أبو مرام : شوف في واحد من أصحابي عنده بنات يا سلا م خذ وحدة منهم .
فارس : أنا أبغى مرام وأحب مرام وأعشقها وراح أتزوجها بس وافق .
أبو مرام : يا حامد حامد حامد الله يطلع روحك .
السكرتاري : أمر عمي
أبو مرام : شيل الطايش هذا برى .
السكرتاري : على راسي أتفضل يا أخ .
فارس : والله أحبها وراح أتزوجها بس ماني عارف رافع خشمك عليا ليش مع أنو مستوى بابا أرفع من مستواك بكثير بس في أخونها راح أخليهم يزوجونا .
أبو مرام : انت قرب باب البيت وشوف ايش راح يحصلك .
فارس : الله يكافيك تبغى تفرق بين القلوب
أبو مرام : حامد شيل الزبالة الي قدامك برى يلا .
السكرتاري :أمر عمي أتفضل يا أخ لا تخليني أستعمل معاك الوجه التاني اتفضل بالأدب .
فارس : أه يا رب (( يبكي ))
السكرتاري: أجيب لك عصير شي تبرد قلبك .
فارس : لو برد الي فيا ذيك الساعة أبرد على قلبي (( يبكي ))
السكرتاري : والله إنك يا ولدي دخلت قلبي لو تبغاني أتوسط لك فأنا حاضر .
فارس : والله إنك مسكين موضوعي ما يبغى له واسطة يلا مع السلامة .
السكرتاري : لو محتاج شي هذا رقمي .
فارس : شكراً .

و رجع البيت وعلامات الحزن والتعب على وجهه , ودخل على غرفته وما يبقى الا الدموع و آلم القلب يعبر عن موقفه " الله يهدي أبو مرام قلبه مليان حقد على فارس ليش ما ندري "

في بيت مرام :
أبو مرام : فين الحيوانات أولادك كلهم أبغاهم .
أم مرام : يا خير يا رب في شي .
أبو مرام : خليهم كلهم يجوا دحين مرااام يا بنت الكلب عبد العزيز يا ماهر يا كلاب تعالوا .
فهد : خير يا بابا ايش في ؟
أبو مرام : هوياتكم كلها هاتوها ورخصكم والاستمارات حقت السيارة جيبوها ويا مرام الكلب جيبي هويتك .
أم مرام : ليش هذا كله ؟
أبو مرام : يجيبوا كل شي ويصير خير .
مرام : بابا طيب أنا ايش دخلني اجيب هويتي .
أبو مرام : مو انتِ المصيبة (( وكف على وجهها ))
فهد : ليش حرام عليك ايش عملت .
أبو مرام : راسلتلي الحيوان الكلب الي زيها فارس , يقول لي أبى أخطب بنتك , ينقلع مو باقي الا هو يخطب بنتي .
أم مرام : وايش فيها خطبها كلنا موافقين عليه .
أبو مرام : أنا ما أبغاه لبنتي أنا حر .
مرام : حرام ليك يا بابا كل شي جبت لك هو يسرك ليش فارس وزواجي منه ما يسرك .
أبو مرام : أنا ما دخل قلبي هذا الولد وأنا ما أطيق خلقته لا أطيق أشوفه في رمضان ولا العيد .
عزوز: حتى أبسط شي يا بابا تحرمنا منه , حبنا لأختنا ومحبتنا لفارس وحبنا لهم يكونوا لبعض تحرمنا منه , إحنا نعرف فارس من أول ما ولدته خالة جيهان و كل أسراره عندي الولد مو حق بنات ولا حق أولاد ولا حق زفت وحق دين وصلاة وكل شي فيله يرفع الرأس ليش تحرم البنت منه ليش تكرهه , هو ما ضربك على يدك قال لك حبني خصب , بس هو يحب بنتكِ الوحيدة الضعيفة مرام , واحنا لو ما كنا عارفين فارس كان يا بابا أنا أول واحد راح أرفضه , طيب ودحين لمن أول أتقدم لها صاحبي أحمد ليش وافقت مع أنو أخلاقه كانت في الأرض , وليش لمن اتصل أبو عمر وقال لك أبغى بنتك ليش وافقت مو أستنيت نروح نسأل عن أخلاقه , لكن فارس غير مرة غير كل شي فيله حلو أخلاقه عالية ويؤدي دينه على أكمل وجهه وملامحه حلوة ولوه جيب ويقدر يحب مرته ويحطها في عيونه ويسك عليهم ويحميها من كل واحد في ذي الدنيا , هذه بنتك الوحيدة وأختنا الوحيدة ما نقدر نبيعها لأي واحد وتجينا بعد كم شهر مطلقة , إحنا نحب أختنا ونبغى لها أحسن شي حتى الصغير ماهر يموت في فارس ولا لا يا ماهر .
ماهر : فارس طيب وعمره ما قال لي كلمة تزعلني ولا تزعل مرام .
أم مرام : يا أبو فهد ما أظن بعد كلا م عبد العزيز ما تقدر تقول لا و وافق عشان المسكينة .
أبو مرام : أعطوني فرصة أفكر .
فهد : يعني كم يوم .
أبو مرام : شهر وأكثر .
مرام : ليش والله كتير .
أبو مرام : لا تكلميني , المهم أنا أفكر في الموضوع .
معتز : حتى زواج مرام من فارس يبغاله دراسة .
أبو مرام : خذوا بطايقكم .
عزوز: بطاقتي استمارتي رخصتي .
أم مرام: كل واحد على غرفته بس خليكي يا مرام .
فهد : يا الله على الأسرار الخطيرة حقتكم .
أبو مرام : أنقلع لا منجد تشوف شغلك مع سماهر .
فهد : الا سمورتي ما حد يتجرأ يجيب أسمها على لسانكم .
أم مرام : اليوم راح يرحلها عشان كده متحمس .

الجزء التاسع عشر :-

أم مرام : أنا يا بنتي أبغى أسألك سؤال وتجاوبني بصراحة يا بنتي .
مرام : ماما أسألي .
أبو مرام : انتِ تبغي فارس زوج لكِ ولا لا ؟
مرام : أكيد أبغاه , يا بابا والله فرحة حياتي هو تقول لي يا بنتي أتزوجي فارس .
أم مرام : هم مر عليك اليوم .
أبو مرام : مر عليا وكنت معصب من شغلي وقلت له كلام والله الي عنده كرامة فوق السماء تنزل للأرض , وطردته من مكتبي .
مرام : انت أبو انت حرام عليك يا بابا عمري ما طلبت منك طلب صعب جاى على طلب زواج ترفض و ترفض من أثمن شي خلقه ربي يا بابا انت مو أول مرة تطرده , كل سنة بيجي لحدك وانت تطرده وترفض حرااااااااااااام ((وطلعت على غرفتها تبكي ))
أم مرام : بس أبغى أقولك شي , لو صار في بنتي شي من غرورك على ولا شي , أنسى إنك كنت متزوج وحدة جابت منك خمسة عيال .
أبو مرام : روحي انت على بنتك الي جابت المرارة للواحد .
أم مرام : نفرض ما وافقت على فارس ايش راح تتوقع أول شي راح تعمله مرام لمن تقولها لا , هو في خيارين .. يا تنتحر يا يتزوجوا من غير أولياء .
أبو مرام : يعني يتزوجوا بالحرام .
أم مرام : قصدي من أعمام مرام يقدر يوصل لهم ويكلمهم ويخطبها ويتزوجها وانت تقول مو موافق وهيا سافرت وراحت .
أبو مرام : الله يخليكي أديني مهلة شهر وهذيك الساعة أفكر .
أم مرام : حط في بالك كلمة موافق وبس .
أبو مرام : رايح أنام .

يوم الخميس .....يوم رحلة مرسى الأحلام
(( الأوضاع ما تغيرت مرام لا تأكل ولا تخرج من غرفتها يوم الي حصل , فارس لا بيخرج ولا بيكلم أحد والكل يحاول يستفسر سبب إنعزاله لكن ما باليد حيلة لهم الأتنين ))
أم مرام : يا بنتي جات سماهر تعالي سلمي عليها .
مرام : لا تدخيلي أحد ولا أبغى أشوف أحد .
أم مرام : يا بنتي ما يصير الي تعملي في نفسك فوكي الباب .
مرام (تبكي )) ما أبغى أشوفكم خلاص حرام عليكم أنا تعبانة وتتعبوني زيادة .
أم مرام : شوفي سماهر عند باب غرفتك واقفة تبى تشوفك .

مرام : خلاااااااااااص ما أبغى أشوف أحد سيبوني لوحدي كفاية عذاب كفاية ((تبكي ))
أم مرام : وهذه حالتها يا سماهر من يوم ما صار الي صار وهيا على هذه الخالة .
سماهر : يا رب يوافق في أقرب وقت .
أم مرام : يا رب .
سماهر :طيب كيف نروح المرسى وهيا مو موجودة معانا يمكن تأذي نفسها .
أم مرام : طيب يا بنتي انتِ روحي لها يمكن تفتح لك الباب عشان أول مرة تجي عندنا .
سماهر : من عيوني يا ماما .
أم مرام : الله ...حلوة كلمة ماما من فمك .
سماهر : طيب طالعة لها أسلم عليها .

(( وطلعت سماهر ))
سماهر : مرام فكي الباب حبيبتي أنا سماهر أكيد حكاكي عني فهد .
مرام : نعم ايش تبغي .
سماهر : فكي الباب حبيبتي عشاني بس ثواني نقعد مع بعض .
مرام : كيف أقابلك وأنا مو لابسة كويس .
سماهر : حبيبتي أنا مو جاية أشوف ملابسك جاية أشوفك وأكلمك
مرام : أتفضلي .
سماهر : يا الله زي ما قال عنكِ فهد حلوة وعسل .
مرام : لا تبالغي يا سمورة .
سماهر : ههههههه كيفك مرام كيف نفسيتك دحين .
مرام : بشوفتك صرت أحسن بكثير .
سماهر : طيب لو قلت لكِ أنو فهد اتصل على فارس وقاله يجي المرسى معانا راح تجي .
مرام : كيف ما أجي مسكين نفسيته تعبانة أكثر من نفسيتي.
سماهر : طيب روحي غسلي وجهك المليان دموع , والبسي العباية وانزلي لنا احنا تحت .
مرام : زي ما قال عنكِ فهد اللؤلؤة الطيبة والصافية الي تخرج من صدفة الحبار انتِ زيها طيبة وحلوة وصافية .
سماهر : بالله قال عني كده .
مرام : وكمان كلام كتير .
سماهر : لنا قعدة مع بعض وقولي لي ايش قال لك بالضبط .
مرام : طيب .
سماهر : نستناكي تحت أوكي .
مرام : طيب .

(( راحت مرام على الحمام وغسلت وجهها ولبست العباية وجهزت وهيا نازلة سمعت صوت فهد و سماهر من غرفة فهد ))
فهد :شوفي احنا هنا راح ننام وزي كده وأنا أعمل ليك كده ايش رأيك .
سماهر :هههههههههههههههه
مرام : لو سمحتوا أحم ...أحم أتأخرنا .
فهد : ميمو حبيبتي كيفك دحين أخيراً شفتك والله 3 أيام ما شفتك .
مرام : شكراً ما قصرت .
(( سماهر تطالع فهد ))
فهد : مرام أنزلي تحت دحين نازلين .
مرام : أحم ..أحم طيب .(( ونزلت ))
فهد : ايش فيها حياتي زعلانة .
سماهر : شوف ايش قلت لأختك وبوستها عيني عينك .
فهد : طيب هذه أختي .
سماهر : وأنا زوجتك .
فهد : ولا تزعلي ها
سماهر : هو داه المطلوب
فهد : نرجع من المرسى و أوريكي شغلك أمشي
سماهر : ههههههههههههههههههههههههههههه

(( وراح الكل على مطعم مرسى الأحلام و وغرقوا العرسان في الأحلام ))
مروج : مرام كيفك 3أيام أتصل على التلفون تقول لي الشغالة مرام تعبانة مووت .
مرام : بالله قالت كده .
أفنان : وأنا أتصل على فهد يقول لي عيب أنا مخطوب .
مرام : ايش فيه هذا غبي .
أفنان : أقوله أديني مرام يقول لي عيب أنا مخطوب .
مروج : واتصلت على خالتك منال قالت أنو حتى فارس ما يرد ولا يبغى أحد يكلموا .
أفنان : مرام في شي حصل واحنا مو موجدين .
مرام : لا مافي شي .
مروج : جاه فارس دحين تقعدوه مع بعض وتنسي صحباتك .
فارس : مرام كيفك , ليش وجهك ضعفان ؟
مرام : وانت كمان ضعفان .
مروج : هو في سر ولا ايه بالضبط
فارس : أفنان مروج ممكن تسيبونا جالسين في ذي الطاولة وتروحوا الطاولة الثانية .
أفنان : على راسنا بس نبغاكم ترتاحوا .
مرام : شكراً وسامحونا .
مروج : الله مسامحينكم .
فارس : مرام وحشتيني .
مرام : انت أكثر حبيبي كيفك ايش أخبارك .
فارس : أنا كويس بس قلبي تعبان مووت .
مرام : والسبب رفض بابا صح .
فارس : ايوا .
مرام : بس أخواني كلموا بابا قال يفكر ويعطينا جواب .
فارس : بالله , ومتى راح نأخذ جوابه .
مرام : يقول يبغى شهر عشان يدرس كل شي كويس .
فارس : مرام أنا دحين ثاني جامعة وما بقي غير سنتين ونسافر على كندا عشان ندرس أنا وياك مع بعض .
مرام : مجرد أحلام يا فارس مو ممكن ما تتحقق .
فارس : هو صح صار الواحد يحلم بس لكن أنو الحلم يتحقق من النادر .
مرام : ......((تبكي ))
فارس : ليش مرام حبيبتي , والله لو ما وافق أتزوجك بالحرام المهم نكون مع بعض .
مرام : انت مو فارس الي محافظ على دينه ويخاف على أي شي كبير .
فارس : .....((يبكي )) طيب مرام راح أخطبك لازم نتزوج ما أقدر 4 سنين صبرنا عاد كفاية
(( ويجي رائد ))
رائد : ليش تبكوا ؟
مرام : أتذكرنا يوسف بس .
رائد : علينا الكلام هذا .
فارس :رائد الي في مكفيا , وقوم من جمب مرام لا والله ....
رائد : قمت لا تعصب بس .
فارس : هم طالع من فين ماآدري .
مرام : سيبك منو نرجع لموضوعنا .
فارس : والله يا مرام أتخيلي ثلاثة أيام مو مشتهي أكل بس لمن شفتكِ حاس نفسي جيعان .
مرام : زي , كنت ما أكل ولا أخرج بس لمن جات خطيبة فهد أنكسفت ما أفتح لها الباب .
فارس : خليهم يجوا يجلسوا معانا شوية .
مرام : طيب أنا أدي فهد رنة ويجي .(( أدته رنة وجاه مع سماهر وماسك يدها ))
فهد : أمري أختي نعم .
مرام : أجلسوا معانا أبغى أتعرف على سماهر .
فهد : سمورتي نجلس معاهم ولا لا .
سماهر : لا نجلس معاهم , انت فارس .
فارس : ايوا وانت أكيد خطيبة فهد .
سماهر : ايوا ((مستحية من نظرات فهد ))
فهد : يلا جلسنا معاكم .
سماهر : كيف نفسيتكم .
مرام : زيما انتِ شايفة
سماهر : ما أبغى أشوف ظهوركم نازلة أرفعوها وخذوا نفس وانسوا الماضي وفكروا في الحاضر .
فهد : يا عيني على حياتي , أكيد عندك خبرة في جذب الناس لكي .
سماهر : ايش تقول ؟
فهد : لا بس قلت أحبك .
مرام : شايف يا فارس فهد وسماهر أتخطبوا عن حب الله يتمم الحب بيناتكم (( ويسلم فهد على يد سماهر ))
سماهر : تسلم عيونك حبيبي , ليش حاطين السلبيات قدامكم لازم تحطوا إيجابيات الزواج قدامكم فكروا بمستقبل كم .
مرام : فهد ممكن تقوم انت وسماهر من قدامي .
فهد : ليش ؟
مرام : ما أحب أحد يعمل هذه الحركات قدامي .
فهد : ويوم ما سلم فارس عليكي في السطوح ما تحبي أحد يعمل قدامك أو يعملكِ قومي يا حياتي سمورة .
فارس : أقول ليك ايش رأيك نروح على السيارة نسمع أغاني رومانسية والله سمعت أنو الحب قوت القلب والروح .
مرام : قوم .
(( ويمروا من جمب عيلتهم ))
جيهان : على فين يا حلوين ؟
فارس : رايحين السيارة .
أم مرام : كيف تروحوا واحنا بنبحر في السفينة .
مرام : والله نسيت أنو إحنا في سفينة .
عزوز: من كتر التفكير بأمور ما لها داعي بتنسي أقرب شي .
فارس : مو مهم في جوالي في أغاني نحبها .
مرام : يلا نرجع .
((وجلسوا على الطاولة الي تطل على البحر ))
فارس : مرام هاتي يدك
مرام : كلي حلالكِ .
فارس : ايش رأيك في هذه الأغنية وعليها رقصة سلو .
مرام : هههه حلوة مرة .
فارس : مرام طالعيني .
مرام : ................
(( ومع تدفق قطرات الدموع , والأيادي المتماسكة , والنظرات الساحرة بين الطرفين , والجو الرومنسي بينهم ,وأغنية كلاسيكية تليق بوضعهم , وما يأتي الا شخص يقاطع أجواء الحب بينهم ))
إبراهيم : يا هوا ايش الحب هذا بس والله روميو وجوليت ما عمله كده .
فارس : ايش جابك .
إبراهيم : كيفك مرام .
مرام : حمد الله كيفك انت .
إبراهيم : زعلان من الخبر الي سمعتوه من أخوكي .
مرام : وايش رأيك ؟
إبراهيم : مضلومين والله ولازم القانون يوقف معاكم .
فارس: أجلس ليش واقف .
إبراهيم : لأنك ناسي يدك عليها والأغنية ما تنتهي ,
مرام : أوه
فارس : سوري أخذنا الكلام .

إبراهيم : لا عادي لو كنت مكانك كان نسيت نفسي مع التوترات .
فارس : طيب اجلس .
إبراهيم : أقولك قبل أسبوع في وحدة اتصلت عليا تقول إنها تعرف يوسف وإنها كانت تحبه ويحبها ومارس معاها انت عارف وقالت إذا ما جاى عشان يعترف بأبنه لا تبلغ عنه .
مرام : والله يوسف الله يرحمه ما يعملها .
فارس : تلاقيها وحدة كذابة تبغى تأخذ مشاكل وبس .
إبراهيم : لمن قلت لها انو مات قامت صرخت وبكيت وتقول طيب فين تروح من أهلها ما دامه مات وما صدقتني بس بعدين رسلت لها ورقة شهادة الموت حقت يوسف الله يرحمه .
فارس : وايش عملت ؟؟؟؟؟
إبراهيم :قعدت تبكي وتصرخ وكويس اني صورت الشهادة كان رحت في دهيا , وشقتها وما سمعت الا صوت ولد كده شباب يقولها خذي نفس وما دري قعد يتكلم بعدين رخا السماعة .
مرام : لا مو ممكن يوسف يعملها .
فارس : شكل واحد حاقد عليه يبغى ينتقم منه حتى وهو مين بس الله يكافيهم والله يرحمه .
مرام : ((تبكي ))
إبراهيم : مرام مو كل ما جبنى سيرة يوسف تبكي , خلاص مر عليه الله يرحمه سنتين ولمن تبكي عليه يتعذب زيادة .
فارس : قومي معايا .
مرام : لا خليني عاجبني الجو .
فارس : براحتك .
إبراهيم : بالله عليكم شوفوا كيف مروج تطالع فينا هيا وأفنان بحقد .
مرام: يحقدوه عليا ايش يعني كل واحد عنده أسراره وخصوصياته لازم كل شي يتقال لهم .
فارس : حلوة خطيبة فهد صح .
مرام : لا مو حلوة .
فارس :ههههههههههههه قاعد أستفز فيكي بس .
مرام : هيا حلوة ولو مو حلوة كان طلعت بتمزح لكن عيونك طويلة على بنات الناس , وأفرح هيا لفهد يعني ما تقدر تأخذها منه , وإذا ما تبغاني عادي ((مسكت يد إبراهيم )) في إبراهيم مستعد يعمل أي شي عشاني صح إبراهيم ...أوه أسفة نسيت نفسي .
فارس : مرام صايرة جدية بشكل .
إبراهيم : فارس لا تشك ترى مرام زي أختي والله بس هيا تمزح معاك .
مرام : خليه يزعل إذا مو متقبل مزحي .
إبراهيم : أقول لكم هاتي يدكِ هات يدك وتك على الأغنية وأرجعوا زي أول ومع السلامة .((وراح ))
فارس : والله كنت أمزح معاكي .
مرام : مرام حتى أنا بس انت ما تتقبل المزح صح .
فارس : منك ايوا بس من غيرك لا .
مرام : طيب أنا جيعانة .
فارس : ميمو أنا جيعان .
مرام : رايحة عند ماما أبغى أسألها متى العشاء والله جعت .
فارس : انتِ أكلتي بس أنا ما أكلت .
مرام : أنا رايحة عند ماما .
فارس : خذيني معاكي .

(( وسألوا عن العشاء وقالوا بعد 15 دقيقة يجي ....ومرت الدقائق كالثواني وأتعشوا سمك وايش سمك يا قراء تأكلوا أصابعكم وراه وهذاك الرز الصيادية و الجمبري والهامور وجميع أنواع السمك موجودة على الطاولة ))

جيهان : ها يا فارس ومرام ايش راح تعملوا ؟((دريت بالموضوع ))
فارس : والله نصبر وكل ما صبرنا ربي يحبنا .
أم مرام : (( تحط يدها على كتف فارس )) يا فارس الحياة محطات مترو في كل محطة نقابل الشي الحلو والمر وأنت قلبك قوي لازم تصبر وتضحوا انتنوا الاثنين , ومو حلو خلاص من أول مرة ما وافق معناته خلاص تترك كل شي وما تأكل وتحبس نفسك زي ما مرام عملت , والله يا فارس أحلف لكِ أنو قد ايش بمووت فيك انت ومرام وأبغاكم لبعض , واصبروا وعليا يمين اذا ما وافق راح أزوجكم وأنا حالفة يا فارس .
فارس : هو هذا الشي نتمناه .
أفنان : وأنا أقول ايش الهرجة أتاري تبغوا تتزوجوا .
مروج : شايفين أحنا أخر من يعلم .
إبراهيم : وأنا صاحبك وحبيبك يا فارس تجي ما تقولي طيب ونصبر نشوف أخرة الأسرار حقتكم ايش .
(( رائد أول ما جيهان فتحت الموضوع قام و وقف عند البحر " خبر مؤلم لبعضهم ))

بنوته جنآن · 12-01-2008, 04:36 PM

الجهة التانية من السفينة ....
فهد : شايفة يا سماهر البحر بقد سمكاته و المحيطات بكبرها والله ما تجي شي جمب حبي لكِ.
سماهر : .............((مستحية ))
فهد : والله ماني مصدق انو أحنا بعد كم شهر راح نتزوج عارفة ولا لا .
سماهر : حتى أنا مو مصدقة أنو أنا معاك .
فهد : والله لقيت شقة في حي المحمدية أكيد شقة ملك , فهد أنا لو أموت ما أجيب لكِ إيجار .
سماهر : أنا لو أعيش معاك في بيت شعبي ما يهمني المهم فهد يبقى معايا .
فهد : يا سلام عليكي , والله متحمس على كل يوم يمر وكل ساعة تجري مو قادر أصبر .
سماهر : كمل كيف شكل الشقة ؟
فهد : والله فخمة مرة و8 غرف كبار وجوا الشقة موجود حديقة بس مسترة بالساتر وايش شقة يا سماهر , بس أنا أحاول أخلي ينزل السعر عشان أشتريها وأوريكي هيا , عارفة نفس ذوقي وذوقيك مو أذواقنا رومانسية وأجواء حميمية .
سماهر : فهد لا تقول هذا الكلام .
فهد : مو أنا زوجك .
سماهر : ما قلنا شي بس أنا ما أحب أنو الكلام يزيد عن حده .
فهد : طيب سمورة لا تزعلي
سماهر : ما أبى زعلت منك .
فهد : طيب لو أديتكِ بوسة على خدك راح تسامحيني
سماهر : أفكر .
فهد : طيب دحين أكيد سامحتيني .
سماهر : مين قال أنو أنا أزعل من فهودي .
فهد : هههههههههههههههه طيب وحبة تانية وترضي عليا طول السنة .
سماهر : أيوا.
(( ويقطعهم عبد العزيز ))
عزوز: ايش تعملوا ؟
فهد : ايش جابك هذا الوقت .
عزوز: أعشق الأجواء الحميمية بين العرسان .
فهد : أمك ما ربتك عبد العزيز روح أحسلك لا أرميك من البحر .
سماهر : لا يا فهودي البحر ليا ولك ما ينفع نرمي واحد يخرب علينا الجو .
عزوز: طيب يا سماهر من أول مرة شفتك وحسيت انك بنت قوية .
سماهر : حرام عليك بس أنا ما أحب أحد يزعل فهودي .
عزوز: والله وصار لك دلع يا فهودي هههههههههههههههه
فهد : يلا أقلب وجهك يلا .
سماهر : طيب أخوك .
فهد : هو طيب بس ما يحب يسيب أحد في حاله , حتى مرام ما تسلم من تعليقاته لمن تكون مع فارس .
سماهر : الله يعينه على نفسه , بس تصدق لو خطب راح يعاندوه زي ما كان يعاندهم .
فهد : والله يبغالي أكلم ماما على موضوع زواجه .
سماهر : طيب سيبك من عزوز وأرجع لسمورة .
فهد : يا حلواتها زوجتي تفهمني .
سماهر : يا الله البوسة الي وعدتني فيها .
فهد : هههههههههههههههه

(( بعد الجلوس في مطعم مرسى الأحلام قرابة 6 ساعات من الساعة 8 ليلاَ حتى الساعة 2 ليلاً , رجع كل واحد لي بيته ومن بينهم العشاق ))

تمر الأيام وتشكو الأسابيع وتبكي الشهور لعدم موافقة أبو مرام على زواجها من فارس أحلامها فارس , وتفرق الحبيبان عن بعضيهما في قرابة 2 شهران ونصف ,
لكن طول عمره قلب الشيطان أسود .

(( مرام بدئت تنسى فارس لكن حبها له ما يتنسى , فكل يوم تخرج مع مروج وأفنان يروحوا الكباين و يروحوا المولات , لكن مرام من كثر ما راحت هذه الأماكن , أتخربت أخلاقها فشوفوا ايش حصل ))
يرن التلفون ...
مرام : ألو
منال : ألو يلي ما تتسمي مرام .
مرام : نعم خير معصبة عليا .
منال : يوم الأربعاء في إجتماع عائلي مهم لازم يحضروا أهلك ما عاد أبوكِ فاهمة .
مرام : بالله اجتماع عن ايه بالضبط .
منال : اجتماع وبس وقولي للبهايم صاحباتكِ أفنان ومروج يجو وأتصلي على فارس ورائد وإبراهيم كمان يجوا .
مرام : يا ساتر يا رب ايش في .
منال : خلي امك تشوف كيف بنتها اتخربت وصارت لقيطة , بس الله يهديكم المهم لا تنسي تقولي لشلتك .

(( اتصلت مرام على الكل الي تم ذكر أساميهم وجاى يوم الأربعاء بسرعة والبنات مجتمعين عن مرام ))
مرام : تعرفوا أنا أبى ألبس لبس جديد .
مروج : فاضية انت اجتماع البسي أي شي .
مرام : انت ايش لابسة .
مروج : شوفي شعري صرت ألمه ببكلة ولبست بلوزة فوشي وبرمودا جينز حقت بنات .
مرام : أوه مروج مرة صرتي حلوة زيادة
مروج : الله يهديك أنا حلوة دحين حرام عليكي البطن هذه كلها ولا الشعر الي في وجهي .
مرام : معليش وانت أفنان في ايش مسرحة .
أفنان : لا بس وحشني سليم ورامي .
مرام : تعالي في حضني حبيبتي لا تزعلي ,بكرة راح يكتب لك يوم ترجعي لهم .
أفنان : إنشاء الله ليش لا .
مروج : ترى لبسك حلو مرام .
مرام : مرسي , وأخر لمسة حلق بسيط .
أفنان : تصدقي شكلكِ حلو
مروج : والله فارس راح يتجنن عليكي .
مرام : فين فارس تلاقي صاحب وحدة تانية
أفنان : أتخيلي يصاحب بنت خالته بنان .
مرام : ممكن ليش لا هيا كانت تظهر له حب وأنا كت ألاحظ بس أحط يدي على فمي وبس .

(( راحوا البنات مع أمهاتهم على بيت جدة خيرية , مرام الفاضية لبست بنطلون جينز وبلوزة سماوي كات وفردت شعرها بطريقة حلوة وحطت ماكياج خفيف ومروج فردت شعرها ولبست تيشيرت فوشي كات وبرمودا جينز وأفنان بنطلون جينز وبلوزة بيضة كمان كات ))

راحوا على بيت جدة خيرية لقت مروج أمها وأم أفنان موجودين فزاد خوفهم أنهم يكونوا كشفوا أسرار التيم .

منال : أهلين أتفضلوا على الصالون .
مرام : سترك يا رب .
مروج : والله حاسة انهم كشفوا رمز فرقتنا .
أفنان : فرقة SAM راح تروح في دهيا يا مرام
مرام : أدخلوه بس .
(( ودخلوه لقوا فارس ورائد وإبراهيم جالسين مع أخوان مرام وأم مرام وأم فارس وأم رائد وخيلان مرام وأم أفنان ومروج وبنت خال مرام جهينة ))
مرام : هاي , ايش الجمعة الغريبة هذه .
خيرية : أجلسي يا مرام .
مروج : أقولك كشفونا والله كشفونا .
أفنان : مصايبي أكتر تعالوا نجلس ونشوف ايش حصل .
هديل : أول شي راح نفرجي كم هذا الفيديو الي صوروا أبو فارس يا بنات .
(( كان الفيديو : مرام وأفنان ومروج بيدخلوه شقة في حي غريب ويخوف ))
أبو فارس : تقدروا تقولوا ليا مين كان في الشقة أو مين صاحبة الشقة .
((يطالعوا في بعض ))
مرام : هذه شقة وحدة من صاحباتنا , واحنا روحنا لها بس .
أبو فارس : طيب أول أنا رحت هذه الشقة و الي فتحلي ولد في عمر 20 وأقل وسألته هذه شقتك قال لا هذه وحدة من البنات أستأجرت شقة بإسمها وأعطتني هيا أحرسها ولمن تجي هيا وصاحباتها أنا أطلع منها , ممكن تفسري ليا هذا الكلام يا مروج .
مروج : شقة ايش انا عمري ما أستأجرت شقة ايش تقولوا انتوا .
أم مروج : مروج اعترفي لأنو مافي أمامك الا الأحداث .
مروج : مرام أفنان أعترف .
مرام +أفنان : اعترفي .
مروج : الشقة هذه استأجرتها عشان نقعد فيها احنا الثلاثة بس هذه القصة الطويلة .
أبو مروج : انت كيف تسمحي لنفسك تستغليني , وتستغلي فلوسي وتدفعي إيجار شقتك يا حيوانة يا حقيرة .
هديل : مشكلة تانية , أكيد بعد الي صار في هذه الشهور شي محزن يا مرام لكن أنا ما أقول الا كملي كلامي يا جهينة .
جهينة : شفتك عند مستشفى الأسنان جاية وفاردا شعرك وماكياج والعباية تفصل جسمك تفصيل وما سكك واحد من خصرك معاه أمه ايش تسمي المسخرة هذه .
فهد : مرام وصلت فيكي الوقاحة,أنا لازم أقتلك (( ويجي يضربها كف ))
فارس : لا يا فهد أنا هو الولد الي جاه مع أمه ومسك خصر مرام أنا .
أبو فارس :أمك ما ربتك لو ربتي يا جيهان كان ما عمل أشياء أكتر من كده .
هديل : غير الصور والفيديو الي مصورينه الشباب عنكم وأنتوا في المولات والكباين غير فواتير التلفونات والمكالمات والمسخرة على التليفون وشرب المعسل والدخان غير الجوال الي معاكي يا ست مرام .
عبد العزيز : معاكي جوال من ورانا يا حقيرة وأنا أقول تحبسي نفسك في الغرفة بالساعات أتاري تدخني يا حيوانة .
أم مرام : لا حول ولا قوة لا بالله أخر شي أتوقعته فيكي يا مرام ((تبكي ))
هديل : أفنان طبعاَ مشكلتها كبيرة لكن مشاكل الأولاد أكبر .
(( رائد أكثر واحد مرتبك ))
منال : رائد ممكن تقولي ليش أغتصبت مرام .
عبد العزيز : حرااااااااااااااااااام عليك يا كلب (( وجاه ضربه على بطنه ))
(( نقول لكم على قصة اغتصاب رائد لمرام , مرة مرام كانت بايتة عند جيهان ونامت في غرفة فارس وفارس نام في غرفة أخوه , وقفلت مرام الباب بالمفتاح وحطت المفتاح على الرف لكن في الليل سمعت صوت أحد بيدخل من الباب وفتح الباب لقت رائد , وسك الباب بالمفتاح الي عنده , وجاه رمى نفسه عليها , ومرام تصرخ حتى جاه أبو فارس وفزر الباب بقوة هو وجيهان وفارس وضربوه رائد , ومرام مسكينة ما حصل لها شي لكن ملابسها انشقت وأغمى عليها , وبقي هذا الموضوع سر , لكن مروج فهمت مرام أنو رائد كان سكران لكن مرام ما صدقت و صارت كل ما تشوف رائد تخاف منه وتشرد , لكن أبو فارس هدد رائد إذا جيت الفيلا حقتهم راح يفضح أمره " لا تخافوا يا قراء مرام ما حصل لها شي بس رضوض في كتفها " )) نرجع للإجتماع
رائد : .......................
أفنان : مرام أحلفي انو عمل لك كده .
معتز : وأنا أقول رجعت مرام من بيت فارس خايفة وما تبغى أحد يجلس جمبها .
رحاب : انت وقح عارف إنك وقح ولا لا تفو عليك ما ربتك أمك .
أم رائد : ايش فيها لو قلت لي أبغى أخطبها .
هديل : مشكلة تانية حصلت لك يا فارس
فارس : ههههههههه ايش كمان
هديل : لك وجه تضحك , من فين جبت المعسل والدخان .
فارس : ايش معسل ودخان لا تسأليني ما أعرف .
هديل : طيب نجيب ورقة الفواتير الي تدل على انك اشتريت 4 باكت من دخان .

الجزء لعشرون :-

فارس : طيب كل واحد في سني يعمل كده .
جيهان : عمى في عيونك ((كف على وجهه ))
هديل : طيب مشكلة لمروج كمان .
مروج : الله يبعد عن المشاكل .
هديل : مروج , بنات اشتكوا عنك على سجن الأحداث وقالوا انك تتعرضي لهم بكثرة وفاهمين قصدي أيش أقصد .
أبو مروج : الله أكبر قولنا شقة ولها عقاب قلنا شباب وكل بنت عندها فضول حب الشباب وقلنا تتعرضي لبنات لا يا مروج حرام عليكي (( يبكي ))
مرام : ممكن أتكلم ؟
عزوز: ممكن تموتي (( يضربها على وجهها وتطيح على الأرض ))
مرام : ((تبكي )) انتوا ما تعرفوا ليش المشاكل هذه تجي قوليلي يا خالة هديل ايش قصة الولد الي كل يوم يمر على بيتك , و منال ايش قصتك في المولات كل يوم تروحيها لوحدك , وايش قصتك يا جهينة مع الولد الي في الشباك , وايش قصتك يا رائد كل يوم تتأسف , وايش قصة إبراهيم الي ماله ذنب في الموضوع , وايش قصة فارس ومرام الي كل يوم يتعبوا من الصبر كم سنة دحين نستنى أنا وياه , وكم سنة يا أم مروج ما سألتي عن بنتك والله لو ما عملوا الاجتماع هذا كان كل واحد ما يعرف شي عن مشاكلنا , مروج بتعمل مع بنات وأسترجلت تقدري تقول لي يا خالة ليش مروج عملت كده , ما تقدري تجاوبي عشان تبى تلفت نظرك تبى أحد ينصحها , تبى أحد يقول لها هذا غلط وهذا صح , وأفنان يا خالي ليش ما دافعت عنها ليش ما أخذت ولدها ورجعت زوجها , والله كل واحد لاهي في حياته مو داري حتى عن بنته , تقدري تقولي ليا يا ماما ليش أدخن وليش أخرج أتصيع في الشوارع , والله عشان شي واحد , ابى أحد يتذكر مرام وفارس ايش عملوا بعد ما رفض أبوها فارس
كيف أتغيرت نفسيتهم , صدقني يا خالي أنا أحب ولدك ودقيقة وحدة ما أقدر أتخلى عنه عشان أحبه وهو يحبني , لكن ليش تحرموا الأرواح الجائعة من بعض , ليش يا إبراهيم ما ساعدتنا مو قلت لي كم مرة أنا لو احتجته شي راح أساعدكم لو روحي , وليش يا خالة جيهان ما أتوسط لبابا انتِ و زوجك عشان تزوجونا , أحنا نبغى بعض وأنا حالفة يمين ما راح أتزوج غير فارس وغيره عانس وبس , أنا ماني عارفة من أول أبى أنصحكم أقول لكم خلونا الشباب والبنات البالغين نغطي على بعض أستر لنا وأحسن لنا كمان , طيب قولي يا رائد ليش لمستني ليش أنا عمري ما كرهت بشي أو حبيتك بشي , لكن أحنا كده بنات الناس لعبة في يد الكل , يلا نلعب بالكورة شوية ونرميها لصاحبي التاني , ليش طلقت ريماس مو عشان أنا عجبتك ليش تطلقتها المسكينة كل ما تشوفني تقول لي يا خطافة الرجال , أنا مالي ذنب في المشاكل بس الذنب ذنبكم ما ربيتونا وأنتبهتوا علينا وفكرتوا فينا بس حراااااااااام عليكم ((تبكي , ويشيلها فارس من يدها ))
فارس : قومي يا مرام قومي .
هديل : موضوع مهم لكل الأهل العقاب الي راح نحطه لكل الي عملوا المشاكل
أول شي اليوم راح تنحبسوا في غرفة ما فيها ولا شي _ ثاني شي البنات يخرجوا من المدرسة ما عاد الي ما كملوا دراستهم ,ثالث شي تشيلوا الخدامات من بيوتكم وتخلو البنات هما يشتغلوا , ودوركم يا شباب أول شي تنحبسوا في غرفة مع البنات تاني شي الجوالات والسيارات تنشال منكم ثالث شي يكون معاملة الأهل مع الكل شديدة عشان ترجعوا الشباب والبنات الي كنا زمان نعرفهم .
عبد العزيز : أختي ما تنام في غرفة موجود فيها هذا الحقير .
هديل : ما أظن يا عبد العزيز انو واحد منهم راح يتجرأ يلمسها بعد الكلام الي قالتوه .
أم مرام : وموجود حمام في الغرفة .
هديل : لا .
رحاب : خلاص يأخذوا غرفتي فيها حمام وكل شي يبغوه .
منال : لا بالله راح يقلبوها حفلة .
مروج : مين راح يفكر انو يعمل حفلة واحنا في هذا الوضع .
خيرية : عمى فيكم كلكم مشاكلكم وصلت لبيتي كمان الله لا يوفق أمهاتكم الا ما ربوكم عدل ولا يوفق أبهاتكم الي وفروا لكم كل شي الله لا يوفق هم شيلوا الزبايل ذوله على غرفة رحاب بسرعة عمى في قلبهم .
أبو فارس : مرام فارس تعالوا شويا أبى أكلمكم .
فارس : بابا لا تزعل مني غصب عني كنت أعمل كده .
أبو فارس : أنو مو زعلان منكم بس مرام منجد أنا أول مرة في حياتي أبكي , أبكي من كلامك والله عور لي قلبي , بس لا تخافوه ولا تصبروه مدام انتوا تحبوا بعض راح تبقوا لبعض .
هديل : يا الله راح نسك الباب بالمفتاح أدخلوه .
أبو فارس : تعالي يا مرام وفارس (( قام حضنهم بقوة ))
هديل : هو وقته يالله .
مرام : قول لماما ما تزعل مني .
فارس : وأنا كمان بابا نشوفك بكرة .
رحاب : مرام خذي لك ولفارس والبقية بس هذا لك ِ .
مرام : والله ما قصرت خالي شكراً .
(( ودخل الكل وانحبسوا في غرفة رحاب ))
إبراهيم : يا خالي رائد أخر شي أتوقعته أنك تغتصب مرام لدي الدرجة ما عندك كرامة ولا عندك أخلاق وفين راح الدين الي أتعلمناه فين .
رائد : لا تعاتبني لأنو في سر كنت راح أكشفوا للكل وإذا تبغاني أكشفوا لك راح أكشفوا .
فارس : لو فتحت فمك بس .
رائد : طيب أسمعوا أنا كنت بس خايف من أخوان مرام لا يموتوا فارس إذا قلت لهم في الغرفة , بس راح أعترف دحين بشي قال لي فارس هو , بينه وبين مرام حصل هذا الشي , قبل 6 سنين كان فارس مغرم بمرام وهي نفس الشي مجرد حب مراهقة وبس , لكن الي ما دخل البال راح مارس معاها انتوا عارفين ايش , وعلى فكرة الأثنين منسجمين كانوا هههههههههههههههه .
فارس : ايوا حصل وكنا صغار وما نفهم حصل شي يعني كل واحد يمر في هذا الشي في حياته .
إبراهيم : أنا أعرف يحصل مع زوجته لكن مع بنات الناس في دولتنا يحصل هذا الكلام , والله حاس انو البنت الي اتصلت عليا وقالت انو يوسف يصير أبوه الولد الي في بطنها , أنا راح أصدقها .
أفنان : حتى فيك يا مرام .
مروج : فارس عمري ما عرفت انك حق هذا الأشياء
فارس :خلاص سكوا الموضوع .
وقعدوا البنات يتكلموا مع بعض بشويش عن الي صار لي مرام قبل 6 سنين
أفنان : طيب كنتي بالغة ولا لا .
مرام : ايوا .
مروج : ما تخافي يكون الي في بالي بالك .
مرام : حصل معاي أشياء كثير في المستشفى وكتير دكاترا كانوا يشكوا فيا وأهلي كمان شكوا في مرضي المتزايد وبالذات عبد العزيز كان يحس انو فيا شي .
أفنان : طيب ما تخافي يكون الي في بالي بالك .
مروج : صوتكم واطي .
مرام : تبغيني أرفعه يسمعونا .
أفنان : والكلام الي تقوله يا فالحة كبير تبغيها ترفع صوتها .
إبراهيم : ايش فيكم تتكلموا بصوت واطي .
مروج : شوف مين يتكلم بس .
مرام : نرجع للموضوع .
(( البنات قعدوا يتكلموا في موضوع مرام الي عملها هو فارس ورائد , والشباب كل واحد قاعد في ركن متزاعلين مع بعض وكمان الي عمله فارس ورائد مو شي صغير ))د

مرام في الليل سهرانة وتبكي ...
إبراهيم : ايش فيكي مرام ؟
مرام : بعد هذا كله الي صار تبغاني أضحك (( تبكي ))
مروج : والله جيعانة مووت مين معاه شي نأكله .
مرام : رحاب أداني شوية شوكولا لكل واحد منا .
(( الكل أخذ وحدة وأكلها ومرام ما أخذت لأنو خالها ما جاب الا 5 شوكولا ))
أفنان : تتقاسمي معايا .
مرام : لا ما أبغى .
أفنان : الليل طويل وراح تجوعي .
مرام : ما أبغى .
إبراهيم : بطلي عناد وخذي ما راح ينفعك العناد .
مرام : ما تفهموا ما أبغى شي خلاص فكوني كل ما رحت مكان تغصبوني على شي أنا ما أبغاه حرام عليكم ((دخلت الحمام وتبكي ))
مروج : مرام فكي الباب .. مرام ما يصير أحد يحبس نفسه في الحمام .
مرام : ممكن تنقلعي انت كمان مو ناقصتك .
((بعد ساعة من محولات أفنان وإبراهيم ومروج الفاشلة يجي فارس ))
فارس : مرام ....مرام فكي الباب ما يصير تحبسي نفسك في الحمام بطال .
مرام : حتى انت يا فارس .
فارس : مرام إذا ما خرجتي والله لا أفزر الباب عليكي وأنا أتكلم من جدي فكي الباب بعد ثواني ما فتحت والله راح أعمل شي ما يسر الشيطان . (( طلب الحبيب غالي على اللبيب))
(( وخرجت مرام ))
فارس : تحسبي الي تعمليه راح ينفعك , مرام مو كويس على صحتك وأنا ما أبغى صحتك تدهور زي يوم درة العروس .
مرام : أنا شوية وراح أطيح ....
فارس : مرام قومي مرام
أفنان : ايش فيها يا الله مرام .
مروج : ندق الباب عليهم يفتحوا .
فارس : ما حد يتجرأ يطلع صوت مو لازم نخوف أهلها .
إبراهيم : أنا أول مرة أشوفها تعبانة قد قده شوفوا كيف لونها أصفر .(( رائد بعيد عن هذه الدائرة يعني حاله حال نفسه ))
فارس : أفنان فكي جيبي .
أفنان : كيف يعني ما أعرف ؟؟
فارس : نسيت أسف , مروج فكي جيبي الي ورى تلاقي برفان صغير طلعي وحطيه شوية في منديل .
مروج : طيب .
أفنان : فاقت ...مرام ..
فارس : حبيبتي مرام قومي
مرام : فين أنا ؟
أفنان : في غرفة رحاب .
مرام : أوف احنا ما خلصنا من المشاكل ((تبكي بحرقة ))
مروج : مرام والله لو في أحد مات ما تبكي قد كده .
أفنان : يا الله كيف نراضيها دحين .
مروج : يا عني المفروض ما تبكي شوفي مين جمبك أبتسمي .
مرام : مروج أنا الي في كافيني بليز سيبيني لوحدي (( تبكي ))
فارس : كل واحد يرجع لمكانه وخلاص سيبوها أنا جمبها وما أبغى تعليقات .

