السلام عليكم ورحمة الله وبركاته


شخباااااااركم شباب وشابات احلا منتدى §¤°~®~°¤§ منتدى السعوووودي §¤°~®~°¤§


وصلني هذا بالايميل وان شاء الله تعترفون عاد خخخخ ...


أي نوع من الأطفال كنت ؟؟؟ اعترف ...


لما كنا صغار كانت الدنيا علوم ، لكن لما كنت صغير أي نوع من الأطفال كنت ..



الطفل البريء

في البيت تلاقيه حبوب وطبيعي 100 % ، لكن مع دخوله المدرسة تنمحي شخصيته ، فتكثر الإصابات في وجهه .. لأنه مايدافع عن نفسه ...>> يا حليلي اغمض ...



الطفل العنيد

يطبق نظام البيت بالعكس ، يسوي اللي برأسه ، مايخاف من الماما أو البابا ، لو قلت له هذا خطر لا تقربه عناد فيك يسويه ، ياكثر مايضرب في طفولته ، ومع ذلك عنيد مايغير راية ...



الطفل الحنّـان

يستخدم وسيلة الحنة لتلبية رغباته ، له نغمه خاصة في البيت ، تلبى رغباته غصب عنك ، يعانون أهله من الصداع المستمر ...



الطفل المادي

هذا الطفل مايرد السلام إلا بفلوس ، تعامله مع أهل البيت مادي بحت ، يستخدمونه لتوصيل طلبات المنزل ، ونقل السوالف وكل شي بحسابه ...



الطفل الفتّــان

تلاقي عند هذا النوع جميع أخبار البيت ، يلاقي المتعة في إذلال غيره بالفتنة عليه ، ماله خاتمه ، هذا الطفل حتى لو شريت سكوته بفلوس ، توقع تلقى أخبارك ثاني يوم في الصفحة الرئيسية في الجريدة الرسمية ...



الطفل الدلوع

هذا دلوع ماما وبابا ، يكرهونه باقي الأطفال لأنه مرفه وشايف نفسه عليهم ، تلبى رغباته قبل ليطلبها ، شخصيته اتكاليه جداً ...



الطفل العله

يزعجك بأسئلته إلي ماتنتهي ، يستفسر من كل شي ، حتى لو عطست ، قالك شلون عطست ، وليش عطست ، وشلون تكونت العطسه ، يحرجك أحياناً ، ويمكن دائماً بأسئلته مره تجاوب عليه ومره تسفهه ، وأكثر الأوقات ماتلقي إجابة لأسئلته لأنك في الحقيقة تجهلها ...



الطفل الداج

هذا الطفل مستحيل يجلس في البيت ، يعيش في الشارع أكثر من بيته ، خبره ودليل في كل ممر وطريق ، يعرف طول الشارع بالسنتيمتر ، من الممكن أن يصبح إذا كبر مهندس طرق ...>> عيال فريجنا كلهم جذي ...خخخخخ...



الطفل الملسون

يستانسون أهله على سوالفه ، فصيح جداً ، ويلقط العبارات والمفردات بسرعة مذهله ، يسبب إحراج دائم لأهله ، يمكن يقول كلمة بالغلط للضيوف أو الأقارب ، يتميز أحياناً بقلة الذوق والوقاحة إذا انفعل ، لاينصح باستفزازه أبداً ...



الطفل اللزقه

تلقاه مسنتر عند باب البيت ، محد يطلع إلا وهو لأزق معاه ، حتى الضيوف من الممكن تلقاه يلزق فيهم ويطلع معاهم ، ياكثر ماينضرب وخاصه من أخوانه اللي اكبر منه أو أخواته ، لأنه عبارة عن رادار على طلعاتهم ، أحياناً يضطرون يطلعون من شباك البيت للهروب منه ، ولكن للأسف يلاقونه بانتظارهم في السيارة ..ويسألهم ليش تأخروا عليّ ...>> حلوه هاي عيبتني هههههه ...



الطفل الهادي

هذا الطفل ماله صوت ابد ، وين ماتحطه تلقاه ، أحياناً يهملونه أهله لأنهم ناسينه ، وأحياناً يلقى اهتمام زائد من أهله ، لو يموت من الجوع ماتكلم ، في كثير من الأحيان تلقى أهله ناسينه بالسوق أو عند الأقارب أثناء الزيارات ... >> فديته غمضني ...



الطفل القوي

أهله دائماً في إحراج ومشاكل مع الناس ، هرمون الأجرام مرتفع بنسبة عالية في جسمه ، في كل جبهة طفل في منطقتهم تلقى له أثر وتوقيع ، يمثل القائد والفتوه ، يهابونه الأطفال ، يتقرب منه الكبار ويتوددون له حفاظاً على سلامة أطفالهم .


تحياتي لكم،،

الطفل المادي

هذا الطفل مايرد السلام إلا بفلوس ، تعامله مع أهل البيت مادي بحت ، يستخدمونه لتوصيل طلبات المنزل ، ونقل السوالف وكل شي بحسابه ...
انا زي كده با التمام خخخخخخ
الييين دحين
الف شكر على الموضوع الناااااايس

الطفل العنيد

يطبق نظام البيت بالعكس ، يسوي اللي برأسه ، مايخاف من الماما أو البابا ، لو قلت له هذا خطر لا تقربه عناد فيك يسويه ، ياكثر مايضرب في طفولته ، ومع ذلك عنيد مايغير راية ...

يسلمووو,,ياالغلا,,

الطفل الهادي

هذا الطفل ماله صوت ابد ، وين ماتحطه تلقاه ، أحياناً يهملونه أهله لأنهم ناسينه ، وأحياناً يلقى اهتمام زائد من أهله ، لو يموت من الجوع ماتكلم ، في كثير من الأحيان تلقى أهله ناسينه بالسوق أو عند الأقارب أثناء الزيارات ... >> فديته غمضني

*****************

هههههههههههه

يسلموووووو ع الموضوع الحلووووو

هههههههه

انا كوكتيل بس حبووووبة

يسلمووو ع الموضوع الحلو.. والنك تبعك ليه كذا غير شكل

هههههههه

تسلمين فديتج ع الموضوع

اانا كل شىء ... بس دلوووعه لا ...

لاني اكرره هالصفه ...