يعني من قل المصايب صاب هذا الصدر ضيق
ولا يعني من الحظوظ الزينه ورفع المكانه


ذي حياتي من مضيق في مضيق في مضيق
ولو بحثت الصبر فيني مااجد للصبر خانه


عادتي لاضقت ادور "حضن وعيون" الرفيق
مشكله لاصار ضيقي منه واحزاني عشانه


يوم قال "اسمح لي بارجع" وانت كمل هالطريق
لازم تقدر وتنسى وننتهي كل وشانه


قلت صبرك يرحم الله والدينك مااطيق
ماني ناقص فوق جرح اقدارنا جرح الخيانه


حاجتي لك حاجة الايتام ويدين الغريق
طالبك طلبه تراني اعشقك "صون الامانه"


وراح ماكنه سمعني والتفت لفتة طليق
وقال اخيرا مابغينا ثم غنى ليل دانه


عندها ادركت فعلا قيمة الحب العتيق
وقلت هذي آخرتها ماتجاوزت امتحانه


ضيق صدر وجرح قلب ودمع عين ونشف ريق
هذا كل اللي جناه الشاطر بآخر زمانه


مدري كن الحزن فيني شاف له نعم الصديق
مدري يمكن كنت فعلا كفو للحزن وتكانه


والفرح كالثوب لكن لبسته لي ماتليق
دام لبسه لاي خاسر ماوراه الا الإهانه


آآه ياحزني ترفق صاحبك جرحه عميق
اشهد انك يارفيق العمر طيحت الميانه


مثلي مثل اللي يراهن كل خلق الله بعشيق
والبلا راهن ويدري خاسر عشقه ورهانه


ويعني من قل الخساير صاب ذاك الشاب ضيق
يكفي لاهالوقت وقته..ولامكانه هو مكانه..




تحياتي

دق التحية قدامك شرقاويــــــــة

ابياااااااااااااااااات رائعة صح لسانك وصح كلك

يسلموووووو والله

ويعطيك العافية

تحياتي وتقديري

يعطيكم الف عافية يالغالين

دق التحيه قدامك شرقاويه

مهما اتكلم واقول مبدعه فانتي تستحقين اكبر من كلمه ( مبدعه )

ماقول غير ياعسى قلمك ينور صفحات المنتدى ولا يجف من المواهب الجياشه


تحياتي ^_*

والفرح كالثوب لكن لبسته لي ماتليق
دام لبسه لاي خاسر ماوراه الا الإهانه


صح لسانك

ابيات في قمه الرووعه شرقااويه

مرورك الابداااااااااااااع يالغالي


يعطيكم الف عافية