(( وقعدوا , ما غمضت عين فارس وما جفت دموع مرام ولا ابتسم إبراهيم ولا نام رائد ومروج وأفنان ما يملوا من الكلام , حتى طلع الصباح وجات الساعة 9 الصباح فجا رحاب وفتح الباب , أول ما فتح الباب جريت مرام على خالها وقعدت تبكي ))
رحاب : يا حياتي ايش فيك مرام , في احد أذاها .
فارس : هيا من أول ما دخلنا الغرفة قعدت تبكي .
رحاب : تعالي مرام جاه أخوكي .
مرام : إذا فهد مو رايحة معاه بليز خلي عبد العزيز يجي يأخذني
((يدخل فهد ))
فهد : ليش خايفة مني مو زعلانين منك زعلانين أنو ليش خبيتي عننا .
رحاب : دحين خذها البيت وخليها تنام .
فهد : تعالي لا تخافي مرام .
مرام : لا تضربني الله يخليك (( تبكي ))
فهد : مرام وربي ما راح أضربك تعالي مرام والله ما راح أعمل لكِ شي .
مرام : خالي رحاب يبغوا يموتوني أنا عارفة يمثلوا لا ما تضربني مو أولياء أموري أنتوا ((تبكي وحاضنة خالها ))
فارس : مرام هذا أخوكي ما راح يعمل لكِ شي تعالي هاتي يدكِ يلا مرام .
مرام : فارس أنا تعبانة تعبانة وديني المستشفى .
أفنان : ترى من أول ما جات وهيا كان لونها مصفر وبس ترجع في الحمام وتبكي وجسمها مرة حار .
فهد : تعالي يا مرام أنا راح أوديكي المستشفى بس تعالي هيا .
مرام : فارس أروح ولا ما أروح .
فارس : مرام روحي .
فهد : هيا مرام تعالي لا تخافي يلا تعالي
(( وراحت مرام على المستشفى وزي كل مرة الضغط هابط عندها وفقر دم وسخونة ))
فهد : ألو ايوا ماما .
أم مرام : ها جبتها .
فهد : ماما ترى احنا في المستشفى مرام مرة تعبانة .
أم مرام : ايش طيب دحين جاية .
فهد : لا تجي احنا الساعة 12 جايين .
أم مرام : ايش عندها ؟؟؟؟؟
فهد : زي كل مرة الضغط هابط , وفقر دم حاد وسخونة , بس دحين هيا نايمة بس ماما والله شكلها يقطع القلب .
أم مرام : بالله فهد فيها شي البنت ولا لا .
فهد : ماما والله بس هو ذا الي قلتلك عليا بس .
أم مرام : يا ولدي طمني عليها لو قامت طيب .
فهد : طيب يا ماما أرتاحي مع السلامة .
أم مرام : مع السلامة .

(( وبعدين اتصل على سماهر ))

فهد : كيفك حبيبتي .
سماهر : كيف مرام فهد والله من أمس شايلة همها .
فهد : في المستشفى احنا .
سماهر : خير ايش فيها ؟
فهد : بس الضغط هابط وأنميا حادة وسخونة بس مرة شكلها تعبان .
سماهر : طيب حبيبي أجيلك المستشفى .
فهد : لا حبيبتي أرتاحي احنا الساعة 12 خارجيين
سماهر : الله يطمن قلبك والله طمأنتني , بس لمن توديها البيت اتصل عليا حبيبي أوكي .
فهد : طيب حياتي باي
سماهر : باي حبيبي .

(( وجات الساعة 11:30 الظهر وتصحى مرام ))
فهد : صح النوم .
مرام : فين ماما ما أحد جاه .
فهد : لا بس أنا وياك .
مرام: فهد انت أخوي وتفهمني وأسألك سؤال تجاوبني بصراحة .
فهد : أسألي مرام ؟
مرام : زعلانين مني .
فهد : أنا لا وماما لا ومعتز لا بس عبد العزيز زعلان مرة منك وحلف ما يكلمك .
مرام : ((تبكي )) ليش ؟
فهد : مرام الي صار مو قليل عشان في أشياء نسامحك عليها بالذات موضوع رائد مرة حساس , ليش ما قلتلينا كان أخذنا حقك منو .
مرام : طيب هو كان سكران ايش أعملوا .
فهد : والله خايف من شي واحد بس .
مرام : أنا عارفة خايفين أكون حامل منه ,((تبكي )) لا تخاف لو خالي وفارس ما فزرو الباب كان رحت فيها بس ربي حماني (( تبكي ))
فهد : طيب مرام أسمعيني , زيما قلتي أمس لو ما كنا نغطي على بعض كان ما حصل الي حصل , لكن عادات أهلنا قوية وما راح يسمحوا لنا اننا نغطي على بعض الا إذا كل البنات والأولاد غطوا على بعض , حتى في رمضان في شهر العبادة المفروض ما يقعدوا كلهم مع بعض بس يوم العيد كل واحد يروح على غرفة عشان في بنات يغطوا , وانت يا مرام مو صغيرة عشان ما تغطي عمرك 19 سنة اللهم زد وبارك , لكن بالذات الكلب رائد تغطي عليه .
مرام : طيب متى نخرج ؟
فهد : دحين بس لحظة أعمل كم إجراء ونخرج .
مرام : طيب .

(( ورجع أخذ مرام وخرجت من المستشفى , وأحلى استقبال من أمها ))
أم مرام : يا بنتي يا عمري والله حسيت الدنيا سودة من دونك تعالي في حضني .
مرام : ماما ما تزعلي مني الله يخليكي (( تبكي ))
أم مرام : خلاص يا بنتي مسامحتك والله مسامحتك .
أبو مرام : تعالي يا بنتي في حضني .
مرام : بابا والله أسفة سامحني (( تبكي ))
أبو مرام : أنا طول عمري مسامحك .
فهد : خلاص يا بابا ما صار يوم .

(( وراحت مرام على غرفتها شوية بكيت بعدين راحت على غرفة عبد العزيز وكان يتكلم بالتلفون ))
عزوز : والله أحبك ....وحياة أمك أحبك ايش تبغي أكثر ....معليش ...نتزوج لا مو وقته ..مين قال أبغاكِ زوجة ليا بس أخلص الجامعة أخطبك على طول طيب .
مرام : ممكن أدخل أحم ..أحم
عزوز: ألو يا فادي بعدين أكلمك باي .
مرام : كنت تكلم صاحبك .
عزوز : حمد الله على السلامة , في شي تبغيه خذيه من أخوانك أنا ما أعرفك .
مرام : والله ما عملتلك شي والله .
عزوز : لمنت تخبي عليا موضوع زي حق رائد ايش تسميه هذا ما عملتيلي شي , مرام والله لمن قالت منال الكلام , حسيت بدني أتهز حسيت أختي مرام راحت (( تدمع عيونه ))
مرام : عبد العزيز هو الي أتعرض عليا مو أنا قلت له تعال هو جاه وأتعرض عليا أنا ما كنت موافقة ولا على شي صدقني (( تبكي ))
عزوز: أنا أتصل عليا فهد وقال انو انت ما فيكي شي بس ليش ما خلتيني أخذ حقك منه والله كرامته أتهانت قدام الكل بس برضوه مرام ما يصير لازم تحذري بعد كده لأنو المرة هذه عدت بس ممكن الجاية تجيب معاها مصيبة فاهمتني مرام .
مرام : طيب سامحني ((تبكي ))
عزوز : تعالي مرام .
(( وحضنها و لازم يسلم عليها طبعاً وسامحها ))

(( بعد كم يوم كانت في عزومة في بيت خيرية وراحت مرام وأمها ))

(( لبست مرام فستان جينز فوق الركبة وفردت شعرها وحطت ماكياج خفيف وراحت ))

أفنان : أوف ايش الجمال الي طلع عليكي يا مرام .
مرام : طول عمري حلوة و مين قدي .
مروج : صايرة مغرورة يا ست مرام .
مرام : بليز شوية أبعدوه خليني أسلم على خالة جيهان
جيهان : كيفك مرام ايش الجمال هذ ما شاء الله عروسة سلمي وتعالي اجلسي جمبي .
مرام : من عيوني .
(( ورجعت وجلست جمبها ))
جيهان : كيف نفسيتك مرام .
مرام : والله زيما شايفة الحمد الله أحسن من أول .
جيهان : والله ما شفتي فارس كيف كان زعلان لمن رحتي المستشفى , زعل وقعد في غرفته سمعته يبكي , والله عورني قلبي وهو بيبكي يا مرام .
مرام : أوه (( في قلبها يا حبيبي ))
(( البنات جالسين في الأرض مروج وأفنان قاعدين يتكلموا على مرام ))
أفنان : تصدقي يا مروج مرام شكلها جمب خالة جيهان كالكنة وحماتها .
مروج :هههههههههههههههههههههههههههههههههههههههههههه
مرام : أصبروا عليا طيب .
(( وبعد شوية تجي رهف ))
رهف : مرام تعالي بسرعة راح تموتي .....تعالي ؟
مرام : ايش في ؟
جيهان : روحي معاها .
مرام : انتوا متفقين عليا .
جيهان : روحي (( وتضربها على قفاها ))

رهف : مرام تعالي أنزلي الحوش .
مرام : خير نعم .
رهف : فارس يبغاكي .
مرام : يبغاني .
رهف : روحي ضبطي ماكياجك وتعالي ننزل مع بعض .
مرام : يلا جاية .
(( ونزلت مرام وفتحت الباب الي يوصل على الحوش وصنمت البنت مو قادرة تتحرك من الي قدامها ))
فارس : كيفك مرام (( سلم على خدها ))
مرام : حمد الله , انت ايش عامل في روحك صاير أحلى من أول .
فارس : ولا شي ملابس جديدة وتسريحة شعر جديدة .
رهف : مرام خذي عبايتك أنا طالعة .
فارس : تعالي مرام .
مرام : نعم .
فارس : حتى انت اليوم شكلك صاير مرة حلو , بس تعالي السيارة معايا .
مرام : خير ليش ؟
فارس : نروح نتعشى في مطعم .
مرام : طيب وأمك .
فارس : نازلة دحين .
(( فارس كان لابس بنطلون جينز غامق و وبلوزة سودة وعليها جاكت أبيض ومضفر شعره كله ضفاير وصاير مرة جنان مع النيو لوك ))
(( وراحوا على مطعم رومنسي مووت مرة رومنسي ما أعرف أيش اسمه بس في البحر يا قراء أنصحكم تروحوا بس خطيب وخطيبة أحلى من عائلة تروح , و وصلوا المطعم ))
جيهان : نجلس هنا مرام .
مرام : أي مكان عادي .
فارس : خلاص جمب الشباك أحلى .
جيهان : طيب تعالوا نجلس .
مرام : ايوا ترى جبت هدية بسيطة لكم الأتنين .
فارس : لازم تعذبي حالك واتفضلي هذه الهدية .
مرام : لازم تعذب حالك .
جيهان : وهذه مني لك .
مرام : ياي مرة تجنن تسلمي .
جيهان : هذا ذوق فارس على فكرة .(( جالس جمب أمه ))
فارس : ماما لازم تقولي لها .
مرام : بس حلوة مرة تسلموا الأتنين .
(( فارس جاب لمرام فلاش ميموري "USB " و جيهان جابت لها سلسلة ذهب على شكل قلب مرة حلوة ))
جيهان قامت جلست جمب مرام
جيهان : مرام طالعيني .
مرام : نعم يا خالة .
جيهان : ليش ما شلتي شنبك وحواجبك . (( مرام راحت فيها أحد يقول هذا الكلام قدام ولد ))
مرام : ............ما كنت فاضية (( تطالع في فارس وفارس مبتسم ))
جيهان : لا يا عمري بعد كم أسبوع راح تنخطبوا لبعض لازم أول بأول تشيليه .
مرام : طيب .
جيهان : رايحة أطلب الطلب .
مرام : خذيني معاكي .
جيهان : جلسي ما تروحي .
(( وجلست مع فارس وكانت مرام أول مرة في حياتها تستحي أنها تجلس قدام فارس
مرام طول الوقت رأسها في الأرض , وجات ترفع عيونها لقت فارس يطالعها ونزلت رأسها تاني ))
فارس : مرام عمرك شفتي أحد يروح يطلب الأكل .
مرام : ههههههه لا .
فارس : كيف نفسيتك دحين .
مرام : والله أحسن بشوفتك وانت .
فارس : والله حصان الحمد الله .
مرام : ترى بابا وافق على الخطوبة .
فارس : عارف .
مرام : طيب ليش شكلك زعلان .
فارس : لا بس عشان جيعان .
(( وجات أم فارس ))
فارس : ماما عمري ما شفت أحد يروح يطلب الأكل .
جيهان : أنا متعمدة عشان أشوفكم تتكلموا بس زي البعبع ساكتين
مرام (( نزلت بجسمها )): أه يا قلبي .
فارس : سلامة قلبك يا حياتي .
جيهان : ايش التطورات هذه .
مرام : لا والله منجد يوجعني .
جيهان : طيب لحظة اجيب لك موية .
مرام : لا الحمد الله خف .
جيهان : عارفين يا أولادي أنو الواحد يحس بالدنيا .
فارس : وضحي يا ماما .
جيهان : في ناس لمن يموتوا ربي يرحمهم , الدنيا تحس بيهم فيعورهم يا قلبهم زي مرام أو تطق الأذن أو يزيد نبض القلب فجأة وكمان القشعريرة سبب من أسباب وجود الموت ربي يكفي كل واحد مننا وما يحرمني من شوفتكم في بيت واحد .
مرام : ما كأنه أتأخرنا عليهم وأخاف ماما تعصب عليا عشان ما قلتلها .
جيهان : طيب خلصته من الأكل .
فارس : ماما لنا نص ساعة نستناكي تقول يلا .
جيهان : يلا قوموا .
(( ورجعوا على البيت وطلعت مرام عند جدتها خيرية ))
منال : يا ويلك من أمك متوعدة لكِ .
مرام : يا رب أستر .
أم مرام : مرام فين كنتي ؟
مرام : كنت عند خالة جيهان .
أم مرام : روحنا لقينها مو موجودة .
مرام : خرجنا شوية ورجعنا .
أم مرام : أمشي على سيارة تحت .
مرام: طيب .
(( ورجعوا على البيت ونام الكل ما عاد فهد الولهان , أكيد يكلم سماهر بس كلامهم طويل وشوية عاطفي فمالنا شغل فيه ونروح لكم يوم ))

مرام جالسة مع مروج ..
مرام : والله سيتي بلازا عاملين تخفيضات وملابسهم حلوة ايش رأيك نروح أبى أشتري ملابس للبيت .
مروج : طيب قومي .
مرام : لحظة مع مين نروح .
مروج : سهلة مع فارس .
مرام : أوكي مافي مشكلة .
(( وراحت مرام لبست عباية مخصرة وطرحة ملونة خفيفة وحطت ماكياج خفيف وراحت مع مروج ))
مرام : هاي فارس كيفك ...؟
فارس : حمد الله ايش الجمال هذا كله .
مروج : وغنوا يالليل ما أطولك .
مرام +فارس : ههههههههههههههههههههههههههههههه
(( فارس كان لابس بنطلون جينز مرة ضيق وبلوزة بني مفتوحة من الصدر وفارد شعره وصاير مرة كوول , وحاط لمرام أغنية أحلى حاجة فيكي – محمد حماقي ))

و وصلوا سيتي بلازا على صلاة العشاء

مرام : ليش مليان شباب ؟
مروج : أول مرة أشوف سيتي بلازا مليان شباب .
مرام : مشي حالك بس خليني أروح أخذ الملابس ونمشي .
فارس : مرام أنا رايح أصلي أستنوني أوكي .
مرام : أوكي .
مروج : فارس أتغير صار يصلي .
مرام : وأنا أقعد بمزاجي أصلي استغفر الله بس
مروج : والله قرابة 4 سنين ما صليت بس يوم ما مات يوسف صليت بعدها لليوم والله ما صليت .
مرام : ربك يهديكي خلينا نشتري بسرعة وننزل .
(( وراحوا أشتروا ملابس وأشياء و وقفوا عند محل الكاشير وكان طابور ))
مروج : بس نقعد نستنى الين تنتهي الصلاة .
مرام : مشي حالك المهم خلصت .
مروج : مرام شوفي مين وراكي .
(( وطالعت مرام لقت ولد كول وراها وراحت قلبت راسها بسرعة ))
مروج : يجنن .
مرام : مو شي جمب فارس .
مروج : غبية والله استني على كلمتك
(( الولد كان مرة قريب من مرام من وراها , وأول ما جاى فارس راحت مروج دفت مرام على الولد ))

مرام : أه
مروج : ههههههه .
فارس : غبي تدق في البنت تعرفها تعرفك يا حيوان .(( يصرخ معصب ))
الولد : البنت التانية دفتها عليا أنا ما لمستها فاهم .
فارس : انت لو أهلك ربوك كان ما أتعرضت لبنات الناس .
الولد : أحترم الفاضك أنا ما مسيتها قلت لك صاحبتها دفتها .
فارس : انت مكان هنا شايف الأرض حقك تنداس فيها يا كلب .
(( وتدخل مرام ))
مرام : خلاص فارس .(( الناس كلهم متجمعين على المضاربة ويتفرجوا ))
فارس : انت مالك شغل بسرعة روحي حاسبي بلا في شكلكِ .
السيكروتي : لو سمحتوا هذا مكان عام وكملوا مضاربتكم في الشارع يلا .
الولد : يعني الي يقول زوجته يدافع عنها هاها .
فارس : هيا زوجتي غصبن عن الي جابتك .
الولد : واضح الطول .
فارس : لا تخليني والله أموتك تحت رجلي .
السيكروتي :خلاص يا أستاذ جيب مشترياتك نمشيها وتروحوا بالله فكونا , هاتي يا بنتي أشياءكم .
مرام : اتفضل .
الكاشير : 475 ريال .
مرام : طيب لحظة .
فارس : أنا أدفع
مرام : كفاية معاملة زي الصغار .
فارس : حطي يدكِ في حنككِ وعلى السيارة بسرعة .
مرام : طيب أوريك .
(( رجعوا على السيارة بس مرام ما دخلت ))
فارس : مرام أدخلي .
مرام : ماني داخلة .
فارس : الناس بتتفرج علينا وأعيد وأكرر مرام أدخلي .
مرام : بليز تاكسي .
فارس : ((يمسكها من كتفها )) مرام إذا ما دخلت راح يجيكي كف قوي على خدكِ
مرام : وريني خذي جاهز يلا وريني أضرب تحسبني خايفة يلا أضرب .
فارس : مو هاين عليا أضرب حبيبتي , أدخلي مرام أدخلي .
مرام : مروج أركبي قدام .
فارس : لا أبغاكي انتِ قدام .
مرام : يعني نرجع تاني .
مروج : خلاص عاد فكونا من مسلسل جميل وهناء وأدخلوا .

(( ودخلوا السيارة بعد تهزيء من مروج ))

الجزء الحادي والعشرون :-

وبعد ما طلعت مرام وفارس في السيارة ..
مروج : والله يا فارس أخيراً خليت مرام تزعل هههههههههههههههه
مرام : المصيبة كلها منكِ مو أنتِ الي دفيتيني على الولد .
فارس : كمان يا مرام كان لازم تمسكي نفسكِ .
مرام : شوف الغبي أقوله دفتني يقول لي كان مسكتي نفسك هههه والله .
فارس : لا تجادليني .
مرام : مين انت تأمرني تقول لي لا تجادليني مو على كيفك أمك يا فارس أنا صبرت منك كتير والين دحين وقف ..(( ووقف السيارة قريب من أيس لاند يعني بعده بشوية ))
فارس : عيدي الكلمة تاني .
(( خرجت من السيارة ))
فارس : مروج فهميني قلت شي غلط .
مروج : عادي مرام عندها عادة لمن تعصب لازم تجيها حالات قيء مستمر .
(( ورجع بالسيارة بقوة ))
فارس : فين رايحة ؟
مرام : سيبني راجعة البيت .
فارس : مرام لا تجنيني .
مرام : أحد قلك لا تتجنن هاها .
فارس : مرام لا تحرقي لي أعصابي أمشي ادخلي على السيارة ((ويصرخ عليها ))
مرام : ايوا أضرب كف أو ادفني في التراب الي جمبك ايوا ايش كمان تكسر رقبتي كسرها أعمل كل شي أنا موافقة , بس لو عندك جرأة تلمسني تعال شوف الي يسرك يا سي فارس (( مرة معصبة ))
وتوقف سيارة مليانة شباب و يخرج واحد راسه من الشباك ويقول :
الولد : ما يصير تتضارب انت وزوجتك برى في الشارع خليها في البيت عشان تتونس أكثر ها ها ههههههههههههههههههههههههههههههه .
فارس : روح لا أقطع عمركِ (( وراحت السيارة ))
مرام : ههههههههههههههههههههههههههههههه خلونا متزوجين .
فارس : أدخلي يا مرام هههههههههههههههه .
مرام : طيب يا زوجي .
(( و خلى مرام تركب قدام ومروج ورى ))
فارس : زعلانة مني ؟
مرام : حركتك الي في الشارع مرة غبية .
فارس : طيب ميمو قربي إذنك (( قربتها )) أحبك .
مرام : هههههههههههههههه أنا كمان .
مروج : خلاص يا عالم ما يصير أنا موجودة خلينا أروح وأعملوا الي تعملوا .
فارس + مرام : مروج ممكن تسكتي .
مروج : يا الله أشكالكم تخوف لمن تهاجمه الواحد طيب والله راح سكت .
فارس : على فين تروحوا ؟
مرام : أنا نعسانة أبى أروح البيت .
فارس : ميمو جاتكِ النعوسة .
مرام : ايوا .
مروج : وميمو ونعوسة ايش أخر كلام الحب , طلع والله وأنا ما أدري .

(( و رجع الكل على البيت ))

بعد كم يوم جاه خبر ولادة جيهان وجابت ولد سمته عبد الإله وعملوا حفلة وزاروهم الناس
وأشياء كتيرة عملوها بس نجري ورى الأسبوع التاني ...

.(( رجعت مرام من المدرسة هيا وأخوها معتز يسمعوا صوت أمهم تبكي ))

مرام : معتز ايش فيها ماما .
معتز : قاعدة تتكلم بالتلفون لحظة
(( ورخت أم مرام السماعة وقعدت تبكي ))
مرام : ماما ايش فيكي بالله ماما خير .
أم مرام : فارس صار له حادث وهو بغرفة العمليات (( تبكي ))
مرام : فين فهد أو عبد العزيز .
معتز : في غرفهم .
مرام : مو موجودين معتز وديني المستشفى بسرعة .
أم مرام : مرام انتِ بالذات تقعدي في البيت ما تروحي .
مرام : (( تبكي )) ماما يا ريت لو أنا مو هوا .
أم مرام : ما تروحي وبس احنا رايحين انا ومعتز انتبهي على البيت وأخوكِ ماهر فاهمة .
مرام : يا رب فارس يكون ما حصل شي يا رب ((تبكي ))

من الساعة 2 الظهر حتى الساعة 1 بالليل ما طلع فارس من غرفة العمليات
أم مرام : الو مرام كيفك دحين .
مرام : ماما ما طلع ؟
أم مرام : والله يا بنتي ما طلع من دكتور طالع لدكتور داخل ما نقدر نعمل شي الا ندعي له .
مرام : طيب ما قال الدكتور ايش عنده .
أم مرام : يقول انو سبعة فقرات من ظهره أنكسرت ونسبة نجاح العملية 5 بالمية .
مرام : (( تبكي ))
أم مرام : يا بنتي ما يصير الي تعمليه في روحك .
مرام : طيب ايش كمان قال ؟
أم مرام : هو في خيارات اذا طلع من العملية تصير وحدة منهم يا تنجح العملية وما يصير عنده شي ياي يصير مشلول بالكامل يا , عارفة آخر خيار .
مرام : أه يا ماما (( تبكي ))
أم مرام : في أحد عندك ؟
مرام : أفنان ومروج
أم مرام : هاتي أفنان .
أفنان : الو يا خالة ؟
أم مرام : الله يخليكي يا بنتي انتبهي على مرام لا تخليها تحبس نفسها ولا تخلوها تخرج أوكي .
أفنان : احنا دحين حاطين لها قرآن وبتهدئ أعصابها .
أم مرام : لا تخليها تبكي مو ناقصني أنا كمان بكى ,كفاية أمه وأبوه الله يحميه ((تبكي ))
أفنان : خلاص يا خالة لا تشيلي هم على مرام .
أم مرام : يلا مع السلامة .
أفنان : مع السلامة .
مرام : عارفين أحس نفسي خاينة .
مروج : سلامتك من الخيانة خير يا مرام .
مرام : يوم الدرة هو وداني المستشفى ويوم ما طحت عليهم هو كمان وداني ولمن أكون تعبانة يكون معايا و لو ما قدر يجي يتصل , وهو دحين تعبان المفروض أكون معاه مو بعيدة عنه (( تبكي ))
مروج : مرام كذا انتِ تهلكي نفسك لا تنسي كلام ربكِ " ولا تلقوا بأيديكم الى التهلكة "
مرام : يا رب سامحه لو حصله شي يا رب (( تبكي ))
أفنان : خلاص إحنا بكرة نروح له في العصر .
مرام : مو قادرة اصبر ابى اتصل بماما .
مروج : امك تعبانة وتتعبيها زيادة .
مرام : ماما بشري .
أم مرام : يا بنتي طلع و شكله يعور القلب ..
مرام : (( تبكي ))
أم مرام : خالتكِ جيهان أغمى عليها و ودوها غرفة عشان تنام فيها وأبوكي معانا يا مرام وأخوانك كلهم (( تبكي ))
مرام : ماما أرجعوه البيت مو قادرة أصبر .
أم مرام : خلاص لا تبكي يا مرام لا تعوريني (( تبكي ))
مرام : مع السلامة .
أم مرام : مع السلامة .
أفنان : طلع ؟
مرام : فارس تعبان يا أفنان تعبان
مروج : لا تبكي بكرة بيطلع وتتفك أزمته خلاص يا مرام .
(( وبعد نص ساعة رجع عبد العزيز ))
مرام : عبد العزيز ((حضنته وتبكي ))
عبد العزيز : الله لا يوريكي يا مرام (( يبكي ))
مرام : مو قادرة وديني عنده .
عبد العزيز : ما أبغى أعور قلبكِ يا مرام الي في قلبك كافيه
أفنان : يلا مرام أنا ومروج رايحين تبي شي .
مرام : لا شكراً (( تحضنهم ))
مروج : هو محتاج صبرك يا مرام مو بكائك .
مرام : (( تبكي))
عبد العزيز : خلاص روحو تراها تعبانة .
الكل : يلا مع السلامة مرام .
عبد العزيز : كلهم في المستشفى موجودين أمه أول ما خرج يا مرام من غرفة العملية أغمى عليها , وأبوه ماسك القرآن ويبكي , وأعز واحد من أصحابه علاء مسكين الله لا يوريكي بس الله يشفيه .
مرام : كيف شكله ؟
عبد العزيز : والله يا مرام كل وجهه ملفوف بشاش ما عاد عينه اليمين وفمه وفتحت أنفه بس هما الي باينين .
مرام : طيب ((تبكي )) أتشل شلل كامل .
عبد العزيز : ربكِ لو ما يحب فارس كان ما عمل له كده بس ادعي له يا مرام طالع فوق .
مرام : (( تبكي ))
عبد العزيز : خلاص مرام لا تبكي , بكرة جهزي نفسك الصباح عشان أنا أوديكي المدرسة .
مرام : لا ما أبغى أروح .
عبد العزيز : مرام غيابك هذه السنة كثر , قومي نامي عشان بكرة أوديكي .
مرام : طيب (( وحطت يدها على راسها وتبكي ))
عبد العزيز :خلاص بكرة راح يمشي زي الحصان ما ينفعك البكاء ولا ينفعه دموعك يلا على غرفتكِ نامي .

((وصلوا أهل مرام ))
أم مرام : هيا عبد العزيز فين مرام ؟
عبد العزيز : دوبني خارج من غرفتها بعد ما نامت .
معتز : ماما الله يسعدك بكرة أنا أوديها عند فارس .
أم مرام : ((تبكي )) ما تقدر تتحمل الي شفناه والله أخاف عليها تنهار .
أبو مرام : يلا كل واحد يروح ينام وراكم جامعات .
عبد العزيز : ما جاى معاكم فهد ؟
أم مرام : سماهر اتصلت عليه في المستشفى وراح لها وما دري عنه أتأخر .
أبو مرام : أهو رجع .
فهد : السلام عليكم ..
أم مرام : وعليكم السلام , فين كنت ؟
فهد : كنت عند سماهر.
أبو مرام : أحد يروح لخطيبته في الليل!!
فهد : أختها هناء كانت تعبانة ومو عارفين ايش يعملوا فا اتصلت عليا و ودينها المستشفى .
عبد العزيز : ايش فيهم الناس اليوم على المستشفيات .
معتز : قول الحمد الله .
عبد العزيز : شوف مين يتكلم هاها .
أبو مرام : كل واحد على غرفته ينام بكرة وراكم جامعة وقاعدين , مافي ولا أحد يغيب حتى مرام .
الكل : تصبحوا على خير .
(( اليوم التاني ))

مرام في المدرسة , ومن بداية الحصة الأولى للأخيرة وهيا بالها مع فارس , حتى في الفسحة ما تأكل ونفسيتها زفت حتى صاحباتها ملاحظينها انها مو معاهم ولا تضحك وبس حاطة راسها على الماصة والسبب " فارس " .

((رجعت مرام البيت و زي كل مرة ما تتغذى مع أهلها " مرام ما تتغذى من يوم الي حصل في سيتي بلازا مع مروج وفارس " ))

أم مرام : يا بنتي كلي لقمة معانا على الأقل .
مرام : مالي نفس .
أبو مرام : اسمعي بنتكِ ما تروح تزور فارس الا إذا سمعت كلامكِ .
مرام : يا رب فكني منكم ما أبغى أكل ومروج راح توصلني خلاص قيد الي فيا كافيني ((تبكي ))
أم مرام : روحي ابكي دم كمان ما انتِ رايحة .

(( وطلعت السطوح وقعدت تبكي ))
معتز : مرام خلاص العصر أنا أوديكي ايش تبغي كمان .
مرام : والله .
معتز : بس على شرط لو تعبي شوية وتأكلي وشرط ثاني ما أبغى دموع .
مرام : طيب نازلة أكل .
معتز : مرام والله ما أحب أشوفيكِ زعلانة , وما دام عندي سيارة راح أوديكي عن فارس .
مرام : شكراً .

(( وجاه العصر ))
معتز : مرام ماما نايمة وكلهم نايمين يلا خلينا نروح .
مرام : طيب بس ألبس العباية .
معتز : يلا بسرعة قبل ما يشوفنا أحد .
مرام : يلا جهزت .

في السيارة ..
مرام : مر على أزهار ريما .
معتز : يا عيني عليكي من عيوني .
مرام : بعد ما نروح نشتري البوكيه , مر على بيت مروج على طريق مستشفى الألماني .
معتز : طيب انزلي , أعطيكي فلوس ولا معاكي .
مرام : لا معايا , ثواني وراجعة.
(( ومافي حبايب ما يختاروا لبعض الا ورد جوري , وأخذت لفارس بوكيه كله أحمر بس في النص وردة بيضة وشكل البوكيه مرة يجنن , ومروا على مروج وراحوا مستشفى السعودي الألماني ))
معتز : يلا مرام أدخلي انتِ ومروج .
مرام : والله قلبي يقول لي لا تدخلي .
مروج : مرام أمسكي قلبكِ بيدكِ وأدخلي .
((أول شي دخل معتز وسلم على رأس فارس أول ما دخلت مرام ))
فارس : مرام ((شهق ))
( حطت مرام رأسها على الجدار و طيحت البوكيه في الأرض وقعدت تطالعه والدموع تنزل )
مروج : كيفك فارس سلامتك الف سلامة
فارس : الله يسلمكِ .
مروج : كيفك خالة جيهان .
جيهان : زيما انتِ شايفة حمد الله , مرام ادخلي ليش خايفة .
(( قرب معتز من مرام وهمس في أذنها ))
معتز : مرام أدخلي رايح مشوار وراجع .
مرام : ((تبكي ))
معتز : مو وقته روحي سلمي عليه يلا باي .
(( وراحت مرام رمت نفسها على خالة جيهان وقعدت تبكي بصوتها , فارس ومروج ما استحملوا وقعدوا يدمعوا ))
جيهان : خلاص يا مرام والله قلبي يوجعني وتوجعيني يا بنتي حرام عليكي
(( شكل فارس كان يعور القلب , كان الشاش يغطي نص وجهه , ومسدوح على السرير مو قادر يحرك أصباع من جسمه ))
فارس : مرام ما تبغي تسلمي عليا .
(( راحت مرام جلست جمبه وحطت رأسها على السرير وقعدت تبكي ))
فارس : مرام لا تبكي والله راح أموت لو بكيتي .
مرام : يا ريت فيا ولا فيك ((تبكي ))
مروج : بعيد الشر عنكم .
جيهان : مروج تعالي برى شوية .
مروج : وه أبى أقعد مع ولد خالتي شوية .
جيهان : ((تغمز لها )) بعدين أمشي .
(( وقعد فارس ومرام لوحدهم ))

مرام : كيف صار لك الحادث ؟
فارس : واحد حيوان صدمني وطارت السيارة واهو انتِ شايفتني كيف صرت .
مرام : طيب متى راح تقدر تمشي .
فارس : الله أعلم يا مرام يمكن ما أقدر امشي طول عمري وأقعد نايم في قبري .
مرام : لا تقول كده (( تبكي )) تحب تفاول على نفسك حيوان .
فارس : تصدقي يا مرام وأنا في غرفة العمليات والله ما راح بالي عنكِ .
مرام : انت ما شفتني أمس قعدت ابكي وما قدرت أركز في المدرسة ونفسيتي تعبانة .
فارس : وكله عشاني .
مرام : ((مستحية ))
فارس : مرام افتحي ذاك الدرج .
مرام : هذا ؟
فارس : ايوا .
مرام : ايش فيله .
فارس : فيله ميدالية على شكل قلب جيبيها واجلسي جمبي .
مرام : جلست عيوني تآمرك .
فارس : تسلم عيونكِ , شايف القلب الحديدي !
مرام : ايوا .
فارس : هذا أنا والقلب الي جوته انتِ .
مرام : يا قلبي .
فارس : خذي الميدالية عندكِ عشان لو مت تتذكريني .
مرام : هيا ما راح أخذها 2 مرة اليوم تقول كده أوف .
فارس : والله تأخذيها أنا حلفت .
مرام : طيب تسلم .
(( يدخل الدكتور ومعاه النيرس ))
الدكتور : إزيك يا فارس عامل ايه ؟
فارس : حمد الله أحسن من أول .
الدكتور : ممكن يا آنسة تتفضلي في الغرفة التانية علشان عاوزين ندي لفارس إبرة في ظهره وبإذن الله يرجع فارس زي حصان .
مرام : طيب .
((فارس , غرفته عبارة عن جناح غرفة للمريض وغرفة صغيرة للضيوف ))

((وتروح مرام تجلس في الغرفة ومعاها جيهان ومروج ))
فارس : أااااااااااااااااااااااااااااا.
مرام : خالة جيهان ايش فيه فارس (( تبكي ))
جيهان : الإبرة تألمه , تعالي يا بنتي (( تبكي وتحضنها ))
الدكتور : فين أمه ؟
جيهان : أنا .
الدكتور : بصي تديله ده مرتين في اليوم وداه مرة في اليوم وده مرتين كمان في اليوم ما تنسيش أوكي , وما حدش يعصبه بالذات خطيبته ما تزعجي فارس حطيه في قلبك هههه .
مرام : أوكي .
النيرس : بليز خلي this bed her ok ((خلي هذا السرير هنا ))
مروج : أوكي .
جيهان : ليش هذا السرير المتحرك هنا .
مرام : عشان لمن يقلبوه فارس يحطوه هنا .
مروج: راح تصيري دكتورة كده يا مرام .
مرام : تسلمي .
((وراحت عند فارس ))
مرام : يا قلبي نام خالة جيهان فارس نام .
مروج : طبعاً تبغيه يكون صاحي ويبين لنا أنو متألم .
مرام : الله يشفيه .
جيهان : أمس صاحبه علاء ما شفتوا كيف يبكي , والله أنا قلبي عورني يبكي من قلبه وإبراهيم يخفف عنه ويبكي يا الله بس والله ما راح بيته حتى ودو فارس غرفته , والله وقف معانا هذا الولد ما أعرف كيف أرد له جميله .
مرام : حتى يعجبني محترم وهادئ ويحب الناس , دايما ً فارس يحكيني عنه .

