مقالب للشباب تعالوا يابنات لاتفوتكم
--------------------------------------------------------------------------------
مقالب للشباب تعالوا يا بنات
خاص جدا جدا جدا للبنات فقط
مهم جدا جدا جدا جدا للبنات فقط
مرحبا بنات
كم وحده منكم اتقول حق احد من اخوانها ايوديها السوق وما ايطيع ايودييها
هاذي فرصتكم يابنات .......... اتبعوا الشروط واشكروني===> ياويلي من الشباب صدق بييني طق منهم
المهم
اذا طلبتي من اخوج انه يوديج السوق ورفض لانه بيطلع مع ربعه ....لا تزعلين وقولي له جزاك الله خير ...روحي غرفتج والهي نفسج باي شي ( الموضوع مارح يعدي بالساهل ... اليك الانتقام ....اختاري اي وسيله للانتقام من الوسائل الاتية:-
1.روحي لمزيل العرق مال اخوج قبل مايسبح وافتحي الغطا وحطي فيه اسيتون مزيل المناكير وعصير ليمون .....ورديه مكانه...هذا ويهي اذا قدر ينزل يده ويمشي طبيعي ===> انتبهوا شباب قبل ما اتحطون خخخخخخخ
2.روحي للنعال ( الله يعزكم ) اللي يكشخ ابها اخوج دايما واكلي علوج قوطي كامله طلعيها من فمك وحطيها في النعال من تحت ومن داخل....الخبث على اصول
3.روحي للقلم الماركره اللي يلبسه اخوج مع الثوب وطلعي الحديده اللي داخل وغطيسيها في الحبر ورديها مكانها ...لما ترجعين القلم لمكانه خليه مفتوح ..يعني جاهز للكتابه....وطبعا اخوك راح يكون مستعجل وماينتبه له .وعلى طول في المخبا شنو راح ايصير اكيد..بينزل الحبر على الثوب اليديد ....والله قمه القهر
4.خذي المشط وغطسيه في الحنا او في ماي مخلوط ببيضه نيه ....لا تخلين المشط مبلل ...لا خليه جاف بس ..اخوك طبعا بيطلع من الحمام ( الله يعزكم ) ويمشط شعره وهو مبلول كالعاده ...شوفي الريحه اللي بتطلع ....كمحاوله للمساعده لاظهار حسن النيه اعرضي عليه انك تتبرعين له بمشطج ... سدي خشمج . الله ايعينكم هههههههههههههههههههههههههههههههههههههه..
5.خذي الموبايل وخلصي الجارج يعني العبي فيه لين يخلص ..واذا يبي يطلع من البيت قولي له تلفونك ما في جارج ...خذ جارجي.....كرم اخلا ق من جد===> ولا كأنج مسويه شي
6.خذي مفتاح سيارته وخشيه ...واذا سال عنه قولي له انج شفتيه مع اصغر طفل في العايله وياريت يكون عمره سنه او سنه ونصف ...طبعا مايقدر يزعل منه ولا يطقه على العكس بيتحايل عليه ويحاول يوصله له المعلومه باي طريقه ...وانتي اضحكي عليه بس لا يشوفج ...قومي دوري المفتاح معاه لاتفرحين بانتصارج جدامه مو وقته ...في النهايه بيتصل لربعه علشان يمرون عليه ... وعقب ما يروح وعطيه ووقت علشان يباعد عن المكان اتصلي فيه وقوليله ان المفتاح لقيتيه شوفو القهر اللي بيصيده
7. قبل ما يطلع من البيت خذي مفتاح غرفته بعد ما يقفلها ....حاولي تحصلين على المفتاح ضروري ...اذا رجع من
السهره طبعا يبي يرقد ... بيدور على المفتاح في الميداليه مابيلقاه ... اكيد بيتوقع انه ناسيه او مضيعه برع
....طبعا ماله مكان يرقد فيه الا في الصاله .....روحي وقوليله له ارقد في غرفتي انا مافيني رقاد .....قمه في الكرم والاخلاق .....هنيه صج كسرتي خاطره ...وضميره اكيد بيصحى ...ممكن مايبين لج لكن ثاني يوم بييج على طول وبيقولج أي سوق تبين اتروحين.
