سلام الله عليكم جميعاً

اليوم قررت انزل موضوع مهم جداً جداً
ويخص البنات بشكل اكبر

من العنوان باين موضوعي

قبل كذا .. فتح موضوع للنقاش بالنسبة للبنات [ السنعات ]
و [ الرفلات ] >> يعني اللي مايعرفون يطبخون

المهم ماودي افتح اللي فات

كثير من الأمهات يتشكون من بناتهم هالايام
اللي تقول بنتي ماتصحى الا على اذان المغرب تفطر وتجلس عند التلفزيون
وعليها لين الصبح وتنام لين المغرب ولا تساعد ابداً

واللي تقول البنت كل ما اقولها شي تقول انا صايمه

واللي تقول البنت من تصحى وهي على الانترنت بغرفتها وياويلنا لو أمرناها بشي


لا والمشكلة ان البنات يعترفون بكذا ..!!!

وحدة من البنات < الله يستر علينا وعليها هي عارفة نفسها زين

أسألها مرة بالساعة 3 العصر على النت ..
خلصت اموري وجيت اخذ استراحة قصيرة
قلت ايش اللي مجلسك على النت بهالوقت ليه ماتروحين تسوين الفطور
قالت لي [ الله يخلي امي ] هي بالمطبخ

يعني امك الكبيرة اللي المفروض تشيلينها تخلينها توقف وانتي متربعة وجالسة < ادري بتجلدني بس هذي الحقيقة

ووقتها كنت اكلم وحدة تقرب لي
سألتها بعد عن المطبخ
تقول [ ايه ابشري .. تصدقين انا اللي اسوي الفطور والعشاء والسحور .. ]
وطبعا كانت تقولها وهي تتريق


وحدة من اعز صديقاتي
ماتصحى الا لما يحطون السفرة .. وتاكل .. وتروح على التلفزيون وتتابع كل المسلسلات وماتدري عن البيت والاكل


اممممممم ..
برأيكم يابنات عصروو ..
هذه طريقة صحيحة للتعامل مع الحياة في البيت وخارج نطاق البيت ؟!!!
وهل ستفيدكم هذه الطريقة بعد الارتباط بزوج وبيت يعول اسرتك ..؟!

انتظر آرائكم وياويلك ياللي عارفة نفسك لو هاوشتيني


في حفظ الله

~أميرة الذوق~

مشكوره قلبوو على الموضوع الرائع مثلك واجو لكي المزيد من التقدم و النجاح

وعليكم السلام

مساء الخير

هلا وغلا مرمر

بصراحة موضوع حيوي جداً وكان نفسي ينطرح من زماااان

الواقع مؤلم والحقيقة اكبر واصعب من اننا نخبيها وراء ظهورنا

البنت اذا تعودت علي هذه الاشياء من الصغر او وهي شابة

مارح تقدر تتأقلم علي انها تكون مسؤولة عن بيت في المستقبل

مافي مانع انها تجلس بالنت وتشوف تلفزيون بس كمان ما ننسي

اننا نبر امهاتنا والبر في المساعدة في قضاء احتياجات البيت وشئونه

هو اعظم انواع البر وهو اكثر شئ يدخل الفرح والسرور لنفس الام

رتبي وقتك مابين المطبخ + النت + التلفزيون + الطلوع للسوق او

الفسح خارج البيت , ولكن لا تنسي انك اذا ساعدتي اموك في شئون

البيت انتي المستفيدة واذا تكاسلتي وقضيتي طول يوم نت + تلفزيون

انتي الخسرانة لان هذا كله رح يجي علي راسك في النهاية لما تتزوجي.

وفي نفس الوقت لا ننسي الشباب , يعني ما نرمي اللوم علي البنات

بس , قوم من سريرك رتبه وشد الفرش عليه وطبق لحافك او غطاك

لا تنتظر شغالة او الوالدة او اختك تجي ترتب والحياة عبارة عن مشاركة

البيت الناجح هو اللي يكون فيه التعاون والمشاركة في كل شئ .

وبصراحة اقولها ما حصل بيوم من الايام تركت صحن اكلت فيه او كباية

شربت فيها عشان تغسلها شغالة او غيرها , انجز كل اموري بيدي

لذلك الحين في غربتي صرت مرتاح لاني تعودتي هذه الاشياء من

وانا صغير , والفضل لله ثم الوالدة الله يطول بعمرها ويخليها ,

مشكورة مرمر علي الموضوع الرائع وتسلم يدك يا ذوق .

سلامي واحترامي

ملاحظة :-

تم نقله لــ قسم النقاش والحوار الجاد

وهو الانسب بدلأ من القسم العام

مشكووورين كثييير ع الردود

سلمتي و دمتي الغلا ع الطرح الاكثر من رائع..انا برايي ان البنيه لازم ادش المطبح حتى لو ما تحب اتسو اكلات اقلها تسو حلويات احسن عن لاشي عسب اتعود عمرها ومع الايام انشالله بتستوي شيف.^^

تسلمي شيطونه ع الرد الرآئع

موضوع يستحق النقاش وياحبي لنقاشات



مب شرط تساعد امها وانا اتج بالمطبخ، على الاقل تسوي لها شغله مفيده برمضان

وهالايام يا كثر ماينامون البنات وقبل الفطور يقومون ومن تسئلينهم منو سوا الفطور يقولون امي او الخدامه..

بالنسبه لي الوالده الله يرحمهاا

يعني انا واختي اللي بالبيت وطبعا معانا الخدامه نسوي فطور لاهلي

وتعلمنا الطباخ


اذا البنت ماتعلمت متى بتتعلم وبتسوي بيت


مشكوره اختي على الطرح.}

اختي الغاليه

اميرة الذوق


في هذا الزمن نرى عتابا موجه ونداء خاص من ام تشتكي

بسبب إهمال ابنتها من مساعدتها لوالدتها ..

نعم انا اعاتب وبشده لهذا التصرف المخجل ...

لماذا هذا التكاسل ...

لماذا لاتتعاونوا ...

تشوفون البنت تكبر وسادتها وتنام ..او تحت التلفاز

او طيلة الوقت والفتره عالنت ..

والام تنادي ولا مجيب ..

وعندما تواجهها تقول لا يمه انا تعبانه وايد ...

وي وي يمه بليززز انا ما اعرف ولا احب ادخل المطبخ ..

انزين يا بنيتي عالاقل جهزي الصحون عالمائده ..

لالا يمه انا خلاص قلت لج وتركض بسرعه لغرفتها وتسكر عليها الباب ..

بصراااااااااااااااااااااااااااحه

هذي يسمونهااا ...

وقـــــــاحـــه ...

اختي الغاليه

بارك الله فيج عالموضوع القيم ..

لانه حقا مميز ويلامس واقعنا المرير

ويعطيج الف عافيه

اختج
الماسة البحرين

يسلموو ع الردود العطره

تسلمين اختي على الموضووع

في بنات من نفسهم ما يحبون يدخلون المطبخ يعني فيهم هيازه من نفسهم

يعني مب لازم كل يوم يعني على الاقل مرتين بالاسبوع من باب المساعده

لو ظلت جيه جتى باجر ما بتقدر تخدم نفسها وبتتكل على الخدامه

عيل بس فالحين ياكلون ويمشون ايدهم بالطوفه وسيده تلفزيون ونت لا ذكر الله ولا شي

يالله لك الحمد..