مروج : اسكتي لا يسمعك فارس والله يزعل منكِ .
مرام : ((تطالع فارس ))ياريت فيا ولا فيك .
جيهان : على فكرة الدكتور جاه وقلي شي بس ما أقدر أفتح الموضوع لفارس أخاف يعصب ويتعب .
مروج : خير يا خالة .
جيهان : قال انو نسبة الكوكايين في جسمه %70 .
مرام : ايش فارس يدخن ايوا بس الي يدخنه مو قد كده تكون نسبة تدخينه حتى لو بالعلب .
مروج : ممكن الشي التاني .
مرام : فارس ما يعملها ((تبكي ))
جيهان : الله أعلم
مروج: والله حرام يا خالة جيهان دوبك ولدتي دوبوا فارس مسكين صار له حادث .
جيهان : ما أحد يعترض على حكمة ربك .
((يرن جوال مرام ))
مرام : الو ..
معتز : مرام كيفك وكيف فارس ؟
مرام : والله ايش أقولك يا معتز .
معتز : متى أجيكي .
مرام : وقت ما تخلص تعال .
معتز : والله ماما اتصلت على جوالي بس ما رديت ما اتصلت عليكي .
مرام : لا .
معتز : كويس يلا باي .
مرام : باي .
مروج : معتز .
مرام : ايوا .
مروج : كيف شكلي كابنت .
جيهان : خليكي على طول كده .
((وتجي النيرس ))
النيرس : يلا خلي فارس يقوم فارس يلا قوم في عشاء انت يلا .
مرام : حرام عليكي بشويش قيدوا تعبان , أنا اصحيه سيبي أكل هنا واطلعي .
النيرس : طيب بس لا تعصب يوه .
مروج: والله نيرس وتتشرط على أولاد الأكابر ..
مرام (( تهمس في إذن فارس والكل يطالعها )) : فارس حبيبي قوم يلا تأكل فيفو يلا حبيبيي قوم .
فارس: ((يبتسم ))
مروج: يا عيني على الدلع مرام احنا موجودين .
مرام : عارفة يا مخربة الأجواء .
جيهان: يلا كلكم روحوا على هناك أأكل ولدي .
((فارس ساكت ويطالع مرام ))
فارس : ماما اديني نانا يم يم نانا اديني نانا ((يدلع زي الصغار , بس شكله حلو وهو يدلع))
الكل : ههههههههههههههههههههههههههههههه .
جيهان : من عيوني حبيبي , يا دلوع ماما .
(( فجأة مرام راحت على غرفة الضيوف ولحقتها مروج ))
مروج : ايش فيكي مرام ؟
مرام : مو قادرة أستوعب انو فارس كده حصله ((تبكي ))
مروج :ما عرفتك ضعيفة يا مرام , فين مرام الي اذا واجهها أمر صعب تدافع عنه , فين مرام الي غيرتني كلياَ خلتني منجد بنت , فين مرام الصبورة على كل مشكلة , جات على مشكلة فارس يحصل لكِ كده لازم تبيني له انو انتِ تحبيه ومعاه مو تبكي وتزودي له همه ,
يلا مرام روحي غسلي وجهك و روحي أقعدي معاه وارفعي من معنوياته مش تنزليها .
مرام :بس في هذا الموقف ما أقدر شكله يؤلمني ما أعرف أحس اني حبيته زيادة وكرهت الي في قلبه من ألم زيادة ((تبكي ))
مروج : مرام ما ينفع معاكي شي أوف .
جيهان : مروج مرام تعالوا اقعدوا معانا ليش تصرخوا .
مروج : عجبكِ تلاقي فارس سمع كل كلمة من الي قلتيه .
مرام : طيب لا تعصبي عليا .
مروج : لأنكِ ترفعي الضغط أمشي معايا .
فارس : ليش تتضاربوا ؟
مروج: مرام بس تتجادل معايا .
فارس : ما توقعتها منكِ مرام .
مرام : ((تبكي ))
فارس : ما قلت شي ليش تبكي ؟
مروج : من أول وهيا على هذه الحالة تبكي بس تبكي .
فارس : ماما مروج ممكن تسيبونا لوحدنا .
جيهان : طبعاً , يلا مروج نطلع شويا نتفرج على الناس .
فارس : مرام الله يسعدك أفتحي الستارة .
مرام : طيب
فارس : اليوم بالتاريخ 15 يوم اكتمال القمر .
مرام : حلو .
فارس : بس مو أحلى منكِ .
مرام : وانت كمان أحلى .
فارس : حرام عليكي , حلقو شعري صرت قرعة , ووجهي كله ملفوف بالشاش فين حلو الله يسامحكِ .
مرام : انتِ في نظري أحلى واحد ي الدنيا .
فارس : مرام سامحيني .
مرام : على ايش ؟
فارس : يعني , بعد ما وافق أبوكي صار لي الحادث ودحين ما تقدري تتزوجيني .
مرام : لا تقول كده ((جلست جمبه في السرير )) أنا ما راح أتخلى عنك ولو ثانية وحدة , ربي كاتب لكِ عمر جديد , وإنشاء الله تقوم بالسلامة ونتزوج صح .
فارس : صح , بس أوصيكي وصيتي الله يخليكي لا تزعلي بس ممكن ربي يأخذ عمري انتِ الوحيدة الي راح تعرفي سري .
مرام : أذني سامعتك وعيوني تطالعكِ وقلبي معاك حبيبي أمر .
فارس : الله طول عمركِ بنت أصول وأصيلة , المهم في درجي الثالث راح تلاقي صندوق بني هذا الصندوق ما يفتحه غيركِ وهو مقفل بمفتاح المفتاح راح تلاقيه فوق العلبة الزرقاء عارفتها الي فوق الرف .
مرام : بس حط في بالك انو ما راح أفتحه طول حياتي .
فارس : ليش ؟
مرام : لأنك ما راح تموت راح تبقى في الدنيا وأوعدك ما راح أفتحه .
فارس : مرام أنا حاس اني بموت عشان كده ...
مرام : ((حطت يدها في فمه )) ما تتكلم أرتاح والكلام هذا ما أسمعه منك تاني .
فارس : مرام سكي النور , نور القمر كفاية .
مرام : أمرك حبيبي .
(( وطفو النور وقعدوا يتأملوه في بعض , ويخرب الجو صوت مروج ))
مروج : يا قليلة الأدب تنامي جمب فارس ؟
مرام: شفتيني نمت قاعدة جمبه بس .
جيهان : ليش طافين النور .
مروج : إذا عاملين عملة أعترفوا .
فارس : والله ما عملنا شي بس نور القمر يكفي ما دامه قدامي .
جيهان : مصدقتكم بس لا تعيدوها , المرة هذه أنا ومروج المرة التانية ممكن أبوك أو أخوان مرام وعارفين أبسط شي يخلوه أكبر شي فاهميني عدل .
فارس+مرام : إنشاء الله .
مروج : والله صادق رائد على هذيك السالفة هههههههههههههههه
جيهان : ايت سالفة ؟
مروج : هما فاهميني زي الناس .
جيهان : ايش عاملين لا تجنوني .
فارس : خلاص مو قادر استحمل في كل مكان مروج وراي تراكي عصبتيني وأنا تعبان سيبوني أنام أوف ((دمعة تنزل من عينه ))
مروج : طيب أسفة فارس , مرام خلينا نمشي أتأخرنا .
مرام : معتز , من أول تحت على فكرة .
مروج : يلا مع السلامة فارس وخالة جيهان .
مرام : روحي دحين نازلة .
فارس : مع السلامة .
مرام : مع السلامة((سلمت على يده قدام جيهان بس ما علقت عليهم ))

((وراحوا وصلوا مروج لبيتها وراحوا على بيتهم , وأكيد تهزيء جامد من أمهم عشان ما استأذنوا ))

مرام في غرفتها تكلم صاحبتها :
مرام : والله يا لمياء لو تشوفي شكله والله تبكي دم .
لمياء : الله يشفيه , كمان انتِ حني عليه شوية .
مرام : هذا كله وما بحن عليه والله اليوم لو تشوفيني تقولي متزوجين .
لمياء : والله يا مرام لمن كنت في المدرسة وبس تعبانة وتبكي والله رجعت البيت قعدت أبكي .
مرام : يا قلبي عليكي , هو في صاحبات زيكِ هذه الأيام .
لمياء : عشان تعرفي عشرة العمر الي بيننا ما راح تفرق بيننا يا مرام بس معليش ما تزعلي يا مرام .
مرام : خير ؟
لمياء : أخاف تكون نسبة الكوكايين في جسم فارس راح تسبب له ترقق في العظام .
مرام : لا بالله لا تقوليها .
لمياء : طيب ما سألتيه من فين جاب الكوكايين ؟
مرام : لا .
لمياء : طيب أرجعي ورى كم شهر واتذكري معايا هو من فين يقدر يجيب المخدرات وبطريقة أسهل من دون ما يدور على الأولاد الي يبيعوها ؟
مرام : ما أعرف .
لمياء : طيب هو فين أخر مرة سافر ؟
مرام : والله إنك عسل يا لمياء .
لمياء : أخر مرة راح دبي صح .
مرام : على لسانكِ صح .
لمياء : طيب أكيد راح مع أصحابه وبعض أصحابه جو معاه عشان يشتروا المخدرات بأنواعها وهما قالوا له عليها وجربها وعجبته وأكيد أخذ كتير منها ومخزن عنده , صح ولا أنا غلطانة يا مرام .
مرام : صح %100
لمياء : أكيد بكرة جاية المدرسة ؟
مرام : طبعاً بكرة علينا اختبار دوري ما أقدر أفوته .
لمياء : المهم , بكرة راح تقوليلي بالتفصيل ايش حصل لأنه المواضيع الجريئة ما ينفع لها تلفون وجه لوجه عشان نتحمس مع المواضيع أوكي .
مرام : على أمركِ يا ست لمياء باي .
لمياء : باي .

(( ومن التلفون على سرير النوم ))

راحت مرام المدرسة وقالت لمياء لمرام ايش تعمل بالحرف الواحد عشان يعترف فارس لمرام انو من فين جاب المخدرات الي هيا أكيد سبب حالته ..

الجزء الثاني والعشرون :-

في المستشفى ...

(( مرام دخلت الغرفة لقت جيهان نايمة ومروج مو موجودة , وفارس كان نايم , اغتنمت مرام الفرصة وراحت قربت من فارس وسلمت على رأسه وخده , وجريت على الكنبة وجلست " الغلطان ما يبين غلطه ولا لاء يا قراء " ))

صحي فارس لقى مرام جالسة :-
فارس : والله دوبي حلمت فيكي ‍‍‍‍‍‍...
مرام : خير ولا لاء .
فارس : لا عادي انو جلستي جمبي وكلمتيني في موضوع وعليها صحيت .
مرام : ونكمل الحلم يا فارس .
فارس : منجدكِ تبغيني ؟
مرام : مرة ضروري .
فارس : أذني جاهزة افتحي الموضوع !
مرام : ممكن تقول لي سبب الحادث الحقيقي .
فارس : مرام في شي .
مرام : انت قول لي في شي ؟
فارس : هو جات سيارة وصدمتني وبس .
مرام : قول الحقيقة .
فارس : مرام انتِ اليوم مو طبيعية مو زي أمس .
مرام : الي قاله الدكتور عنك خلاني أراجع القصة كاملة .
فارس : ايش قال الدكتور ؟
مرام : ((وقفت )) قال أنو نسبة الكوكايين بجسمك %70 ايش تسميه هذا .
فارس : لمن كنت أدخن بس .
مرام : فارس , قول الحقيقة لمن سافرت دبي ايش عملت وايش اشتريت .
فارس : والله حيرتيني من أسئلتكِ .
مرام ((جلست في الكنبة الي جمبه )): فارس مو أنا حبيبتكِ قولي ايش سبب الحادث لا تخليني أموت قهر ((تبكي ))
فارس : امسحي دموعك وطالعيني .
مرام : مسحتها .
فارس : أنا عندي كوكايين .
مرام : فينه ؟
فارس : مرام هذا السر الي تبغيه غيره .
مرام : خليني أخذ حقي من الي عملك الحادث , خليني أذوقه طعم الشلل , خليني أموته بيدي ,خليني أريح ضميري وأفك نفسي .
فارس :مرام ..مرام ...خلاص لا تبكي ما أحب دموعكِ تنزل ولو للحظة , راح أقولك الحقيقة , مرام أنا بعد الي سواه فيكي رائد تعبت نفسيتي ومو قادر أنسى الي صار , أخذت إجازة مع أصحابي وبابا على دبي , واحد من زملائي شكى ليا همه وشكيت همي لو , وبعد ما قلت له أتغير شكلي وقعدت أبكي بعدها جاب لي حبة وقال لي إنها بنادول , لكن للأسف طلع هذا الشي , وبعدها حسيت نفسي أحتاجه كمية كبيرة منه , والحق زميلي جاب لي كمية ودفعت له 3000 ريال مع أنها كانت تريحني مووت , كيف صار الحادث كنت قاعد سرحان ونعسان

بنوته جنآن · 12-01-2008, 04:39 PM

جيت أبى أشرب بيرا طاحت مني الحبة وبلعتها مع البيرا وصار لي حادث كانت روحي راح تروح لو ما جاى الإسعاف و وداني أقرب مستشفى كان مت يا مرام وهذه هيا الحكاية كلها .
مرام : طيب لو مت كيف تقابل ربك , راح يسألك ليش موت نفسكِ , تقوله عشان حبة كوكايين , والله مؤمن ما بيعملها يا فارس , انت تصلي وتصوم وتؤدي كل شي لكن بسبب الحبة ضاع وراح كل صلواتك ما لها حسنات , صحيح انت مؤمن بالشهادة لكن الحبة هذا خلتكِ كافر بالشهادة لا تزعل مني عشان أعاتبك بالعكس أنا أحبك وأمووت في هواك , العتاب حدائق الأحباب .
فارس : مرام أنا طول عمري كنت أحبك وراح أضل أحبك وشكراً على كلامك رجع لي ضميري , ونفسي , وروحي , حتى مو عارف دحين كيف أصلي .
مرام : صلي بعينكِ .
فارس : طيب كيف أتوضأ ؟
مرام : لا حرج على مريض .
فارس : طيب ممكن تبعدي شوية عشان أصلي .
مرام : طيب ((والله حرام عليا أنا ما أصلي المريض يصلي أنصح الناس وأنسى نفسي يا رب رجعلي روحي , أروح أصلي أحسن ))

((بعد كم ساعة راحت مرام على بيتها عشان تذاكر وراها اختبارات دورية وبعد ما ذاكرت نامت ))

اليوم التاني في العصر ...
معتز : مرام راح نمر اليوم على مروج ؟
مرام : ليش تسأل ؟
معتز : مجرد سؤال لا أكثر ولا أقل .
مرام : ما تحس أنو مروج صارت حلوة .
معتز : الا تجنن .
مرام : نعم .
معتز : أمزح على طول صدقتي .
مرام : والله أشوف نظراتك ليها مو باين أنك تمزح يا واد لا تكون تحبها .
معتز: أعوذ بالله أنا أحب وحدة شاذة الله لا يبتلينا .
مرام : لا تقول عن مروج كده , مروج نفسيتها أثرت على حياتها لكن أتغيرت مروج وصارت بنت عادية .
معتز : يلا قومي البسي عشان نجيبها المستشفى معانا .
مرام : مين قلك نجيبها .
معتز :انتِ قلتي .
مرام : أنا ما قلت لك نأخذها معانا , بس حلو منكِ تجبر بخاطرها .
معتز : يلا بلا فلسفة روحي أجهزي .
((طلعت مرام على غرفتها ولبست برمودا جينز فيها تصاميم حلوة , وتيشيرت سماوي كات وفردت شعرها وحطت ماكياج خفيف وراحت ))

وصلوا بيت مروج ..
معتز : اتصلي عليها خليها تنزل .
مرام : عارفة .
((واتصلت مرام بمروج ونزلت مروج , معتز فاتح فمه للأخر مروج كان شكلها مرة حلو وغير عن كل مرة , كانت لابسة عدسات عسلي وشالت شنبها وحواجبها وحاطة ماكياج ولابسة تنورة جينز وبلوزة علاقي مشجرة وعليها جاكت فوشي , وصبغت شعرها عسلي وطلعت مرة حلوة لا تنسوا الكعب كمان ))
مرام : ما شاء الله ايش الجمال هذا .
مروج : ايش رأيك بنت ولا ولد .
مرام : بنت .
معتز : حلو شكلكِ مروج .
مروج : تسلم ((قال لك مستحية قال ))
مرام : يا هو يا واد والله وصرنا نستحي يا مروج .
مروج : معتز لا تطالعني كده خلااااص (( وصرنا ندْلع ))
معتز : على عيونكِ .
مرام : أحم ...أحم والله صرتي تحبي يا مروج , لا وأخوي معتز ايش الشرف هذا الي يرفع فوق .
مروج :أمس ما شفتك جيتي ؟
مرام : لا تغيري الموضوع بس نسامحك , عشان كان عندي اختبار وبس .
مروج : ايوا فارس قال واحنا جايين جيبوه اللاب توب حقه .
مرام : معتز لف على بيت خالي .
معتز : الي يأمر آمر له عيوني .
مرام : الكلام هذا أكيد لمروج لأنك ما عمرك جاملتيني الا يوم ما جوه أهل فارس وشافوني ((نذكركم يا قراء , يوم ما جاه إبراهيم واعترف لمرام أنو يحبها ))
معتز : والله صح كان لبسك وشكلكِ غير عن كل مرة .
مرام : يمكن ما آدري .

(( وصلوا المستشفى وفي اللفيت طلعت مرام ومروج و واحد ولد شباب كان يطالع مروج ويبتسم لها , وبعدين غمز لها وهما بنتين في اللفت يعني راح يعمل العمايل ,لكن مروج أضرت تجامله بإبتسامتها , ووصلوا على الغرفة بسلام ))

مروج : شكلها غرفة فارس مليانة شوفي في أولاد قاعدين واقفين قدام الباب كيف ندخل واحنا بجمالنا .
مرام : والله نشوف بس هذا ما كأنه إبراهيم .
مروج : الا والله هو .
مرام : السلام عليكم .
الشباب : وعليكم السلام .
إبراهيم : كيفك مرام .
مرام : حمد الله , في جوه أحد .
إبراهيم : أصحاب فارس والمعلمين والدير حق مدرسته .
مرام : ما شاء الله يلا نستنهام .
واحد من الشباب : إبراهيم ما عرفتنا على الحلوين .
إبراهيم : روح لأي بنت لكن لأعز الخلق أبعد عنهم .((مرام حمرت خدودها لأنه كان يطالعها ))
مروج : أنا طفشت على هذه الكراسي ما تريح أوف .
مرام : خليكي ريلاكس لا تعصبي .((حاطة رأسها على الجدار ومغمضة عيونها ))
مروج : شوف الريلاكس من فين طلع بس .
إبراهيم : مرام تقدري تتدخلي بقي فارس وعلاء بس .
مرام : تسلم .
إبراهيم : الله يسلم عمركِ .
مروج : ما تشوف نفسك إنك زودتها , ترى مرام على ذمة فارس .
إبراهيم : الحمد الله يا رب أشفيها من الألوان الي على وجهها .
مروج : طول عمرك غبي وتافه وحالتك حالة .
إبراهيم : لو أنا كده كان ما أعجبوه في البنات بس أنا ما أعطيهم وجه .
((بعد ساعة خرج علاء وكان شكله مرة زعلان ))
مرام : كيفك فارس .
فارس :أهلين كيفكِ .
مروج : ليش وجهك مقلوب .
فارس : مو شغلكِ .
مرام : خلاص مروج مو وقته .
((ويدخل الدكتور زي كل مرة ويطلب منهم يجلسوا في الصالون عشان يعطيه الإبرة , أول ما مرام سمعة صرخة فارس راحت عند حضن مروج وقعدت تبكي ))
إبراهيم : بالله يا مرام لا تبكي والله يعورني قلبي لمن تبكي .
مروج : ياي , طيب ما تموت عشانها كمان .
مرام : أوف منكِ ومنه جبتو لي القرف في عمري أوف ((طلعت برى الغرفة وراحت جلست في كراسي الانتظار ))
مروج : عجبك !
إبراهيم : عجبكِ انتِ لازم تعلقي أنا عملت كده عشان أبى أعطف عليها .
مروج : مو انت فارس الأحلام الي حضنه دافي وحنون وتعطف على البنات .
إبراهيم :أروح أراضيها وأقعدي هنا .
((راح عندها وجلس جمبها ))
إبراهيم : مرام مو ذنبي ؟
مرام : عارفة .
إبراهيم : طيب قومي أدخلي .
مرام : لمن يطلع الدكتور أنا أدخل .
(( وطلع الدكتور ))
الدكتور : لو سمحتي يا آنسة عاوزينك شوية في مكتبي .
مرام : أوكي , إبراهيم تعال معايا .
إبراهيم : أوكي
مرام : خير يا دكتور .
الدكتور : خير إنشاء الله , بس النتيجة الي عندي تجنن أوي .
إبراهيم : بشر يا دكتور .
الدكتور : بسبب سرعة استجابة جسد فارس للأدوية وعدم نمو العظام بشكل جيد , نبشركم أنو أصابعه تتحرك .
مرام (وقفت )) بالله يا دكتور الله يسعدك .
الدكتور : بس اليوم كان شكله زعلان أوي روحي له واسأليه خليه يفضفض قلبه لأنو من أنواع العلاج الطبيعي , إخراج الهم من المريض وبإذن الله يشفى من الشلل .
إبراهيم : طيب أدينا مدة يشفى فيها فارس ؟
الدكتور : ما بين 4 أشهر و7 أشهر بإذن الله راح يمشي , وعلى فكرة لو كمل أسبوع وأتحرك عضو من أعضائه فداه شيء كويس أوي , يعني تقريباً في شهرين راح يروح ويجي ويصير حصان , بإذن الله .
مرام : شكراً كتير أتعبناك معانا .
الدكتور : لو والله أنا الي تعبتكوا معاي , وماتنسيش انتبهي عليه أوكي هههههههههههه

((وراحوا على غرفة فارس لقوه نايم وبشروا أمه وطارت من الفرحة على الخبر ))
إبراهيم : مين يصدق في يومين ما شاء الله تتحرك أصابعه .
مرام : عقبال ما يمشي معايا .

((بعد ساعة صحي فارس ))
مرام : ألف مبروك .
فارس : دريتي والله اني فرحت كمان .
مرام : مروج إبراهيم ممكن تسيبونا شوية لوحدنا .
مروج : مو تعملوا زي أول ها .
إبراهيم : ايش عملوا .
مروج : تعال أقلك .
فارس : نعم يا مرام .
مرام : ايش فيك يا فارس اليوم مو عادتك تكون زعلان .
فارس : طيب أنا ما شفتكِ .
مرام : الدكتور قال لي , وكمان علاء لمن خرج من الغرفة كان شكله زعلان والدموع على عينه .
فارس : كنت أبى أقوللكِ بس لحقتيني .
مرام : خير إنشاء الله .
فارس : والله قطع لي قلبي لمن قال لي حتى أنا زعلت واتجرحت زيما قلبه أنجرح .
مرام : ايش عمل ؟
فارس : هو يحب بنت خالته , وبس كان الأسبوع الي فات عندها وقالت له انها حامل في ولده .
مرام : ايش ((ونزلت دمعة من عيونها ))
فارس : والله يبكي يقول لي ايش أعمل لو دري أبوه ايش يعمل لو أهله كشفوه .
مرام : يا الله طيب هو كيف يسمح لنفسه , انت لمن كنت تحكيني عنه كانت أخلاقه تماماً غير.
فارس : هيا كانت تتعرى قدامه .
مرام :والله مو مصدقة بلدنا يحصل فيها هذا الخراب أعوذ بالله بس .
فارس: وهو مسكين كان يستسلم لها .
مرام : الله يكافيها , طيب ايش راح تعملوا دحين .
فارس : أنا قلت له دحين يرتاح شوية ويجيني في الليل نتكلم .
مرام : يلا ربي معاه .
فارس : كيف شكلي بعد ما شاله الشاش .
مرام : تجنن .
فارس : بلا عيارة حقتك والله أبشع من الجمل .
مرام : لا تقول كده يا فارس , الناس تشوفك أحلى واحد في دي الدنيا وأنا أولهم .
فارس :شوفي أقدر أحرك أصباعي .
مرام : طيب تقدر تلمس يدي .
فارس : هاتيها , بس أقدر أضمها .
مرام : يا سلام أخيراً وحشتني لمستك .
فارس : إنشاء الله لو بكرة أتزوجنا راح تشبعي من لمستي .
مرام : ((مستحية من كلامه وزي كل مرة يقاطع الجو صوت مروج ))
مروج : تبغوا صورة للذكرى .
فارس : ايوا في بالي صورة , مرام أطلعي فوق السرير ((حطوا في بالكم انو إبراهيم يراقب تصرفاتهم ))
مرام : جلسنا جمبك يا حلو .
فارس : حطي ظهرك على صدري وجيبي يدك من الجهة التانية , يلا مروج صوري
((الصورة طلعت مرة تجنن لفارس ومرام , بس أكيد مرام أستحت من فارس لمن قال لها
حطي ظهرك على صدري وجيبي يدك من الجهة التانية , لو انتوا مكانها تترعبوا , وما تروح نظرات إبراهيم عن هذه الأجواء الشاعرية ))
بعد نص ساعة جات أم مرام وأخوانها وخالات مرام وجدتها خيرية وأفنان وأبو أفنان وأمها , وخالات فارس وأمه ))
جيهان : الله يسعدك يا أم مرام انتِ وأم مروج بالله طلبتكم طلب تقولوا طيب .
أم مرام وأم مروج : أمري .
جيهان : والله ولدي عبد الإله عنده نقص في الفيتامين وأبى أروح له , تقدروا تخلوا مرام ومروج يباتوا عند فارس بس الـweek end الله يسعدكم .
أم مرام وأم مروج : طيب مافي مشكلة .
فارس : تسلموا ما قصرتوا معايا والله لا أرد لكم الجميل ((يبكي ))
أم مرام : لا يا فارس الجميل الي أبغاه عارفوا انت.
فارس : ما أبكي وأتزوج مرام .
((زغاريط من الحريم و وجوه المقصودين زي الطماطم ))

جاه الليل وجاى علاء قعد مع فارس شوية وراح على بيته .
مرام : فارس طلبت اللاب توب حقك جبناه بس ما قلت لنا نديك هو .
فارس : لأنو عارف إنكم راح تباتوا عندي فعشان كده جبت لكِ هو .
مرام : كويس كمان أنا جبيت معايا الـUSB الي جبتلي هوا .
فارس : مرام ايش كل يوم تسويه .
مرام : روايات .
فارس : والله الروايات لازم تخففي منها , على فكرة انتبهي لا تصيري مدمنة عليها .
مرام : أنا ليا سنة ونص مدمنة على الروايات ,
فارس : الله يهديكي .
مروج : مرام رايحة طلب لحاف ومخدات من النيرس .
مرام : فين انتِ تنامي .
مروج : في الصالون طبعاًً .
مرام : وأنا عند فارس .
مروج : كمان , تنامي معايا , ترى حطيت خطة لو يعني أحد دخل الغرفة بغلط وشافك لوحدك ايش يعمل , ويا غبية لو كنتي نايمة عند فارس وشافك واحد من أهلك ايش يعمل .
مرام : الله أكبر ايش العقل هذا يوزن بلد تفكر في صغيرة وكبيرة .
فارس : طيب لمن أبغى منكم حاجة كيف تسمعوني .

مروج : تنادي وحدة مننا وتجيكِ .
فارس : ولو ما جاتني وحدة منكم في الليل أزهمها راح أوريكم شغلكم .
مرام : أنا نومي خفيف بسرعة أصحى .
مروج : وأنا نومي ثقيل يا عني راح تقومي انتِ في الليل تحرسي .
مرام : مافي نص دوام لكِ ونص دوام ليا .
مروج : طيب أنا فيا نوم أه ((تتثاوب ))
مرام : روحي نامي بس أخر زمن .
مروج : رايحة البس البيجامة , لونها فوشي .
فارس : ترى حلو شكلكِ وانت بالماكياج ولبس البنات وألوان البنات .
مروج : تسلم .
مرام : طيب بعدكِ راح أدخل أنا كمان البس البيجامة .
((وبعد نص ساعة جاى الدكتور , عشان يدي فارس الإبرة في ظهره وزي كل مرة مرام تبكي لمن تسمع صوته , بعد ما خرج الدكتور فارس نام ومروج نامت , ومرام قاعدة على اللاب توب تقرأ رواية .))
صحيت مروج في الليل لقت مرام نايمة وحاطة أغنية ونامت عليها .
مروج : والله حرام تعبانة وحالتها حالة وحاطة لي على بالي , وعلى رواية يا سلام عايشة الدور يا مرام .
(( في الليل الكل نام وفارس صحي ))
فارس: مرام ...مرام ....يا مرام .
مرام : نعم ..نعم..نعم فارس .
فارس : وديني الحمام ضروري .
مرام : نعم .
فارس : نعم ايش وديني الحمام قاعدة فاتحة فمك .
مرام : ((تبكي ))كيف ما يصير ؟؟؟؟؟
فارس : يا الله جيبي الكرسي وشيليني وحطيني فيه بعدين دخليني الحمام والباقي عارفا .
مرام : ((تبكي ))والله ما آقدر فارس .
فارس : قال وقت الضيق نحتاجكِ قال , يا مروج مروج يا حيوانة
مروج : أه((تتثاوب )) نعم .
فارس : وديني الحمام .
مروج : بس عشان كده تتضاربوا سهلة
مرام : مروج ما يصير نزهم له ممرض أحسن .
مروج : عادي أنا قريبته .
مرام : أنا كمان أقرب له بس مروج لا تجنيني والله حرام .
فارس : مروج تصير أختي بالرضاعة .
مرام : نعم من متى.
مروج : يلا روحي هناك وديري وجهك ترى عارفة عيونك طويلة .
فارس : يلا وديني .
مروج : على مهلك يا أخويا .
((بعد ما طلع من الحمام ))
مروج : خلاص أنتهينا ايش هيا تمسكيه وبس .
مرام : ........................((ساكتة ))
مروج : ترى أنا أخت فارس بالرضاعة دوبك تدري .
مرام : والله دوبي أدري , ولا أحد قال لي انو انتوا أخوان , بس شكلكم تمزحوا معايا .
فارس : يا ذكية لو مروج مو أختي كان ما دخلتني الحمام .
مرام : مروج ما أتكسفتي .
مروج : ههههههههههههههههههههههههههههههههههههههه
((مرام راح وجهها طماطم مشوية من نظرة فارس لها ومن ضحكهم الأثنين عليها ))

الكل راح نام و صحيت مرام في الصباح على صوت الممرضات في غرفة فارس وقاعدين يتكلموا ..
الممرضة : تصدقين هذا أحلى شاب دخل المستشفى لحد الآن .
الممرضة2 : ايوا والله بس مسكين الأجراح الي في وجهه شوية مشوه عليه .
مرام : ايش تسو هنا ؟؟((معصبة ))
الممرضة : ها ولا شي بس نأدي واجبنا .
الممرضة 2 صح لازم نعطيه الإبرة دحين .
مرام : والله ما أشوف لا عدة الإبر ولا شي كمان في جيبكم .
الممرضة : نبى نتأكد على سلامة المريض .
مرام : سلامة المريض بعدم وجودكم , لو سمحتوا على برى وسمعت الكلام الي قلتوا .
الممرضة : بالله عليكي يا آنسة احنا هنا متدربات الله يخليكي لا تشتكي للمدير ترى راح نروح فيا .
مرام : بليز , على برى .
مروج : خير ليش الصريخ هذا كله .
مرام : ممرضتين ما يستحوا يغازلوا المسكين وهو نايم .
مروج : حتى في المستشفى مغازلة .
مرام : شايفة كيف بس .
مروج : والله جيعانة
مرام : حتى أنا ايش رأيك نطلب ليتل سيزر .
مروج : يجيبوها المستشفى !
مرام : نجرب حضنا .
مروج : بيتزا بالفطر ولازنيا بالخضار وبيبسي .
مرام : بشويش عليا , طيب أنا الي راح أدفع .
مروج : وفرتي عليا .
مرام : النص بالنص حبيبتي ورانا يومين لسع مافي أحد يدينا فلوس .
مروج : على أمرك بس ما نزعل ميمو .
مرام : ونقول ألو .

((اتصلوا بالمطعم وأكيد جاهم الطلب ))
فارس : أدوني بيتزا ؟
مرام : لا بأحلامك لا بأهوامك راح ترجعي يومي تلاقيني لا سلامك لا كلامك ولا منك نظرة بترضيني .
مروج : يسلم صوتكِ يا جوليا .
فارس :دحين تتكلموا أقولكم أدوني بيتزا !
مرام : نسيت الماضي الي كان بقلبي ما عندك مكااان ياما وياما من زمان من زماااان من زمان معك ضيعت سنيني ياما وياما تجرح قلبي وانت مشتاقلي ضحيت بأغلى ما عندي وأحترقت بناري ياما وياما تجرح قلبي وانت مشتاقلي ضحيت بأغلى ما عندي وأحترقت بناري هلا بدك أنسى مبارح راجع تطلب مني سامح هلا بدك أنسى مبارح راجع تطلب مني سامح لا لا لا لاااااااااااااااااااا , لا بأحلامك , لا بأهوامك راح ترجع لي يومي تلاقيني لا سلامك لا كلامك ولانمك نظرة بترضيني ((يطالعها فارس ويبتسم على صوتها الحلو ))
مروج: الله , الله عليكي على صوتكِ يا مرام والله فتحتي نفسي يا مرام ((تصفق ))
فارس : طول عمره الحلو ما يقول الا الحلو .
مرام : لدي الدرجة صوتي حلو .
مروج: والله أتغلبتي على جوليا بطرس .
مرام : تسلمي .
فارس : انتوا تأكلوا وأنا أطالعكم .
مرام : ايش قال الدكتور , ما تأكل دهون عشان ما تزيد الشحوم وفي النهاية يصعب عليهم يعملوا لكِ العلاج الطبيعي .
فارس : طيب أنا ما أحب أكل المستشفى .
مرام : معليش أتحمل عشاننا .
فارس : والله عشانكِ بس .
مرام : أفتح فمك .
فارس : ايش هذا ؟
مرام : والله ما آدري .
فارس :ذوقيه يمكن مو طعم .
مرام : هو أكلي ولا أكلك .
فارس : يوه اااا
مروج: مرام أعذيبنا بصوتكِ .
مرام : كل شي حلو بوقته .
مروج : يلا باقي بيتزا خلينا أكل أخر وحدة ونسمع لصوتكِ .
فارس : لا مرام لا تغني لها غني ليا .
مرام : هههههههههههههههه
مروج: لا أنا ولا أنت زيما قالت مرام كل شي حلو بوقته .
مرام :نفسي تفضل معايا في حضني من شوقي الهوايا يأخذني وببقى وكل الحياة يا حبيبي ليه نفسي أقولك بكل الي فيا انت بس الي غالي عليا سبني أحلم وأعيش بس أقولي ليه ,ليلة وانت معايا بعمري كله ودا كان منايا معاك حأعيش اجمل حكاية وأحس بيك همسة وياك سنين واخبي قلبك جوا عين يالي نداك شوقي وحنيني وروحي فيك وانا عيني في عينك بسأل زمان طب كان فينك احلى غرام بيني وبينك واجمل هواء خليني في قلبك أنا دوبت فيك ايوا بحبك سبني حبيبي اعيش جمبك ونكون سوى ونا عيني في عينك بسأل زمان كان فينك احلى غرام بيني وبينك وأجمل هوى خليني في قلبك انا دوبت فيك ايوا بحبك سبني حبيبي اعيش جمبك ونكون سوى .
فارس : ((يطالعها ))
مروج : هذه تامر صح
مرام : صح
امتلئت البطون و شبعت النفوس , وحضر الزائرون .

مرام : أوف يلا يا حيوانة لازم تشوق الواحد أوف ((معصبة ))
مروج: خير بشويش على اللاب توب ترى أمانة .
منال :خير زعلانة .
مرام : الحيوانة مو راضية تكمل الرواية يا ربي تقول هيا مسافرة ما تقدر تكملها أوف
فارس : عشان رواية طيب أصبري الين ما ترجع .
مرام : والله أكبر حيوانة مؤلفة هذه الرواية ((وتحط اللاب توب على الطاولة بقوة ))
جيهان : ما شاء الله البوز بوزين والكشرة كشرتين مرام فكيها .
مرام : خلاص ولد خالتها دوبه فتح عليها الباب أبى أعرف ايش صار لكن تقول المؤلفة انا مسافرة لمن أرجع أفكر أكملها , روحة بلا رجعة عمى ..
فارس : تافهة .
مرام : نعم .
فارس : تافهة تخلي وحدة زيها تلعب بأعصابك خليكي ريلاكس وما تزعلي .
مرام : طيب مشوقة الرواية .
فارس : طيب ايش يعني مشوقة أصبري .
مرام : رايحة الكوفي .
منال : فين رايحة لوحدكِ مجنونة في الليل تنزلي الكوفي .
جيهان : خليها .
مروج : اليوم هيا الفيوز عندها ضاربة , اليوم الظهر تغني لا بأحلامك ودحين تروح الكوفي , لوحدها .
مرام : تبغوا شي من الكوفي .
مروج : خذي جوالي بس لا لو صار ليك شي اتصلي .
مرام : يا سمح الله .
منال : أكلتيها بعينكِ .
مرام : باي .
جيهان : راح تنزلي من غير طرحة .
مرام : أتعودت .
منال : لو يدري أبوها يشنقها .
مرام : أنا غلطانة أوافق أقعد مع فارس أوف

((وزعلت عشان رواية والله يا مرام , نزلت المرام الكوفي في نص الليل تحسبه راح يكون فاضي لكن كان مليان شباب وعجايز وموضفين ودكاترا ))
مرام : بليز ون فرش جوس .
النادل : على آمرك .

((وقعدت ساكتة وحاطة راسها على الطاولة وتبكي , ولازم لقافة الشباب ))
شاب : ايش فيكِ زعلانة ؟
مرام : أوف لازم تتدخل في الناس .
شاب : طيب ليش جيتي هنا مرافقة مع أحد ولا مريضة .
مرام : لا مرافقة .
شاب : زي أنا أخويا عمل عملية في عينه وعشان كده رافقته .
مرام : بليز , ابعد عني شوية خليني أشرب بنفس .
شاب : أفى وأنا أبو الوفى .
مرام : هاها تجنن مرة تضحك , وأنا ما سمحت لك تقعد في الطاولة .
شاب : والله ما أحب أغازل البنات بس شوفتك زعلانة جاني فضول أسألك .
مرام : خلي الفضول هذا لنفسكِ .
شاب : مين المريض الي انتِ مرافقاه .
مرام : خطيبي .
شاب : أمانة إنتِ مخطوبة !!!!
مرام : ايوا .
شاب : سلامات ايش في له خطيبكِ ؟
مرام : حادث وانشل .
شاب : والله آسف يا آنسة مو قصدي أضيق عليكي .
مرام : عادي .
شاب : ممكن تأخذي رقمي عشان تفضفيضيلي .
مرام : يا ريتني أعرفك عشان أقولك الي في قلبي , وعلى العموم فرصة سعيدة وأنا على ذمة واحد ((قامت ))
شاب : على فين ؟
مرام : لا تدخل عصك في شي ما يخصك .
شاب : طيب انتِ حرة .
(( خرجت برى المستشفى تأخذ نسيم من الهواء , بس أتذكرت أنو جدة فيها رطوبة وحر هذه الأيام , فما عملت الا أنها تتصل بعزوز وتفضفض له على التلفون , بعد ما كلمته مرام راحت على غرفة فارس ))
مروج : أتأخرتي ؟
مرام : ..........................((لا تتدخلي في حالتها ))
فارس : ايش فيها مقلوبة .
مروج : أكيد أحد عاكسها ولا ما طلعت مقلوبة .
فارس : الله أعلم .

