الســـــلآم عليـــــــكم ورحـمة الله وبركـآتـه ...

(( أسلوب البنات بالماسنجر )) >> بنــآآت بدؤؤن زعــل ..





.



المصلحجية

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من زمان ماشفتك شدعوه ماتسال علي
ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز لووووول ..




الرسميـة

ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاء هذي امور خاصة فيني.. ولما تسالها شخبارك ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات لووول ياحياة الشقا.. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.




الهبلــة

هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. يقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.




البطــــة

طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة الرياض او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.




البريئــة

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك
تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا هع
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك



الشينـــة

اسمها الحقيقي نوره او ساره او حصه او عنبره او رقيه.. ويعايرونها في البيت ام ضرس او الحولا او البطه او ام جبهة..
وتجي الماسنجر تتميلح وتقول اسمي الجوهره أو مشاعل او فاتن او شهد او ريم.. ودايم تنتقد و مايعجبها العجب.. واذا شافتك مشغول انواع الهواش والشتايم
واذا عطيتها وجه انواع الصفط والركب
تحتار كيف ترضيها.. تعطيها اغنية تقولك ماحب الاغاني.. تعطيها كرت تقولك انا مو دادا قدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره


دمتم بود ><><>

ههههههههاااااااي الله يرجك انت وسواليفك يا امير مت من الضحك

يسلمووو شهد ع المرور


منووره الصفحه يا الغاليه

الامير الحنوووووووووون

وربي موتني ضحك هههههههههههههههههه

طب خذ هذي :

شباب الماسنجر


المصلحجي
يصبر عليك ، ولو سبيتيه وسفلتي فيه ، بيقولج بهداوه ليش أنتي معصبه، اشوي اشوي علي، إذا غلطت فانا آسف حقك علي، هعهعههع، وهو محترق تقولين( ماكل دقوس حااااااااااار وساكت) ، ومسوي نفسه طيب وبريء وعلى قد نياته ، لين ما تلبين كل طلباته ، ترسلين له صورتك الخ...



الأهبل
أنتي في وادي وهو في الصحراء، تطلبين منه شئ ، يقعد يضيع وقتك ويستهبل ، تطلبين يرسل نكته (يرسل لج أغنيه )، تطلبين صور طبيعيه أو صور خياليه ( يرسل لج فلم عن الحيوانات الأليفة هعهعه)، تشتكي منه يقولك (خلاص سوي لي بلوك ودليت )، تسوين له بلوك( يرسل لج رسالة على الايميل ليش سويتي بلوك؟!!!!) وإذا حذفتيه (يرسل لج رسايل على ايميل يهددك رح اخذ ايميلج . )وش تبي يا صبي ؟! الله العالم ؟! شكله محتاج حنان ما لقى من امه !!!




الذكي
اي شي تقولين له يقولج حاظر ، ويصبر ، واذا غلطتي عليه ، قالج : ليش كذا يا بنت الناس ما تبين تكلميني لا تكلميني لكن لا تغلطين علي ، ولا رح اغلط عليج، (علشان البنت تقول لا والله هذا ما شاء الله عاقل ، ويمكن تفكر تستمر معاه) ويرسل لج اي شئ واي خدمه طلبتي منه ما رح يقصر ، ينتظر انتي تبدئين بلي في راسه(.مسوي نفسه فيلسوف ...ودارس علم النفس )هعهعهع



الدفش
اي شئ قلتي ، (قالج مو على كيفج / مو خادمج،) اذا ارسلتي له نكته قالج( شو تقصدين )، واذا عصبتي( يضحك عليج،) واذا قلتي مشاكلج ، (يقولج انا بروحي عندي مشاكلي مو ناقص عوارراس ، روحي كلي بندول ورح تنسين ، روحي نامي ،) واذا قلتي انت مشغول يرد عليج( اذا مشغول شفتني اتكلم معاج، )



المشغول

هذا واحد واثق من نفسه انه حلو او بالعماله مسوي نفسه مشغول علشان البنت بسرعه ترقمه وتقول لا والله هذا بزنس ، تلقين عنده كثيررررررر من البنات ، كذا همالنج، بس ارسلي له صورتج ، شوفي كيف رح يتغير من مشغول الى واحد فاظي مهرج يتوسل اليج ، واذا قلتي انت مشغول؟! يقولك كنت يا عمري مشغول دلحين خلاص انطردت بسبتج اول ما شفت شكل القمر نسيت امي وابوي وكل طوايف اهلي ، وحتى اذا سبيتي اهله تلقينه عادي كانه ما سمع شئ ، المهم يلقى منج كم من كلمه حلوه تدغدغ مشاعره وينطر منج كم من لقمه تحطين في بوزه، تقولين كلب جوعان.


العاقل

تشوفينه ينصحج واذا غلطتي يقولج يا حيوانه انتي مهب متربيه مهب مؤدبه)،هعهعهعه،( لا تكلمين الرجال مهب زين على صحتج،عههعه،عيمي، خافي ربج يا بنت )، طيب يا اخي ليه داخل الشات الله العالم ، وليه استقبلت الايميل بعد الله العالم، لا يمكن علشان ينصح بنات ويحذرهم من الشباب هعهعهع، لدرجه تشكين فيه يمكن بنت الي تكلمج هعههعه، ولا يمكن خبيث ومكار وخطير ومسوي نفسه فاعل خير هععه.


لاتزعل ههههههههههههههههههههه

هههههه حلووة والله منك ياعروق الياسامين انا كنت بجيبها بس انتي سبقتيني ههههههه

هع هع هع هع هع


الهبلــة

هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. يقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.



>>>>>>>>>> ما قلت إلا الحقيقه واعرف احد بنفس هذي الصفااااات هع

الفارسي يسلموو ع المرور اخووي منوور الصفحه بطلتك الحلووهـ

هههه

بس أكيد حنا مو منهم صح


مودتي..

ههههههههههههههههههههههههه

يسلمووووو ع الموضوع