السلام عليكم ...


صبحكم / مساكم الله بالخير ..


كيفكم يالغالين عساكم طيبين إن شاء الله وبأحسن حال ..


المهم في موضوع ببالي وحبيت أشوف رأيكم فيه وأناقشكم إذا ممكن


الموضوع ألا وهو :::


============================================

كثير ما نسمع فلان سافر للعلاج في الخارج .. وفلانه سافرت للعلاج في الخارج ..

ممكن نعرف ايش السبب اللي دفعهم للسفر للعلاج خارج البلاد ..؟؟؟!!!

هل نقص في مستشفياتنا الحكوميه ؟؟ ام قلة خبره لدى الداكتره الموجودين ؟؟!!

أم مستشفياتنا غير مجهزه بأحدث التقنيات اللازمه ؟؟ أم أن علاج الدوله غير نافع ؟؟!!

أم ماذا ؟؟!!!

في تصوري اان مستشفياتنا تفتح بابه وتستقبل كل الحالات بدون أستثناء ..

ومستشفياتنا مجهزه بأحدث الأدويه والمعدات الصحيه الكافيه ..

وأعتقد ان الملايين تصرف سنويا من أجل تطوير المستشفى ومستلزماته

والدوله توفر جميع سبل الراحه للمريض وتتحمل جميع المصاريف ..

مع ذلك !؟؟!!!

نشاهد الكثير من الناس علاجهم في الخارج والسبب !! غير معروف ..

حبيت أناقشكم في هذا الموضوع ..

وإن شاء الله يكون موضوع جميل وحلو وخفيف ..

في أنتظاركم

تحياتي وأحترامي

الأسباب وبكل بساطة ,,,,, ارتفاع اسعار مستشفياتنا بالمستشفيات الخاصة

اما الحكومية فهي تريد الواسطة

اخوي الفارسي

لابد نكون واقعيين



مستشفيات الخارج من ناحية الأمكانيات أفضل بكثير

من ناحية التطور أفضل بكثير

لايوجد فالخليج سوى ثلاث مستشفيات أو اربع بالكثير هي الأفضل

ولا تدخل الا بالواااااسطه


مبدع يالفارسي كما عودتنا

وعليكم السلام

مساء الخير

هلا وغلا الفارسي

معتقدات خاطئة في نظري , عندي واحد من اعمامي

راح سوي عملية غضروف في لندن وتعب بعدها ما قدر

يمشي والا يوم راح السعودية وسوي عملية جديدة للغضروف

في المملكة العربية السعودية وبعدها تم شفائه بالكامل

فلذلك مو في كل شئ نلجأ للغرب , حنا عندنا الكفاءات واحنا

اهل الطب واحنا اصحاب العقول الفذة والمتقدمة , الغرب

في شئ واحد فقط هو اللي خدمهم وهو التكنلوجيا المتقدمة

واذا اخذنا منهم هذه الاجهزة مارح ينقصنا شئ , يبقي ليه نسافر !

مشكور علي الموضوع الهادف وتسلم يدك يا رائع , الله يوفقك

سلامي واحترامي

أخي الفارسي موضوع جميل
واسمحلي ادلي بدلوي
وخاصة اني من منسوبي وزارة الصحة اعمل بأحد مستشفياتها
صحيح الوزارة ماقصرت وفرت جميل السبل والتسهيلات للمواطنين وذلك بفضل من الله
ولكن السفر للخارج يكون ضروريا عندما :-
1- لايوجد مستشفيات متخصصة في الدولة . فقط مستشفى الملك فيصل التخصصي .
2- هناك بعض الدول متخصصة في علاج بعض الامراض لتوفر عوامل طبيعية اكسبتهم خبرة طويلة وميزتهم عن غيرهم من الدول مثل دولة التشييك في مجال التأهيل الشامل مايتوفر لديها من مياه وينابيع تحتوي على مواد كيميائية طبيعة مفيدة في علاج العضلات والاعصاب
3- احيانا تكون شهرة الاطباء الغرب سبب في السفر لهم .
ووزارة الصحة تتكفل بعلاج الكثير من مرضاها في الخارج
وفي الاونة الاخيرة وزارة الصحة تعمل جاهدة في استقطاب خبراء واطباء على مستوى عالي في الطب
ولله الحمد انه قل السفر الى الخارج للعلاج
وايضا بفضل من الله اصبح للطبيب السعودي سمعة طيبة ويحظى بثقة كبيرة من المواطنين لانه اثب وجوده واصبح يجاري الاطباء العالميين. واصبحوا يلقون دروسا ومحاضرات في الداخل والخارج...ولكن العدد قليل في نسبة السعودة في مجال الطب . وهذا ايضا يعتبر سببا في السفر الى الخارج
بل بالعكس الاحظ ان اناس يأتون من الخارج من دول الخليج والدول العربية للعلاج في السعودية ( مستشفى الملك فيصل التخصصي - الحرس الوطني - مدينة سلطان بن عبدالعزيز الانسانية - مركز الامير سلطان بن عبدالعزيز للقلب )
لكن المشكلة التي تحاول وزراة الصحة التغلب عليها انه توجد تخصصات نادرة على مستوى العالم وليس المملكة فقط كجراحة المخ والاعصاب والاوعية الدموية وغيرها لايأتون الى السعودية وانما يبقون في دولهم حتى لو زادت رواتبهم لذا يكون السفر للخارج لهذا السبب....
اما الواسطة فصحيح هذا امر واقع
لكن الواسطة ماتكون الا في الامور الغير نظامية ........

والله يا خوي بلنسبة لبلدي ( البحرين ) أني أجووف أن مستشفياتنا خرطي ، طبعا الانسان مب معصوم عن الاخطااء بس صارت قصص وااااااجد في مستشفياتنا من الدكاتره ، يعني ماتجوف في اهتمام لداك الزوود في المريض إلا الي يشتغلون بضمير ، ياما ضااعت أروااح وتغربلوا نااس وااجد مو شووي والسبب إن مافي اهتمام أو خبره عدله ..

غير الي في الخارج أغلب عملياتهم تجوفها ناجحه وبنظام ووو إلخ >> خصوصا الي عيونهم شخط مافي فوقهم من العبقريه والذكاء

اهني الي بيدرس طب ع خرطي بس يحفظ ليه جم شي وجيب العلامه وشسمه >> مادري بسوالف العلمي بس اتوقع جذي

ووحده من هلي نسوا في بطنها سيم ، وكلما تروح لهم يقولون مافي شي ليما سافرت الاردن شكله وشالوا السيم
و قصص ماتكمل

تحياتي لك