((ومرام ساكتة ما عملت شي دخلت على الحمام ولبست البيجامة وأخذت اللاب توب وأغنية هادئة تخلي الأجواء هادئة ))
مروج: يوه تنامي الساعة 1 ونص بدري تنامي .
مرام : ...........................((ولا كأنه أحد بيتكلم , حاطة رأسها على المخدة و بتطالع في الأباجورا الي فوقها ))
مروج: فارس والله مرام حصل لها شي ما تتكلم ولا حتى تنطق .
فارس : خليها شوية يمكن توتر أو شي حاصل بس ما تبى تقول , هيا اليوم التاني راح تجي زي الغزالة .
مروج: من بؤك لباب السما .
(( وجات الساعة 3 الليل والكل نايم ومرام شبه نايمة وصحي فارس على بكى مرام ))
فارس : مرام ...صاحية تعالي مرام .
مرام : .......((تبكي ))
فارس : والله لو أقدر كان جيتكِ بس عارفة حالتي يا مرام
((وأول ما راحت عنده قعدت تبكي في حضنه ))
فارس : لو آقدر كان ضميتك بس ...
مرام : ..................((تبكي ))
فارس : ايش فيكي مرام ؟
مرام : في واحد في الكوفي ..
فارس : زيما قلت غازلكِ .
مرام :جلس في نفس طاولتي وحكاني عن أخوه بس أنا ما كنت مديا وجهه وسألني ليش جيت هنا بس بعدين حطيت راسي وقعدت أبكي عشان أتذكرتك , وبعدين طلعت برى المستشفى وكلمت عبد العزيز عن الي حصل وعنكِ وبس , رجعت الغرفة مو قادرة أنطق بكلمة أو حتى حرف .
فارس : مرام , حطي يدك في يدي , وطالعيني .
مرام : ......................
فارس : لو أنا ما كنت موجود كيف راح تصير دنيتكِ .
مرام : أفكر أنتحر لأنو أنا ما أطيق الحياة بدونكِ .
فارس : طيب لو ربي كتب لي عمر في الجنة ايش راح تعمليه ؟
مرام : زيما قلت لكِ راح أموت بدونك , وسك المواضيع هذه ما أحبها .
فارس : حلوة ريحة شعرك .
مرام : حتى وانت في السرير تغازل بس أحترم روحك .
فارس : وحدة حاطة شعرها على صدري تبغيني ايش أشم غير ريحة عطرها أو ريحة شعرها .((أول ما قال فارس هذه الكلمتين راحت مرام الغرفة التانية وحطت أغنية كلاسيكية و زي كل مرة نامت على الأغنية ومروج تأخذ منها اللاب توب وتروح تكمل حراسة ))
مروج : ما نمت .
فارس : كيف أنام وسامع الأغاني الكلاسيكية الي منجد تخلي الواحد يسترخي .
مروج : زي مرام نامت وحاطة الأغنية .
فارس : مروج , أنا حاس إني بموت بس أطلب منكِ طلب .
مروج : بعيد الشر آمر .
فارس : أنتبهوا على مرام , الله يخليكي , أتصلي لإبراهيم وخليه أكتر واحد ينتبه عليها لأنه أنا عارف لو مت وشافت إبراهيم راح تموت أكتر بالبكاء , لأنو يشبهني بالله خليه ينتبه عليها .
مروج : لا تخاف مرام في الحصن والصون .
فارس : أخر طلب أديني ورقة وقلم .
مروج: أكيد وصيتك .
فارس : لازم هذا الشي , بس انتِ أكتبي .
مروج : جاهزة .
(( وكتب الوصية وكل كلمة يكتبها الدموع تنزل بغزارة من عينه , ومروج تكتب ومحروقة في قلبها ))

الجزء الثالث والعشرون :-

اليوم التاني في الليل الكل نايم ...
فارس : مرام ...مرام ....مراااام .
مرام : نعم فارس نعم .
فارس : ظهري يا مرام يألمني أه .
مرام: طيب ازهم الدكتور .
فارس : أه بسرعة يا مرام .
مرام : طيب ((لبست العباية وزهمت الدكتور وعملوا أشعة وهذه النتيجة ))
مرام : خير يا دكتور بشر .
الدكتور : ما بيطمنش حالته تعبانة أوي .
مرام : ايش فيله .
الدكتور : في وحدة من الفقرات الي في ظهر فارس متفتتة والسبب المادة المخدرة , وعشان كده عاوزين نعمل له عملية في أقرب وقت .
مرام : طيب لو عملها راح تنجح .
الدكتور : يا بنتي لو يا سمح الله حصل حاجة السبب من المادة الي في جسمه .
مرام : ((تدمع )) ما ينفع طيب تستخرجوه منه هذه المادة .
الدكتور : هو دحين مع العلاج الطبيعي راح تروح بإذن الله , لكن نعمل له هيا بالوسائل الحديثة راح يكون خطر على صحته بالذات يعني انو مشلول .
مرام : متى راح تعملها .
الدكتور : يوم السبت في الصباح .
مرام : بعد بكرة .
الدكتور : ايوا يا بنتي واتفضلي .
مرام : شكراً .
الدكتور : واجبنا ونفتخر فيه , بس على فكرة ممكن بعد العملية يروح يا سمح الله في غيبوبة بس إنشاء الله لا .
((مرام بعد كلام الدكتور اتصلت بجيهان وقالت لها عن كل شي ومرام من هنا تبكي وجيهان كمان من هنا تبكي ))
مروج: خلاص مرام .
مرام : راح يعمل العملية ونسبة نجاحها مو قد كده وممكن يروح في غيبوبة ايش تبغيني أقعد أرقص .
مروج: لا بس اليوم تعبتي من كتر ما تبكي .
((ويدخل معتز ))
معتز : يا ربي مرام تبكي خير ميمو ليش الدموع حبيبتي واه يا قلبي مروج ايش عملتي لها .
مرام : يلا معتز أنا مو قادرة أقعد هنا دقيقة وحدة يلا .
معتز : على الأقل سلمي على فارس .
مرام : طيب أنزل دحين جاية .
((وراحت عند فارس ))
فارس : مرام والله لمن تبكي يألمن ظهري بزيادة لا تألميني مرام الله يخليكي .
مرام : على عيني .
فارس : هاتي خدك ((وبوسة من فارس ))
مرام : مع السلامة فارس .
فارس : شكراً على حقت يوم الثلاثاء .
مرام : ايش ؟
فارس : عملتي الحركة وأنا شبه نايم .
مرام : ايش ؟
فارس : البوسة .
(( وتجري مرام مستحية من كلامه وسلمت على مروج ))
مروج: ما أعرف أحس هذه أخر مرة راح نشوفيك هنا ((تبكي ))
مرام : لا يا مروج يوم الأحد راح أجي وأسأل عن فارس .
مروج: مرام أنتبهي على حالك .
مرام : طيب ليش خايفة صدقيني راح أرجع .
مروج : مع السلامة .

((وراحت مرام على بيتها ومن أول ما دخلت البيت راحت على غرفتها ولبست البيجامة ونامت

بعد كم يوم سمعوا خبر من المستشفى .
((فارس راح في غيبوبة ))

أبو فارس يقرأ قرآن والدموع تنزل من قلبه
جيهان ما تعرف الا تطالع من الباب على فارس وتبكي
وصاحب فارس علاء قاعد على باب الغرفة وطايح بالأرض والدموع تنزل ويقول " يا فارس لا تروح أصبر بس شوف ايش تعمل معايا على مصيبتي ويبكي ))
مرام حالتها في البيت حالة ما تعرف تأكل ولا تشرب وبس نايمة وتبكي
والله لو راح راح تنهدم السعودية كلها , ولد عزيز على الناس كيف يموت بس حكمة ربي تقدر لكل واحد ايش راح يحصل له .

يوم الثلاثاء في المدرسة .
لمياء : ايش فيكي مرام .
مرام : قلبي يوجعني أه يا رب ايش الألم هذا من فين جاه .
لمياء : خلاص دحين يجي إسمك لا تبكي مرام .
مرام : والله أكره يوم في حياتي الثلاثاء والله خايفة يا لمياء يكون فارس حصل له شي .
لمياء : لا تقولي شي ما يحصل له الا العافية .
مرام : الله يسمع منكِ .

((رجعت مرام البيت ))
مرام : يا جينا فين ماما .
جينا :ماما في روح مشوار ضروري , تقول انت لازم في يأكل هيا ما بتطول .
مرام : طيب فين أخواني ؟
جينا:هذا فهد راح عند هادا بنت اسمه سماهر , وعبد العزيز راح مع مدام ومستر , وماهر كمان في روح مع مدام .
مرام : طيب لا تعبي لي الغداء انا رايحة أنام .
جينا: طيب انت في حر .

((صحيت مرام من المغرب , وبعد شوية جات مروج وريماس وأفنان عند مرام ))
مرام : ايش هذه المفاجأة الحلوة يا ريماس والله لكِ غيبة .
ريماس : الظروف .
مروج : مرام في خبر لازم تعرفيه .
مرام : خير يا مروج ايش فيه .
أفنان : دوبنا راجعين من المستشفى .
مرام : ((تبلع ريقها )) ايوا .
ريماس : خلاص قولوا .
مروج: مرام فارس مات .
مرام : أنا عارفة مقلب من مقالبكم .
أفنان : والله مات .
مرام : كذابين ما أصدق .
ريماس : أمك في بيت جيهان عشان يوقفوا معانا .
مرام : انتوا تلعبوا معايا المزح الثقيل هذا ما أحبه .
أفنان : لكي حق ما تصدقي بس أمك دوبها قالت لنا نروح لكِ عشان تستوعبي مننا .
مرام : طيب مروج ليش تبكي ؟
مروج: فارس مات مات .
مرام : ريماس ليش وجهك لونه أحمر ؟
ريماس : مرام أفهمي فارس مات .
مرام : أفنان أصدقهم ولا لا .
أفنان : صدقي يا مرام هذه حكمة ربكِ يلا يا مرام روحي البسي عشان نروح العزا ونسلم على فارس ((تبكي ))
مرام : كذابين فارس حي وأنا عارفة تمثلوا قدامي , بس أنا مو مستوعبة فارس مات , فارس مات (( تطيح على الأرض وتبكي ))
مروج : خلاص يا مرام ربكِ كاتب له حياة أحسن من حياتنا يلا مرام .
مرام : لااااااااااااااااااااااااااااااااااااااااااااا فارس مات والله حرااااااااااااااااااااااااام

((إنا لله وإنا اليه لراجعون ))

أول ما دخلت مرام مسكت تحفة من تسريحتها ورمتها على الباب بقوة .
مروج : مرام ..مرام .
مرام : مروج , فارس مات , هو وعدني انه يبقى معايا بس أخلف وعده ((تبكي ))
كذاب هو المفروض ما يخلف وعده ليا .
أفنان : مرام قومي البسي العباية يلا السواق من أول تحت .
مرام : مو قادرة أوقف ((تبكي ))

(( وبعد محاولات كثيرة وافقت مرام إنها تروح مع الشلة وراحوا ))

" يا ناس يا عالم هل من منادى يسمعني , هل من قلب يحس , هل من عين تدمع , فارس مات العزيز الحبيب الرفيع الوسيم الخجول الحساس اللطيف الإندجواني فارس مات هل من منادى يسمعني فارس مات "

في بيت جيهان ...
كانت الغيوم سوداء والأمطار تهطل من فقدان الحبيب "فارس"
جيهان : مراااااااااااام !!
مرام : هو منجد فارس مات ((تبكي ))
جيهان : شوفيه في الصالون يغسلوه ((تبكي ))
((راحت مرام خطوة خطوة على الصالون شافت أبو فارس يبكي "علامات التعجب على وجه مرام " وإبراهيم كمان يبكي وعلى رأس فارس علاء المسكين يبكي ويردد
" رحت يا فارس وسري راح معاك , يبكي يا ناس واحد عزيز ما تبغونا نبكي أنا والله الكاتبة قاعدة أبكي "
أخر مرة الكل راح يشوف وجه فارس ...
جيهان جريت جري على ولدها وقعد تحضنه وتصرخ من كثر صوتها المبحوح والدموع الي في عيونها أتفك كفن فارس من قوة بكاء أمه وأهله ورجعوا المغسلين لفوه تاني ..

جات مروج ومعاها الوصية وأجتمع الكل وقرأتها والكل قاعد يبكي ..

بنوته جنآن · 12-01-2008, 04:41 PM

السلام عليكم ورحمة الله وبركاته
أما بعد ..
أكيد كل الناس تعرفني أنا فارس
قعدت أفكر كم يوم بأختي سارة وحبيبي يوسف والله وحشوني مووت نفسي أشوفهم تاني , بس حمد الله ربي وداني عندهم ..بس أسمعوا كلكم وصيتي المهمة :هيا تصلوا عليا الصبح في مكة وتدفنوني في المدينة المنورة .
المهم كل واحد كتبت له وصيه ولازم تعملوها بالحرف الواحد .
بابا : أنا حاس اني زودتها شوية معاك مع طلباتي بس دحين أفرح أنا مو موجود راح تخف عليك طلبات الجوال والسيارة وأشياء كتيرة بس أنا يا بابا أحبك وأموت فيك منجد سلم عليا لمن تدفني .
ماما : والله آسف لو زودتها كمان معاكي بس أتمنى تكوني انت وبابا مسامحيني على كل شي عملته معاكي أتمنى تكوني راضية عني دنيا وأخره حتى انت بابا .
ياسر : بليز تسمع كلام ماما وما تزعلها عاد انت الأخو الكبير وانتبه على سارة طيب .
سارة : نفسي أشوفك مع زوجك بس ربي مو كاتب لي عمر بس انتبهي على حياتك .
عبد الإله : عقبال ما نشوف السنون الصغار , والله اني نسيت شكلك بس قابلني بعدين .
جدة خيرية وعماتي : يا رب تكوني انتِ وعماتي راضين عني لأني أحبكم وأحب جمعاتكم خلوها على طول .
مرام : ايش أقول عنك يا مرام لو ماكنتي موجودة كان ما حسيت بطعم الحياة , انتِ حياتي وكل شي في هذه الدنيا سامحيني لو غلط بحقك , بس صدقيني لو كنت حي كان أتزوجتكِ واتمنيت أجيب منك عيال , وانتبهي على روحك وحاولي إنك تلاقي واحد زي بس انتبهي منه عشان ما يبهدلك حب , بس لو حبكِ منجد لازم تتزوجوه .
مروج : انتِ كل شي في ديه الدنيا معاونتني فيه مافي شي ما ساعدتيني فيه حتى الوصية بخط يدكِ طبعاَ أنا ما أقدر أكتب , مروج لا ترجعي مروج المسترجلة يوم ما جيتي عندي وكنت لابسة التنورة وشعرك طويل مرة أتجننت على شكلك , بس أدعي ربي يسخر لك ولد الحلال الي يحبك وتحبيه .
أفنان : صراحة ما عمري شفت أم تسيب ولدها ,مافي أم فيها ذرة من الحنان تترك ولدها ,حتى يرضع منها ما خلته لو منجد انتِ أفنان خلي أبوكي يروح المحاكم ويرجع ولدك , على الأقل يحس بحنان أمه , ويا رب يرجع لكِ زوجك وولدك من غير مشاكل .
ريماس ورائد : لو منجد تعزوني الله يخليكم أرجعوا لبعض , ربي كاتب لكم أنكم تعيشوا مع بعض الله يخليكم , أكثر من كده أترجيتكم .
إبراهيم : أوصيك على نفسك والله يخليك حط مرام في عيونك وانتبه عليها , وابعد عنها كل شر والله إنك أكثر من صاحب يا إبراهيم انت الأخو والصديق والرفيق وكل ما أمتلك بس لا تنسى وصيتي لك .
فهد : يا رب نشوف عيالك وتجيب بنت صغيرة تطلع لسماهر .
عبد العزيز : الي كل العيلة يدلعوه عزوز وأنا كمان أقولك أسمع يا عزوز : انتبه لنفسك، ولإخوانك والله يسعدك كف من الأسواق " بأمزح معاك " مو تزعل بس عقبال ما نشوف صورتك في الجرايد كاتبين تحتها الدكتور عبد العزيز .
معتز : هو في أغلى وأحن وألطف من قلب هذا الولد , ما أعرف بأيش أوصيك بس أنتبه على نفسك , وعلى مرام , وأتزوج أحسن لك .
ماهر : يا عمري عليك , انشاءالله أشوفك مهندس سيارات قد الدنيا .
رحاب : والله اني أحبك يا عمي , بس لا تنسى أختار زوجتك بتفكير .
روتانا : الله يسخر لك ولد الحلال الي يحطك في عيونه ويسكرها عشان يحميكي .
رندة : ربي يوفقك وأتمنى إنك تبعدي عن الشي الحرام .

الحياة ثلاث مرات
مرة ..نولد ونختبر
ومرة ...نموت ونحيا
و مرة ....نعيش ونكمل .
وأنا ربي حب ليا أنو أعيش وأكمل .

بقيت روحي ودفن جسدي ولم يبقى سوى حبي أستشعر به حبكم .

فارس فلان الفلاني ....

(انتهت مروج من قراءة الوصية , وأنغمرت الدموع , وما تسمع الا أصوات البكاء ))

((مرام دخلت على غرفة فارس , وسكت الباب بالمفتاح , وقعدت تبكي وتبكي , وراحت فتحت الصندوق الي قال عنه فارس تفتحه قبل ما يموت ,,ما قدرت تستحمل الصور والرسائل الي
كان كاتبها , والخواطر الي كتبها عنها والشعر الي كلامه ولا أحلى " صدقوني فارس لسانه على الشعر يا سلام " وهيا قاعدة تتفرج على الصور طاح منها cd مكتوب عليه "خاص جداً لمرام حطيه على الدي في دي "))
وقعدت حطته وأتفرجت عليه , والدموع مليانة من قلبها تبكي , وبعد شوية خرجت من الغرفة لقت الرجال بيشيلوه فارس على أكتافهم ورايحين يصلوه عليه .
جيهان : لااااااااااااااااااااااااا فاااااااااااااااااااااااارس يا ولدي لا تروووووووح أه أه أه أه أه يا حبيبي انت أه . ((الله يكون في عونها "أغمى عليها المسكينة "))

((إبراهيم جالس يتكلم ))
إبراهيم : أنا مالي حظ في هذه الدنيا أعز اثنين في الدنيا ماتوا يوسف قيل سنتين مات وفارس دحين مات مين باقي لي في هذه الدنيا .((يبكي ))
مرام : خلاص يا إبراهيم يعني ايش تقول عني (( جلست وقاعدة تبكي , يا ناس بكى مرام يألم الواحد ))
أفنان : تعالي يا مرام ((حضنتها ويبكوا ))
مرام : والله مو قادرة أستوعب بالله فارس مات والله مو مصدقة , حتى دموعي خلصت ,مو قادرة أبكي والله يا أفنان ما فيا دموع شوفي مو قادرة أبكي .
مروج : مرام لو آقدر أرجعه كان رجعته لكن يا مرام ما باليد حيلة غير تترحمي عليه .
مرام : كذابين هذا مو فارس أنا عارفة هذا واحد يشبهلوه كذابين .
إبراهيم : مرام لا تقولي كده قولي أعوذ بالله من الشيطان الرجيم وقولي الله يرحمه لا تعذبي كفاية هو رايح على قبره أدعي له يا مرام ما ينفعك التكذيب والبكاء . ((عيونه حمرة ومليانة دموع ))
مرام : والله عارفة أنو مات بس مو قادرة أستوعب مو قادرة أفكر , أبكي بس من غير دموع فين دموعي أه يا ربي ((تبكي من غير دموع ))
مروج : مرام روحي أخوكي يبغاكي .
مرام : فين أخويا عبد العزيز .
أفنان : تعاليه أوديكي عنده .
مرام : ودوني لأخويا فين عبد العزيز .
عبد العزيز : تعالي يا مرام ((يحضنها ))
مرام : تصدق فارس مات دوبي استوعبت .
مروج : والله أخاف يكون حصل لها شي بس .
عبد العزيز : خلاص سيبونا شوية لوحدنا .
مرام : أنا أبكي من غير دموع كيف صارت .
عبد العزيز : مرام فين فارس ؟
مرام : مات .
عبد العزيز : طيب فين دموعكِ ؟
مرام : هاها خلصت .
عبد العزيز : من ايش خلصت ؟
مرام : من البكى .
عبد العزيز : طيب ركزي معايا ليش أنا أبكي
مرام : عشان عيونك بدمع .
عبد العزيز : مرام ما انتِ فاهمتني , أنا أبكي عشان مين .
مرام : مو عشان فارس الا مو قالوا فارس مات , فارس مات مات فارس لااااااااااااااا ((وأخيراً بكيت بدموع ))
مروج : يا الله بالله أحد يروح يقعد مع علاء والله شكله يحزن ((تبكي ))
عبد العزيز : رايح له دحين , خذي مرام والله خايف عليها .
مروج : طيب , مرام تعالي ليش تبكي ؟
مرام : فارس مااااااااااااااااااااااااااااااااااااااااااااااااا ااااااااااااات ((صرخة قوية هزت البيت ))
جيهان : يا بنتي ! دوبي هدأت تزوديني حرام عليكي , والله أريح له يموت ويرتاح مننا يا رب أنا ليش أتزوجت هذا الزوج الي جبلي ولدين ماتوا , سارا ماتت وفارس مات ومين بعده خليه يموت دحين وأفتك والله يتعب لي قلبي أنا غلطانة أتزوجت واحد أولاده كل بعد سنة يموتوا فينكِ يا سارا وفينك يا فاااااااااارس ((كلامها هز الكل ما فيهم الضعيفة مرام ))
أم رائد : يا بنتي لا تقولي كده تحرقي زوجكِ بكلامك استغفري ربك لا تخليني أمووت .((تبكي
فجأة مرام راحت على غرفة فارس .
مرام : أصلاً يستاهل مين قال له يشتري مخدرات ويودي نفسه للهلاك هو غلطان ما أحد جبره يموت نفسه .
((البنات يطالعوا مرام ))
مروج : مرام شكلكِ تعبانة روحي بيتك نوصلك .
مرام : أنا بكامل صحتي , وهو الي غلطان كان في المستشفـ.........((كف من إبراهيم ))
إبراهيم : الولد ما دفنوه تتكلمي عنه , أصلاً فارس غلطان يوصيني عليكي وإذا هدئت أعصابك بعد أسبوعين تعالي هنا نتقابل في موضوع فارس وصاني عليه لازم أقولك هو .
مرام : ..............................((لكي حق تلزمي الصمت ))

اليوم التاني ثاني يوم في العزا الكل كان طبيعي واختفت الدموع عن الكل ما عاد مرام وأعز الناس ..الحوش مليان رجال وجوا البيت كمان مليان حريم ورجال ...

مرام : خالة جيهان علاء يقول يبغى يدخل غرفة فارس يبى يأخذ شي وصاه فارس عليه .
جيهان : خليه يدخل خليه .
مرام : علاء تعال أدخل .
علاء : شكراً والله ما قصرتي معايا .
مرام :لا عادي .
((دخل علاء غرفة فارس وفتح دولابه وأخذ شي مغلف بالكيس ..كان شكله كأنه صور وأوراق بس مرام ما حبت تتدخل ))

وبعد شوية خرج علاء ودخلت مرام الغرفة وقعدت حطت cd الي أداها هو فارس وقعدت تتفرج ....." كان الفيديو عن فارس وهو جالس وهو يلعب وهو يقول المواقف الي حصلت له مع مرام وهو في دبي وهو في بها لمن راح مع أصحابه أبها , ولمن راح البحر وركب يخت البحر ومن غير فلينته , وهنا مرام اتهبلت على شكله , وفي نهاية الفيلم صورة كبيرة لفارس ومرام وهما في المستشفى , وهنا نامت مرام على دموعها ))

اليوم الثالث للعزا ...
((الكل كان طبيعي جداً في أخر يوم والحمد الله مرام بدئت تبتسم , وجيهان تتكلم وكان مرة عادي , ما فيهم يعملوا شي غير يقولوا الله يرحمه ))
عتيقة : تعالي يا مرام يا زوجة اللبناني .
مرام : ههههههه ((مالها نفس تضحك وتذكرها بفارس عمى ))
عتيقة : الحين مين خطيب مرام ؟
جيهان :ياسر يا ياسر .
ياسر : نعم ماما .
جيهان : مين زوجتكِ ؟
ياسر : ((قلك مكسوف لساعه صغير وينكسف من كلام الكبار )) مرام
عتيقة : يا حليله .
مرام : عن إذنك خالة جيهان .
جيهان : إذنك معاكي .

مر أسبوع على موت فارس " الله يرحمه "

مرام قاعدة في غرفتها ...أخوانها صاروا يهتموا فيها زيادة عشان يوقفوا معاها ..
عزوز: مرام حبيبي كلمي أفنان على التلفون .
مرام : طيب نازلة .
عزوز: أنقلك التلفون ولا تنزلي .
مرام : لا دحين نازلة .
((نزلت ))
مرام : ألو .
أفنان : ألو كيفك يا قاطعة ما تسألي عننا ..
مرام : والله عارفة الي فيا .
أفنان : المهم , مرام دعوات فارس أستجابت الله يرحمك ويغفر لك كل ذنوبك .
مرام :آمين خير؟
أفنان : والله ما دريت الي قبل كم يوم .
مرام : هيا قولي ايش في ؟
أفنان : أم رامي جات عندنا .
مرام : كذابة , ايش تبغى ؟
أفنان : والله يا مرام ......((تبكي ))
مرام : أفنان زي كل مرة تهزئكم .
أفنان : قالت لماما أنو سليم ورامي ما يقدره يعيشوا من دون أم وزوجة ((تبكي ))
مرام : أفنان راح ترجعي لزوجك مبروك مبروك .
أفنان : جات لماما يوم الأربعاء تاني يوم من العزا وتأسفت منها وقالت انها غلطت بحقنا وسلمت على رأس ماما , وقالت يوم الخميس الجاي الخطوبة .
مرام : الف الف مبروك يا أفنان .
أفنان : مرام ليش مو من قلبكِ تفرحي لي .
مرام : أفنان ما صار له أسبوع مات تبغيني أضحك وأفرح والله اني فرحانة عشانكِ .
أفنان : طيب ما راح تجي الخطوبة ؟
مرام : أشوف نفسي إذا كنت طيبة أجي إذا ما قدرت لا تزعلي مني طيب .
أفنان : على راحتكِ , بس الي فات مات يا مرام وما نقدر نرجع له روحه .
مرام : أفنان , بعدين أكلمكِ مشغولة شوية .
أفنان : على راحتك , بس يالله باي .
مرام : باي .

((جلست مرام تفكر وتقول : انو موت فارس جاب للناس الخير , وجاب لها الهم وصارت مو قادرة تبكي , لأنها ما هي قادرة تستوعب أنو فارس مات , لكن ربي يكتب الخير والشر لكل الناس , ممكن موت فارس كان راحة لضميره وممكن موت فارس ولادة حياة جديدة له , بس في الوصية قال لإبراهيم لا تنسى مرام ليش أنا بالذات ممكن عشان إبراهيم كان مغرم فيا , لا مستحيل المفروض ما أفكر كده لازم أروح بيت جيهان وأقعد في غرفة فارس ممكن يتحقق حلمي وألاقيه موجود الله أعلم ))

مرام : عبد العزيز
عزوز: نعم .
مرام : تقدر توديني بيت خالة جيهان .
عزوز: ليش ايش عندك هناك ؟
مرام : لا بس نفسي أروح .
عزوز: طيب قومي .
مرام: دحين .
عزوز: أجل بكرة .
مرام : دحين , دحين بس نروح .
عزوز: والله لو دمعة نزلت منكِ ما توصلي هذا البيت .
مرام : فين الدموع عشان أبكي .
عزوز : خلاص يا مرام لازم تنسي أنسي أنو كان لكِ خطيب اسمه فارس أنسي ونسي همي أنا كمان .
مرام : يا رب , رايحة ألبس .
عزوز: البسي ملون مو أسود ما أتعودنا عليكي الا بالملون .
مرام :.....................((أكيد كل واحد حر في اختيار الملابس الي تليق بنفسيته))
((لبست مرام ونزلت بالعباية وما كانت حاطة لا ميك آب ولا برفان على الأقل ))
عزوز: ايش هذا ليش عيونك منفوخة .
مرام : أنا ؟
عزوز: والله من فين طلعت الهالات السودة ؟
مرام : تعب .
عزوز: قولي تبكي في الليل .
مرام : يلا بس وديني مو ناقصني .
عزوز: هذه الإسوارة جبلكِ هيا فارس .
مرام : أيوا .
عزوز: وأنا أقول لابسها من أول ما دخل المستشفى .
مرام : لا تنقص ولا تزود كلام وديني ولا تكلمني .
عزوز: روحي يا الله على السيارة .

((وصلت مرام بيت جيهان ))
"دقت الجرس "
الخدامة : مين ؟؟؟
مرام : أنا فكي باب .
الخدامة : أتفضل مرام .
مرام : شكراً في خالة جيهان .
الخدامة : ايوا بس هيا تعرف انو انتِ ايجي قالت خلي سارة عندك عشان هيا مرة تعبان .
مرام : طيب خليها عندي .
((جات مرام تبى تدخل غرفة فارس لقت الباب مفتوح والمكيف مفتوح "قلبها صار فوق وتحت فوق وتحت " دخلت مرام الغرفة لقت في واحد نايم في الغرفة لكن شعره الي باين وجهه وجسمه مو باينين , قربت شوية من السرير لقت عيون باينة قربت شوية قامت هذه العيون أتفتحت فجأة وصرخة من مرام أااااااااااااااااااااااااااا
إبراهيم : ايش فيكي تصرخي ؟
مرام : أحسبك جني .
إبراهيم : أوف فجعتيني .
مرام : انت فجعتني قولي مين أداك مفتاح غرفة فارس وأنا ما معايا الا نسخة .
إبراهيم : النسخة التانية معايا , مرام تعالي شوية ابى أكلمكِ .
مرام : مو في الغرفة .
إبراهيم : ((يرد بقوة )) عاارف مجنون أنا .
مرام : أعصابك ما قلنا شي .
إبراهيم : تعالي في الصالون .
مرام : قعدنا نعم .
إبراهيم ((قرب شوية من مرام )): أبى أتزوج ؟
مرام : ههههههههه وأنا ايش دخلني ؟
إبراهيم : تدوري لي على وحدة .
مرام : ما تحس انو الوقت شوية بدري .
إبراهيم : هذا أحسن وقت يا مرام .((قصوه يبغى مرام بس ما فهمت ))
مرام : أفنان راح يرجعلها زوجها وانت تبى تتزوج ومروج الله وأعلم وأنا ربي يكتب لي الموت وانتهي .
إبراهيم : كذابة رامي وسليم راح يرجعو لها ‍‍‍‍‍‍‍‍‍‍‍ ‍‍
‍‍‍‍‍‍‍‍‍‍‍مرام : والله اليوم اتصلت وعزمتني .
إبراهيم : وراح تروحي .
مرام : حسب نفسيتي .
إبراهيم : والله يا مرام ما راح ينفع فارس الا دعاكي , ترى بكى أغلى الناس للميت يزيد من عذابه ولا ما تعلمتي في المدرسة .
مرام : من قال لكِ ما تعلمت والله عارفة بس كل شي يمر بسرعة .
إبراهيم : أزمة وتمر لا تشيلي هم المهم أبى أعرف كيف نفسيتك عن أول ؟
مرام : والله ربك يعرف .
إبراهيم : مرام ترى فارس وصاني عليكي وإذا احتجت أي شي ترى رقبتي سدادة وحتى لو تبي تقول شي أنا أسمع لكِ .
مرام : تسلم وما قصرت .
إبراهيم : حاس انو في قلبك شي بس ما انتِ راضية تقولي خير يا مرام ؟
مرام : والله في حلم بيتكرر عليا ممكن هذه رابع مرة يتكرر .
إبراهيم : الله أكبر طيب خير حلم خير ولا شر .
مرام : ما آعرف .
إبراهيم : طيب تقدري تقولي ليا وصدقيني ما راح ينتشر الخبر .
مرام : فارس كان يقول انو انت تكتم الأسرار وحتى لو نشرت الخبر صدقني أنا ما أزعل من أغلى ناس على فارس .((إبراهيم قاعد يبتسم عجبه كلام مرام ))
إبراهيم : قولي ايش هو ؟
مرام : أنو أنا كنت قاعدة على البحر نايمة على الرمل وكنت لابسة شورت جينز وبلوزة سودة وبس بعدين غفيت شوية وصحيت لقيت ملك جاني من بعيد يقول لي ترى راح أجي أخذك يوم 9/9 وبعدها انتهى الحلم وجاه مر تانية بس انو فارس هو الي جاني وقال لي راح أخذك ومرة ثالثة وأنا كنت لابسة بلوزة بيضة وجاني الملك .
إبراهيم : 9/9 في رمضان .
مرام : ايوا .
إبراهيم : اللهم أجعله خير عليكي وعلينا .
مرام : آمين .
إبراهيم : يلا عن إذنك رايح مشوار وراجع لو تحتاجي شي قلت لك رقبتي سدادة .
مرام : تسلم .
إبراهيم : خلاص روحي غرفة فارس ما أحتاجها .
مرام : شكراً .
إبراهيم : العفو .
((راحت مرام زي كل مرة على غرفة فارس وسكت الباب بالمفتاح وقعدت تقرأ في رسايله الي أداها هيا والصور الي تألم قلبها لكن مافي دموع بس صوت بكى , وتفتح دولابه وتطلع ملابسه وتحضنها ....الخ ))

الجزء الرابع والعشرون :

بعد كم يوم مرام استمرت على حالتها ترجع من المدرسة ما هي فاهمة ولا كلمة وتنام وما تأكل وتصحى على بيت جيهان وتقعد تتذكر فارس وتبكي ونفس الشيء ..
في بيت مرام ..
معتز : مرام مروج على التليفون .
مرام: ايش فيهم كل يوم يتصلوا عليا .
معتز : احمدي ربكِ في ناس تسألك عنكِ .
مرام : أوف طيب دحين نازلة .
ونزلت
مرام : ألو
مروج : كيفك مرام ؟
مرام : حمد الله كيفك انتِ .
مروج : مرام فارس يا مرام .
مرام : ايش فيله لا يكون كذبوا عليا وقاله انو مات ((خايفة ))
مروج : والله انكِ خيالية , قصدي دعوة فارس ربي أستجابها يا مرام .
مرام : ايش بشري ؟
مروج : فاضية اليوم .
مرام : كل يوم فاضية تعالي قولي لي .

(( وجاتها في البيت ))
مرام : أتفضلي .
مروج : يسلموا والله أخر مرة شربت عصير عندكم قبل كم شهر .
مرام : لا تبالغي عاد ..
مروج : اليوم بابا جا غرفتي وصراحة أول مرة بابا في حياته يجلس ويكلمني .
مرام : كملي .
مروج : بس قام قلي انتِ بنت كبيرة وما شاء الله صرتي تفهمي الحياة ومشاكلها ومعانيها .
مرام : وفاهمة انتِ ههههههههههههههههههههههههههههههه
مروج : تحسبيني مرام الي ما تفهم الا بالغمزةأكيد فاهمة المهم , وبعدين قاعد يقول مقدمات , وقال لي ترى في واحد من بيت السيف أتقدم لكِ .
مرام : كذاااااااااااااااااااااااااااابة مروج راح تتزوجي أخيراً راج نفتك منكِ .
مروج : أصلاً أنا غلطانة أقعد مع وحدة ما تفهم .
مرام : والله فرحانة يا مروج ليش زعلتي المهم كملي .
مروج : وبس قال لي يوم الأربعاء جهزي حالك عشان يشوفكِ .
مرام : يا هو عاد كل شي جاهزة له صح .
مروج : أيوا شايلة حواجبي وكل شي ما باقي الا اشتري الفستان وكم حاجة من السوق .
مرام : طيب كيف عرفكِ .
مروج : مو تزعلي .
مرام : لا ما أزعل .
مروج : يقول بابا الولد لمحني يوم عزا فارس .
مرام : والله يا مروج مين قدكِ صرتي تعجبي الشباب.
مروج : تسلمي مرام ((مستحية ))
مرام : أوف ..أوف ..أوف وصرنا نستحي كمان يا عيني يا ليلي عليكي .
مروج : والله صراحة متحمسة أشوفوا .
مرام : ما باقي الا 3 أيام ونسمع خبر زواجكِ , ايوا ما تدري أفنان يوم الخميس خطوبتها .
مروج : كذااااابة من مين إنشاء الله .
مرام : زوجها الأول رامي راح يرجع لها بس قالت لي انه راح تتزوج زي أي بنت بفستان أبيض وشهر عسل المهم الحقوق كلها راح ترجع لها .
مروج : والله دعوات فارس خير علينا الله يرحمك ويخمد روحك الجنة .
مرام : .............................((لا تجيبي سيرة فارس على لسانك يا مروج مرام الي فيها مكفيها ))
مروج : مرام زعلتي والله مو قصدي .
مرام: عادي كل ما يجي أحد لازم يجيب سيرته على لسانه ما أزعل .
مروج : على فكرة لو ما جيتي خطوبتي وربي أزعل منكِ .
مرام : أروح خطبتكِ ولا خطبة أفنان .
مروج : أنا الأربعاء وهيا الخميس .
مرام : والله أشوف .
مروج : ايش راح تلبسي في خطبتي .
مرام : فكري في فستانك بعدين فكري في فستاني .
مروج : طيب عن إذنك أروح أشتري فستان الخطبة .
مرام : لا عادي .
مروج : طيب باي .
مرام : باي .
((وراحت مرام على غرفة أخوها فهد " هاذي أول مرة مرام تشوف أخوها فهد من بعد ما مات فارس "الله يرحمه" ))
فهد : هلا وغلا من زمان عنكِ تعال أجلسي .
مرام : تسلم .
فهد : طولتي الغيبة .
مرام : أنا .
فهد : لا تسألي عني ولا عن أخوانك ولا عن سماهر .
مرام : عارف الأيام الي كنت مارة فيها صعبة شوية .
فهد : الي فات مات .
مرام: متى راح تملك انت وسماهر .
فهد : أنا زهقت صراحة أنتظر نفسي أعمل كل شي في يوم واحد وافتك .
مرام : طيب أصبر ورانا إجازة الصيف أعمل الملكة وبعدها الفرح .
فهد : والله لا تسأليني ماما هيا متكفلة بكل شي .
مرام : متى نشوف بيبي جديد يقول لي يا عمة مرام .
فهد : بنت ما كأن كلامك أتخطى الحدود يلا برى أنا غلطان أرحب فيكي .
مرام : ما قلت شي ؟
فهد : نظراتك الي مالها معنا تجيب الشك في الواحد برى
مرام :هههههههههههههههه

يوم الأربعاء يوم خطبة مروج جاه ..
((مرام ما راحت لأنها كانت تعبانة وبطنها توجعها يعني الليل كله تعبانة , وأفنان اتصلت على مرام قالت لها انو بكرة راح يعملوا خطبة وملكة مع أنو الوقت مرة بدري عشان تقول لمرام بس حظ مرام حلو عندها فستان جديد راح تلبسه ))

الساعة12;30 الليل اتصلت مروج على مرام تبكي ...
مرام : كيفك بشري ؟
مروج : ((تبكي ))
مرام : لا تقوليها يا مروج ليش حيوان زيه يعمل كده .
مروج : الملكة الأسبوع الجاي .
مرام : كذابة وافق ووووووووووووووووووووووو .
مروج : ............
مرام : ايش لبستي ؟
مروج : لبست فستان أحمر علاقي قصير فوق الركبة وعليه شال وشعري جبت كوفيرة وعملت لي هو كله كيرلي .
مرام : والله فرحانة بس أسفة ما قدرت أجي والله كنت تعبانة وبطني تألمني عارفة انتِ .
مروج : طيب بكرة تجي ملكة أفنان مو ذنبي .
مرام : إنشاء الله , بس فين الملكة ؟
مروج : في بيت أبوه أفنان .
مرام : كيف بيتهم صغير .
مروج : هما رايح يعزموا نص الأهلية بس .
مرام : أخواتكِ يجوا بالذات ويد .
مروج : لا أكيد .
مرام : يلا جاني نوم واحلمي واغرقي يا مروج في محمد .
مروج : هههههههههههههههه بعد أسبوع راح تطلع الصور أوريكي هيا بعدين أوكي .
مرام : أوكي يلا باي .
مروج : باي .

نامت مرام وحلمت مروج ونروح على يوم ملكة أفنان ..

((مرام لبست فستان علاقي لونه أخضر مطرز من عند الصدر كله قصير فوق الركبة وشعرها عملته تسريحة بسيطة وحلوة وماكياج هيا عملته بس مرة صار روعة , مروج لبست لبس الخطوبة لأنو حق سهرة وفخم , أفنان " لا تقولوا على فستان أفنان وشكلها وااااااااااااااااااو , لبست فستان لونه أورنجي يجنن مفتوح من الكتف ومطرز بالأورنجي وشعرها صبغته هاي لايت أشقر والماكياج يجننننننننننننننن وحتى الكوشة لونها أورنجي والبيت كله مزين بالورد الأورنجي وشكلهم كلهم الثلاثي يجنن ))
أفنان : مرام جوه أهل العريس .
مرام : لسع , تعالي انتِ متى مداكي تشتري الكوشة وتزيني البيت وتصبغي شعرك وتشتري فستان وكل شي ؟؟
أفنان : أم رامي كل شي هيا عملته قبلها بيومين .
مرام : جزاها الله خير , تبى تكفر عن غلطتها .
أفنان ومرام :ههههههه ههههههههههههههههههههههههههههه
أفنان : الا مروج ليش ما تضحكي معانا .
مروج : لو سمحتوا أنا بنت مخطوبة ما يصير أضحك وأكون هادئة .
مرام : يا ليلي عليها كبرت .
روتانا : أوف بنات التسريحة مضبوطة لبسي محتشم .
أفنان : لبسكِ بزيادة محتشم . ((كانت لابسة شورت جينز مرة قصير كأنه كلوت , وبلوزة كلها شرائط بالون البرونزي وبس منطقة الصدر متغطية الباقي شكرك يا رب ))
روتانا : مرام بليز الحشوة شكلها راح تطيح حطي لي كمم بنسة تثبتها .
مرام : كده كويس .
روتانا : تسلمي , ترى اليوم شكلك وفستانك مرة روعة من فين جبتيه وبكم .
مرام : من المساعدية .
أفنان : يعني يا روتانا ما راح تقدري تشتري فستان بـ2000 ريال أو 5000 ريال .
مرام : هذا اشتريته بـ3500 ريال .
روتانا : تصميمه غريب وحلو الله يهنيكي فيه .
مرام : مرسي .

نعرفكم على أهل رامي عشان باقي الرواية راح تتعلق بكل هذه الشخصيات :

أبو رامي : اسمه راضي ورجال غني وغني وعندهم قصر في حي الروضة يجيب العمى من كبره وفخاماته "على فكرة في كلية طب في جدة بإسمه"

أم رامي : إسمها روضة وطيبة وعسل مووت عندها مشغل بإسمها في جدة ومشهور كل الناس تروح له , كانت مطلقة من راضي قبل سنين وأتزوجت بإخوه وجابت منه أخر 3 عيال في الصفحة وبعدين طلقها ورجعت لراضي .

غازي: أكبر ولد عمره 38 متزوج وعنده بنتين و ولد يشتغل مع أبوه في الشركة .
تهاني : ثاني بنت عمرها 34 متزوجة من واحد لبناني وكانوا عايشين في لبنان قرابة 7 سنين وعندها ولد .

رامي : ثالث ولد عمره 24 سنة وطيب مووت وعسل ونحيف مووت وطويل وخشمه يجنن شعره أسود حرير ولون عيونه سودة بس صراحة يجنن وسنة رابع جامعة ولونه ابيض , تتهنى فيه أفنان .

أماني : رابع بنت عمرها 23 سنة وداخلة جامعة الطب بجدة وتخصصها علم النفس ثالث جامعة , طيبة وحنونة ونحيفة وحلوة شعرها الين ركبتها وتجنن مرة لزيزة وملامحها حلوة وبيضة.

عبد الله : هذا يصير ولد أخو راضي بس داخل في عيلة راضي , عمره 21سنة ثاني جامعة ونحيف مرة وطويل مرة وخشمه طويل وحلو وعيونه مرسومة وحواجبه كمان مرسومة ولونه أبيض , عيونه لونها أسود وشعره شوية طويل وناعم لوه لمعة حلوة , بس فيله عيب مرة مو حلو " يغازل بنات " شي يجيب القرف حلو ويجنن ويغازل بنات .

ريهام : عمرها 18 ثالث ثانوي طيبة وحنونة مرة , مش مرة نحيفة ولا مرة متينة يعني زي جسم مرام أو قريب منه , وطويلة شوية وبيضة وشعرها أسود وعيونها سودة ومرة عسل بس أتعرفوا عليها راح تحبوها مووت .

لؤي : عمره 15 سنة ثاني متوسط , لكن شكله يبان كأنه واحد ثاني ثانوي مش ثاني متوسط , عليه جسم مرة حلوة يعني رياضي , وشعره أشقر طويل شوية وملامحه قريبة من ملامح عبد الله , ومرة كول ويجننننننننننننننننننننننننننننن موت .

أنتهينا من أخر شخصيات في الرواية ..

