حبيت انقل لكم اليوم قصيدة نعومه أعجبتني

وفيها حنان الأب على بنته وحبه لها




يابنـت يكفـي دخيلـك لاتبوسينـي
خلاص يكفي تـرى مليـت مشكـورة
وش لك بخدي يابنت النـاس فكينـي
عندي طريقة وهي ماهيب محظـورة

نامي على صدر ابوك وحيل ضمينـي
لو تصبح عظام صدري منك مكسورة
انتي أساساً مكانـك فـي شرايينـي
مشاركـة بالمحبـة والغـلا "نـورة"

ولاهي غريبة علـى مثلـك تحبينـي
لاني أحبـك وانـادي دوم عصفـورة
يابلسم جروح ابوك وفرحـة سنينـي
يامن لها بالضلوع وخافقـي صـورة

أهديت غيرك كلام رويشـد "اعفينـي"
وانتـي لـك بذمتـي "درة وبلـورة"
اموت في ضحكتك وانتـي ذبحتينـي
بلشة .. عنيدة .. وكتكوتة . وشطورة

أن جيت اريّح وانـام الليـل توذينـي
متسلطنة تضرب الجـدران بالكـورة
تلعب على عينـي الكـورة تورينـي
والله ولا سامـي الجابـر وجمهـورة


واليا بكت تنقلـب عنـدي موازينـي
دنياي من دمعها وأن سـال مذعـورة
كـن الـزلازل بصـدري والبراكينـي
قامت تفجر وكـن الـروح مخطـورة


واليا ضحكت قلت أنا بالسوق بيعيني
لو كان سعري ثلاث ريـال معـذورة
والله ما أحسد على ضحكك سلاطينـي
اموالهم في بنوك جنيـف محشـورة

انتي حياتي وعمري شمعـة سنينـي
ودي اشوفـك اليـا شيّبـت دكتـورة
ادواي لاجيت لك تعبـاااان ضمينـي
الوصفة اللي تـرد الـروح "عبـورة"



يارب تكون اعجبتكمـ


تحياتي
دق التحية قدامك شرقاويــــــــــة

وكل فتاةٍ بأبيها مغرموا


صح لسانك عزيزتي وسلم بنانك على طرح القصيدة الجميلة بمعانيها الرائعه



لاخلا ولا عدم

عطوني فرصه أدق التحيـهـ لمبدعهـ والمتميزهـ بالمواضيع الشيقـهـ لقراءه


عزيزتي يسلمووو على النقـل سلمت يداكـ واختياركـ لموضوع


ماقدر اقول غير دومـأ بالامام يالغلا

بالاخير تقبلي مروري

دخــتـــ الحب ــور ...

ههههههههههه

يعطيكم الف عافية يالغلين

وانا يادختور الحب

انحني لك احتراما على الردود الاكثر من رائعــــــــــــة