************************************************** *********************************
اما
اذا كان مايبي ايوديج علشان يبي يرقد ......اليك الحلول :===> أي حلول
1.روحي لكيبل الكهربه وصكيها عن البيت كله .....واركضي عنده وقوليله في ريحه ماس وانا صكيت الكهربه
هنا ممكن يكمل نومه في الحر ..( عادي المهم انه آخر شي يطفر)
او يروح ييب كهربائي وياريت يكون هندي ...طبعا اي رقاد اللي رح ييه بعد القعده مع هندي .....اول مايخلص الحقيه بكوب نسكافيه او ماء او عصير .....ماراح يعترض ...خليه وروحي عنه ... بييج على طول وعيونه اربع اربع ويقولج اي سوق تبين تروحين له .... ===> طبعا راح الرقاد الحين
2.يبي اليهال اللي في البيت والفريج كلهم وخليهم يلعبون عند غرفته واعطيهم العاب مب أي العاب الالعاب اللي لها صوت ....وروحي قعدي يدتج عند التلفزيون وطولي على الصوت علشان تسمع ....وياريت يكون البرنامج مضارب الباديه او مصارعه عشان الصوت بيكون اعلى جذيه .........وشوفي النتيجه
************************************************** **********************************
اذا كان مايبي ايطلعج علشان يبي ايشوف مباره او اي شي ...
1.اطلعي انتي والشغاله السطح وخذي وياج سكروب ..روحي للددش وفكي المسمار اللي ايثبته وحركي الصحن .....وصوتي على الخدامه تنظف تحته وانتي شردي ....طبعا اذا طلع اخوج بيشوف الشغاله عند الدش ....انتي مالك دخل بس يوديه علشان لا يكفخ هذي المسكينه اللي مالها شغل وعقب اتسممج مالي شغل .......
************************************************** ******************************
حلول على الماشي يعني ثقاله دم وبس مالها سبب:
1. خذي تلفونه والعبي فيه المهم حسسيه ان في احد مسكه وقرا الرسايل ...( اقول لا تقرين الرسايل عيب احترمي خصوصيته ) ..اهنيه بيركبه 100 يني ..اذا سالج قولي له انج شفتي تلفونه مع ابوج او امج.
2.اذا شفتيه قاعد على النت يلسي وياه ......واذا كان يطالع فلم يلسي وياه .....صدقييني بيخليلج الغرفه بكبرها حقج ....
-3.اذا ركبتي سيارته مع العايله اركبي ورا وكتي غرشت ماي كامله بس لايدري عنج ....صدقيني مارح يركب سيارته الا بعد اسبوع ..
4.اذا ركبتي السياره بوقي كاسيت واحد بس في كل مره علشان مايحس فيج ...
5. كل مايشتري شي جديد وياخذ رايك عيبي عليه وقوليله مب حلو ....مطلعك كريه ...امتتننك وايد ....اللونين ما ايناسبون على بعض ...النظاره مطلعتنك كانك يراده ...
6. كل ماتشوفينه اوهميه ان وزنه زاد او نقص ( على حسب شوفي اخوك وش عقدته )....
تحذير هام==========> عشر اخطوط تحتها هذا التحذير :
مهما بلغت درجه الصفاء بينج وبين اخوج في يوم من الايام لا تبلغينه بخططج مهما صار
والله اذا سوالكم شئ انه مالي شغل بـــــــــــــــــــس اذا في وحده حبت اتجرب خلها اتقولي على النتايج
هههههههههههههههههههههههههههههههههههههههههههههههههه ههههههههههههههههههههه
01-23-2006, 01:30 PM
صبايا تعالوا مقالب للشباب على كيف كيفج 
المواضيع المتشابهه 
العرض العادي