أهل العريس وصلوا والكل اتجنن على رامي كان منجد الي يشوفوه يقول رجال بمعنى الكلمة

الزغاريط تتسمع لأخر الشارع والبنات يرقصوا وعاد مرام رقصها الكل يتهبل عليه .

بنوته جنآن · 12-01-2008, 04:45 PM

وقت الزفة ...
أفنان : مرام خذي رامي انتِ ما أبغى أتزوج بطلت خايفة .
مروج : وما خفتي يوم عملتي عملتكِ السودة .
روتانا : هذا كلام ينقال .
مرام: هيا حطوا الأغنية يلا أفنان .
أفنان : هيا جاية ..
أغنية الزفة كانت مرة تجنن اسمها Jesse mccaratney-Take your sweet time أنصحكم يا قراء تسمعوها مرة تجنن لا تفوتكم , بالذات إذا وحدة راح تتزوج تنزلها ترى أنصحكم تسمعوها مرة حلوة ..

أفنان وهيا داخلة على الأغنية الكل زغرط وأول ما شافت رامي المسكينة مرة أتوترت ولمن قربت منه نزلت دمعة منها , وقام مسح لها دمعتها وسلم على رأسها وأكيد الكل أتهبل على الحركة الي عملها رامي وتعرفوا البنات عاد تعجبهم هذه الحركات فصرخوا .

وجات حطت المسئولة عن الدي جي أغنية مصرية مرة حلوة, ورقصت أفنان عليها ورامي يرقص من وراها كان منظرهم الأثنين عنجد حلو , مرام المسكينة أول ما شافت رامي قاعد مع أفنان , راحت على غرفة أفنان وقعدت تبكي ..
مروج : مرام ليش تبكي ؟
مرام : فارس ما جاه وعدني يجي بس ما جاه ((تبكي ))
مروج : مرام يا حبيبتي فارس مات طالعي للمستقبل أنسي الماضي وفكري فينا .
مرام : فارس راح وانتوا كمان راح تتزوجوا وتروحوا وما أحد راح يبقى معايا لمين راح أقول لأسراري مين راح أقولوا عن مواقفي مين ومين يا مروج ((تبكي ))
مروج : صدقيني راح اتصل فيكي وصداقتنا ما راح تأثر على حياتنا .
مرام : كلهم يقولوا كده بس في النهاية كل واحد حال نفسه .
((تجي أفنان ))
أفنان : خير يا مرام شوفي كيف ماكياجك أتعدم.
مروج : مجنونة تسيبي زوجك لوحده والله تروح روتانا تجلس معاه دحين .
أفنان : ألبسوه الطرح عشان هو وراي عشان راح نتصور .
مروج : عاد مرام تحط الطرحة من دون العباية .
أفنان : يالله المهم خلينا أضبط نفسي بس .
((يدخل رامي والمصورة ))
المصورة : بليز مستر Kiss........... ((أول ما قالت هذه الكلمة وما كملت الي بعدها البنات سكوا الباب بقوة وشردوا ))
مرام : خليهم يحطوا أغنية حلوة .
روتانا : نحط أغنية صدفة ليارا والله خطيرة نرقص كلنا عليها .
مروج : يالله ومعانا ويد ومنال وهديل .
مرام : يلا .
((كل العيون على فستان مرام وعلى رقص مرام هيا على قولهم كانت الثانية من بعد العروسة في الطلعة ))

بعد شوية يدق الجرس تجري مرام ومروج يفتحوا الباب ويصنموا عند الباب ..
جيهان : يعني أقعد واقفة على الباب .
مروج : أتفضلي بس ما أتوقعناكِ تجي .
جيهان : ملكة بنت أخو زوجي كيف ما أروح ومن بنت عزيزة عليا .
مرام : كيفك يا خالة ؟
جيهان : حمد الله , والله أعذريني لمن كنتِ تجي عندي ما كنت أقدر أسلم عليكي .
مرام : لا عادي أديني عبايتكِ .
ودخلوا ..
بعد شوية جات أم أفنان وقالت للبنات يلبسوا العبايات عشان أهل العريس راح يدخلوا يسلموا على العروسة " عندهم عادي أخوان العريس يسلموا على زوجة أخوهم "

مروج : بالله عليكي لابسة بس شال على راسك طيب الظهر الي باين ويدك وسيقانك .
مرام : أتعودت .
مروج : غبية انتِ والله يتكلموا عليكي الناس .
مرام : عادي إنشاء الله يأكلوا من لحمي عندي عادي .
مروج : دوبك كنتي فرحانة ايش الي أتغير .
مرام : فكيني رايحة أفتح الباب للرجال .
مروج : بعقلكِ انتِ ؟
مرام : أوف .
(( راحت مرام فتحت الباب لأخوان العريس وكانت مرة مستحية من نفسها , لو ما لبست الشال أحسن , لكن في أخو من أخوان رامي كان يطالع في مرام بطريقة يعني معجب ..))

البنات جالسين جمب الدي جي ..وتجي أم رامي روضة .
روضة : ما شاء الله على العرايس كيفكم يا بنات .
البنات : كويسين .
روضة : ما شاء الله في وحدة منكم مخطوبة أو على وشك تتزوج .
مروج : أنا .
روضة : الله يسعدك متى أتخطبتي ؟
مروج : أمس .
روضة : يالله الله يسعدكم , وانتِ ايش اسمك ؟
مرام : مرام .
روضة : ما شاء الله الجمال كله فيكي , عيونك مرة لونها حلو ما شاء الله .
مرام : تسلمي .
روضة : متزوجة أو مخطوبة ؟
مرام : لا للأسف ((نزلت راسها ))
روضة : الجمال هذا كله وما أحد حط عينه فيكي .
مروج : أصلاً يا خالة كانت مرام راح تنخطب قبل أسبوع من ولد هذيك الي جالسة هناك ((تأشر على جيهان ))
روضة : ايوا .
مروج : بس الولد لوه أسبوع ميت الله يرحمه .
روضة : يا حياتي على حضك يا بنتي تتعوضي بواحد مثله إنشاء الله .(( مسكتها من ركبتها ))
مرام : هاء .
روتانا : خير ايش في ؟
مرام : خليها تبعد يدها .
مروج : قوموا نرقص يلا .
مرام : منجدكِ انتِ أهل العريس موجودين تبغينا نرقص .
روتانا : شوف مين الي يتفلسف , طيب مين الي فتح الباب للرجال .
مرام : مو أنا .
مروج : يا نصابة .
مرام : المهم شوفوا كيف أفنان مكسوفة من زوجها .
روتانا : ههههههههههههههههههههههههههههههه
مروج : خير يا طير ليش الانفجار بالضحك هذا .
روتانا : شوفي كيف جالس العريس ههههههههههههههههههههههههههههههه .
مروج :ههههههههههههههههههههههههههههههه .
مرام : الحمد الله أنا الوحيدة بينكم الي رايقة .
مروج : رجال جالسين قدامك تبي تكون ايش بالضبط , أكيد رايقة عشان يزيد الإعجاب .
مرام : أتفه منك في ديه الدنيا مافي .
مروج : شوفي الفلسفة بس بدأت.
روتانا : أوف أصلاً أنا غلطانة أقعد مع ناس زيكم .
مرام : ما أحد قال لكِ تجلسي معانا .
روتانا : أروح أرقص أحسن .
مروج : ((تسحب روتانا من يدها )) بعقلكِ انتِ لابسة بيكيني تبي ترقصي بي والله أشتكي لأمك .
((ويجي عبد الله عند البنات ))
عبد الله : Hi girls ?
البنات : هاي .
عبد الله : ممكن تطلبوا من مسؤلة الدي جي تحط أغنية لعبد المجيد عبد الله – الشيخ عبد الله
((كان يطالع مرام ))
مرام : ((تطالع فيه ))
عبد الله : يا آنسة موجودة الأغنية ولا لاء .
مروج : أعذرها شوية سرحان ,أكيد موجودة أستريح .
عبد الله : لا بليز لمن تحطوها أروح عشان أبغى أرقص عليها .
مرام : أمر تدلل .
عبد الله : أبغى أغنية الشيخ عبد الله .
روتانا : بليز أقعد واحنا نحطها .
عبد الله : يعني أول مرة نشوف بعض المفروض تعاملوني أحلى معاملة .
مرام : الي يجي من الحلو حلو ((مروج تحط يدها على فم مرام ))
عبد الله : ايش اسمك ؟
مروج : إسمها مرام .
عبد الله : ليش حاطة يدك على فمها حرام عليكي فكيها .
مرام : شكراً أنقذتني .
عبد الله : ههههههه ((مرام ذابت من ضحكته ))

((وحطوا الأغنية حقت الشيخ عبد الله , وعبد الله قاعد يرقص وكان رقصه مرة حلو ))
مروج : يا شيخ عبد الله يا شيخ عبد الله , هاي مرام ,مرامي ,مرام هاي هايات , الله أكبر مرام .
مرام : هلا ناديتيني .
مروج : المهم الي ما أخذ عقلكِ يتهنى بيه .
مرام : حرام عليكي دحين أنا خلتيني أحب واحد لا إله الا الله .
مروج : محمد رسول الله , دحين قاعدة مسرحة في الولد والولد قاعد يطالع فيكِ قولي لي هذا ايش يسموه .
روتانا : الحب الحقيقي بيعيش يا حبيبي بيعلمنا الزاي .
مرام : أوف أروح أقعد مع أفنان أحسن .

((وراحت سلمت على العريس وعلى أفنان وقعدت جمبها ))
أفنان : خير نعم .
مرام : ايش خير نعم ؟
أفنان : أبى أقعد مع زوجي .
رامي : خير فنونا ايش في .
أفنان : لا بس مرام تحب تتدخل في خصوصياتي .
رامي : معليش مرام تجلسي هناك , يا عني ما يصير تجلسي معانا .
مرام : حلوة الملكة مرة تجنن .((البنات يضحكوا عليها م بعيد ))

مرام جلست جنب ريهام ...
مرام : ايش إسمك ؟
ريهام : ريهام اخت رامي .
مرام : وأنا مرام بنت عمة العروسة .
ريهام : أتشرفنا .
مرام : زاد شرفي , سنة كم انتِ ؟
ريهام : ثالث ثانوي وانتِ .
مرام : زيكِ .
ريهام : شكلك في الجامعة .
مرام : عنجد !
ريهام : أيوا أول ما شفتك قلت هذه قد أخوي عبد الله أو أصغر منه بسنة .
مرام : ههههههه هذا أخوكي سنة كم ؟
ريهام :ثاني متوسط .
مرام : أحلفي ؟
ريهام : والله هذا أخر العنقود .
مرام : شكله أكبر أحسبه أكبر منكِ .
ريهام : عشان طويل وشعراني يطلع له شعر كتير .
مرام : ما يشبهكم ما شاء الله ملامحه حلوة .
ريهام : كل ما بنت تشوفه لازم كل هذه الأسئلة عنه .
مرام : لا تفهميني غلط , بس يعني انتوا ما شاء الله بيض وشعوركم سودة , هذا حنطي وأشقر .
ريهام : عشان في له عرق تركي .
مرام : أه , يلا والله مرة فرحت بالتعرف عليكي .
ريهام : أنا أكتر .
مرام :عن إذنك .
ريهام : إذنك معاكي .
((راحت مرام طلبت من الضيوف يتفضلوا على البوفيه والعروسين يروحوا الغرفة التانية ))
أفنان : ليش رايحين هناك حبيبي ؟
رامي : في مفاجأة لكِ .
أفنان : لا لا سلييييييييييييييييييييم حبيبي يا قلبي عليك وحشتني شوف ماما موه ((وطاحت على الأرض وقعدت تبكي وحاضنة ولدها ومعاهم رامي ))
جات الخدامة أخذت سليم وراحوا العروسين يتعشوا , البنات قاعدين يتجسسوا على أفنان وزوجها , بعدين راح قام زوجها وفسخ المشلح وجاى سلم على أفنان , البنات قفلوه الباب وكل وحدة خدودها صارت طماطم ))

نهاية الملكة ..
((الكل راح ما بقي الا رامي ومروج وروتانا ومرام))
رامي : يلا أفنان عن إذنك جاني نوم .
أفنان : لسع حبيبي بدري .
رامي : لا بدري ولا غيره بس أعطيني رقم تليفونك عشان نتكلم .
أفنان : من عيوني .
((وقاعدين عند باب الشقة يتكلموا والبنات يتجسسوا عليهم ))
رامي : يا حياتي كله اليوم صايرة ملكة للدنيا .
أفنان : تسلم حبيبي .
رامي : يا عيني أمووت في حياكي أنا .((رفع صوته حتى البنات أتفجعوا وطلعوا صوت ))
أفنان : في أحد يتجسس علينا .
رامي : ما لنا فيهم خلينا في نفسنا دحين , المهم حبيبتي أنا أحبك .
أفنان : أنا كمان .
رامي : ايش ما سمعت ؟
أفنان : أنا كمان أحبك .
رامي : يا سلام هو في أحلى من الزواج , تعالي يا عمري ((وباسها ))
مرام : يااااااااااااااي رايحة على غرفة أفنان .
مروج : أنا وراكي .
روتانا : أستنوني .

الساعة 5:30 ما بقي ولا أحد بس البنات بايتين عند أفنان.
قاعدين يفطروا من البوفيه حق الملكة ..
مرام : يا سلام ايش تبولة يم يم .
روتانا : ذوقوا الكباب يا سلام .
مروج : أقولكِ انتِ وهيا , كلوا أصابع التونة مع الدجاج يا سلام .
مرام : أفنان تعالي أفطري معانا .
أفنان : .....................((مسرحة فوق ))
مروج : سيبوها أصلاً لو هيا منجد جيعانة كان هجمت معانا على الأكل .
مرام : أفنان خير مسرحة .
أفنان : تصبحوا على خير .
روتانا : بل بل بل , خير زعلت ما قلنا شي .
مرام : وحدة اليوم كانت ملكتها وراح دوبه زوجها ايش تبغوا تعمل .
مروج : روتانا فاتك والله مرام تحب عبد الله .
روتانا : يا عيني على حب من أول نظرة .
مرام : كذابة , أنا ما أعطيته حبي بس عجبني شكله ككل
أفنان : بنات يا بنات .
مروج : خير ؟
أفنان : الأسبوع الجاي عندنا سهرة في بيت أم رامي ووصتني عليكم لازم تجوا معانا .
مرام : ماني رايحة .
مروج : غريبة أحسب أول وحدة راح تروح انتِ .
مرام : لا ما أقدر .
أفنان : على فكرة أنا من أول كنت أطالع في طنت روضة كانت بتطالع فيكي يا مرام , وتهمس لبنتها ويقعدوا يطالعوه بعدين يهزوا رأسهم .
مروج : جاكي الولد لحد البيت وافقي .
مرام : أوافق ايش و جاكي لحد الباب !!!
أفنان : يا مرام
مرام : عادي أتعودت على القيل والقال وكثرة السؤال .
روتانا : كلوا وبطلوا كلام كتير .
مروج : ما شاء الله مرام ما في ولد ما شافها ما حبها نفسي أكون مثلك .
مرام : جربي موت فارس وقولي لي حلو أنو تحبي شخص وتتعلقي فيه ولا لاء ..
((راحت مرام على غرفة أفنان أكتفت بالبكاء وبعدها نامت ))

أفنان : لازم الغباء هذا يا مروج .
مروج : ما قلت شي بس قلت يا حضها .
روتانا : حتى لمن سألتها طنت روضة انتِ مخطوبة , قامت الملقوفة قالت لها عن فارس .
أفنان : إحنا ما صدقنا نسيت تذكريها .
مروج : طيب سألتها مخطوبة ولا لاء .
أفنان : قلتيها سألتها يا عني ما سألتكِ .
روتانا : تصبحوا على خير .
مروج وأفنان : وانتِ من أهله .
مروج : أنا لاحقاكِ استني .
روتانا : أفنان الساعة 7;30 ما تبغي تنامي .
أفنان : لا شوية بس أفطر و أجي .

((الكل راح نام الا أفنان قاعدة تفكر في رامي واليوم السعيد الي شافت فيه ولدها , وبعدين راحت نامت , والساعة 3 العصر جاه معتز وأخذ مرام بعدين جاه السواق وأخذ مروج وروتانا ))

الجزء الخامس والعشرون :-

مرام قاعدة في غرفتها ....بعد شوية رن جوالها ..
مرام : ألو .؟؟؟؟؟؟؟؟
جيهان : حلى حبيبتي كيفك ؟
مرام : حمد الله .
جيهان : كيف أمس أنبسطي ؟
مرام : والله مرة .
جيهان : الله يجعل أيامك كلها سعادة .
مرام : آمين .
جيهان : مرام ترى بكرة يوم الصداقة العالمي نبغى نسوي حفلة تجي .
مرام : منجد ((في قلبها ..هذا ولدها ما صار له أسبوع مات تبغى تعمل حفلة ))
جيهان : ايوا والله وراح يجوا كل البنات حتى خطيب أفنان راح يجي .
مرام : واو , لا ما دام خطيبها نجي ونشوف السالفة المهم خلي أخوات إبراهيم يجوا والله ما شفتهم من زمان .
جيهان : هما ما جوه يوم عزا فارس.
مرام : .......................((أتذكرت المرحوم ))
جيهان : مرام فين رحتي .
مرام : ها لا معاكي بس أبى أتذكر , ايوا ما جوه ما شفتهم .
جيهان : جيبي ماهر معاكي , واسمعي راح نعمل مسابقة أحلى خواطر جيبي دفتر وقلم معاكي أوكي بس مو تكتبي في البيت نبغى الأفكار في الحفلة أوكي .
مرام : على آمرك يلا ماما تزهمني باي
جيهان : مع السلامة حبيبتي .

((جاه اليوم الموعود ))
((مرام لبست شورت جينز وبلوزة لونها أبيض مفتوحة من البطن " بس إذا رفعت نفسها تبان بطنها , ولبست جزمة الله يكرمكم أول ستار , وضفرت شعرها زي النيجر ولبست أساور وسلاسل كثير وكان شكلها مرة كول وحطت ميك آب خفيف وراحت , السوق واشترت هدايا للكل عشان يوم الصداقة العالمي ))
في بيت جيهان ..
مروج : يا هو يا مس كوووووول .
مرام : yes beby I,am neigar girl ((نعم حبيبتي أنا بنت نيجر ))
روتانا : حتى في اللغة اتغيرتي بالله خليها فرنسي كمان .
مرام : oui la fille ge neigar la fille ((نعم حبيبتي أنا بنت نيجر ))
مروج : لو سمحتي هذه اللغة الفرنسية .
مرام : oui ((نعم ))
روتانا : مرام ترى ما نعرف فرنسي انتِ تعرفي شي يخصك بس إحنا ما نفهم .
مرام : ههههههههه طيب بس قاعدة أمزح .
بنان : مرااااااااااااااااااااااام وحشتيني .((حضنتها ))
مرام : Comment allez-vous ((رجعنا للفرنسي )) ((كيف حالكِ ))
بنان : حمد الله انتِ كمان كيفك ((بنات العز يفهموا على بعض , بالذات باللغة الفرنسية ))
مروج : والله يا مرام إذا ما عدلتي لغتكِ والله بالكف .
بنان : يا عني ايش فيها تتكلم بالفرنسي .
روتانا : انتوا بنات عز تفهموا بس إحنا ما نفهم .
مروج : مين قال لكِ أنا بنت عز بس ما دخلت مدرسة أهلية .
مرام : بالله عليكم هذا قرار يرجع لكم .
((ودخلت على مقر الحفلة ))
أفنان : ميمو وحشتيني .
مرام : أمس كنا عندكِ .
أفنان : ما أقدر أتخلى عنكم .
رامي : كيف لو عيشنا في ايطاليا .
مرام : كذابة راح تعيشي فيها .
أفنان : نكمل دراستنا .
مرام : ايش هذا رامي ما أسمح لكِ تعيش انت وأفنان في ايطاليا .
رامي : مافي كيف حالك ؟
مرام : كيف حالك وايشلونك Comment allez-vousa اند هاو أر يو .
أفنان : أربعة لغات عشان بس قال لكِ مافي كيف حالك .
مرام : أتعودنا , كيفك إبراهيم ((صافحته ))
إبراهيم : وحشتينا .
مرام : انت أكثر ....قصدي انتوا كمان أكتر ((بالله يا مرام قصدك ولا لاء أفهموها يا قراء ))
رامي : أه ههههههه شوف كيف حمرت خدودها . ((تطالع في رامي بحقد ))
مرام : خلي زوجك يحترم نفسه .
أفنان : حبيبي خلاص .
رامي : مين عليا أنا أه يا قلبي شوف أفنان تقول لي حبيبي ((وقربوا من بعض خلاص شوية كانوا راح يعملوه ))
جيهان : هيييي الحركات هذه مو في بيتي أنا عندي أولاد صغار فاهمة يا أفنان ((معصبة ))
أفنان : أسفة .
((مرام سلمت على الكل وراحت على غرفة فارس وتقعد على الرواية , ما تقدر تقرأ روايات الا في غرفته عشان تحس بوجوده ))
مروج : مرام الحفلة بدأت وانتِ قاعدة هنا .
مرام : الله يخليكي خليني شوية وحدي .
مروج : براحتك .
روتانا : لا تقولي مرام رجعت لحالتها .
مروج : شكله كده كان شكلها زعلان .
بنان : خير ايش في ؟
مروج : مرام رجعت لحالها .
بنان : يا حرام والله كل ما أتذكر انو مات أحس اني بموت .
روتانا : تعالوا ندخل لها نقول لها تجي معانا ترقص .
مروج : هو في كمان أغاني , والله لو مرام سمعت أغاني راح تبكي حرام ما كمل أسبوعين الولد .
بنان : خلاص أروح أقول للكل هذا شرطنا .
مروج : أحسن ما سويتي واحنا نقول لخالة جيهان تبدأ المسابقة .
روتانا : أحسن كمان .
((دخلوا لمرام وأجبروها انها تقوم معاهم وتترك الرواية ليوم تاني ))
جيهان : يلا كل واحد معاه دفتره يكتب خواطر عن شخص عزيز على قلبه أو أي شيء .
الكل : أوكي .
مرام , أخذت نفس وقعدت تكتب .
إبراهيم , نفس الشيء .
بنان , تفكر ,
مروج , تطالع اللايت ,
أفنان , تغش من رامي .
رامي , قاعد يغمز لأفنان .
روتانا , تكتب
وبعض الصغار يطالعوهم
جيهان : أنتهى الوقت Time up أتركوه كل شيء خلاص رامي ترى زودتها خلاص ,يلا نبدء بمرام .

خواطر مرام ..

ليس الزمان طويلاً ...
حبيبي ..حبيبي , كم من الأوقات قد سرحت فيك , أحببتك وأعجبتني شخصيتك
أحسست انك ملاكي الذي يوصلني الى الجنة
كم من الأوقات قد غرقت في هذه الدوامة وأنقذتني منها بحنانك , اقتربت منكِ واقتربت مني
ولكن ليس الزمان طويلاً ...
أخذتك الأرواح مني وهبت الرياح لتخبرني انك هاجرت للعالم الأخر , ماذا فعلت لهذه الدنيا حتى تأخذك مني , لقد وعدتني بقلبك فلم توفي بوعدك , انت القريب الحبيب سمي ما شأت في هذه الحياة , أحبك تذكر هذه الكلمة ! سأوفي بوعدك وأتذكرك لأنك أسرتني بحبك وعطفك
أرجوك خذني معك الى العالم الأخر
دعني أذوق طعم الحياة
فبعد رحيلك أصبحت الحياة معدومة في قلبي
الا تفهم انك مصدر سعادتي وحزني في هذه الحياة ؟؟
أرجوك .. أرجوك حتى طيفك الموجود يعذبني ليتني أنا من رحلت معك ..
لأصبحت الحياة متفتحة بالورد والطيور تغني لنا ..
الم تسمعني أطلب نجاتك ودعواك
أتمنى أن تكون هذه الكلمات سوى حلقة وصل بيني وبينك لأنك ربيع حياتي وخريف أحزاني وشتاء ظلماتي وصيف حبي .
حبيبي ..حبيبي
لم أرى سوى وجهك بيني , وقلبك مكانه في قلبي الا تذكر تلك الأيام الجميلة التي كنت أبيح لك بكل ما داخلي وانت أيضا تبادلني هذا الشعور
أبكي فتبكي , أضحك فتضحك أه وأه .
يا حياتي ذوبتني من كثر بكائي وأغلتني من كثر حزني ,
لا تحسب انك قد رحلت ؟ انت موجود في قلبي وطيفك أمامي لا أستطيع الا التفكير بك وبطيفك .
الحب عذاب فأخرجني منه ...
بكاء ..سرحان ..تفكير ..احمرار الخدود
الا يشكلان لك شيء ...

.................................................. ...........

((الكل صفق بقوي عشان كانوا عارفين انو هذا الكلام موجه لفارس " الله يرحمه " وبعد ما أنتهت مرام نزلت دمعة منها وبكيت هيا والبنات بالذات إبراهيم نزلت منه دمعة والبعض أكتفى بنظرة شفقة والتأثر بخاطرة مرام , في واحد من الي جالسين مرام كانت تقصده بطيف فارس راح تتعرفوا عليه مع الأجزاء ما قبل الأخيرة للرواية ))

وجاى دور روتانا ..

تلك الليلة ..
أطفأت نور غرفتي وجلست على سريري ,
لأسترجع تلك المشاعر ..
اشتقت لحضني ونفسي وجسدي و روحي ...؟
أهملت نفسي في هذه الأيام نسيت من أكون ؟
وما طريقي وهدفي في هذه الحياة الفانية ,
أكتب بقلمي الأحمر ومن قلبي ينزف دم أحمر ..
لم أستطع تحمل تلك النظرة التي نظر فيه الى عيني وطلب مني
نظرة حب ؟ ولكن بكل كره قابلته ! بنظرة حقد
جاملني وأحبني لسنين طويلة
وعندما أعترف بحبه لي ؟ كرهت كل ما حولي
لكن في تلك الليلة استرجعت مشاعري ولهفتي لمصارحته بحبي له
من يصدق ! صارحني بحبه فكرهته وصارحته بحبي فكرهني ,
ففتحت نور غرفتي وأخذت بعض من صوره و وضعتها تحت وسادتي
ونمت عليها لأحلم به ,
فأستيقضت من نومي لأجد كل هذا حلم ,
حلم جميل بنهاية سعيدة ..

((الكل عجبه تعبير روتانا لكن مرام ما تزال في المستوى الأول ))
حضرة مس أفنان ما كتبت شي والي زيها زوجها برضوه ما كتب .

وجاه دور بنان ..

صندوقي الوردي ..
صندوقي الوردي هو سر أسراري
وأعز أصدقائي , فيه أحتفظ بكل أعشاشي
ولا أضع فيه الا زقزقة أسراري
أحياناً أفتحه وأتذكر ذكرياتي
من هدايا وكتابات ومذكراتي
لا أطلعوها الا على أعز أصدقائي
وليس بالسهل تجميع أحبائي
بعضها أوراق وهدايا تذكرني بأحزاني
وأرقام وهواتف لا داعي لذكرها أمامي
فهي ليست سوى أرقام صديقاتي
وليس عليكم الظن بأسراري
فإنها حكاية من حكايتي
وافعلوا مثلي لتعرفوا قيمة ذكرياتي

((الكل عجبوه كلامها لأنو على قد سنها 14 , لكن رامي زي أخو مرام عبد العزيز ينتقد الجاي والرايح ))

وجاه دور إبراهيم ..

بفداك بعمري ...
لو السنين والشهور والأسابيع والأيام والساعات تمر ..تنتهي حياتنا
فما فائدة الحياة بدون صديق أو حبيب ..
ما فائدة الأرض بدون السماء ..
ما فائدة الشمس بدون القمر ..
ما فائدة الجسم بدون الماء ..
وما فائدة الحب بدون عذاب ..
وهكذا تمر الأيام لا نسأل لا نرى ولا نعلم ؟؟؟
كم من عمري قضيته في التفكير ؟
كم من الأيام التي قضيتها في الانعزال ؟
تنظر الى جدرانك ولكن ما باليد حيلة , هدوء مخيم , وأصوات الأرواح تناديك
هكذا تعلمنا , معنا الرفيق , حبيب أو لبيب لا يهم المهم وجود شخص
مهم بحياتك , وجدت الرفيق , وسمعنا عن اهتزاز البيوت لتعلن عن رحيله
وتساقط أوراق الشجر لتأن لبكائه , وبكاء الغيوم من أجل سماع صوته

و قطرة ندى تسأل عن رحيله ؟ وسكر النبات يتكسر في الأسنان مع هجرته
أو بالأخص عند ذهابه الى مكان لا تعلم الدنيا بما فيها من كنوز عنه .
لو أحتاج الأمر لعودتك الى عمر جديد
صدقني بفداك بعمري ...

((الكل أعطى لإبراهيم صفقة قوية كان تعبير مزج بين الروح والطبيعية فأعطى الخاطرة نكهة خفيفة ))
رامي : يا هو أديلوه يا مرام ايش التوافق الجنسي الي بينك وبين إبراهيم
مرام : انت ايش قلت ؟
رامي : هههههههههههههههه والله تضحكوا انتوا الأثنين .
مرام : أسحب الكلمة .
رامي : كيف أسحبها وأنا شايف الحقيقة قدامي .
مرام : شايف نفسك على مين انت واحد حقير ووقح وخسيس و واطي مقامك هنا ((تأخذ جزمتها وتأشر على قفى الجزمة ""كبيرة يا مرام ""
أفنان : خلاص يا مرام .
مرام : تقولي ليه أنا ؟ قولي لزوجك الي بالحرام لا تخليني أفضحكم .
رامي : مرة يعني خوفتيني ؟
مرام : خصبن عنك أخوفك , الكل عارف أنو رامي وأفنان كانوا متزوجين بالعرفي قبل كده عشان كده جابوا سليم , لكن الحقيقة تقول لا , ((قامت من الكنبة )) الواطي هذا رامي أتزوج هو وأفنان بالحرام عملوا قصة الحمام للي يعرفوا , لكن ما أحد يعرف الحقيقة الي جوت قلبي , أفنان ورامي كانوا يحبوا بعض وبسبب صغر سنهم أهلهم ما راح يوافقوا , عشان كده حملت أفنان من رامي عرفتوا الحقيقة .
((الكل مدهوش من الحقيقة الي كشفتها مرام ))
رامي : ((معصصصب )) أفنان إذا تبغي الحيوانة ديه في حياتك , فمن بكرة راح توصل ورقة طلاقك .
مرام : والله ربي خلقني من ذهب مش من طين أنزل كرامة أهلي , ولو سمحت أنا مو حيوانة زي ما تقول أنا وحدة كرامتها فوق مرة فوق فوق عارف ايش فوق .

رامي : كلبة ((كف قوي على وجهه مرام يخليها تطيح ))
البنات : لاااااااااااااااا .
جيهان : أنا غلطانة أعمل حفلة قلت أونسكم عمى .
إبراهيم : أول مرة وأخر مرة تضرب مرام يا الي ما تتسمى رامي .
رامي : يعني مرة عامل انو أنا ما أقدر أخلي أحد يضرب مرام يا حضكِ شوفي حبيبك يدافع عنكِ .
مروج : خلااااااص بيكفي زودتها جايين نتونس ولا نضارب أوف .
((خرج رامي وأفنان وراه , ومرام ما زالت في مكانها طايحة على الأرض من كف رامي بنان وأخوتها مدهوشين وماهر أخو مرام مو قادر يعمل شي الا مساعدة أختوه ))
ماهر : مرام هاتي يدك .
مرام : ((راحت على غرفة فارس والدموع في عينها ))
ماهر : مرام فكي الباب .
جيهان : هيا دحين كيف نفتح الباب والنسخة معاها وحاطها على الباب .
إبراهيم : والله هذا رامي مرة مستفز .
بنان : بس برضوه مرام غلطانة .
عنان : أنا لو مكانها كان عملت زيها بس حقيقة أفنان نزلت من مستوها هيا و زوجها .
بيان : يلا انتوا الأتنين على السيارة بكرة وراكم مدارس يلا .
إبراهيم : خلاص يجوا معايا .
بيان : زوجي جاه مرة وحدة أخذهم , إبراهيم انتبه لنفسك .
إبراهيم : ما تخافي روحي ودي أخواتي وأطمني عليا أنا اليوم بايت هنا .
بيان : والجامعة ؟
إبراهيم : أشوف والله يمكن ما أروح .
جيهان : مرام لا تتعبيني فكي الباب !
إبراهيم : مرام وربي الي خلقني لو ما فتحتي الباب أفزره بقوة مراااام ((معصب ))
((تفتح الباب ))
مرام : نعم ايش تبغوا مني , كفاية لمن أدافع عن نفسي كلكم ضدي ((ترمي نفسها على السرير وتبكي ))
إبراهيم : يالله نقطة ضعفي أشوف وحدة تبكي قدامي .
مرام : فينك يا فارس , كان ضربت رامي زي ما ضربني .((تبكي ))
إبراهيم : يعني أنا ما دافعت عنك ؟
مرام : لو في فارس كان رد له الصاع صاعين , بس خلاص أنا بعد كده لا أروح عند أحد ولا يزورني أحد , أصير انعزالية زيما قلت في خواطرك .
ماهر : مرام جاه عبد العزيز .
عزوز: خير مرام ليش تبكي ؟
مرام : ((جريت عليه وحضنته ))
عزوز: خير إبراهيم ايش فيها .
إبراهيم : لا بس سوء تفاهم .
عزوز: أشوف مرام طالعيني ليش خدها محمر .
روتانا : رامي ضربها .
عزوز: ايش حيوان زيه يمد ايده عليها والله ثواني وتكون رقبته في يدي .
جيهان : عبد العزيز قول أعوذ بالله من الشيطان الرجيم وأهدئ وخذ أختك على بيتها وبعدين تفهمك القصة .
عزوز : مرام ما عمرها غلطت على أحد الا إذا غلط عليها .
مروج : وهو بدء غلط عليها وفتحت لسانها .
عزوز: كيف يعني فتحت لسانها ؟
مروج : يعني طولت لسانها عليه وقالت له كلامه نزل من قيمته قدام الضيوف .
عزوز: أنا عارف مرام , يلا حبيبتي خلينا نروح البيت .
مرام : ..........((تبكي ))
عزوز: مرام ما ترجعي البيت الا إذا مسحتي دموعكِ .
ماهر : هيا ترى ما ذاكرت عندي بكرة اختبار .
عزوز: يالله باي للكل .
الكل : باي .
((في بيت مرام ))
فهد : خير ايش فيها بدموعها مرام ؟
عزوز: خلاص بعدين , خليها تقعد ترتاح بعدين أفهم أنا منها القصة .
فهد : يالله تبي شي ؟
عزوز: على فين ؟
فهد : رايح عند خطيبتي أقعد معاها شوية بعدين أروح أشتري أثاث الشقة .
عزوز: لا تسلم بس سلم على سمورة .
فهد : ما أسمحلك خطيبتي ما تتعدى عليها , خذ أختك فوق شوف كيف شكلها مصفر .
عزوز: يا رب دوبها كان وجهها أبيض الطبيعي .
ماهر : والله رامي حيوان ضرب مرام كف خلاها تطيح في الأرض .
عزوز: الله يقلعه بس هو ايش قال .
ماهر : أنا ما أفهم في هذه الحاجات تفوق مرام وتقول لكِ ايش صار .
عزوز: مرام أيش صار ؟
مرام : الله يعافيكم أطلعوا برى أبى أنام وأرتاح ترى مو ناقصة هم ((تدفن نفسها جوت المخدة وتبكي ))
عزوز: هيا ماهر مرام مرة تعبانة .
ماهر : يلا ..

((مرام أخذتها نومة طويلة ما صحيت الا على آذان الفجر ))
مرام : أوف ما صار نوم , أي يا ظهري ..
((وقامت على الحمام أتوضأت وصلت , ولبست المريول عشان تروح , ونزلت تحت , وقعدت في الصالة ))
أبو مرام : أهلاً بميمو القمر تعالي يا بنتي ايش صار انبسطي أمس .
مرام : أيوا .
أبو مرام : تكذبي عليا .
مرام : كانت حفلة خفيفة وحلوة .
((ينزل عبد العزيز ))
عزوز: ميمو صحيت , أحسبك اليوم راح تغيبي .
مرام : اليوم عندي اختبار ما أقدر أفوته .
عزوز: ما مداكي تذاكري .
مرام : مشي حالك بس نشخمط على الورقة وخلاص .
أبو مرام : يا بنتي مهما حصل من ظروف حاولي ما ينزل مستواكِ , أنا حاس فيكي يا نتي بس ربي كاتب لنا هذا الشيء ولازم نؤمن .
مرام : طيب , شكراً على النصيحة يلا عبد العزيز .
عزوز: على فين ؟
مرام : توديني المدرسة .
عزوز: نعم تبغي صاحباتك يغازلوني لا يا عمري مو ناقص , هيا مرة وبعدها لا كمان لساعها الساعة 5:30 الفجر يعني راح تلاقي أبواب المدرسة مقفولة .
مرام : ((تغمز له وتطلع على الحديقة ))
عزوز: يلا خلاص انا بأوديكي .
أبو مرام : لسع يا ولدي الدنيا فجر .
عزوز: عبال ما نفطر في الطريق يكون جات الساعة7 .
أبو مرام : طيب ربي معاكم .
((لحق عبد العزيز مرام على الحديقة , وبعدين زهمها عشان تطلع في سيارته ))
مرام : نعم .
عزوز: دحين تقولي لي بالتفصيل ايش حصل أمس وخلا رامي يضربك كف .
مرام : والله الكلام الي قاله مرة كبير أخاف أقولك تعصب .
عزوز: الصباح للرايقين قولي ايش صار ؟
مرام : خالة جيهان عملت مسابقة أحلى خواطر وكل واحد جاب حقه الدفتر وكل واحد كتب وخلص , وبعدين حقي قرأته وكل واحد قرأ حقه , بعد ما خلص إبراهيم من خواطره جاه رامي قال , يا هو يا مرام ايش التوافق الجنسي الي بينك وبينه وبس رحت فضحته بعملته وبس قام ضربني .
عزوز: لو أتربى في بيته كان ما قال هذا الكلام وانت كمان لازم تفضحيه .
مرام : ومن أول قاعد يقول لإبراهيم حبيبتك مرام حبيبتك مرام .
عزوز: هو عشان فارس وصاه عليكي عشان كده الكل يحسب أنو في شيء بينكم لكن الشيء الي بينكم هو مجرد قرابة لا أكثر .
مرام : صح , يلا الساعة 6:30 وديني المدرسة .
عزوز: بعد ما أعزمكِ على هوت تشوكليت من بارنيز .
مرام : منجد انت أحسن أخو في الدنيا ياي من زمان على الهوت تشوكليت يس.
عزوز: دحين أحسن أخو , لكن في الظهر أخس أخو .
مرام : حرام عليك لدي الدرجة أنا أكون بغيضة في الظهر .
عزوز: والله تجي من المدرسة كأنه هم الدنيا علكي بس كلها كم شهر وتجي الاختبارات وتنجحي ونفتك من قومة الصباح .
مرام : يعني انتوا الي تودوني الله يخلي شاهر ما قصر ((شاهر سواقهم ))
عزوز: خلاص أسكتي نبى نطلب ونفتك .
((بعد ما شربوا الهوت تشوكليت وداها على المدرسة وهو راح على البيت يأخذ غفوة ويروح بعدها على الجامعة ))

((في الظهر الكل كان موجود ما عاد مرام كانت في غرفتها , زي كل مرة تفكر , ويرن التلفون ))
مرام : هذه أفنان ليش أتصلت , ما ندري نرد ؟
أفنان : الو ((صوتها مرة زعلان ))
مرام : ألو .
أفنان : كيفك ؟
مرام : طيبة كيفك انتِ ؟
أفنان : أحسن شيء , مرام فاضية اليوم ؟
مرام : أنا , أيوا ليش ؟
أفنان : بس أبى أجي عندك اليوم .
مرام : صاير شيء ؟
أفنان : لا بس أبى أقعد معاكي .
مرام : والله يا هلا اتفضلي .
أفنان : طيب المغرب أكون عندكِ .
مرام : إنشاء الله .
أفنان : باي .
مرام : باي .
مرام : شكله رامي طلقها , يا ويلك يا سواد ليلك يا مرام لو حصلهم شيء والله راح أروح فيها , نصبر المغرب ونشوف ايش صار .
((راحت نامت وما صحيت الا قريب المغرب , لبست واتضبطت وانتظرت أفنان ))
يرن الجرس ...
مرام : أهلين كيفك .
أفنان : حمد الله كيفك .
مرام : أتفضلي , مين جابك ؟
أفنان : مين غير رامي .
مرام : مو قال راح يطلقك .
أفنان : ما يقدر واقف في حلقنا ولد .
مرام: طيب أعصابك ما قلت شي رايحة اجيب لكِ عصير .
أفنان : لا عصير ولا غيره أجلسي .
مرام : الله واعلم خير .
أفنان : رامي يعتذر منك ويقول هو والله مو قصده طلعت من غير ما يعرف هو ايش قال , حتى هو دحين في السيارة قال لي خليها تكلمني .
مرام: كويس جات منه .
أفنان : لحظة اتصل عليه ...ألو رامي خذ مرام .
رامي: السلام عليكم .
مرام : وعليكم السلام ((من غير نفس ))
رامي : كيفك حالك ؟
مرام : لمن تشوفني ميتة قول كيف حالك ((أفنان تقرص مرام ))
رامي : فال الله ولا فالكِ , المهم زعلانة .
مرام : ايوا .
رامي : قلت لكِ والله آسف مرة مو قصدي بس مرة عصبت من كلامكِ .
مرام : أنا مو مسامحتك الا لمن تثبت ليا أنك كفرت عن غلطتك
أفنان : يا مرام زليتيي أبوه ((تصرخ ))
مرام: لا تدخلي عصك في شي ما يخصك .
رامي : طيب لو عزمتكِ انت و زوجتي أفنان على مطعم ولا في الأحلام راح تسامحيني .
مرام : متى ؟
رامي : الخميس .
مرام : لا ما أقدر ملكة مروج الخميس .
رامي : طيب الأربعاء .
مرام : ما أقدر أنا معزومة عندكم .
رامي : والعلة ؟
مرام : خلاص مسامحتك لكن لو عدتها ما راح تسلم من لساني .
رامي : يس أديني أفنان .
مرام : خذي زوجك .
أفنان : ايوا رامي .
رامي : تمشي دحين ولا أمر عليكي بعد صلاة العشاء .
أفنان : لا دحين طالعة لكِ .
رامي : أحسن برضوه حبيبتي يلا أستناكي باي .
أفنان : باي .
مرام : مو تقولي رايحة .
أفنان : ايوا والله .
مرام ايش هذا ما طولتي طيب أدخلي انتِ ورامي , وأنا أزهم أخواني يقعده معاه .
أفنان : معليش كان نفسي بس راح نروح نشوف الفيلا حقتنا .
مرام : مبروك راح تسكني في فيلا يا هو مين قدك .
أفنان : الله يبارك فيكي يالله نشوفك الأربعاء عند حماتي .
مرام : لا تجي تمري عليا صراحة مو مستعدة أقعد خايفة .
أفنان : خلاص أتفقنا يلا مع السلامة .
مرام : مع السلامة .

