● { الــصــــورهـ } ●
اذا بغيت اشوف اخر ماتوصله القصيد
اطلع الدفتر واناظر صورته واصوره
واذا بغيت اكتب قصيده ارمي الصوره بعيد
اخاف لاشفته وشفت البيت جنبه احقره
ازيد ويزيد وازيد وكل مازدته يزيد
لين اشوف ان كل شعري مالمس منه شعره
اقوله يكفي خلاص يقول لي هل من مزيد
اقولها له اشكره ويقولها لي اشكره
اشقق الصفحه من الااحباط وابدأ من جديد
واناظر بوجهه واقول العفو عند المقدره
اعزم واروح له يعني على بالي شديد
واروح له مادام ماعندي ولا شيء اخسره
من دون معرفته احس الحب شيك بلا رصيد
وان حبني عز الله فداه السهر والمشوره
اللي لامنه حضر يلين الراس العنيد
واللي لامنه طلع للناس يعمل شوشره
اذا سرح كأنه يخطط على شيء بعيد
وان ناظرك كأنه يدلك طريق المقبره
اذا تواضع كنه يقهويك من حبل الوريد
وان شاف نفسه كن كل الارض في يده كره
ان قال كلمه قالها مره ولايمكن يعيد
ماهوب راعي فلسفه ولايداني الثرثره
من خف دمه كنه يعاني بنقص في الحديد
كنه يقضي 24 ساعه غشمره
ان ضحكك بين على ملامحك انك سعيد
كنه بيده فاتح فمك ولاهو مسكره
المشكله يدري بأني كان لي قلب بليد
لأنه مخطط كل شي بداخلي بالمسطره
والمشكله يدري بأن حبه بوسط قلبي وحيد
بس المصيبه لاهو مقره ولا مستنكره
ان لمح ان حبه صعب بلمح انه حبي اكيد
وان قالها لي اشكره باقولها له اشكره
منقول للشاعر نواف الدبل
08-05-2008, 05:26 PM
● { الــصــــورهـ } ● 
العرض العادي