((وتمر الأيام يوم الأربعاء , ونعرفكم يا قراء تتحمسوا لأيام العزايم والمواقف الي فيها ))

((مرام لبست فستان بني حرير مرة يجنن بس علاقي وفتحة صدر والظهر مرة كله على الأخر وعلى نفس الوسط في شريطة ساتان لونها بيج , وعملت شعرها كيرلي وحطت ماكياج ذهبي , وإكسسوارات كمان ذهبي وصار شكلها مرة روعة , أفنان لبست فستان أحمر كمان علاقي والظهر كله مفتوح وقصير مرة وشعرها خلته بطبيعته وحطت ميك آب حق بنات متزوجين " طبعاً لازم تروح عند أهل زوجها بأحلى صورة "))

راحوا عند طنت روضة في قصرهم الكبير والفخم ..
أول ما دخلوا أهل العريس ما قصروا في الزغاريط ومرام صاير شكلها بطاطس مشوية من الخجل أو بالأحلى من الحياء , ومدح طنت روضة لمرام ..
جلسوا البنات في الصالون ..
ريهام : مرام كيفك ايش أخبارك فين قطعتي مرة وحدة .
مرام : حرام عليكي , عشان أسبوع صرت قاطعة .
ريهام : ههههههههه , نسيت أعرفكِ هذه بنت خالتي ندى متزوجة حديثاً .
مرام : هاي كيفك .
ندى : حمد الله كيفك انت .
ريهام : أعرفك يا ندى بنت عمة العروسة وهما مرة صاحبات دايماً مع بعض وتدرس لساعها زي في ثالث ثانوي .
ندى : شكلك أكبر ما شاء الله .
مرام : كلهم يقولوا كدا عشان فيا طول .
ندى ايوا كمان ملامحك ما شاء اله حلوة وملامح بنات ناضجين انتِ مو متزوجة أو مخطوبة

الجزء السادس والعشرون :-

مرام : لا مرة لا لدي الدرجة باين عليا متزوجة

ندى : لا أستغربت الجمال هذا كله ولا أتقدم لكِ أحد .
مرام : والله كتير بس أنا يعني كان في بالي واحد بس مات الله يرحمه وكرهت موضوع الزواج .
ندى : يالله والله أسفة ذكرتك بمواضيع محزنة .
ريهام : قالت لي أفنان على فارس والله مرة زعلت كمان .
((مرام وجهها صار مرة حزين ))
ريهام : شايفة ندى كانت دكتورة في علم النفس المكثف , لكنها غبية لمن أتزوجت شرط عليها زوجها ما تشتغل والغبية وافقت .
مرام : ليش حرام ؟
ندى : هذه تشرطات أزواج اليوم .
مرام : طيب ليش ما أتزوجتي غيره .
ريهام : عشان هذا كان حبيب الجامعة((وتدقها ))
ندى : خلاص ريهام لازم الفضايح .
ريهام : تعالوا نطلع فوق في غرفتي , أفنان تطلعي معانا .
أفنان : لا أبى أقعد شوية مع طنت روضة .
ريهام : براحتكِ , يا بنات يلا نطلع .
((وهما طالعين مرام كانت أخر وحدة مين الي يطلعوه الدرجة وهيا طالعة تلاقي عبد الله خارج من غرفته وابتسم لها وقام زهمها , بس ما ردت عليه وطلعت مع البنات ))

ريهام : ايش تبغوه نحط أغاني ترى كله عندي ؟
ندى : حطي محمد نور سهران ليالي .
ريهام : يلا كلنا أرقصوا , يلا مرام
مرام : لا ما أبغى أنكسف .
ندى : يلا قومي .
ريهام : ما شاء الله يوم ملكة أفنان أحلى رقص من بينهم انتِ .
مرام : لا تجاملي .
ريهام : و ربي كان رقصك حلو يلا ارقصي .
روتانا : يا هو وه وه وه ورى ورى .
ريهام : روتانا احنا مصري مش خليجي .
البنات : ههههههههههههههههههههههههههههههه

وبعدين جلسوا ..
ريهام : يا ريتك من نصيب أخوي ما شاء الله عليكي مرة حلوة ورقصك حلو وعيونك لونها حلو ولبسك حلو وملامحك وكل شي فيكي حلو ما شاء الله .
مرام : . ... انتِ الأحلى .((مستحية من أول جملة قالتاه ريهام ))
ريهام : تصدقي مرام أنا مرة ارتحت لكِ من يوم ما جيتي جمبي وكلمتيني مرة أرتحت نفسي كل شي أقولك هو .
مرام : يا حياتي انتِ والله أنا كمان نفس الشيء .
ريهام : يلا نهى وندى وروتانا وأمل ورغد وأميرة وفاتنة وفاتن على برى يلا نبى نتكلم أنا ومرام .
نهى : مين شاف أحبابه نسي أصحابه .
ريهام : يلا برى كلكم .
روتانا : هذا واحنا صاحبات تطرديني .
ريهام : يلا برى برى .
مرام : حرام عليكي .
ريهام : ياختي أحسن فكة منهم , أتخيلي لازم كل يوم تجي عندي وحدة والله زهقة .
مرام : لا تقولي عنهم كذا .
ريهام : المهم خليهم على جنب وندخل في الكلام , انتِ ما تحبي أو مرتبطة بشخص ؟
مرام : صراحة كنت مرتبطة بولد خالي وكنا راح نتزوج المفروض هذا الأسبوع بس ربي أخذ عمره قبل ما يخطبني .
ريهام : أوه عنجد سوري .
مرام : أتعودت على هذا الكلام عادي .
ريهام : أنا كمان أحب ولد خالي اسمه أحمد هو موجود بس لمن ننزل أوريكي هو ..مرة عسل وأموت فيه ويموت فيا .
مرام : كم عمره ؟
ريهام : 19 سنة .
مرام : زي فارس الله يرحمه .
ريهام : الله يرحمه بس مرة كيود يتحب بسرعة وخفيف ورومنسي كتير شايفة هذه العلب الحمرة ؟
مرام : ايوا .
ريهام : هو الي جاب لي هيا .
مرام : العافية الله يسعدكم ما خطبكِ .
ريهام : حجزني من بابا بس بابا بالحيل وافق .
مرام : ليش ما وافق .
ريهام : عشان هما من طبقة أقل من طبقتنا بس بابا يحب يبالغ في الأشياء .
مرام : يلا الله يهنيكم .
ريهام : ايش رأيك ننزل تحت .
مرام : يلا .

نروح لأفنان وخطيبها .....
رامي : ايش فيكي حياتي ليش زعلانة ؟
أفنان : حاسة نفسي دايخة .
رامي : أشوف موووووووه طيب كده ؟
أفنان : أحسن بكتير .
رامي : تبي وحدة تانية بس في شي تاني .
أفنان : هههههههههههههههه تبى أهلك يموتوني أسفة مو مستعدة .
رامي : وحدة قبل ما أحد يشوفنا .
أفنان : حبيبي ليش مستعجل كلها شهر وتشبع مني .
رامي : أنا أشبع مستحيل أشبع من حبيبتي فنونا . ((وقام حط يده على ظهرها ))
أفنان : أه .
رامي : خير حبيبتي ؟
أفنان : بس قرصتني نملة ((تعرف تكذب ))
رامي : نملة رامي صح .
أفنان : روميو .
رامي : يا هو على دلع اسمي روميو والله يجنن يا أفنان يا سلام , زوج فنونا روميو .
أفنان : ههههههههههههههههههههههههههههه يا خفة دمك .
رامي : هو مين الي يحرك خفة دمي مو انتِ .
أفنان : يييييييييي أيش جاب أخوك ؟
رامي : خذي غطرتي أتغطي بسرعة.
أفنان : دحين تبغاني بالله أتغطى بالغطرة حقتك .
رامي : مو أنا حبيبك وتاج رأسك .
أفنان : ما قلنا بس لو أدخل عند الحريم أحسن .
رامي : ((مسك يدها )) مافي تقعدي معايا أنا وبس .
أفنان : ههههههههههههههههههههههههههههه .
رامي : بسرعة غطي جاى .
غازي : انت قولي كيف تقعد عند النافورة أفترض طحت .
رامي : انت جاي عشان داه الموضوع .
غازي : لا بس عمي يبغاكِ .
رامي : أبو عبد الله .
غازي : ايوا أمشي .
رامي : غض بصرك لا تطل على حرمتي , عندك زوجتك والله على أخر عمرك تطالع البنات يلا روح هناك عشان تمر حبيبتي يلا .
غازي : أحترم فارق السن الي بيننا .
رامي : واحترم زوجتي الي قاعدة وغض بصرك يا أخ يلا روح جاي وراك .
غازي : رايح .
رامي : حبيبتي فنونا عمي يبغاني , راح توحشيني مووووت ((وحضنها ))
أفنان : وانت كمان بس لا تطول .
رامي : على أمرك , بس تعالي نسيتي شي .
أفنان : ايش ؟
رامي : أعطيني بوسة الله يوفقك أعطيني بوسة ....((أعطته ))وااااااااااااااااااااااو يس يس أخيراً أول بوسة من أفنان واو ياي واهو .
أفنان : ههههههههههههههههههههههههههههههه

((وراح رامي عند عمه ودخلت أفنان عند الحريم ))
ريهام : ايش سويتوا ؟
أفنان : ايش اللقافة هذه .
أماني : الي عامل غلط ليش ما يعترف يا ست أفنان أو يا حرم رامي .
أفنان : يوه زوجي ونعمل الي نبغاه , وترى في بنات صغار يا أماني .
أماني : ايوا صح نسيت .
((مرام أول ما نزلت عند الحريم شكلها أتغير وهيا دحين بالها لا مع أفنان ولا مع ريهام ))
أفنان : خير مسرحة ؟
ريهام : أنا مش بتعت الكلام داه أنا كنت طول عمري جامدة .
أماني : الي في قلبك يتهنى بيه .
ندى : يا غبية صححي الجملة , الي في بالك يتهنى بيه .
((قربت جنب مرام ))
أفنان : يا هوى مرام , الله أكبر مين الي خلاكي تسرحي كده مراااااااااااام .
مرام : نعم ناديتيني ؟
ريهام : اعترفي بتفكري في مين ؟
مرام : لا بس في موضوع شاغلني .
ندى : طيب موضوع شخصي ولا كيف ؟
مرام : والله ما أدري .
أفنان : لحظة بنات , مرام قومي معايا .
مرام : على فين ؟
أفنان : قومي وبفم ساكت .
ريهام : واو نفسي أعرف مين الي خلاها تسرح شكل جنوني .
ندى : لازم اللقافة ما تبطلي , تهاني أديه أختك كف خليها تبطل طبعها .
تهاني : ولي عليكي من بنت شو هاي الحركات يا ريهام متى بالله بتعقلي ((تتكلم باللبناني ))
ريهام : ما بعرف أختي .
تهاني : هلا بناتي كلون أصغر منك ومتعلمين انون ما يتدخلوا بأشياء البيبول أوكي .
ندى : هههههههههههههههه لخبطت لبناني على انجليزي على سعودي
ريهام : أوكي ما بتشيلي هم راح أكون مثل بنتك بالضبط .
تهاني : ايه هيدي الحكي الي بدنا ياه .

نروح لأفنان ومرام ...
مرام : خير ليش خرجنا برى ؟
فنان : أنا بعرف من عيونكِ ذا كان في أحد في بالك .
مرام : كيف يعني ؟
أفنان : يعني موقف حبيتي واحد من الي في البيت .
مرام : حرام عليكي لا والله , خلينا نرجع .
أفنان : يلا .
((راحوا رجعوا ))
روضة : فين كنتي يا أفنان انتِ ومرام يلا تعالوا شوفوا صور الملكة .
ندى : أحلى وحدة من هذه الصورة مرام .
روضة : طول عمرها مرام حلوة .
أفنان : وأنا فين رحت ؟
روضة : أفنان عارفة معزتك عندي قد ايش .
ريهام : هذه الصورة تجنن مرة حلوة ومرة جريئة ((الصورة هيا رامي قاعد يبوس أفنان وشكلهم كان مرة قريب من الصورة ))
مرام : معليش يا خالة تعطيني صورة ؟
((ودخل عبد الله والله لا يوريكم على شكل مرام كيف صار ))
روضة : أنا في صورة لكِ مرة حلوة قلت للكل هذه لو جات مرام راح أعطيها هيا .
راضي ((أبوهم)) : كيفك يا بنتي أفنان ؟
أفنان : حمد الله كيفك يا عمي .
راضي : حمد الله مين القمر هذه تعالي يا بنتي ؟
مرام : أنا أسمي مرام كيفك عمو .
راضي : والله يا روضة أقارب كنتك بجمالها وحلاوتها . ((عبد الله كان يطالع مرام ))
روضة : مش موجودة الصورة فين راحت ؟
تهاني : ماما انتِ متأكدة أنو كنتي حاطها هون .
روضة : أنا بنفسي حطيت فاصل عليها أمس .
ريهام : الله واعلم مين أخذها ((وتطالع لعبد الله ))
عبد الله : نعم خير تطالعي فيا .
ريهام : جيب الصورة .

بنوته جنآن · 12-01-2008, 04:48 PM

عبد الله : ((مرتبك )) صورة ايش أنا ما أدري عنها أول شي انتِ قاعدة تقصدي أي صورة .
ريهام : بنفسي أمس شوفتك مطلع الألبوم وتتفرج عليه .
عبد الله : كذابة , مامي خليها تسكت .
روضة : ريهام يعني ايش يبغى بالصورة يا غبية .
ريهام : يمكن أعجب بوحدها منهم ((تتكلم بمكر وتطالع مرام))
((يدخل رامي ))
رامي : حبيبتي أتأخرت عليكي
أفنان : لا تكلمني .
تهاني : ولاك رامي هاي الحركات ما حدى يعملها قدام الضيوف هاي الحركات بتعملها بينك وبين مرتك بتفهم عليا كيف .((عصبت ))
رامي : ليكي تهاني ما فهمت شو قولتي بليز تعيدي حكيك .
تهاني : بليز مما ((تقول ماما بالفرنسي )) قولي لولدك بيحترم حاله على الأقل يحترم السن الي بياناتنا .
روضة : أول عبد الله و ريهام دحين الكبار رامي وتهاني أوف منكم .
راضي : يا بنتي اسمك مرام صح ((عبد الله أول ما يجيبوه سيرة مرام يطالعها من فوق لتحت ))
مرام : ايوا عمو ((نعومة ))
راضي : كم عمركِ يا بنتي ؟
مرام : عمري 19 سنة .
راضي : العمر كله إنشاء الله .
مرام : ((مستحية ))تسلم عمو .
عبد الله : انتِ ثالث ثانوي ؟
مرام : ((مووت مستحية وحاطة راسها بالأرض )) ايوا .
عبد الله : ايش قسمك ؟
مرام : علمي .
عبد الله :ما شاء الله ايش طموحك ؟
مرام : دكتورة .
عبد الله : حلو مرة حلو .
رامي : عبودي ؟
عبد الله : هلا !
رامي : روح غرفتك بالأدب .
عبد الله : ليش ؟
رامي : زودتها روح الكباين أي مكان بس لا تقعد في البيت فاهم ((معصب ))
روضة : ليه ايش عمل ؟
رامي : هو فاهم .

((جات الساعة وحدة والكل راح حتى ريهام طلعت تلبس , وما بقي الا مرام جاها النوم , وأفنان ما تمل من رامي ))
((مرام قاعدة مع راضي و روضة ))
راضي : ايوا يا روضة سجلتي حلقة الأمسية الشعرية للأمير سعود بن عبد الله .
روضة : ايوا دحين أحط لكِ هيا .
راضي : مرام تحبي الشعر ؟
مرام : كل شي يختص بالروح أحبه .
راضي : يا عيني عليكي .

((وقعدوا يتفرجوا وجاه المقطع الي في قصيدة نسيت أسمك ...
أسف نسيت أسمك ...صرت أقول يا حبيبي ويا حياتي ويا عمري وعيوني وأحلى سنيني ))
مرام ذابت على هذا المقطع وما تدري عن نفسها ونامت ..
روضة : مرام حبيبتي قومي ؟
مرام : أوه أسفة مو قصدي أنام .
روضة : تعالي نامي .
مرام : فين ؟
روضة : تبي تنامي في الغرف الي فوق ولا الي تحت .
مرام : الي تحت أحسن ما فيا أطلع فوق لا بسة كعب .
روضة : أجل تعالي نامي في غرفة عبد الله .
مرام : لا بلاشي خلاص .
روضة : هو مو موجود تعالي بلا خجل .
مرام : ((يا ربي لازم في غرفته أوف أنا غبية مين قال لي أطلب أنام أوف من حظي ))
((أول ما فتحت غرفة عبد الله , فرصعت مرام في عيونها , كان لون الغرفة كله أصفر فاقع مرة فاقع لدرجة يفقع العين ))
روضة : يلا بنتي نامي في سريره .
مرام : طيب خلاص خالة أنا أنام دحين , مع أنو أفنان لو قلت لها أنا نعسانة راح تقعد الصبح كله عند رامي .
روضة : هههههههههههههههه معاكي حق يا بنتي أطفي النور ولا أخليه .
مرام : لا خليه شكراً .
((راحت مرام أتغطت باللحاف حق عبد الله وكانت مرة خجلانة , لأنها حست روحوا موجودة , فغطت نفسها زي الناس وغوت غفوة ولا الثواني تمر ))
فجأة سمعت صوت الباب يتفتح بشويش , خافت مرة بس (( يا ربي مين هذا أكيد عبد الله يا ربي ))وفجأة حست صوت خشخشة بتمشي بعدين حست أنو في أحد جلس في السرير الي هيا نايمة ((الرعب يأكلها ))بعدين حست أنو أحد يمسك صدرها ويلمسها ويحسس عليها ((مرام لا هذا مرة وسخ )) واستسلمت وفتحت عيونها .
مرام : أااااااااااااااااااااااااااااااااااااااااااااااااا اااااااااااااااااااااااااااااااااااااااه ((الكل سمعها وجري على الغرفة ))
روضة : خير مرام ...ولد عبد الله ايش عملت لها يا حيوان
((مرام على السرير تبكي بكا يطلع القلب والغبي عبد الله قاعد يضحك ))
ريهام : أكيد عبد الله عملتلها شي ايش عملت؟؟؟
عبد الله : ههههههههههههههههههههههههههههههه .
أفنان : مرام ايش عملكِ ؟
مرام ((وهيا تبكي )): الحيوان حط بسة سودة في حضني ((حط على صدرها قطوة سودة ))
روضة : الله لا يبارك فيك غبي بنت الناس تعمل فيها كذا .
عبد الله : ههههههههه والله أمزح .
مرام : بالله ريهام هاتي عبايتي أنا دقيقة وحدة ما راح أجلس .((تتكلم وتبكي ))
راضي : بس تحب تمزح مع الناس وتكرههم فينا .
أفنان : مرام بس نقعد شوية .
مرام : أنا رايحة البيت والله مو جاية هذا البيت تاني .
أماني : ترى مرة صاير وقح يا عبد الله .
عبد الله : والله أمزح .
مرام : شكراً ريهام يلا باي .
أفنان : مرام لحظة ..
رامي : روحي معاها عادي ما فيها شيء .

((في السيارة ))
مرام : أخس مخلوق في هذه الدنيا البسس يععع اليوم راح تجيني عدوى .
أفنان : مرام طيش شباب .
مرام : ما لقى غيري , والله لمن فحت عيوني لقيتها داخلة فيا شوية راح تدخل في فستاني .
أفنان : والله أخاف يكون هو في البداية عملها بعدين حط البسة .
مرام : يعع دحين يجيني مرض ذكوري , اليوم راح أستحمى بالكلوريكس .

((أفنان طلعت عند مرام عشان هيا راح تبات عندها ))

مرام راحت أستحمت 10 مرات , وبعدين لبست قميص نوم .
أفنان : ايش هذه القميص شكلك زي وحدة في ليلة دخلتها .
مرام : أحترمي نفسك ترى أقرف .
أفنان : اليوم قال لي رامي موضوع عنكِ مرة حلو .
مرام : خير كمان عني قولي .
أفنان : يقول ..هو عبد الله صحيح حق بنات ويغازل ويحب لكن الي جذب أهله أنو مافي وحدة مرة أسرت قلبه وخلته يفكر فيها , لكن يقول مرة دخل لقاه مسرح على الأخير مرة , وسأله في بنت في بالك ما رد عليه , بس بعدين رامي زهم أمه ((هما عادي عندهم الحب )) وسألته قالت له تبى تتزوج قال لها ياريت قامت جابت الألبوم و ورته صورتكِ وقال هذي أبغاها .
مرام : أحلفي !!!!!!!!!
أفنان : والله , بس الي صار اليوم قال لي رامي انو عبد الله لمن يحب أحد يأذيه , بعدين قال لي زيما أذيتك , و وصلنا البيت .
مرام : والله مو مستوعبة تصدقي .
أفنان : يا عيني طيب ليش أول سرحتي لمن ناديتك .
مرام : عشان واحنا طالعين مع البنات أنا كنت أخر وحدة طالعة بس بعدين شافني و زهمني بس ما رديت .
أفنان : شوفتي أول دليل .
مرام : عارفة ما يهون عليا دوبوا مات فارس أجي أنا أحب واحد وانبسط وأنساه .
أفنان : لا يا مرام في و وصية فارس كتب يا مرام دوري على واحد غيري بس إذا حبك خليه يتزوجك عشان ما تتعذبي صح .
مرام : صح .
أفنان : والله اليوم مرة يجنن .
مرام : ايوا ايش عملكِ رامي باسك حضنك شي تاني .
أفنان : ((رمتها بالمخدة )) حيوانة هو الي باقي تتلقفي , بس باسني وحضني لكن الأشياء الي في بالكِ شيليها .
مرام : ههههههههه تصبحي على خير
أفنان : وانتِ من أهله
((أفنان نامت لكن مرام ما نامت من الكلام الي قالته أفنان عن عبد الله حتى نامت في النهاية ))

اليوم التاني ..راحت أفنان بيتها ومرام ما زالت نايمة .
عزوز: ((نط عليها )) مرااااااااام يلا قومي الساعة 7 المغرب.
مرام : عبودي سيبني نايمة ((من أول يوم بدت أحلام مرام ))
عزوز: مين عبودي هذا هاي مرام قومي أنا عزوز مو عبودي مراااااام .
مرام : عمى طيب خلاص أوف وقت الأحلام الحلوة تخبصوها أبعد خليني أقوم .
عزوز: مافي قولي مين عبودي ؟
مرام : أنا قلت عبودي ؟؟؟؟
عزوز: ايوا قلتي بعظمة لسانك .
مرام : ما أدري يمكن حلم .
عزوز: حلم ولا حقيقة ترى أعرف مصايبك .
مرام : قوم كتمت بطني .
عزوز: لحظة عبودي دلع لعبد الله ولعبد العزيز وعبد الإله ومين كمان ....
مرام : قوم بطني .
عزوز: وكمان عفريت , ايش عفريت من فين طلع هذا الاسم ؟
مرام : عبال ما تفكر قيدني نمت قوم عني أوف .
عزوز: طيب قومت حرام يعني أمزح معاكي كمان , غبية انتِ والقميص هذا حقك .
مرام : ما أحد طلب رأيك أوف .
عزوز : ما راح تروحي ملكة مروج ؟
مرام : يوووووووووووه نسيت متى أروح الكوفيرة ومتى أكوي الفستان ومتى أستحمى يا الله كيف نسيت وأفنان حضرتها ولا قالت لي طيب .
((وراحت استحمت ولبست وراحت على الكوفيرة ومن الكوفيرة على محلات الذهب عشان تأخذ لها طقم ذهب ورجعت على البيت ))
أبو مرام : ليش عاملة شعرك كده فين رايحة ؟
مرام : اليوم ملكة مروج .
أم مرام : أنا مو رايحة .
مرام : ماما أنتي لا أمس جيتي معايا ولا يوم ملكة أفنان جيتي ليش يا ماما .
أبو مرام : ما تبى تسيب زوجها حبيبها .
أم مرام :تسلم حبيبي .
مرام : هييي أنا موجودة ما رحت .
أبو مرام : عارف امشي روحي البسي عشان تروحي ملكتها يلا .
مرام : يا رب طيب .

((وراحت لبست فستان لونه وردي مرة فاتح حرير مرة بسيط وحلو عريان والظهر مفتوح وموديله زي نجمات هوليود بالتمام وتسريحتها عملتها شوية كبيرة وحطت ميك آب خفيف وحلو ))
عزوز: ايش هذا اللبس ؟
مرام : خير مو حلو .
عزوز: حلو بس لبس زي هذا تلبسيه في بيت زوجك مو في الأفراح .
مرام : يا خي روح يلا الهيئة قدامي عشان قاعد تتفلسف .
عزوز: مافي روحة لمن تلبسي عليه شي .
مرام : يوه أنا أنزل عند ماما وأكلمها .
((ونزلت ))
أبو مرام : يا هو ايش الجمال هذا .
أم مرام : خير قاعدين تصارخوا انتي وعبد العزيز ؟
مرام : ماما يقول لي ما تروحي الا إذا لبست شي تحته .
أبو مرام : طيب يا عزوز ليش تخليها تلبس شي تحته كل البنات كده في سنها وفي ناس أخس من كده كمان هذه أختك لازم تحبها وتحطها في عينك .
((قام عبد العزيز استحى من كلام أبوه وجا عند مرام سلم على خدها وحضنها وأتأسف منها
و وداها الملكة , ملكة مروج كانت في قاعة الف ليلة وليلة ))
في القاعة :..

أم مروج : يا هلا بالحلى والغلا كله كيفك ؟
مرام : أنا كويسة حمد الله كيف العروسة ؟
أم مروج : مستحية .
مرام : هههههههههههههههه .
أم مروج : عقبالكِ يا بنتي .
مرام : تسلمي , جوا أحد من أهلي ؟
أم مروج : أول طاولة على اليمين .
مرام : ايوا , شفتهم يلا عن إذنك .

مرام : مساء الخير .
حنان : يا هلا يا واد ايش الجمال الي نزل عليكي .
هديل : مرام طول عمرها حلوة لا تتفلسفي يا حنان .
مرام : ربي منزل عليا الجمال من بطن ماما وهذا نعمة أفتخر فيها .
منال : بدء الغرور .
جيهان : مرام كيفك ((حضنتها ))
مرام : حمد الله انتِ كيفك ؟
جيهان : حالي من حالك .
مرام : كيف فـ...............((زلت لسان مش على البال ))
جيهان : كيف مين ؟
مرام : لا بس زل لساني .
منال : مرام تعالي جمبي ابى أكلمكِ .
خيرية : يا بنت فكيها ترى خنقتي شكلها .
منال : يوه بنت أختي حرام أحضنها أوف .
((وتجي اخت مروج ويد ))
ويد : هاي مرام تعالي ارقصي معانا.
مرام : لا بالله مافيا .
ويد : تعالي بليز يلا تعالي نرقص على أغنية راشد الا لا تحرموني منه .
هديل : روحي عشان نسمع خبر الخطوبة .
مرام : مو لدي الدرجة .
ويد : يلا تعالي .
((وقعدت ترقص الين ما تعب وسطها من الرقص ))
منال : يلا مرام أجلسي راح يعملوا الزفة هيا .
((في البداية كانت حطو أغنية تايتنك بعدين حطو زفة مروج ومحمد وكانت شكل مروج هذاك اليوم مرة حلو وما خطر على بال أحد انو راح تكون بهذا الجمال , كانت لون فستانها فيروزي على كحلي مرة حلو فيله حبل واحد من اليد والتانية ما فيها وعشان شعرها قصير ركبوا لها توصيلة شعر الين ركبتها بس مبالغ في الشعر وصبغته بني شوكولا مرة حلو والميك آب لونه فيروز بس مرة طلعت لها طلعة ))

هديل : الله يسعدهم ترى محمد مرة يليق لمروج .
مرام : أيوا , عارفة كيف عرفها .
هديل : كيف ؟؟؟؟
مرام : يقول لمحها في عزا فارس الله يرحمه ومرة عجبته .
هديل : ايوا هيا ثاني يوم في العزا كان شكلها حلو .
مرام : ايوا والله شوفيه محمد نزل .
منال : زوجها مرة حلو .
مرام : حاسبي على كلامك ترى والله تفقعك مروج .
منال : أول شي يا غبية قصدي انو ملامحه حلوة وكمان أنا أكبر منه بعشر سنين تقولي ليا حاسبي على كلامك والله عشتوا .
((وقامت مروج ومحمد رقصوا سلو الكل انهبل عليهم وعلى جمالهم))

الجزء السادس والعشرون :-

((الساعة 4 الليل رجعت مرام وأهلها على البيت ))

مرام : أوف ايش هذا التعب .
أم مرام : كيف الملكة .
مرام : مرة حلوة , ماما حزري كم مهر مروج ؟
أم مرام : 40 ألف .
مرام: ماما انتِ مرة طيبة إذا أفنان مهرها 450 الف تبغي مروج كم مهرها .
أم مرام : ما شاء الله مهر أفنان 450 الف ؟
مرام : ماما هذوله عيلة منجد لو تشوفي القصر حقهم يا ماما كيف يجنن.
أم مرام : يلا قولي كم مهر مروج ؟
مرام : 180 الف .
أم مرام : ما شاء الله اللهم زد وبارك .
مرام : شايفة ماما أتقدموا لهم ناس أغنياء وأنا كمان أبى أتزوج مو ذنبي تدوري لي على و احد غني .
أم مرام : يا بنتي الدنيا قسمة ونصيب .
مرام : يوووووه دحين أفنان ومروج يتزوجوا وما يصير عندي أحد أكلمه .
أم مرام : ايوا ترى اليوم الساعة 2 بالليل اتصلت عليكي وحدة إسمها ريهام .
مرام : بالله طيب عن إذنك .
((راحت مرام على غرفتها تغير بعدين أخذت تلفون البيت لغرفتها وسكت الباب بالمفتاح واتصلت على بيت ريهام ))
مرام : الو .
عبد الله : الو مين معايا .
مرام : موجودة ريهام ؟
عبد الله : هذا وقت تتصلي فيه , أنا أعرف البنات الي ناويين على شي يتصلوا خير تبي منها شي .
مرام : بس قول لها مرام اتصلت .
عبد الله : لحظة لا تقفلي انتِ مرام الي أمس كنتي عندنا .
مرام : ايوا يلا باي .
عبد الله : لحظة بليز لحظة .
مرام : نعم .
عبد الله : عندكِ أيميل .
مرام : أيوا .
عبد الله : طيب تديني هو ؟
مرام : ليش ؟
عبد الله : عشان نتكلم على الماسنجر .
مرام : لا ما أبغى أكلمك .
عبد الله : على فكرة أنا أخذت صورتكِ.
مرام : يا رب من هذا الولد أقولك أديني ريهام تقول لي أخذت صورتكِ إف .
عبد الله : طيب , ليش معصبة .
مرام : يعني نسيت ايش عملت .
عبد الله : لا ما نسيت هههههههههههههههه .
مرام : هو سؤال موجودة ريهام .
عبد الله : سيبيكي من ريهام دحين زعلتي من أمس .
مرام : انت ما تفهم أقولك أديني ريهام لا تخليني أنفجر في التلفون .
عبد الله : طيب ريهام نايمة .
مرام : طيب قول لها مرام اتصلت باي .
عبد الله : لحظة مرام لا تتعبيني مرام , أوف قفلت يعني ما قالت لها أفنان عن طبعي أوف حتى أيميلها ما أدتني هو قلق , لكن طيب يا مرام يا أنا يأنتِ .

عند مرام ....
مرام : الحمد الله فيله غباء مو طبيعي , لحظة ليش ما أتصل عليه وأقول له انت ايش تبغى مني , لا مو حلوة طيب اتصل وأقول مساء الخير عبد الله أنا مرام لا لا مو مضبوط يا ربي أديله أميلي أحسن .
((اتصلت ))
مرام : الو .
عبد الله : هلا أخيراً فهمتيني .
مرام : أسمع خذ ايميلي .
عبد الله : والله أحبك .
مرام : نعم لو سمحت لا تغازل .
عبد الله : آسف طيب أعطيني أيميلكِ .
مرام :....................
عبد الله : طيب مرة شكراً , ما تقدري تشبكي دحين .
مرام : مافي مشكلة بس ايش إسم أيميلك .
عبد الله :............................
مرام : واضح إنك بطل .
عبد الله : لا بالله لا تجاملي .
مرام : لا منجدي .
عبد الله: يلا راح أرخي السماعة وأشبك حتى انتِ أستناكي أوكي .
مرام : طيب مافي مشكلة .
عبد الله : أنا أول ما شفتك صراحة مرة أعجبت فيكي .
مرام : صراحة حتى أنا .
عبد الله : لاحظت يوم ملكة أفنان عيونك ما شالت عن عيوني .
مرام: بالله كنت تطالعني .
عبد الله : ما لاحظتي ؟
مرام : يلا نأجل هذا الكلام على الماسنجر .
عبد الله : لا تقولي باي عشان ما راح نقفل أوكي .
مرام : أوكي .

((وشبكوا الأثنين ))

ميمو : هاي عبودي
عبودي : واووووووووووو
ميمو : خير ايش في ؟
عبودي : أخيراً كلمتيني مرام أنا مرة فرحان لدرجة راح أنفجر .
ميمو : بسم الله عليكِ
عبودي : والله يا مرا تخافي عليا ؟؟؟؟؟
ميمو : لا عادي .
عبودي : أبى أسألك سؤال .
ميمو : أسأل ؟
عبودي : مين هيا مرام؟؟؟؟
ميمو : بنت عمرها 18 سنة كانت تحب ولد خالها وكان يحبها وكانوا راح يتزوجوا لكن النصيب كتب له يموت قبل ثلاثة أسابيع وها أنا قدامك مرام ما تعرف أحد ولا هي حابة تتعرف على أحد .
عبودي : صدقيني والله زعلان عليكي , أسف ضيقت خلقكِ .
ميمو : لا عادي طيب مين عبد الله ؟
عبودي : مراهق عمره 21سنة يحب يغازل البنات لكن دحين تاب وألتزم ودحين في باله وحدة يبغى يتزوجها .
ميمو: مين سعيدة الحظ الي راح تتزوجك ؟
عبودي : .
مرام : كيف يعني .
عبودي : السمايل يأشر يده على مين .
((أنتهى الحديث بينهم , حتى من غير ما تسجل مرام الخروج , وراحت نامت بعد يوم مرة طويل ))

اليوم التاني في العصر ...
معتز :أنا نفسي أعرف مين هذوله البنات الي كل يوم طالع لهم أسماء جديدة .
مرام : خير نعم داخل الغرفة تتفلسف ؟
معتز : في وحدة إسمها ريهام على التليفون تبغاكي .
مرام : كذاب ((ونزلت بسرعة البرق ))
معتز : هذا كله عشان ريهام , الله أكبر .

((نزلت ))
مرام : الو هلا ؟
ريهام : يا هلا وغلا كيفك عاش من سمع صوتك .
مرام : تسلمي حبيبتي , كيفك ايش أخبارك ؟
ريهام : حمد الله انتِ قوليلي كيف ملكة مروج ؟
مرام : والله مرة روعة لو عملنا الكروت متأخر كان والله عزمناكم .
ريهام : تسلمي والله , على فكرة انت أمس اتصلتي .
مرام : ايوا ليش ؟
ريهام : لا قال لي عبد الله أنو قال لك كلام صح .
مرام : لا ما سوى شي بس قاعد يعاند فيا ويتأسف مني على الي سواه .
ريهام: انتِ أخذتي أيميله .
مرام : هو طلبه حقي قمت أعطيته .
ريهام : هو عمل حفظ للصفحة الي تكلمتوا فيها .
مرام : قرأتيها ؟؟؟؟؟
ريهام : كلها .
مرام : ....................
ريهام : ايش فيكي ساكتة .
مرام : ريهام والله هو الي أجبرني أقول هذا الكلام .
ريهام : ليش خايفة ما راح أعمل شي بس يعني صراحة ليا الشرف تكوني زوجة أخوي وهذا الكلام من قلبي .
مرام : .............................
ريهام : فين رحتي مرام .
مرام: نعم .
ريهام : ترى عبد الله جمبي هو الي قال لي اتصلي .
مرام : ههههههه غبي . ((مرام ما تدري أنو ريهام فاتحة السبيكر ))
عبد الله : أنا غبي يا مرام .
مرام : ريهام يا حيوانة .
ريهام : ههههههههههههههههههههههههههههههه .
مرام : والله طيب زعلانة منك .
ريهام :أمزح يا مرام والله أمزح , انتِ ما تعرفي طبعنا احنا لمن نحب أحد نأذيه بالمزح ولا بالحقد والعتاب .
مرام : أوكي أنا مو زعلانة بس اليوم كلميني على الماسنجر .
ريهام : طيب عندك ايميلي .
مرام : لا .
ريهام : طيب أكلمك من أيميل عبد الله
مرام : لا الله يخليكي ايش دراني أنو انتِ الي تكلميني .

ريهام : أوكي , طيب مرام تقدري تجي عندنا الأسبوع الجاي مع كل أهلك ترى ماما دوبها قالت لي أقولكِ .
مرام : ايش المناسبة ؟
ريهام : زي كل مرة , بس حفلة غذاء وعشاء قولي لأمك تجي أوكي .
مرام : مين هذا الي قاعد يكلمكِ .
ريهام : مين غيره عبد الله .
مرام : ايش يقول ؟
ريهام : يقول خلي مرام تجي لازم يشوفها .
مرام : أوكي .
ريهام : يلا الخميس الجاي أوكي .
مرام : أوكي .
ريهام : يلا باي .
مرام : باي .

((وراحت مرام على المعيشة ))
مرام : مامااااااااااااااااااااااا .
أم مرام : أوف نعم صجيتي إذني خير
مرام : ماما يوم الخميس معزومين .
أم مرام : فين ؟
مرام : عند طنت روضة حماة أفنان .
أم مرام : طيب والاختبارات كيف ؟
مرام : مشي حالك .
أم مرام : والله السنة لو جبتي نسبة زي وجهك راح أوريكي نجوم الظهر .
مرام : طيب .
أم مرام : يلا قومي البسي رايحين عند جدة خيرية .
مرام : طيب
ــــــ راحت مرام وأهلها عند جدة خيرية ـــــــ
((مرام وهيا طالعة دارت رأسها على بيت جيهان ولقت شبشب فارس "الله يرحمه " فأتقلب وجهها ))
منال : هلا كيفك ((وطالعت في لبس مرام , لأنها لابسة اللبس الي جاب لها هو فارس ))
مرام : كويسة .
رحاب : مرام وحشتيني كيفك ؟
مرام : حمد الله خالو كيفك .
رحاب : حمد الله .
((وجلسوا في الصالة والكل أستغرب من مرام ضعف جسمها بزيادة وطلعت لها هالات تحت عيونها , فجأة رحاب طالع مرام لقاها حزنانة والدموع في عيونها , ولمن رفعت عينها لقتوا يطالع فيها وجريت على غرفة الصالون التاني وقعدت تبكي بحرقة , ولحق وراها رحاب ))
رحاب : مرام خير ايش فيكي تبكي.
مرام : فارس , مات يا خالي فارس مات ((تبكي ))
رحاب :يا رب ليش أتذكرتيه دحين .
مرام : شفت شبشبه عند الحديقة .
رحاب : خلاص مرام ربي رحمه لو كان حي صدقيني كان أتعذب .
مرام : مافي جيبو لي فارس .
رحاب : فارس مات يا مرام مات .
مرام : ما أصدق .
رحاب : تعالي معايا بيته ؟
((وراحوا فيلا جيهان ))
جيهان : يا هلا ايش فيها مرام .
رحاب : معليش نبى غرفة فارس شوية .
جيهان : طيب أتفضلوا .

((ودخلوا غرفة فارس ))
رحاب : يلا مرام أقعدي ساعتين فكري فيه يلا ((معصب ))
مرام: فارس يا فارس أحلامي فينك ((تبكي ))
رحاب : خذيه ملابسه احضنيها بوسيها كله , يلا أبكي مرام أبكي أبكي يلا ((مرة معصب ))
مرام : يا ريت أنا مت مش انت يا فاااااااااااااااااااااااارس .
رحاب : كمان طلعي الي في قلبك يلا .
مرام : أحبك وأموت فيك وأكره الي جاب لك الموت .
رحاب : الله الي كتب له الموت لا تدعي على ربك يا مجنونة .
مرام : والله مسامحتك كل شي عملته والله مسامحتك , فينك يا ريتك ترجع أيامي وتنسيني همومي يا حبيبي , أرجع لي يا فارس الله يخليك ..((وطاحت على السرير ))
رحاب : مرام ,يا مرام قومي .
مرام : جيب لي فارس .
رحاب : تعالي معايا راح نخرج .
((وخرجوا وراحوا على البحر ))
رحاب : تعالي نجلس هنا ((فرد سجادة وجلسوا على البحر ))
مرام : .........................
رحاب : كيف نفسيتك ؟
مرام : أحسن من أول .
رحاب : مرام شوفي , لو تشقي البحر هذا وتوصلي لمصر ومن مصر على ايطاليا ومن ايطاليا على ايرلندا ومن ايرلندا على ايسلند ومن ايسلند على كندا ومن كندا على جزر الملكة إليزابيث ومن الجزر الملكة إليزابيث على ألاسكا و رجعتي صدقيني ما راح ترجع روح فارس .
مرام : عارفة , بس ما شاء الله كيف عارف أنو بعد مصر أو ايطاليا هذه المدن ؟
رحاب : أنا محلل جغرافي كيف ما تبغيني أعرف ايش بعد هذا البحر .
مرام : ما شاء الله .
رحاب : انتِ عارفة في كل مرة خطبت فيها وحدة وكملنا مع بعض وانقطعت علاقتنا بأسافر كل هذه المدن .
مرام :ليش يا خالي .
رحاب : بتعذب , تعرفيها هند ؟
مرام : ايوا .
رحاب : عارفة ليش طلقتها ؟
مرام : لا
رحاب : شوفي ايش تقول , تقول روح أعمل حمام مغربي وأستخدم كريمات تبييض , تقول ما آقدر أعيش مع واحد أسمر وأجيب عيال سمُر زيك , وقلت لها طيب مو مهم لون بشرتي طالعي في صفاتي .((على فكرة رحاب مو لونه أسود أسمر بس السمار الفاتح بس صراحة أنا سماره يعجبني ))
مرام : بالعكس يا خالي انت مو أسود عشان تقول كده , والسمار قمار .
رحاب : وخطيبتي فريال تعرفيها ؟
مرام : ايوا.
رحاب : كانت تحبني وكله بس أنا لمن كشفت حقيقتها طلقتها.
مرام : ايش حقيقتها ؟
رحاب : بنت مو كويسة وأفهمي الباقي .
مرام : إنشاء الله تلاقي بنت الحلال الي تعرف قيمتكِ .
رحاب : الله يسمع منكِ .
((وفجأة يجي واحد بياع ورد مصري ))
البياع : الورد الجميل للعرسان , الورد الجميل للعرسان
رحاب : روح لا أموتك قال عرسان قال هذه بنت أختي .
مرام : هههههههههههههههه .
رحاب : عجبتك ما .
مرام : ما ههههههههه .
رحاب : بالله شكلي أنا شباب ؟
مرام : ايوا .
رحاب : واحد باقي له 5 شهور ويدخل الثلاثين بالله شباب .
مرام : هههههههههههههههه .
((ويجي واحد من أصحاب رحاب ))
صاحبه : هلا برحاب أشوف لقيت new love
رحاب : لحظة مرام دحين أجي . ((وراح بعيد مع صاحبوا ))
صاحبه : ايش الجمال هذا عرفت تختار ؟
رحاب : يا غبي هذه مرام الي حكيت عنها وعن فارس .
صاحبه : كذاب يالله ما تستحق الجمال هذا كله وتتعذب ويموت حبيبها حرام والله الدموع في عيني , حتى شوف كيف ضامة رجلها كأنه واحد تضمه لا ومعاكم مسجل عشان الجو .
رحاب : بس غزل في البنت ترى ما أسمحلك بنت أختي وهيا دحين في عيوني .

مرام قاعدة تسمع لأغنية your not alone وعايشة الجو ((أسمعوا الأغنية يا قراء ترى مرة جنان ))

رحاب : أتأخرت ؟
مرام: لا عادي .
رحاب : أجيب لكِ هوت ان كرسبي ؟
مرام : في ؟
رحاب : ورانا .
مرام : طيب .
رحاب : تبي ايت نوع ؟
مرام : الحلزوني .
رحاب : طيب أستنيني .
مرام : أوكي
((راح رحاب يشتري , ومرام كانت جالسة على حالها ضامة رجلها ودافنة راسها على ركبها , وبعدين قامت دارت وجهها الجهة التانية , كان في ولد شباب قاعد مع أصحابه قام أبتسم لمرام وهيا جاملته , قام ما صدق الولد شاف بنت تبتسم له ((ابتسامة مرام تخلي الواحد يذوب , لأن إبتسامتها فيها جاذبية )) وقام راح على المراجيح وبدل ما يجلس قام وقف عليها وقاعد يستعرض مهارته قدامها وهيا جالسة تضحك عليه ))

رحاب : هلا ميمو ؟
مرام : أهلين شكراً .
رحاب : شفتك تضحكي ايش فيه ؟
مرام : في ولد كان جالس في هذيك السجادة الي مع الشباب , قام طالعني وابتسم قمت جاملته وبعدين قام وشوفه على المرجيحة .
رحاب : هههههههههههههههه ما صدق بنت تبتسم له .
مرام : ايوا ههههههه .
((وقعدوا الليل كله يتكلموا حتى جاهم الطفش وقاموا راحو البيت وشوفوا التهزيء ))
أم مرام : فين كنتي الليل كله نتصل عليكي ما تردي ؟
رحاب : قولي أعوذ بالله كانت معايا .
أم مرام : ايش كنتوا تعملوا ؟
رحاب : ولا شيء أخذنا لفة على البحر واتعشينا وجينا .
مرام : آسفة ماما .
أم مرام : أمشي على السيارة فجعتي أخوانك عليكي , كمان هما أغبياء راح يدوروا عليكي في كل جدة .
رحاب : خلاص يعني كانت مع خالها حصل شيء .
أم مرام : ليش ما قلت ليا أو استأذنت على الأقل .
رحاب : مرام الله يعينك على أختي .

((وبعد مجادلة استمرت لأذان الفجر , راحوا على بيتهم , وكان هذا اليوم بالنسبة لمرام غسيل القلوب , وما قصرت مرام وراحت تذاكر لها كلمتين يمكن تنجح تجرب حضها ))

يوم الثلاثاء ...
أفنان : هاي مرام كيفك .
مرام : ألو ((صاحية من النوم))
أفنان : اليوم ايش عليكي اختبار .
مرام : اليوم انجليزي .
أفنان : عاد انتِ في الإنجليزي ما يحتاج .
مرام : ايوا أفكر والله أذاكر ولا لاء .
أفنان : طيب تجي معايا ؟
مرام : على فين ؟
أفنان : اليوم أبى أروح أشتري دبشي وأبا منكِ مساعدة .
مرام : أوكي طيب مستنايتك .
((ومن التلفون على غرفة فهود ))
مرام : فهود فهودي يا فهد .
فهد : نعم خير يعني ما تجو الا وقت ما أكلم سماهر .
مرام : طيب خلاص رايحة .
فهد : تعالي ايش تبغي ؟
مرام : عندك 500 ريال .
فهد : عندي ايش تبغي فيها .
مرام : اليوم رايحين السوق أنا وأفنان أبى أشتري لي كم شيء .
فهد : 200ريال وبس ((سماهر تكلمه : لا حبيبي أديها 500 ريال ))
فهد : لا ما أقدر يا دوبك تكفيني لنهاية الشهر , كمان انتِ ليش ما تطلبي فلوس من أبويا .
مرام : إحنا بنشوف بابا بالسنة حسنة يجي يعطينا المصروف ويسافر ويشتغل وما يمديه يقعد معانا .
فهد : وفين مصروفك ؟
مرام : أشتريت بيه ذهب لأفنان ومروج حتى ماما زودت لي 1000 ريال .
فهد : طيب خلاص خذيه 200 ريال .
مرام : ((تبوس رأسه )) شكراً يا أحلى أخو بهذه الدنيا ((ترفع صوتها ))وشكراً يا أحلى زوجة أخو بالدنيا .

((وطبعاً لازم تروح تلبس وتتكشخ على قول أهل الإمارات والكويت والنعم فيهم أهلهم أحلى أهل والله يعيشوا أهل الإمارات والكويت , وبعدين أخر لمسة بخة برفان ))

مرام : أتأخرت ؟؟؟؟؟
أفنان : سنة قاعدة أستناكي .
مرام : يلا على فين ؟
أفنان : عبد الرحمن روح على سوق التحلية
السواق : مدام أفنان سوق تحلية تجاري ولا شارع التحلية.
أفنان : أنا قلت شارع التحلية .

((وراحوا على شارع التحلية ونزلوا على بيرشكا ))
مرام : هذه البلوزة خطيرة مو ذنبي هذه ليا .
أفنان : مرة خطيرة لو لبستيها يوم العزومة صدقيني الكل راح يتجنن عليكي .
مرام : بليز مافي لون غير الأسود ؟
الموضف الي في المحل سعودي وكول : ايوا يا أنسة في لون بيج وأبيض .
مرام : طيب بليز أعطيني البيج.
الموضف الي في المحل : على أمرك طيب كم المقاس ؟
مرام : medeam
الموضف الي في المحل : طيب بليز ثواني وراجع لكِ .
مرام : ما في مشكلة .
أفنان : أشوفيكِ أخذتيه عليه .
مرام : بالله عليكي , أنا لمن أحب أحب مرة وحدة وعارفة مين هو الي حبيته .
أفنان : آسفة الله يرحمه .
الموضف الي في المحل : يا أنسة هذه الي طلبتيها ميديم .
مرام : مرة شكراً ((وراح عنهم ))
أفنان : هييييييييييي شوفي كم سعرها .
مرام : ليش 200 أنا الي معايا 200 ريال يالله ضاعت الفلوس .
أفنان : ولا يهمك أدفعي هذه بفلوسك والأشياء الباقية بالفيزا .
مرام : ياي مرة شكراً فنونا أرد لكِ هيا بعدين

أفنان : لا حبيبتي أعتبريها فلوس الذهب الي جيبتيلي هو .
مرام : خلاص .
((بعدين راحوا على نعومي أكيد أفنان راحت تشتري قمصان نوم , وبعدين راحوا على مكياجي اشتروا مكياجات بعدين على خطوات أشتروا جزم الله يكرمكم وبعدين على المصمم أحمد بدوي أشترت أفنان فساتين وبعدين راحوا على الدانوب ))
مرام : بالله خليني أخذ تبولة وحمص و ورق عنب ماما نفسها فيه .
أفنان : شمي الريحة بس خذي كمان معجنات وجاتوه .
مرام : أقولكِ اليوم إحنا راح نخلص مهرك في الأكل .
أفنان : بالله إذا بس اليوم صرفت حوالي عشرة الاف ريال .
مرام : طبعاً حتى الجزمة تأخذي من النوع 3 ألوان .
أفنان : ترى الجزمة الباليه حقتك تليق على البلوزة الي من بيرشكا ترى هذه البسي عليها تنورة جينز .
مرام : أيوا حتى راح أروح هناك عبد الله يسجد لي من كتر الجمال .
أفنان : انتي مسلمة ولا كافرة أحد يسجد لأحد غبية .
مرام : يوووووه هو بعد بكرة الغذاء يا سلام .
أفنان : أقول خلينا نحاسب الأول .
مرام : يلا .

((وصارت الساعة 2 بالليل ومرام ما ذاكرت و رجعت دوبها للبيت ))
أم مرام : فين كنتي يا حيوانة من الساعة 8 العشاء للساعة 2 بالليل ولا جيتي الظاهر الحق لنا نعطيكي حرية لكن معليه يرجع أبوكي وأشتكي له ولا ذاكرت كمان السنة هذه أخر سنة ما نبغى رسوب ها أنا كل أخوانك ما رسبوا مو تجي انتِ ترسبي فاهمة .
مرام : ماما جزاتي جبت لكِ تبولة وحمص و ورق عنب من الدانوب .
أم مرام : أه يا سلام تسلمي يا مرام سامحيني بعد كذا تعالي اليوم التاني ما راح أخاصمك .
أفنان ومرام : ههههههههههههههههههههههههههههههههههههه .

((راحت أفنان تقيس قمصان النوم ))
مرام : والله لو ما كنتي لابسة شي أحسن .
أم مرام : مرة فاضح يا أفنان .
أفنان : هو لزوجي مو لكم بس ما كأنه وسيع من هنا .
مرام : الا جيبي أصغر .
أفنان : طيب بكرة أروح .
((الساعة صارت 5 الفجر ومرام ما مسكت كتاب ))
مرام : نعسانة ؟
أم مرام : روحي نامي أصحيكي 7 .
مرام : لا ما ذكرت .
((والين راحت المدرسة ورجعت على البيت تبكي ))
عزوز: مرام حبيبي ليش تبكي ؟
مرام : شكلي راسبة في الإنجليزي ((تبكي ))
عزوز: طيب تعالي ((قام حضنها زي كل مرة ))
مرام : أنا استسهلت الاختبار وجات أشياء مو على بالي .
عزوز: يعني ممكن كم درجتك ؟
مرام : ممكن 10 من 30 .
عزوز: كويس , خلاص دحين لا تبكي وفكري في الاختبارات التانية .
مرام : تمسي على خير .
عزوز: وانتِ من أهله حبيبتي .

يوم العزومة يوم الخميس ...
((مرام جللت شعرها ولبست تنورة جينز فوق الركبة ومنفوشة من تحت ولبست بلوزة مفتوحة من الكتف لونها بيج ومن الظهر فيله إكسات ولبست إكسسوارات ذهبية , وجزمة باليه بس طلع شكلها مرة جنان ))
أم مرام : خلصتي ؟
مرام : ايوا .
أم مرام : واو من فين جبتي هذه البلوزة مرة حلوة بس خالعة .
مرام : من بيرشكا .
أم مرام : مرة كله حلو بس خذيه معاكي شي عشان لو مر ولد ولا أحد يصير حاطة احتياطك .
مرام : لا ماما مافي أحد كبير كلهم صغار ((مرام أخذت أمها على قد عقلها وكذبت عليها كله عشان تشوف الحبيب ))

وراحوا مع أهل أفنان وأهل مرام ..

روضة : والله دوبوا نور البيت هلا بالحبايب هلا .
أم مرام : البيت ينور بأهله .

ريهام : مراااااام حبيبتي وحشتيني .
مرام : انتِ أكثر .
ريهام : ايش اللبس هذا والله أنوSexy
مرام :يا غبية أرخي صوتك لو سمعوكي يوديوكي في دهية .
ريهام : طيب تعالي نجلس في النص أحسن .
مرام : ايوا أحسن .
ريهام : كيف الاختبارات ؟
مرام : تمام ومو تمام .
ريهام : اتفضلي ..
مرام : شكراً ..

الجزء السابع والعشرون :-

((وراحوا جلسوا في الصالون عند الحريم , ومرام و ريهام كانوا قاعدين في نص الصالون يعني الي يمر من قدام الباب يشوفهم ))
ريهام : خير , يقول عبودي انو رخيتي في وجهه على الماسنجر .
مرام : هذا كل ما حصل شي لازم يقول ما يبطل الفتنة .
ريهام : أوه كمان لازم كل يوم مرام عملت ومرام سوت ومرام شكلها ومرام حلوة ومرام ..
مرام : خلاص والله استحيت ..
ريهام : ((تدقها )) يا هووووو .
مرام: خلاص .
ريهام : ايش عليكي السبت ؟
مرام : ما آدري .
ريهام : أحد ما يدري ايش عليه اختبار !
مرام : والله نسيت .
ريهام : من كثر ما تفكري في الي بالي بالك .
مرام : يوووووه ريهام والله أروح أقعد مع الحريم أحسن .
ريهام : والله أمزح معاكي وربي .
مرام : طيب صدقتك .
ريهام : تطلعي غرفتي .
مرام : شوية . ((كأنوا حاس قلبها ))
((قعدوا يتكلموا , وبعدين جاه عبد الله من عند الباب ولمح مرام وهيا كمان شافته قام ابتسم لها ابتسامة هيا راحت فيها ))
ريهام : هههههههههههههههه
مرام : خير .
ريهام : والله تضحكوا هههههههههههههههه
مرام : يعني مر من الباب وابتسم حرام .
ريهام : يا ريته لو حلال .
مرام : أقولكِ قومي نطلع فوق .
ريهام : يلا أمشي ههههههههههههههههههههههههههههه .

((وطلعوا الغرفة ))
ريهام : سمعتي أغنية أرجع لي لتامر حسني .
مرام : يخرب بيته ايش تجنن عندكِ ؟
ريهام : ايوا , لحظة دحين أحطها .

((وقعدوا مع اللايت الخفيف والأغنية تحرك الجو , مرام منسدحة في سرير ريهام , و ريهام قاعدة فوق كنبتها ))
ريهام : هذه الأغنية يحبها عبد الله ..
مرام : ((عدلت جلستها )) وأنا مالي فيه .
ريهام : لا بس عشان .....
مرام : أنا مالي فيه يحبها يكرها مالي شغل.
ريهام : طيب أعصابك والله راح أموت أنا .
مرام : ...................
ريهام : تعالي أوريكي أحمد .
مرام : شفتوا الأسبوع الي فات .
ريهام : الله يخليكي ننزل كمان .
مرام : قولي تبغي تشوفيه أو تسلمي عليه .
ريهام : صراحة ايوا , ترى اثنين من أصحاب عبد الله موجودين تعالي نشوفهم .
مرام : كيف نشوفهم منجدك انتِ ؟
ريهام : تعالي ننزل يلا .
مرام : ما آقدر شوفي أنا ايش لابسة .
ريهام : طيب أنا علاقي عادي .
مرام : على الأقل الي قدام مغطى أنا لا .
ريهام : تنزلي ولا لاء .
مرام : يا ربي طيب ما عندك شال شيء ؟
ريهام : أقولك ما دام مكسوفة ليش لبستي هذا اللبس يعني الي يقول يبغوا يأكلوكِ .

((ونزلوا على الحديقة وقبل ما يوصلوا بكم متر ))
صاحب عبد الله اسمه حسام والتاني وائل .
حسام : wow.wow look sexy girls
وائل : عبد الله تعرفهم ؟
أحمد : الي لابسة وردي خطيبتي .
عبد الله : خطيبته كلام لكن في المستقبل ممكن .
حسام : طيب التانية مرة تجنن مين هيا .
وائل : لا تكون هذه مرام ؟
عبد الله : هيا بنفسها .
حسام : أوف ..أوف والله تعرف تختار .
((جوه البنات ))
ريهام : هاي عبودي !
عبد الله : هاها هاي .
أحمد : كيفك رهومة .
ريهام : ((مستحية )) كويسة .
أحمد : كيف اختباراتك إنشاء الله ناجحة ؟
ريهام : إنشاء الله .
حسام : ((يدق عبد الله ويهمس في إذنه )) أشوف الملاك ما تنطق ؟
عبد الله : مستحية ما أخذت عليا .
وائل : خير إنشاء الله تتكلموا عليا !
حسام : من جمالك عشان نتكلم عليكي .
عبد الله : كنا نتكلم عن وحدة .
وائل : مين هيا ؟
عبد الله : ملاك نازل من السماء .
ريهام : أوه أوه أوه ما نقدر يا عبد الله قول مين هيا الملاك ؟((مرام طول الوقت عيونها في الأرض وساكتة ))
حسام : عاد الي ما فهمها غبي .
عبد الله : هو الي نتكلم عنه فاهم أنو الكلام عليه ((يطالع مرام بنظرة حب ))
مرام : ريهام فين التوليت ؟
وائل : حرام عليك من كثر ما خجلتها راح تشخ على نفسها هههههههههههههههه .
حسام : ههههههههههههههههههههههههههههههه .
عبد الله : خلاص زودتوها عاد أنا ما أحب أحد يتعدى في كلامه بيكفي ((معصب عشان الملاك ))
أحمد : ريمو حبيبي تعالي ندخل جوه .
ريهام :يلا جاية .
مرام : ريهام وأنا فين أروح ((ماسكة يد ريهام ))

بنوته جنآن · 12-01-2008, 04:51 PM

عبد الله : تقعدي معايا .
وائل : عاد أنا و حسام نستأذن عشان تأخذوا راحتكم .
مرام : لا لا لا رايحة عند ماما باي ((وتشرد والكل يطالعها من فوق لتحت ))
((عند الحريم ))
أفنان : خير مقلوبة ؟
مرام : مافي شيء .
أفنان : لا في شيء أكيد
مرام : المسا أقولكِ .
أفنان : لا مافي راح يجوا الضيوف وبعدين أنسى والله لو ما قلتيلي ما راح أخذك تاني .
مرام : أنا غلطانة أقولك طيب راح أجي معاكي .
أفنان : والله كل واحد يأكل على رأسه , أنا جاية عشان خطيبي وانتِ جاية معايا يعني كلنا في طريق .
مرام : انتِ ايش تقولي الظاهر حمى رامي جابت لكِ الجنون , أروح أقعد مع حماتكِ أحسن من الجلسة معاكي أوف .
أفنان : حماتي هيا حماتك في المستقبل .
مرام : طول عمره دمك ثقيل .
((وراحت جلست جمب طنت روضة ))
روضة : يا هلا بالنور كله يا هلا بالجمال كله يا هلا بمرام لحالها .
مرام : تسلمي طنت .
روضة : الله جمال بنتكِ يا هدى جمال رباني سبحان ربي يخلق بنات بيض وعيونهم ملونة وفيهم جاذبية مو طبيعية , اللهم صلي على محمد ما شاء الله تبارك الله بناتكم حلوين .
منال : والله الأجيال القديمة كل صفة جمال فيهم بيحطوها في بناتنا فيصيروا يا سلام .
روضة : بس زي جمال أفنان ومرام ما شفت ما شاء الله عليهم .
أم مرام : والله كلك ذوق يا روضة .
روضة : دحين أفنان صارت زوجة ولدي رامي , وعبد الله صراحة حاطة عيني له على مرام .
أفنان : ((تجلس جمب مرام وتدقها )) قلت لكِ راح تصيري من نصيبهم تقولي لا ما أحب .
روتانا : وأنا يا طنت ما تديني لؤي ؟
روضة : والله لو لؤي قدك ولا أكبر منك كان وربي زوجتكِ هو .
روتانا : ((ابتسامة النصر ))
هديل : والله أكتر وحدة من بناتنا الناس تحط عينها عليها مرام ما شاء الله عليها ((مرام راحت فيها ))
روضة : بالله يا هدى بنتكِ ما هي طالعة تشبهلك تشبه مين ؟
أم مرام : والله مرام طالعة لجدتها أبو أبوها .
روضة : وهيا عايشة ؟
أم مرام : لا والله متوفية من زمان .
روضة : الله يرحمها , بس منجد أعطتكم جوهرة غالية ما تسوى الدنيا كلها .
أم مرام : بالله يا روضة خلاص بنتي صارت طماطم مشوية .
الكل : ههههههههههههههههههههههههههههه
((ويدخل رامي وإخوانه كلهم ))
رامي : هلا حبيبتي ((جلس جمب أفنان ))
أفنان : هلا حبيبي .
تهاني : ولاك يا رامي مو قلت لك الحركات هي ما تعجبني صلح حالك وأعدل جلستك وكلم خطيبتك بأشيا تانية بتفهم عليا كيف ولا ما لاء .
رامي : ((يقلدها )) لا بليز يا خيتي الكبيرة كلوا ولا زعلك راح أعدل حالي وأصلح جلستي وهيك بترضي عليا صح .
أفنان : عكست الكلام كله المفروض راح أصلح حالي واعدل جلستي .
رامي : وأنا أقول جوت الجمال هذا فيله كلام يخلي الواحد يسيح ((نام على رجلها ))
تهاني : ولاك يا قليل الأدب انت ما بينفع معك أي شي بدك تعمل هاي الحركات بتروحوا في غرفة ما فيها حدى بتسمع .
رامي : والله عجبتني هاي الديباجة .((الديباجة معناتها فكرة باللبناني ))
تهاني : يا آمي شوفي ولدك ما عم يحترم حالوا وبيقلدني في لغتي .
روضة : طيب اتكلمي مع زوجك لبناني لكن معانا بالسعودي .
تهاني : ما بقدر هيك أنا أتعودت .
منال : كم سنة عشتي في لبنان ؟
تهاني : بعمر ابني 7 سنين .
هديل : شو اسمه ابنك .
تهاني : أتكلموا عادي ليش بتقلدوا لهجتي هيك أنا أتعودت بليز بيكفي لأنو أنا ما بقدر اتحمل
هديل : طيب آسفة ايش اسمه ولدك ؟
تهاني : هيك انتِ بتعجيبني , اسمه طوني .
هديل : زوجكِ من ديانة مسلمة ولا مسيحية .
تهاني : عيلتي كلا مسيحية .
خيرية : مو حرام انتِ مسلمة وبنتك مسيحية .
روضة : والله كم مرة كلمناها بس , عقلها ناشف تمشي على ديانة زوجها .
خيرية : المفروض ما توافقوا .
روضة : مو بعد ما سافرت وأتزوجت اكتشفنا .
خيرية : الله يثبت الكل على دينه .
الكل ما عاد تهاني : آمين
ندى : يلا أتفضلوا على الغذاء .

(( وهما رايحين على طاولة الطعام الي في الصالون التاني , مرام كانت أخر وحدة من الطابور لكن حدث موقف خلاها تثبت في مكانها ))
عبد الله : ((مسك كتفها )) مرام لحظة قبل ما ندخل تعالي شويا ((مسك يدها وجري ))
مرام : فين موديني ؟
عبد الله : لحظة بس تعالي معايا ((وقعد يجري الين ما وصل على غرفته ))

عبد الله : ((بناهج من الجري ))
مرام : ايش فيك ؟
عبد الله : لحظة ((بناهج ))
مرام : .................
عبد الله : مرام طالعيني , أنا لازم أعترف لكِ ((بناهج )) هاهاهاهاهاهاها .
مرام : أجيب لكِ موية شيء .
عبد الله : لا أسمعيني بس , أنا من يوم ما شفتك عند أفنان دخلتي قلبي وحبيتك من قلبي , مرام أنا أحبك أفهميني أنا أمووت فيكِ ومو قادر أقعد يوم من غير ما أشوفك ولا أسمع صوتك , يوم الاختبارات صدقيني قعدت زي المجنون كم مرة بكيت عشانك عشان وحشتيني , مرام أنا أحبك و حبي لكِ حب صادق وكل كلمة أقولها بتطلع من قلبي أنا أحبك .
مرام : .................((مصدومة))
عبد الله : لكِ حق تتصدمي بس أنا أحبك منجد ((وراح باسها على خدها ))
مرام : أه .
عبد الله : ((مسك خدها ويحسس عليه , وهيا مو قادرة تعمل شيء ))
عبد الله : أحبك ((ويبوسها في خدها ))
((وتدخل ريهام ))
ريهام : عبد الله ؟؟؟؟؟؟؟؟؟؟؟؟؟؟؟؟؟؟؟
عبد الله : نعم ((مرتبك ))
ريهام : ايش عملت ؟؟؟؟؟؟؟؟؟؟
مرام : ((راحت على حضن ريهام وتبكي ))
ريهام : مرام سوى لكِ شيء .
عبد الله : ريهام والله بس سلمت عليها .
ريهام : عبد الله الحركة هذه لو أحد شافها كان موتك .
عبد الله : ريهام خليه كل هذا سر بليز لا تطلعي برى .
ريهام : أنا ما راح أطلعه بس مرام ما راح تسكت الحركة الي عملتلها هيا تنزل من كرامة الواحد , حتى انت تصير زي رامي , انتوا أخوان انتوا والله ... أنا غلطانة اني ساعدتك في هذا الغباء , تعالي مرام على الحمام , والله الأسبوع الي فات يرمي بسة في حضنها والأسبوع هذا يبوسها وطيب الأسبوع الجاي ايش .

راحت مرام و ريهام الحمام ..
ريهام : مرام هو ايش عمل لكِ بالضبط كيف وصلك ؟
مرام : والله يا ريهام أنا ما أعرف شيء بس هو زهمني ومسك يدي وجري بسرعة عبال ما نزل لغرفته قعد ينهج وبس قام أخذ نفس وقاعد يعترف في أشياء أنا ماني قادرة أفهمها وبعدين سوى الي سواه ((تبكي ))
ريهام : مرام ..مرام خلاص لا تفكري في هذا الموضوع المهم لا تقولي لأهلك خلي كل شيء عادي أوكي تعالي أمسحي دموعك وضبطي الميك آب ويلا نطلع نتغدا ترى شكلها أمك أستفقدتك .
مرام : يلا طالعة .
ريهام : واحد زي عبد الله ما تخليه يبكيكي أوكي .
مرام : ...................

وهما طالعين قابلوه طالع معاهم ..
عبد الله : مرام والله مو قصدي .
مرام : هيا ريهام ترى أنا جيعانة .
ريهام : يلا بنطلع , وابعد عنها يا عبد الله لأنك نزلت من عيني .
عبد الله : ((مسك يد مرام )) مرام أفهمي ((يقرب وجه من وجهها )) أنا أحبك .
ريهام : أبعد عنها كمان قدامي تزودها .

((وراحوا على غرفة الطعام ))
أم مرام : يا بنتي فين كنتي ؟
ريهام : كانت في التوليت يا خالة هدى .
منال : مرام صار شيء , ترى يبان من شكلكِِ إذا حصل شيء ولا لاء .
ريهام : صراحة ........
مرام : ((تضرب رجل ريهام ))
روضة : خير ايش فيها مرام فين عبد الله ؟
((دخل ))
عبد الله : أنا هنا
ريهام : لا بس ما تزعلي يا خالة هدى ؟
عبد الله : ريهام انتِ حلفتي ما تقولي خلاص هذا شيء يتقال .
أم مرام : خير ترى خوفتوني على بنتي ايش فيها ؟((مرام ساكتة وأمها معصبة ))
ريهام : والله يا خالة هدى مرام طاحت في الحمام .
منال : سلامات
أم مرام : الله يهديكم خوفتوني .
هديل : والله تفجعوا الواحد يا ريهام انتِ وعبد الله بالله يا روضة كده عيالكِ لمن يصير شيء .
روضة : أكتر كمان الشيء البسيط يخلوا كبير .
ندى : مرام فين طحتي على اية منطقة .
مرام : على ظهري .
ندى : تبيني أكشف عليكي ترى دكتورة أنا .
مرام :ههههههههه لا تسلمي .
((طول ما هما يأكلوه عبد الله كان يطالع مرام ويرسم على فمه كلمة " آسف " لكن مرام ولا كأنه في واحد اسمه عبد الله في الطاولة ))
ريهام : كولي ؟
مرام : حمد الله .
عبد الله : والله ما تقومي الا إذا أكلتي صحن تاني .
((الكل طالع عبد الله لمن عصب على مرام وحلف عليها ))
مرام : وعشان تصوم ثلاثة أيام ما راح أكل .
أم مرام : ((تغمز لها )) خلاص يا مرام عبي صحن وكولي واسكتي كلها كم ساعة ونرجع البيت .
روضة : لا والله ما تروحوا الا لمن تتعشوا .
أم مرام : الولد طالع لأمه , حرام عليكي اختبارات ما يمدينا .
روضة : والله أزعل .
أم مرام : عشان ما تزعلي بس طيب .

((ومرام أكلت غصبن عنها , وبعدين راحوا جلسوا في الصالة عشان يزودوها مع مرام مع الحلى والحلويات ))
ريهام : ما تحبي الجاتوه .
مرام : مو أي نوع .
ريهام : انتِ صايرة عصبية ليش ؟ ((على فكرة عبد الله موجود ))
مرام : ((تتكلم من خشمها)) بعد الي عمله أخوكي كيف تبغي مزاجي .
عبد الله : في ناس جالسين يا مرام واستري عليا بس .
لؤي :ايش عملت يا مصيبة ؟
عبد الله : روح يا مقصوف الرقبة .

لؤي : أنا مقصوف الرقبة , أنا على فكرة أحلى واحد منكم مافي زي نحيف وطويل ولوني برونزي يا سلام وعيوني مافي منها , وشعري لونه واووووووووو ..
عبد الله : بطل كذب , لون جسمك من الشمس وشعرك صبغة وعيونك عدسات .
مرام : ههههههههههههههههههههههههههههه عبد الله طلع حقيقتك .
((من قد عبد الله الضحكة من الخد الأول للإذن ))
ريهام : بدأت الكرش تطلع .
مرام : ههههههه .
ريهام : طبعاً ما طلعتلكِ عشان عقلك مو مع الأكل فاهمتني .
مرام : خلاص وقته هذا الكلام أخوكي موجود .
عبد الله : ولو عبد الله موجود يا مرام راح تزعلي .
ريهام : هيا اسكت لا أفضحك .
عبد الله : كله ولا الفضايح .
ريهام : مرام تعالي نطلع فوق .
مرام: أنا من أول نفسي أقولكِ بس أنكسفت منكِ .

((وراحوا على الغرفة لوحدهم ))
مرام : أقولك على أخطر أسراري يا ريهام والي وجعت لي قلبي ((تبكي ))
ريهام : خير يا مرام .
مرام : أنا ثلاثة مرات أتعرضت للاغتصاب ((تبكي ))
ريهام : أه ...كيف ....ثلاثة ....مرام ....لا ما تعمليها ...
مرام : ههههههه أول مرة من فارس حبيب الروح وساكن في القبور ((تبكي ))
ريهام : خلاص مرام لا تذكري اسمه ما دامه يألمك .
مرام : تاني مرة من رائد تعرفيه الي جاه يوم ملكة أفنان مع خطيبته ريماس .
ريهام : رجع لها ؟
مرام : ايوا , بس ما قدر يلمسني أو يأذيني لأنو فارس وخالي أنقذوني قبل ما يعمل عملته ((تبكي ))
ريهام : وثالث مرة من أخوي , الله يخليكي يا مرام والله شكله مو قصدوه .
مرام : ((تبكي ))
ريهام : بليز يا مرام والله أنا ما آقدر أتحمل أشوف وحدة تبكي قدامي ((تبكي ))
مرام : صدقيني أول مرة كانت برضى مني لكن كنت صغيرة وما أفهم وتاني مرة كنت واعية وما كنت أبغى يصير لي هذا الشيء وثالث مرة بسكوني وجمودي قدام هذا الموقف .
ريهام : والله يا مرام أقولك على سر كمان .
مرام : قولي .
ريهام : والله يا مرام أنا حلفت , مرة عبد الله كان جالس ومسرح وهذه أول مرة يسرح مع أنو متعرف على بنات كتير بس مافي وحدة خلتوا يحبها , لكن هو قال لي أنو هو حبك ويبغاكي .
مرام : قالت لي أفنان .
ريهام : طيب انتِ ايش مشاعرك أمام عبد الله .
مرام : ما آدري , والله ما آدري .
ريهام : كيف ما تدري مرام أجيب لكِ عصير ستروبري .
مرام : يا ريت .

((وجابت لها ))
مرام : مرسي .
ريهام : أه .
مرام : خير ايش فيكي ؟
ريهام : والله ولد خالي أتقدم لي .
مرام : ((شرقت )) كـ.....ذ .....ا....بـ.......ـة
ريهام : والله كلم بابا وقال له انو هو موافق بس نأخذ رأي البنت .
مرام : وايش رأيك ؟
ريهام : ما كأنوا لساعنا صغار
مرام : بالله عليكي , لو تقرئي الروايات الحقيقية الي في المنتديات , تشوفي كيف يتزوجوا من سن ثاني ثانوي وأصغر كمان .
ريهام : هذه روايات لكن الحقيقة صعبة يا مرام والله كمان خايفة لأنو الزواج مو لعبة .
مرام : طيب ليش ما يخطبكِ بعدين لمن تخلصوا دراستكم تتزوجوا .
ريهام : بالله يا مرام شوفي حال أماني أختي كيف مع ولد عمي .
مرام : ما شاء الله هيا مخطوبة ؟
ريهام : لولد عمي ولسع باقي لها 3 سنين وتتخرج وهو لساعه بيدرس في كلية الطب الي في كندا .
مرام : الله يعينهم , بس فكري .
ريهام : هو اليوم قعد معايا وقال أنو ما يبغاني أكمل .
مرام : على كيفه تكملي ولا لاء , كملي وخذي الشهادة وأدخلي الجامعة والماجستير .
ريهام : والله مو قادرة أفكر بس أهلي قالو لي فكري وادينا خبر بعد الاختبارات .
مرام : يوفقكم ربي .
ريهام : يا ريت .
((وجات الساعة 7 المغرب والكل قعد في الصالة الي فيها تلفزيون مرة كبير ))
ريهام : لؤي حط تشاينا تيفي .
عبد الله : هيا بدء المسلسل يا ربي ايش صار لهم في البداية .
مرام : بالله تتفرجوا على صينيين ؟
عبد الله : هذا مسلسل صيني اسمه Sad love story
مرام : وعن ايش القصة ؟
ريهام : مرام تابعي وتعرفي القصة .
((والين ما أنتهى المسلسل ))
ريهام : حرام غبية هايين ليش صارت تكره جون يونغ .
مرام : ما شاء الله فهمتوا !
عبد الله : نتفرج , وبالحيل نفهم يعني بالنظر نفهم .
ريهام : ((تبكي )) ليش جون يونغ ابتعد عن هايين ايه ايهء ايه
احمد : ليش رهومة والله ما نقدر على دموعكِ .
ريهام : يحزن المسلسل ايهء ايهء .

نروح لأفنان ورامي الي طول العزومة مالهم حس .
رامي : ايش رأيك بغرفتي ؟
أفنان : حلوة روعة مرة جبت لها مصمم .
رامي : أنا صممتها .
أفنان : يعني راح تصمم غرفة النوم حقتنا .
رامي : هو أنا أقدر أصممها وأفنان تذوبني من كلامها .
أفنان : خلاص لا يمر أحد يشوفنا .
رامي : خليهم يشوفونا عشان يشوفوا كيف رامي يموت في أفنان .
أفنان : خلاص رامي ترى زودتها .
رامي : طيب يا أفنان بس تنتهي اختباراتي ونروح على ايطاليا نعيش فيها للأبد .
أفنان : ليش للأبد ؟
رامي : يا حبي عشان راح أدرس الطب هناك وعشان الرواتب والمعيشة هناك ميسرة بالمرة .
أفنان : بس كان نفسي أكون مع أهلي كلهم وأهلك كمان ومع ولدنا .
رامي : لا تقولي كده , كل إجازة راح ننزل .
أفنان : طيب أنا سمعت أمك تقول شهر العسل في ايطاليا وراح نقعد شهرين بعدين ننزل جدة تجهز أوراقك وكل شيء ونرجع تاني .
رامي : والله ملزومين يا أفنان أتحملي أربعة سنين بس وبعدين إنشاء الله نرجع جدة .
أفنان : طيب , أنا صراحة يعني مو تتريق عليا .
رامي : لا قولي .
أفنان : ما أعرف انجليزي كويس .
رامي : يعني أنا الي أخذت شهادة في اللغة .
أفنان : طيب , ايش لغتهم هناك .
رامي : الإيطالية , أفنان اليوم تعبتي بالتفكير في هذه الأمور انتِ أرتاحي وحطي رجلكِ في موية باردة وأول ما نوصل ايطاليا راح تلاقي الشقة جاهزة والخدامة وكل شيء .

ونرجع للصالة ........

روضة : ياهو يا ناس ديروا القلة الأدب هذه بسرعة يا لؤي دير ((عادي جاه منظر في التلفزيون وعصبت عليهم ))
أم مرام : والله الأولاد هذه الأيام مرة فضيعين يفهموا أشياء أكبر من سنهم .
روضة : زي اللؤي الي عندي يفهم أشياء , ولمن يفهمها يروح يفضح البنات والبنات وجوهم تصير حبحب من كتر الشيء الي يحرجهم ((وتطالع لؤي ))
مرام : والله يا طنت روضة ما شاء الله عليه لؤي مرة يعجبني . ((عبد الله مقهور ولؤي جلس قريب من مرام ))
روضة : شوفيه جلس جمبك عجبه الكلام هههههههههههههههه .
مرام : لا والله منجدي , أنا أول ما شفتوا أحسبه أولى جامعة بس ما شاء الله اتفاجئت لمن قلتوا تاني متوسط .
عبد الله : ((بصوت واطي مرة )) يعجبني لؤي من قدك يا لؤي .
ريهام : مرام وعبد الله ما يعجبكِ .
مرام : ........والله هو حلو وطيب وحنون لكن في صفات عنده لازم يغيرها.((واستحت ورخت رأسها وهو يبتسم فرحان ))
منال : قولنا لؤي معليش صغير لكن أكبر من لؤي لا كفاية .
روضة : مراهقين يتونسوا .
ندى : بما أني دكتورة في علم النفس المكثف .....
أماني : وشدة الغباء الي دفعها لترك الطب بسبب زوجها الأحمق .
ريهام : ندى اتكلمي بالعامي وكملي .
ندى : والله نفسي أسأل مرام سؤال أموت وأعرف إيجابته ؟
مرام : خوفتيني قولي ايش سؤالكِ ؟

ندى : لو جاى عبد الله وخطبكِ من أبوكي وجوه يسألوكي موافقة يا مرام على عبد الله ولا لاء .((عبد الله متحمس لجواب مرام ومرام الله لا يوريكم العرق يتصبصب من جبينها ومتوترة مرة ))
أم مرام : جاوبي .
روضة : والله لو قلتي موافقة راح منجد نخطب لكِ عبودي .
مرام : .......................
هديل : يلا ميمو جاوبي .
مرام : ندى هذا سؤال تسأليه والله مو عارفة أجاوب .
ندى : أفى يا مرام يعني بالله واحد زي عبد الله ترفضيه .
مرام : لمن يتقدم يخطبني هذيك الساعة أقول جوابي ((وقامت طلعت برى في الحديقة ))

مرام : والله ايش أجاوبهم ايوا , طيب الي عملوا اليوم ممكن عملوا مع مئة وحدة زي .
((وهيا رايحة على الحديقة لقت أفنان ورامي مع بعض , فقامت لفت الجهة التانية , وجلست على طرف المسبح ))
ريهام : مرااااااااااااااااام .((جات من وراها ))
مرام : عمى فجعتيني بلا في وجهك .
ريهام : خير الحلو زعل .
مرام : ريهام أنا عارفة أنو هذه الخطة من تدبيرك .
ريهام : خطيبة أخوي ذكية ما شاء الله .
مرام : لا تجيبي هذه الكلمة على لسانك .
ريهام : ليش حبيبتي مو عاجبك عبودي , يعني نزوجوه نهى أحسن .
مرام : لا تفهميني غلط .
ريهام : يعني تبي تتزوجيه ؟
مرام : هو يبغى أنا ما قلت له أتزوجني بس أنا حاسة نفسي متعلقة فيه .
ريهام : هو هذا الكلام الي نبى نسمعوا .
((وقعدوا يتكلموا حتى موعد العشاء وقعدوا وشوية والكل راح واتيسر على بيته ..

الجزء الثامن والعشرون :-

باقي ثلاثة أيام وتنتهي الاختبارات .
مرام قاعدة بتذاكر عليها النحو والصرف

عزوز: مرام في وحدة تحت اسمها ريهام تبغاكي مرة ضروري .
مرام : يالله ايش فيها ؟
عزوز: هيا صاحبتي ولا صاحبتك روحي ردي عليها وشوفيها .
((ونزلت ردت عليها ))
ريهام : الو كيفك ؟
مرام : حمد الله كيفك انتِ .
ريهام : طيبة , كيف اختبار اليوم .
مرام : والله سلطة .
ريهام : يعني مو دجاج .
مرام : ههههههههههههههههههههههههههههه .
ريهام : مرام معليش أجيكي بعد صلاة العشاء .
مرام : ليه في شيء ؟
ريهام : في موضوع أبى أكلمك عليه .
مرام : طيب حياكي في أي وقت .
ريهام : معليش والله أخذنا من وقتك
مرام : لا والله في أي وقت تعالي .
ريهام : تسلمي يالله أشوفك بعد صلاة العشاء باي .
مرام : باي .
((رخت السماعة من هنا راحت على الحمام سوت شاور , ولبست ورتبت البيت وقالت للسواق يجيب عصيرات وأكلات والين ما رن الجرس " أم مرام وأبوها وأخوانها مهم موجودين ما عاد معتز نايم " ))
ريهام : هاي .
مرام : هاي وحشتيني ((وحضنتها ))
ريهام : يوه اليوم الجو مرة نار .
مرام : اتفضلي على الصالون .
ريهام : والله ما تكلفي يا مرام أنا جاية لموضوع وبس وكمان عندنا إختبارات لا تنسي .
مرام : خير ايش هو الموضوع ؟
ريهام : أحسن شيء في نهاية السهرة أقولكِ .
مرام : انتِ حرة .
ريهام : حلو الصالون حقكم الديكور حقوا مرة حلو .
مرام : تسلمي .
ريهام : أحس حياتكم هادئة وحلوة .
مرام : بس دحين لكن لمن نجتمع يا ربي على الضجيج .
ريهام : والله اليوم أحمد جاب لي صندوق شوكولا سويسرية مرة لذيذة , خذي جبت لكِ منها مرام : حتى شكلها حلو تسلمي .
ريهام : أموت في عصير الستروبري , حتى عبد الله يحبوا , لازم في اليوم يشرب عشرة كاسات تقريباً .
مرام : بالعافية عليه وعليكي .
ريهام : ...................... .
مرام : تطلعي غرفتي .
ريهام : يا ريت .
مرام : يلا

((وطلعوا الدور الثاني ))
ريهام : بيتكم هادئ هو مافي أحد .
مرام : لا بس أنا ومعتز .
ريهام : هو فهد خاطب صح ؟
مرام : أيوا , خطبها عن قصة حب .
ريهام : من متى هما مخطوبين ؟
مرام : والله أتأخروا 7 شهور .
ريهام : يا حرام راح يكملوا سنة بعد كم شهر راح يتزوج فهد سماهر صح .
مرام :صح , يموت فيها مرة يحبها وهيا تحبه كمان , والله لمن خطب قلت يا ريت إحنا نتزوج الي نحبه .
ريهام : مدام فتحتي الموضوع نفتح الموضوع الي أبى أكلمك فيه .
مرام : خير ترى أنا ماسكة قلبي من كتر ماني متوترة .
ريهام : هو سؤال بس تجاوبيني بصراحة .
مرام : أسألي ؟؟؟؟؟؟
ريهام : مرام تحبي عبد الله ؟((مرام ساكتة وقعدت حوالي عشرة دقائق ما قدرت تجاوبها ))
ريهام : ترى هو يحبكِ ودايماً يقول لي أنا أبغى مرام زوجتي .
مرام : ..........((الدموع في عيونها ))
ريهام : مرام ردي جاوبي عشان أدخل في الموضوع .
مرام : ايوا أحبوا .
ريهام : عشان في الأيام التانية ما أبغاكِ تتصدمي بس أبى أقولكِ أنو عبد الله عنده صرع .
مرام : صرع ؟؟؟؟؟؟؟؟؟؟؟؟؟؟؟؟؟؟
ريهام : لمن ماما وبابا أطلقوا , تعبت نفسية عبد الله كان هو تقريباً رابع ابتدائي وكان لمن يضايق من موضوع يطيح علينا .
مرام : ((تبكي ))
ريهام : مرام ترى عبد الله هو الي قال لي أقولكِ لأنو خاف لو هو قلك راح تزعلي أو يصير لكِ شيء وبس مع السلامة .
مرام : ((تبكي ))
((وراحت ريهام على بيتها ))
مرام : يا ريتكِ ما جيتي ليش جيتي عندي أه أه لازم كل ما أحب أحد يحصل له كده ليش ليش
عمر لمن عرف اني رفضته راح المستشفى ودخل في غيبوبة وفارس مات فارس حبيبي وزوجي مات , ودحين عبد الله عنده صرع يعني ما راح أقدر أجيب عيال , يعني لو أضايق مني راح يجيلوا صرع وفي النهاية ممكن يموت لا لا يا ربي ايش ناقصني عشان يحصل لي كده أه يا ربي أه ((وقعدت تبكي حتى دخل عليها معتز لقاها تبكي على سريرها ))
معتز : مرام ليش تبكي ؟ ميمو قومي قولي لي ايش فيكي ؟
مرام : ما أعرف أذاكر خلاص .
معتز : انا عارف السبب , ريهام قالت لكِ أنو حبيبك عنده صرع صح .
مرام : تتصنت علينا يا حيوان .
معتز : وسمعتك لمن بكيتي عشان ما قدرتي تجاوبيها كله سمعتوا وكله عند أبويا وأخواني .
مرام : أصلاً ماما ما راح تصدقك .
معتز : مرة صايرة حساسة ورومانسية على قول ريهام .

((وتدخل أم مرام على صراخهم ))
أم مرام : خير ليش الصراخ واصل لتحت ؟
معتز : شوفي بنتكِ , خلت ريهام تجي وقالت لها مرام أنا أحب أخوكِ عبد الله .
أم مرام : يا قليلة الأدب ما تحترمي أهل البيت , أصلاً من أول ما رجعنا من عندهم لاحظت نظراته ونظراتك , لا تحسبيني ما فهمت .
مرام : ماما هذا واحد كذاب وربي كذاب .
معتز : أنا كذاب .
عبد العزيز : خير ليش تصرخوا ؟((وقالوا معتز الموضوع ))
مرام : كذاب قاعد يزود كلام كذاب .
عبد العزيز : معتز انت كذاب ومن كنت صغير الكذب في عروقكِ .
أم مرام : جبتوا لي الجنان , يا عبد العزيز أفهم منهم القصة وقولها ليا بكرة رايحة أنام .
معتز : هذه وحدة ما عندها ذرة إيمان أو حتى إحسان .
عبد العزيز : خلاص عاد كبرنا على المشاكل , شوف نفسك كيف هذا شكل واحد في الجامعة .

معتز : أقول لا تزود همي , لكن أوريكي يا مرام راح أطلع فضايحك كلها .
عبد العزيز : يلا برى ما أشوفك تعتب غرفة مرام عمى هو الي باقي تتفلسف عليها .
مرام : خلاص كلكم برى ما أبغى أحد خلاص برى برى برى ((وتجلس ورى الباب والبكاء والدموع لعبد الله والمشكلة الي حصلت لها ))

في صباح مدرسة مرام ...
لمياء : أشوف البوز طالع خير ؟
مرام : مافي شيء .
لمياء : ذاكرتي .
مرام : ما مداني .
لمياء : يا ويلي مرام والله وجهك مرة زعلان خير .
مرام : خلاص سيبني الي فيا كافيني .
لمياء : أنا صاحبتك مرام إذا في قلبك شيء قولي لي ترى والله عادي هيا مرام , لسع باقي نص ساعة ويدق الجرس .
مرام : تعالي نجلس على الكراسي وأقولكِ .
((وجلسوا وقالت لها عن عبد الله وقصة الحب الي بينهم ))
لمياء : يا ربي الله يعافيه , ترى الي عندهم مرض الصرع ما يقدروا يجيبوا عيال .
مرام : أنا عارفة ((تبكي ))
لمياء : بالله خلاص ترى حدي واصل لها مافيا أشوف دموعكِ .
مرام : والله مو عارفة أذاكر , أطالع الكتاب أشوف صورة عبد الله في الورقة ((تبكي ))
لمياء : يا حياتي , والله منجد انتِ لو حبيتي تنسي الي حواليكي .
مرام : شايفة دق الجرس متى بس أذاكر متى وهو في قلبي وعيني ورأسي مو قادرة حتى أنساه .
لمياء : أفتحي كم صفحة وذاكريها بسرعة .
مرام : ((عيونها تدمع ))

بعد الاختبار ...
((مرام ولمياء طلعوا في نفس الوقت ))
لمياء : ايش سويتي ؟
مرام : خبصت ..خبصت ..مرة خبصت .
لمياء : لا لا يا مرام يعني تقريباً كم درجتك .
مرام : والله خايفة أرسب في النحو والصرف .
لمياء : يا ربي يا مرام ليش لدي الدرجة صرتي مستهترة بالثانوية ((معصبة ))
مرام : لا تعصبي عليا عصبي على الي قلب حالي .
لمياء : مرام بكرة علينا فقه وجغرافيا بليز مرة بليز تذاكري ما أبى أشوف دموع ولا تفكري في العبد الله هذا الي قلب حالك .
مرام : يلا رايحة .
لمياء : على فين ما جاه إسمك .
مرام : أشوف طريقي وبس .
لمياء : ((تصرخ )) مرام لو شفتك رحتي وما نادى على اسمك راح والله لا أشتكيك للمنوابة.
مرام : أهو نادى على اسمي .
لمياء : هيا روحي .
مرام : باي .
لمياء : باي .

((وتاني مرة يجيبها عزوز ))
دخلت السيارة ...
مرام : غريبة .
عزوز: غريبتين ايش عملتي في اختبار النحو والصرف .
مرام :30 من 30 (( الكذب في أحيان يكون منجاة والصدق أحياناً يكون سلسلة للدمار ))
عزوز: في الشهادة يبان ((وفي ناس تعرف الكذاب من الصادق ))

في البيت .....
((مرام قاعدة في غرفتها فاتحة الإستريو وحاطة أغنية ...ولا في الأحلام -إيوان أسمعوها يا قراء مرة حلوة ))
يرن الجوال ويقطع الجو ...
أفنان : مرام ألو ...((صوتها مفجوع ))
مرام : الو خير أفنان .
أفنان : مرام , مروج .
مرام : ايش فيها اتكلمي يا أفنان .
أفنان : طلقها محمد .
مرام : لا , لا , لا لا تقوليها يا أفنان لا تقوليها ((تبكي ))
أفنان : وربي يوم ما كونا عند طنت روضة هو السبت طلقها على طول .
مرام : ليش ايش عملت ؟
أفنان : عزمها على عشاء في مطعم روبي تيوزداي .
مرام : أيوا .
أفنان : وبس قالت له إنها كانت في ماضيها مسترجلة وقالت له عن كل شيء وهو أول ما دري عنها قال لها أنا مافيا أجيب عيال مهم عيالي .
مرام: هو غبي ما يفهم, شكله فهم كل شيء , كمان أنا قلت لمروج أنا راح اتصل وأكلمه عن ماضيها بس ما تسمع غبية مرة غبية .
أفنان : والله اتصلت على جوالها وتلفون غرفتها ما يرد بعدين اتصلت على ميعاد قالت لي أنها أطلقت منه , وقالت أنها تروح لأمها وتهزء فيها وتقول لها انتِ السبب ما انتبهتي عليا ما خلتيني أعرف الصح من الغلط .
مرام : حرام عليه خليه يفهم الموضوع بعدين يطلق وهيا أكيد نفسيتها أتخربت .
أفنان : يقولوا كل ما يدخل عليها أحد تصرخ وتبكي وتكسر التحف الي في البيت , وتضرب أمها , وما تأكل مرة .
مرام : وصلت لتضرب أمها , وما تأكل .
أفنان : أنا أبى أروح لها الخميس تجي معايا .
مرام : ايوا كمان راح تخلص الهموم .
أفنان : هموم ايش ؟
مرام : الاختبارات .
أفنان : وووووهههههههههه مبروك نسمع خبر نجاح مرام أوكي .
مرام : ((وتغني لها )) ولا في الأحلام ولا أي كلام يوصف يا حبيبي عينيك السود في جمالك مين ولا شافت عين دلي في حسنك ما بقاش موجود , أنا بعشق عينك عشان شايفك أنا روحي حبيبي خلاص وياك قلبي الي أحتار ورميته في نار بيقولك حني عليا حرام .
أفنان : يسلم صوتك يا إيوان , بس هذا الكلام قوليه لعبودي ها .
مرام : أنا مرام مو إيوان , وأمري لمن أكل عبودي على الماسنجر أرسلوا هيا أقولوه إهداء لعبودي .
أفنان : ذاكري , ذاكري بس .
مرام : يلا طيب باي .
أفنان : باي

جفت الدقائق وذابت الساعات ومرت الأيام لتدق على موعد انتهاء الاختبارات ..

مرام : وههههههههههههههههوووووووووووووووووووووووواوووووووا اااوو .
فهد : هههههههههههههههه .
مرام : اليوم أخر يوم يس ووههههههوووووووووووووواواواواو .
فهد : أسكتي خلاص أبى اتصل على حبيبتي عشان أكلمها .
مرام : أوف منكم ما تشبعوا من بعض كل دقيقة كل يوم ايش القرف هذا .
فهد : روحي ولا مافي خرجة اليوم .
مرام : خلاص طيب رايحة أشق المريول وافتك من شيء اسمه مدرسة ونروح للجامعة وااااااااااااااااااااااااااااااااااو أخيراً راح أصير أول جامعة واااااو واواواواواواوواو
فهد : والله ماما لو صحيت راح تموتكِ .
مرام : طيب رايحة أبشر أصحاب الشات كلهم أنو اليوم أخر يوم ليا ووههههههه .
فهد : ما نبغى محادثات جانبية فاهمتني .
مرام : على رأسك يا أخويا الكبير وهذه بوسة على رأسك مووووووووه .
فهد : الله يجعل أيامك فرحة طول العمر عشان نشوف هذه الضحكة طول العمر .
مرام : آمين .
فهد : والله يا مرام هذا أول يوم أشوفوا فيكي تضحكي وحشتنا الضحكة الحلوة هذه.
مرام : بطل محادثات فيها فلسفة طالعة ولا أحد يتخل عليا .

((طلعت مرام على غرفتها , أخذت جاكوزي جنان وراحت شبكت على الماسنجر ولقت رسائل من عبودي ))
أول رسالة كانت عبارة عن أغنية وهيا بحبك وحشتيني لحسين الجسمي
ثاني رسالة دعوة صيفية من ريهام لمرام

بنوته جنآن · 12-01-2008, 04:54 PM

ثاني رسالة دعوة صيفية من ريهام لمرام
ميمو الف مبروك على انتهاء الثانوية
وآسفين على الإزعاج ليوم الأثنين
المهم ......معزومة انتِ وأفنان على رحلة صيفية
يوم السبت في الطائف يعني بعد يومين المهم
تجي من خشمك ...بنات خالتي وعماني كلهم راح يجوا
ونبغى نفلها قوي مرة ..
عاد تعرفي شباب الطائف ما يصدقوا يشوفوا جمال بنات جدة , لازم تجي بس لوحدكِ عشان نفل أبو جدها على قول بابا ,,,,, وإذا كنتي زعلانة مني أديني كول مي بليز مرام بس لا تزعلي مني أوكي ...مدة الإجازة.أسبوعين ونص ...النص هذه خليها على جنب يعني شهر . ويسلم عليكي عبودي وسمايلي و رهومة وندى وشلتنا الجديدة باي .

مرام ما صدقت راحت عند أمها وصحتها من أعز نومها , وكلمتها وبالحيل وافقت , عاد مرام فنانة في البكاء فبكيت وحزنت أمها عليها و وافقت .
((والسوسة مرام راحت عل الماسنجر تكلم حبيب القلب عبودي ))

ميمو : كيفك بالسعودي شلونك بالكويتي شحالج بالإماراتي Comment allez-vous بالفرنسي إزيك بالمصري How are you بالإنجليزي , ولو أقول كيفك بكل اللغات صدقني ما راح أتأكد الا إذا سمعت منك طيب بالسعودي .
عبودي : ايش النفس هذه يا ميمو ايش الصباح هذا الي يفتح النفس الحمد الله وطيب بكل اللغات الخليجية .
ميمو : منجد صباح .
عبودي : خير ليش الفرحة هذه ؟
ميمو : مسوي ليا الجدة مريم نور اليوم أخر يوم ليا في الثانوية ما تبغاني أفرح .
عبودي : مبروك عقبال الشهادة .
ميمو : تسلم على الأغنية .
عبودي : عجبتكِ ؟
ميمو : مرررررررررررررررررة .
عبودي : واضح , طيب راح تروحي معانا الطائف .
ميمو : لا والله منجد عجبتني بس السمايل حطيتوا كده عشان من كثر كلامها الحلو قطعتني من النص , دوبها ماما قالت لي طيب .
عبودي : كذابة ...منجدك .
ميمو : والله .
عبودي : يا فرحتك يا عبيد .
ميمو : مين عبيد ؟؟؟؟
عبودي : هو في أحد غير عبد الله يقولوا له عبودي وعبادي وعبيد وعيون مرام .
ميمو : راح أسجل خروج .
عبودي : لالاللااااااااااااااااااا خلاص ما راح أغازل
ميمو : وليش يعني حاط سمايل يضحك من الجنب , حتى هذه مو ضحكة .
عبودي : انتِ أجبرتيني , كنت أحسبك راح تفرحي بس يالله .
ميمو : يا زعول زعلت ؟؟؟؟؟
عبودي : أنا أقدر أزعل من قلبي
ميمو : المهم ايش عملت بعدما خرجنا من عندكم .
عبودي : أنا تعبان من غيرك اسمعني و راضي ضميرك لو عادي تسبني لغيرك أنا والله أموت
ميمو : لدي الدرجة فيك جراءة تغني على الماسنجر .
عبودي : على الماسنجر فيا جراءة لكن وجه لوجه والله أنكسف .
ميمو : يا عيني يا الي يتكسف , المهم ايش سويت باختبارات الجامعة سلطة ولا دجاج .
عبودي :لا سلطة ولا دجاج سبرينج رول .
ميمو : قاعدة أضحك بقلبي عجبتني سبرينج رول .
عبودي : والله أنا راح أحاول أسعدك مهما حصل وبالذات في الحب .
ميمو : عبودي ترى خجلتني مووت بالله .
عبودي : ارجع لي أنا قلبي معاك مش قادر أنسى هواك يا حبيبي يا أحلى ملاك يا روح الروح .
ميمو : أكيد ريهام الكلبة قالت لكِ اني أحب هذه الأغنية .
عبودي : عندي أمل كلي أمل أشوفك تاني في حضني وايه العمل ارجع لي تاني وخذني .
ميمو : ترى زودتها بالمرة مرة , وكمان عندي اليوم تجهيزات يلا باي .
عبودي : والله أمزح مرام ميمو يوووووووووه

((سكت الماسنجر في وجه وانتهى النقاش الطويل بينهم ))

مرام : ماما ايش اليوم طابخة لنا .
أم مرام :رز صيني وسلطة باب الصين الي تحبيها .
مرام : انتِ أحلى أم ((موووووووووه بوسة ))
أم مرام : مرام المهم , لمن تروحي معاهم تنتبهي على نفسكِ , ولمن تخرجي من الفندق معاكم أحد على الأقل لؤي أو عبد الله .
مرام : ((فرحت من اسم عبد الله )) من عيوني يا ماما وكمان ما راح أتصيع معاهم .
أم مرام : ما راح تشتري ملابس أو مستلزمات .
مرام : الا مرة كتير .
أم مرام : بالله ايش عجبهم في الطائف كلها بدوى وشوارعها الله أكبر البدو وسخوها .
مرام : ماما انتِ روحتيها بس أنا ما رحتها .
أم مرام : طيب جيبي من محفظتي الكريدت كارد .
مرام : من عيوني
((وطلعت ونزلت بسرعة البرق ))
أم مرام : كم تبغي مصروف ؟
مرام : عشرة الاف تكفي .
أم مرام : أقلبي وجهك هيا شهر مو سنة .
مرام : 2000 ريال تكفي .
أم مرام : 1500 كفاية والله لو أبوكي دري يزعل بس عشان هو مسافر الإجازة كلها روحي .
مرام : ماما طيب الـ500 الي بقيت من 2000 ريال أعطيني هيا أشتري كم شيء بالله .
أم مرام : روحي مع أفنان .
مرام : طيب .
أم مرام : بس أتغدي ونامي شوية وروحي معاها .
مرام : طيب بس أتصل عليها .
أم مرام : يلا .

((يجي عبد العزيز يجلس جمب أمه ))
عزوز: مامي ماما ماماتي موذر مام .
أم مرام : وراك شيء نعم .
عزوز: ممكن أروح أتزوج .
أم مرام : ههههههههه ايش تروح تتزوج هو سفر ولا لعبة , وأكيد حاط وحدة في بالك .
مرام : أكيد روتانا ......((تكلم أفنان بالتلفون ))
أم مرام : واو عاد روتانا ما شاء الله جمال وأخلاق ودلال مافي مثله .((أخذت الأسم وحطته في الزواج ))
عزوز: سبقتوني بالكلام طبعاً لا .
مرام: ألو أفنان أكلمك بعدين .....,ماني عارفة أكلمك ولا أسمع عبد العزيز .
عزوز : والله يا ماما هذه وحدة أتعرفت عليها في المول بس أخلاقها عجبتني .
مرام : أحد يأخذ بنت من هذه الأمكنة .
عزوز: حلفت لي أول مرة تكلم أولاد حتى لمن كنت أتصل كانت تخاف .
أم مرام : تبى الناس يسألونا كيف عرفتوها نقول لهم ولدي أتعرف عليها في المول لا يا حبيبي شيل الفكرة من رأسك بنت من المول لا , إذا تبغى تتزوج السنة الجاية يكون خلصت الجامعة واشتغلت .
عزوز: وايش معناته فهد خطبتوا له سماهر من هو ثالث جامعة .
أم مرام: فهد من أول ما دخل الجامعة كان يحوش فلوس الين ما صارت ما شاء الله حوالي 700000الف اللهم زد وبارك , لكن رصيدك للأسف مو زي فهد أو على الأقل حاط رصيد .
عزوز: مو مهم الفلوس تتدبر المهم أتزوج .
مرام : راح تروح تتدين من هذا وذاك يصير لمن تتزوج تطلب زوجتك طلب تقول لها ما عندي فلوس , والله من تاني يوم تقول لك طلقني .
عزوز: أنا قلت مو مهم الفلوس .
أم مرام : ترى مرام معاها حق إذا عندك فلوس أتزوج ما عندك أصبر .
عزوز: طيب بابا ما يدفع لي .
أم مرام : أبوك لمن أتزوجني كان من فلوسوا ما أخذ من أبوه , وفهد ما طلب من أبوك بس أبوك قال له عليا الفندق بس .
عزوز: ناس ما تفهم قلوب أولادهم أوف فف .

((خرج عبد العزيز وهو مرة زعلان ومرام راحت المغرب مع أفنان عشان يشتروا ملابس وأشياء للرحلة )

مرام : شوفي هذا مرة يشبه فارس الله يرحمه صح .
أفنان : ايوا والله مرة يشبه له المهم دحين لا تتذكريه شيلي من رأسك , شوفي جنيفر عمل تخفيضات تعالي نروحه .
مرام : طلبي كله هناك .
((وراحوا جنيفر ))
أفنان : ايش رأيك في هذا الفستان ؟
مرام : روعة مرة أنا راح أخذه .
أفنان : والله ....مافي ما ينفع تلبسيه هذا للبنات الي مخطوبين أحم أحم .
مرام : تشوفي يا أفنان بكرة يخطبني عبد الله ما تتكلمي طيب .
أفنان : المهم كل شيء حلو ليا هههههههههههههههه .
مرام : يلا ترى أنا خلصت عنك شيء .
أفنان : بس نروح كليرز ونقعد في ستار بكس .
مرام : طيب , بس انتِ عازمتني .
أفنان : تستغليني طيب .
مرام : والله أنا ما عندي فلوس أو مئات الألوف عشان أعزمك أول كنت أعزمك دحين لا حبيبتي خليه فلوسي على قلبي .
أفنان : أمشي تلفي يمين ولا يسار .
مرام : نروح إكسسوريز أحسن وبعدين كليرز .
أفنان : والله ماني عارفة دحين أخذ للفستان الأصفر إكسسوار أحمر ولا أورنجي .
مرام : الأتنين .
أفنان : تشوفيه كده .
مرام : أشوف كده .

((وبعدين راحوا على ستار بكس ))
مرام : خير الشباب يطالعونا .
أفنان : وحدة شعرها الطويل باين تبغيهم ما يطالعوا .
مرام : شعري باين الله يلعنك والله انتِ بينتي طيب .
أفنان : هههههههههههههههه .
مرام : عمى كويس أنو مسشور .
أفنان : ليش تسشوريه شعرك ناعم .
مرام : أحب أطلع وهو مسشور .
أفنان : ايوا عشان المواقف هذه لو حصلت ما تتفشلي صح .
مرام : قومي معايا ترى أنا تعبت ولو جات الساعة 11 الليل أخواني راح يموتوني عشان أتأخرت .
أفنان : أمشي على السيارة يا ضرسانة ولي على قلبك شو تقيل .
مرام : والله تعمل زي رمزية الي في كسر الخواطر .
أفنان : والله بكرة متحمسة لو أتزوجت رامي , وزرت أخته تهاني نفسي أشوفها كيف معاملتها معايا .
مرام : راح تكلمك باللبناني وتكلمك عن دينهم المسيحي والهبالة حقتها .
أفنان : أمشي على السيارة , ما باقي كمان الا أفتح لكِ باب السارة .
مرام : ماني عارفة رافعة خشمك لي عشان بس عندكِ رصيد في البنك , وكمان يا ريتها لو فلوسك فلوس زوجك وأهله .
أفنان : غيورة .
مرام : لا مو غيرانة , بكرة يخطبني عبد الله وتشوفي كيف أرفع خشمي زيادة عن خشمك .

((وطلعوا السيارة بعد مجادلة تجيب عوار الرأس ))
في البيت ...
مرام : بالله انت وجهك هذا متى راح تتزوج انت وسماهر .
فهد : خير جاية حاطة حرك فيني .
مرام : لا منجد متى راح تتزوج طولتو في الخطوبة على الأقل أعمل الملكة بس .
فهد : لمن أخلص شغلي أملك عليها .
مرام : أوف مافي أعراس السنة .
فهد : تسأليني ايش دراني عنك , بنت قومي أمشي أطلعي على غرفتكِ في برامج ما تنفع لكِ مرام : يا ريت كنت ولد عشان ما يصير في حياتي شيء اسمه حرام ودحين سيرة الحب صارت مواضيعه ما تنفع لي .
فهد : غليظة .

((وطلعت على غرفتها ترتب شنطة الرحلة وتأخذ الـipod حقها والمسجل وكل احتياجات الرحلة ))

نجي ليوم السبت يوم الرحلة على الطائف .....

الساعة 6 الصباح ...يوم السبت ...

((راحت مرام وأفنان مع السواق على بيت أم رامي , عشان يضبطوا الرحلة والسيارات ))

أتفرقوا العيلة كلها لخمسة سيارات وهيا كالتالي :-

السيارة الأولى.. سيارة عم راضي "بي ام دبليو " فيها راضي وطنت روضة وأماني والخدامات .
السيارة الثانية .. سيارة رامي " لا ند كروزر " مو سيارة رامي بس هو أخذها عشان أكتر ناس راكبين معاه ... رامي وجمبه عبد الله و وراهم ريهام وندى وزوج ندى و وراهم مرام وأفنان وفي النص لؤي .
السيارة الثالثة .. سيارة زوج تهاني " كامري 2007" فيها زوج تهاني وتهاني و ولدها ونهى وأمل ومشاعل .((بنات خالات ريهام ))
السيارة الرابعة ..سيارة أحمد ولد خال ريهام وحبيبها كمان "سمارت سودة وعليها رسومات خطيرة مرة " فيها أحمد وأمه وأخواته وبنت عمه .
السيارة الخامسة ..نوعها " فراري أصفرر " فيها ولد خالة ريهام وأخته وأخوه .

((الكل مشي في نفس الوقت وكل سيارة كان لها ميزة خاصة بس كان الجو روعة في الصباح ))

في سيارة عم راضي ....

أماني : أبعدي الله يقرفكِ على ريحتكِ .
روضة : خير معصبة على مين هذا الكلام .
أماني : ماما ليش ما رحت مع رامي أحسن والله كلهم متونسين شوفي كيف يرقصوا مع الأغاني والوناسة واحنا عندنا سعد الغامدي .
راضي : يا بنتي ما يصير تتريقي على العلماء المسلمين مثلما قال تعال " وانه لقول رسول كريم " صدق الله العظيم .
أماني : بابا بطل كلام دين وانت تعرفني أكره الدين .
روضة : لو عدتي هذا الكلام تاني أقطع لسانك من رقبتك هيا , أقعدي زي العالم والناس .
أماني : أنا غلطانة أجبر بخاطرك وأقول أجي معاكي كان خليت لؤي يجي بدالي أحسن .

في سيارة راضي التوتر زايد مع الأسرة ..

الجزء التاسع والعشرون :-

لكن في سيارة رامي الوناسة مخلينها ومعلينها على الأخر ...
لؤي : يا سلام عليكي يا مرام في ايش تطالعي .
مرام : أشوف الدنيا .
أفنان : دحين الدنيا تنشاف من الجبل .
مرام : خليني عايشة الجو بس .
رامي : يا عمري يا حياتي .
أفنان : آمر حبيبي .
رامي : معايا كيس أكلات تبغوا .
أفنان : جيبوه حبيبي .
ندى : شوف يا عصام كيف يدلعها مو زي مالت عليا ((عصام زوج ندى أتعرف عليها في الجامعة واتزوجوا عن حب , لكن مرت سنة وضاع الحب ))
عصام : يا قلبي آمري ايش تبغي .
ندى : أه أخيراً .
مرام : صارت سيارة خاصة للعرسان ما باقي نعملها سراير عرسان .
ندى : مرام ما كأنك زودتي في الكلام .
مرام : سوري , عبد الله .
عبد الله : ((دار وجهه عليها )) عيون عبد الله .
مرام : حط لنا أغاني حلوة .
عبد الله : الحلو ما يجي الا من طلب الحلو .
رامي و لؤي وعصام : خلاص عاد ما صار طلب , زودتها يا عبد الله أحترمنا عاد .
((أفنان تقعد تضرب مرام وتقول لها في إذنها : من قده يغازل قدامنا وتقول لي هو يكرهني فين يكرهك يا بكاشة))
عبد الله : أوف منكم , آمري مرام .
مرام : لو عندك تامر حسني بليز تحطوه ((تتكلم بصوت ناعم , حتى مخلي شكلها حلو وناعمة ورقيقة ))
عبد الله : في تامر 2005 وفي تامر 2006 وفي تامر 2007
مرام : لا الله يسعد ك حط الألبوم الي فيله أغنية ما يحرمنيش منك .
عبد الله : الله لا يحرمنا من بعض .
رامي : يا كلب زودتها بطل هبالة مو قدامي لأني شكلي راح أفتح الباب وتقعد في النار هذه .
عبد الله : أوف تجيبوا البلى لحظة مرام .
((أول ما حط الأغنية حطت مرام رأسها على الكنبة وقعدت تفكر ؟؟؟؟؟أكيد في عبد الله , حتى العرسان منسجمين كتير مع الأغنية ))

عبد الله بصوته الحلو : حبيبي النهار داه لازم تعرف حبك عملي جنان أنا بحبك بحبك حب ما حبوش انسان , وأه أه يا حبيبي وحياة أغلى حاجة عندك وما يحرمنيش منك وما يبعدنيش عنك .
رامي : أهدي هذه الأغنية لزوجتي وحبيبتي أفنان .
عبد الله : أهدي هذه الأغنية لمن هو سكن في قلبي .
ندى : أتعرف يا عبدوالله لقد أعجبني تعليقك لذلك سوف أهدي هذه الأغنية لزوجي العزيز عصام .((تتكلم بالفصحى ))
عصام : أنا كمان أهديكي هذه الأغنية .
ريهام : أهدي هذه الأغنية لولد خالي أحمد يا ريته لو موجود عشان يسمعها بس الجيات اكتر .
مرام : أهدي هذه الأغنية لشخص عزيز عليا لكن خليه القلب يستر عنه .
عبد الله : مييييييين هو الشخص العزيز .
مرام : زيما انت ما قلت مين هيا البنت أنا كمان ما أقول مين هو الشاب .
لؤي : أهدي هذه الأغنية لمرام عشان مرام منجد جننتني من يوم ما قالت لي أنا معجبة فيك وما زلت أحبك يا مرام .
مرام : يا قلبي عليك ((وسلمت على خده ))
لؤي : مرام تحسبيني ولد صغير لا يا حبيبتي أنا بلغت وأعرف وأفهم , وكمان أنا أطول من عبد الله وأنحف منه يعني لو سمحتي لا تحسبيني ولد صغير أنا شاب حتى صوتي خشن .
مرام : أأ أو سوري والله ما آدري انك شاب .
أفنان : أهدي هذه الأغنية لحبيبي وحياتي وعمري وقلبي رامي .
رامي : وصلت يا حياتي .
عبد الله : منجدك بلغت يا لؤي .
ريهام : ترى في بنات يا عبد الله وكلام زي هذا تسأله انت وياه في غرفة وحدة مش لازم في أمام الكل , ترى أحرجتهم يا عبد الله .
عبد الله : سامحونا يا بنات عاد لزقة لسان .

في سيارة زوج تهاني ...
تهاني : ولاك يا زنمة قوم عني يا نهى أمسكي طوني ترى ما بطيقه خلقة .
نهى : لو رحنا مع رامي كان أحسن .
تهاني : اسكت يا زنمة ما بتبكي .
زوج تهاني : حياتي خفي عليه شوي .
تهاني : لك أنا غلطانة اني أتزوجتك وجبت منك هاي الزنمة الي بدو شي على تمه , ولاك سكوت .
مشاعل : قرف .
أمل : هم وغم معاهم .
تهاني : شوفي انت وياها إزا كان بدك تروحوا معنا على الطائف اهلا وسهلا ما بدكون الله يخلي مية سيارة حوليكن .

صراخ وبكاء طوني وتنفير من تهاني اللبنانية الله عليهم بس .....السيارات الباقية ما لنا شغل فيهم احنا همنا في سيارة رامي لوحدها ...

عبد الله : ترى أنا جيعان وقرمشت الليز بتجوعني زيادة ولو سمحتوا أعطوني ليز أو دوريتوز أو برينجلز المهم شي فيله قرمشة .
لؤي : خذ .
مرام : لحظة ننوع له هات الكيس الي معاك .
لؤي : ليش تتعبي نفسك هو كيس وبس .
مرام : أحسن ننوع له .
أفنان : هو ورامي مو بس عبد الله .
مرام : كويس ندى وعصام نايمين لكن لو سمعوكي وربي أقول كلام ينزل مين قيمتك .
أفنان : انتِ حرة .
مرام : اتفضل عبد الله .
عبد الله : تسلمي ما قصرت .
لؤي : مرام ايش تعملي ؟
مرام : زي أي بنت أحط ميك آب .
لؤي : ما شاء الله انتِ حلوة من غير ميك آب .
مرام : برضوه ما أحب يكون وجهي مافي له ميك آب .
لؤي : في بنت أعرفها في المول جايبة ليا الجنان , كل ما تشوفني بليز اسمك طيب رقمك طيب عمرك , أقول لها والله عمر 14 سنة تقول لي بتمزح عارفة طيب رقمك ..إنا لله قلت لها أبعدي عني تقول لي رقمك أو اسمك أو عمرك على الأقل يا ربي عليها أضن اسمها سوسن صح يا عبد الله .
رامي : نايم سيبوه .
أفنان : دوبنا أعطينا الشبس ما مداه ينام .
رامي : أمس كان سهران طول الليل مسكين مرة تعبان .
((مرام كانت تطالع عبد الله ونظراتها نظرات حزن وشفقة عليه هذا المسكين ))
مرت الساعتين بسرعة و وصلوا على الطائف ...
راحوا على فندق فخم اسمه جراند باهادر وأخذوا ثلاثة أجنحة فخمة وغرفها كتير ..
أول جناح ..كان خاص للرجال والشباب
ثاني جناح ..خاص لكل البنات و لازم معاهم محرم ..ومين غير المحرم لؤي المسكين .
ثالث جناح ..خاص للحريم يعني الستات الكبار ومن حظ ندى انها في جناح البنات .

في الجناح حق البنات ..
مرام قاعدة ترتب أشياءها في دولابها الخاص ..وبعدين راحت على الحمام سوت شاور على السريع وخرجت من الحمام أكرمكم الله , وقعدت على الشباك تتفرج على الجبال والخضرة .
ريهام : مرام ما نومتي ؟
مرام : مافيا نوم .
ريهام : طيب ايش رأيك ننزل نتغدى في المطعم الي تحت .
مرام : لا مالي خلق .
ريهام : خير مرام في شيء .
مرام : لا مافي بس وحشوني أهلي .
ريهام : لسع ما كملنا يوم وحشوكي .
مرام : أنا تعبانة أنزولي مع لؤي الله يخليكي ما فيا أنزل ولا أتكلم .
((ويرن جوال ريهام ))
ريهام : الو نعم عبد الله .
عبد الله : مرام نايمة ولا صاحية .
ريهام : صاحية ليش ايش تبغى منها .
عبد الله : أديني هيا .
ريهام : مرام عبد الله يبغاكي .
مرام : يبغاني ؟؟؟؟؟؟
ريهام : ايوا يبغاكي .
((راحت مرام لأخر الركن واتكلمت بصوت مرة واطي ))
مرام : الو .
عبد الله : كيفك مرام .
مرام : طيبة كيفك انت ؟
عبد الله : حمد الله , مرام الله يوفقك ما تقدري توقفي شوية على الباب .
مرام : ليش ؟
عبد الله : أبى أديكي شيء , بس بسرعة ما راح أطول أفتحي لي الباب جاي لك .
مرام : طيب أستناك .
ريهام : ايش يبغى منكِ ؟
مرام : مالك شغل .
ريهام : طيب يا مرام .
((ويدق الباب بشويش وتروح تفتح مرام الباب ))
عبد الله : في احد صاحي ؟
مرام : بس أنا و ريهام .
عبد الله : أمشيكم .
مرام : لا فيا نوم .
عبد الله : نوم العوافي المهم خذيه هذه , واحنا كنا بالطريق كتبت لكِ هيا.
مرام : ليش عذبت حالك .
عبد الله : مافي تعب , خبيها قبل ما تشوفها ريهام .
مرام : ((ابتسمت له ابتسامة ))
عبد الله : أه يا مرام بتعذبيني .

((وخرج عبد الله وراحت مرام على غرفتها وجلست على السرير وقعدت تقرأ الورقة))

هل تلاقين الذي يشجي ليالي ارتياباً
و احتراقاً مثل صبري ذاب في السهد عذاباً
كلما أمعنت يا ليلاي صداً واحتجاباً
حثني قلبي , فزدت الخطو شوقاً واقتراباً

‏ليس هذا الحب ما ألقاه , بل محض جنون
بعثر الآهات حرى بين شوقي والظنون
آم مما فعلت العمر هاتيك العيون
واعدات بالأماني صائدات كالمنون.

كل نبض في حنايا النفس يدعو حبها
وكأن الله لم يخلق نساءً غيرها
وكأن القلب لم يخفق غراماً قبلها
وكأن الحب قد حل على الأرض لها

هل أنا نهب خيال في خيال؟
جرني وهمي لشطآن المحال
فبنيت الحلم طوداً من رمال
فذرته الريح في أفق ضلالي
حائراً ليلاي في أمر الليالي

لم تعد يا ليل تبدي بسمتك
هل ترى خاصمت ليلي أنجمك
أم تراها هاجرت خلف الفلك
لم تعد يا ليل في الآفاق لك
قدر وحدني دوماً معك
ربما تحرقني كي أشعلك

إيه يا آهات هذا الليل , تليني وتقري
لم يعد في الليل نجم يؤنس العشاق يسري
رحل البدر الذي قد كان للسمار يغري
فإذا الأشواق ثارت في دمي تجتث صبري
كالمنايا ....أسرج المصباح من لفحات جمري
وأنادي : ليس في الأقداح ما يكفي لعمري

ليس في الأقداح ما يكفي شرابي
دابت الأنفاس سكرى في الحباب
فإذا الحلم شراع في العباب
وإذا الحب سراب في سراب ....

من عبودي لميمو

بعد ما مرام قرأت الرسالة مرات ومرات , راحت نامت هيا و ريهام

::::::::::::::::::::::::::::::::

يلا اكمل بعد الردود اتعبو بالردود

مثل ماتعبت بالموضوع

هـمـس الـخـيـال · 12-02-2008, 05:12 PM

يعطيك الف عافيه اختي الغاليه//شهوووده

على القصه الجميله والرووووعه

والاجزاء الجميله..ومشكوره//عروق الياسمين

على التثبيت الجميل..اشكرك جزيل الشكر يالغلا

لك اجمل التقديرر مني

تحياتي

لاهدت نفسي..} · 12-02-2008, 06:02 PM

شهوودة تسلمي على القصة الحلوة

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم
خبر 3	دمعة شجن.. احسن الله عزاك..~ بقلم : فـديـت روحي	$$ أبـــو فـــيـــصـــل $$

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري